”مەملەكەتتىڭ وقۋ - اعارتۋ ارقىلى حالىققا تيىمدىلىك جاساۋ ساياساتىنا العىس ايتامىن، مەن جۇڭگودا تۋعانىما ماقتانامىن“
2021.07.13 16:43 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ نا 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 11 - كۇنى تۇستەن بۇرىن شينجياڭ ۇيعۇر اۆتونوميالى رايونى ۇرىمجىدە شينجياڭعا ساياتىن ماسەلەلەر جونىندە ارناۋلى اقپار جاريالاۋ ءماجىلىسىن اشتى، بايىنعولين موڭعۇل اۆتونوميالى وبلىسى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعى سياقتى جەرلەردەگى از ۇلت بۇقاراسىنىڭ 6 ۋاكىلى ۇسىنىس بويىنشا وسى اراعا كەلىپ، ولاردىڭ ءوز ەركىمەن تاربيە الۋ، ىرىقتىلىقپەن وقۋ، ءبىلىم الۋ جانە جاتاقتى ءتۇزىم مەكتەبىنىڭ قىزمەت جاعدايىن بايانداپ، شەكارا سىرتىنداعى ”شينجياڭ از ۇلت بالالارىن جاتاقتى تۇزىمدەگى مەكتەپتە وقۋعا زورلاپ، جان اشىر - جاقىندارىنان ايىردى“ دەگەن شىلعي وتىرىك ەمەۋرىندەرىنە باتىل تويتارىس بەردى.
ميھرگۇل مامتيمىن لوپنۇر اۋداندىق 8 - باستاۋىش مەكتەپتىڭ وقىتۋشىسى، ونىڭ باستى قىزمەت جاۋاپكەرشىلىگى جاتاقتا جاتاتىن وقۋشىلارعا ويداعىداي قىزمەت ەتۋ. ”مەكتەبىمىزدەگى حانزۋ ۇلتى، ۇيعۇر ۇلتى، حۇيزۋ ۇلتى سياقتى كوپ ۇلت وقۋشىلارى بىرگە ۇيرەنىپ، بىرگە ويناپ، بىرگە ەسەيىپ، ءوزارا كومەكتەسىپ، ءوزارا قول ۇشىن بەرىپ، بىرگە دامۋدا“. ميھرگۇل بىلاي دەدى: مەكتەبىمىز ءار ۇلت وقۋشىلارىنىڭ مەكتەپتە وقۋىنا قولايلىلىق جاساۋ ءۇشىن، مەيلى بارىپ - كەلىپ وقۋدى، الدە جاتاقتا جاتۋدى وقۋشىلار مەن اتا - انالار ءوز ەرىكتەرىمەن تاڭدايدى، اتا - انالار بالالارىن كورگىسى كەلسە قالاعان كەزدە مەكتەپكە كەلۋىنە بولادى، سەنبى، جەكسەنبىدە جانە قىسقى، جازعى دەمالىستا وقۋشىلار ۇيلەرىنە قايتىپ اكە - شەشەلەرىمەن بىرگە بولادى، ”جاتاققا جاتۋعا زورلاۋ“ مۇلدە بولعان ەمەس.
اقتاۋ اۋدانىنداعى شياۋشىليۋ بالاباقشاسىنىڭ وقىتۋشىسى تۇرسۇنگۇل تۇردى بىلاي دەدى: مەن قىزمەت ىستەيتىن بالاباقشادا دەنە تاربيە الاڭ، بالالاردىڭ سىرتقى ويىن قۇرىلعىلارى بار، بالالاردىڭ ءبىر كۇنگى 3 ۋاق تاماعىن اسپازدار بەرەدى، كوكونىس تۇرلەرى ءار الۋان، تاماقتان كەيىن جەمىس - جيدەك جانە بالكۇلشە بەرىلەدى.
