شي جينپيڭ ۋكراينانىڭ زۇڭتۇڭى زەليانسكيمەن تەلەفوندا سويلەستى
2021.07.14 16:22 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 13 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 13 - كۇنى كەشتە ۋادە بويىنشا ۋكراينانىڭ زۇڭتۇڭى زەليانسكيمەن تەلەفوندا سويلەستى.
شي جينپيڭ بىلاي دەپ دارىپتەدى: جۇڭگو مەن ۋكراينا ستراتەگيالىق سەرىكتەستىك قاتىناس ورناتقان 10 جىلدان بەرى ەكى ەل قاتىناسى اقاۋسىز، ورنىقتى دامۋ جاعدايىن ساقتاپ، ءار سالاداعى سەلبەستىكتە بەلسەندى تابىستارعا قول جەتكىزىپ، ەكى ەل حالىقتارىنا ناقتى پايدا جەتكىزدى. بىلتىردان بەرى ەكى جاق جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتانىپ، ۆاكسينا سياقتى جاقتاردا سەلبەستىك ورىستەتىپ، ەكى ەل حالىقتارىنىڭ دوستىعىن تەرەڭدەتتى. جۇڭگو ۋكراينامەن بىرگە ءداستۇرلى دوستىقتى ساۋلەلەندىرىپ، ءوزارا ءتۇسىنىسۋدى تەرەڭدەتىپ، ناقتى سەلبەستىكتى كۇشەيتىپ، كەلەر جىلى ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، جۇڭگو مەن ۋكراينانىڭ قاتىناسىن بەلسەنە ىلگەرىلەتىپ، ەكى ەلدىڭ وزدەرىنىڭ دامۋ نىساناسىن اناعۇرلىم ويداعىداي جۇزەگە اسىرۋىنا دەم بەرۋدى قالايدى.
شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە قايتالانۋدا، حالىقارالىق قوعام ىنتىماقتاسىپ سەلبەسكەندە عانا، ادامزات ورتاق ءدوپ كەلىپ وتىرعان ۆيرۋسقا قارسى جاپالى كۇرەستى ويداعىداي جۇرگىزە الادى. جۇڭگو ۋكراينامەن ۆاكسينا، جۇڭگوشا شيپاگەرلىك، ءدارى - دارمەك سالاسىنداعى سەلبەستىكتى ۇزدىكسىز كۇشەيتىپ، ۋكراينانىڭ ىندەتتى جەڭۋىنە دەم بەرۋدى قالايدى. ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرۋدى وراي ەتىپ، نەگىزدىك قۇرىلعى، جۇڭگو - ەۆروپا كەزەكشى پويەزى سياقتى نىساندار سەلبەستىگىن ىلگەرىلەتىپ، اۋىل شارۋاشىلىق ونىمدەرى سەلبەستىگىن كۇشەيتىپ، گۋمانيتارلىق اۋىس - كۇيىس پەن سەلبەستىكتى كەڭەيتۋى كەرەك.
زەليانسكي مىنانى ءبىلدىردى: جۇڭگو جۇڭگو كوممۋنيستىك پارتياسىنىڭ 100 جىلدىق مەرەي تويىن جاڭا عانا سالتاناتپەن قۇتتىقتادى، ۋكراينا مۇنى قۇتتىقتايدى، سونداي - اق جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، اناعۇرلىم كوپ ۇلى تابىستارعا قول جەتكىزۋىن تىلەيدى. جاڭا تيپتى ايدارشا ۆيرۋس وكپە قابىنۋى سىندى ىندەت جاعدايىندا جۇڭگو ۋكرايناعا دەر كەزىندە قاستەرلى كومەك كورسەتىپ، ۋكراينانىڭ ىندەتپەن كۇرەسۋىندە ماڭىزدى رول اتقاردى، ەكى جاقتىڭ ۆاكسينا، ءدارى - دارمەك سياقتى سالالارداعى سەلبەستىكتى كۇشەيتۋىن ءۇمىت ەتەمىن. ۋكراينا ۋكراينا مەن جۇڭگونىڭ اناعۇرلىم