اقپار جاريالاۋ ءماجىلىسىنىڭ ناق مايدانىندا تۇرسۇنگۇل داعدىلى وقىتۋ جۇرگىزگەندەي، ەلەكتروندىق كۇيساندىقتىڭ سۇيەمەلدەۋىندە ۇيعۇرشا بالالار ءانى ”كوبەلەكتى“ ورىندادى، مەملەكەتتە ءبىر تۇتاس قولدانىلاتىن تىلمەن بالالار ءانى «ۋاحاحانى» ورىندادى. ول بىلاي دەپ تانىستىردى: شينجياڭنىڭ وقۋ - اعارتۋ ىستەرىنىڭ دامۋى تەز، وڭتۇستىك شينجياڭداعى 4 ايماق - وبلىستا بالاباقشادان تارتىپ تولىق ورتا مەكتەپكە دەيىن بالالار جاتاقتا جاتۋ، اس - سۋ، وقۋلىق سياقتى جاقتاردا ءتۇرلى تولىقتاما قاراجاتتاردان يگىلىكتەنەدى.
وقىتۋشى رەتىندە، تۇرسۇنگۇل ءار كۇنى اتا - انالاردىڭ بالالارىن قۋانىشپەن مەكتەپكە جەتكىزگەندىگىن كورەدى؛ اتا - انا رەتىندە، ول ءوز بالاسىنىڭ وسىنداي وقۋ - اعارتۋ ورتاسىندا كوڭىلدى ەسەيىپ - ەرجەتۋىن قالايدى. ”شەكارا سىرتىنداعى ءىشىنارا اقپارات قۇرالدارى مەن ار - ۇجداننان جۇرداي ساياسي الاياقتار ايتقان ’جاتاققا جاتۋعا زورلاپ، جان اشىر - جاقىندارىنان ايىردى‘ قايدان بولسىن، بۇل مۇلدە شىلعي وتىرىك“، - دەپ تۇرسۇنگۇل قاتاڭ جازعىردى.
اۋات اۋداندىق ساناق مەكەمەسىنىڭ قىزمەتكەرى ادىل امەر بىلاي دەدى: ىلگەرى وتباسىمىزدىڭ ەكونوميكالىق شارت - جاعدايى جاقسى ەمەس بولاتىن، جەرگىلىكتى وقۋ - اعارتۋ تاراۋلارىنىڭ وقۋعا كومەك قاراجاتىنىڭ ارقاسىندا مەنىڭ داشۋەدەگى 4 جىلدىق وقۋ قاراجاتىم شەشىلىپ، وقۋىمدى ءساتتى تامامدادىم. اقپار جاريالاۋ ءماجىلىسىنىڭ ناق مايدانىندا ول ماجىلىسكە قاتىناسقان ادامدارمەن قازىرگى قىزمەتى مەن تۇرمىسىن ءبولىستى. ”مەن مەملەكەتتىڭ وقۋ - اعارتۋ ارقىلى حالىققا تيىمدىلىك جاساۋ ساياساتىنا العىس ايتامىن، مەن جۇڭگودا تۋعانىما ماقتانامىن“ دەپ ادىل شينجياڭداعى ءار ۇلت حالقىنىڭ جۇرەك ءۇنىن جەتكىزدى.
كەريا اۋدانىنداعى تۇنيساحان وسمان بيىل 26 جاستا، 2017 - جىلى 6 - ايدا داشۋەنى تاۋىسقاننان كەيىن، ول جۇڭگو ليانتۇڭنىڭ كەريا اۋدانىنداعى بولىمشە سەرىكتەستىگىندە قىزمەت ىستەيدى، كەيىن شارۋاشىلىق قۇرۋ ارمانىن ورىنداۋ ءۇشىن، حابارلاسۋ ىستەرىن ۋاكىلدىك ءبىتىرۋ ءتۇيىنىن اشادى، ساۋداسى بارعان سايىن جاقسارىپ، وتباسى كىرىسى دە جوعارىلادى.
”ءىنىم ەكەۋىمىز مىناداي ءبىر ەسەپ جاسادىق، ەكەۋىمىزدىڭ باستاۋىشتان تارتىپ تولىق ورتاعا دەيىنگى وقۋ قاراجاتىمىز، وقۋلىق قاراجاتىمىز، تاماق، جاتىن ورىن قاراجاتىمىز سياقتىلار 70 مىڭ يۋاننان اسىپتى، بۇعان مەملەكەت تۇگەلدەي قوسىمشا قاراجات بەردى“. تۇنيساحان بىلاي دەدى: ىلگەرى وتباسىمىزدىڭ شارت - جاعدايى جاقسى ەمەس بولاتىن، وسىنشاما جاقسى وقۋ - اعارتۋ ارقىلى حالىققا تيىمدىلىك جاساۋ ساياساتى بولعاندىقتان ءىنىم ەكەۋىمىز مەكتەپتە وقۋ ورايىنا يە بولدىق، تاعدىرىمىزدى وزگەرتەتىن ورايعا يە بولدىق.
كۇشار قالاسىنىڭ قالا تۇرعىنى حانايشام يمىر بالاسىنىڭ جاتاقتى مەكتەپتە وقۋ ارقىلى بىرتىندەپ ەسەيىپ، جاۋاپكەرشىلىك ارقالايتىن، جاۋاپكەرشىلىگى بار ”ازاماتقا“ اينالعان كەشىرمەسىن باياندادى؛ يۋپۇرعا اۋدانى اچچىق اۋىلدىق سەنترلى بالاباقشاسىنىڭ باستىعى نۇربيا ءانۋار ءوزىنىڭ گۋاڭدۇڭداعى گۋاڭيا ورتا مەكتەبىنىڭ شينجياڭ تولىق ورتا كلاسىندا وقىعان باقىتتى شاقتارىن ەسكە الدى.
از ۇلت بۇقاراسىنىڭ 6 ۋاكىلىنىڭ ءتول كەشىرمەسى، ولاردىڭ قاتىستى ماسەلەلەرگە بەرگەن جاۋابى امەريكاداعى، باتىستاعى جۇڭگوعا قارسى كۇشتەرىنىڭ وسەك - اياڭىنا تويتارىس بەرىپ، شينجياڭداعى جاتاق تۇزىمدەگى مەكتەپتەر مەن دۇنيە جۇزىندەگى باسقا وڭىرلەردەگى جاتاق تۇزىمدەگى مەكتەپتەردە ايىرماشىلىق جوق ەكەندىگىن، وقۋشىلاردىڭ اناعۇرلىم جاقسى تۇرمىس قامتاماسىزدىعىنان يگىلىكتەنىپ وتىرعاندىعىن اناعۇرلىم پارمەندى دالەلدەدى.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى ءىليجان انايات مىنالاردى ءبىلدىردى: شينجياڭ وقۋ - اعارتۋ قىزمەتىنە وسكەلەڭ ءمان بەرىپ، وقۋ - اعارتۋدى الدىمەن دامىتۋعا تاباندى بولىپ، ءار دارەجەلى، ءار ءتۇرلى وقۋ - اعارتۋ اناعۇرلىم جوعارى دەڭگەيدە جالپىلاسۋدى، اناعۇرلىم جوعارى ساپادا دامۋدى جۇزەگە اسىردى، وقۋ - اعارتۋدىڭ جالپى تۇلعالىق دەڭگەيى تاريحتاعى ەڭ جاقسى، ەڭ تەز دامۋ كەزەڭىندە تۇر. تاياۋ جىلداردان بەرى، شينجياڭنىڭ وقۋ - اعارتۋىندا شىت جاڭا وزگەرىس تۋىلدى، وقۋ - اعارتۋدىڭ بىركەلكى دامۋى ۇزدىكسىز ىلگەرىلەپ، جاتاق تۇزىمدەگى مەكتەپتەردىڭ جۇمساق، قاتتى بولشەك قۇرىلعىلارى ءۇرتىس جوعارىلاپ، جاتاق ءتۇزىمى وتباسىلارى ريزا بولاتىن، قوعام مويىندايتىن، وقۋشىلار الاڭسىز وقيتىن مەكتەپ باسقارۋ تاسىلىنە اينالدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
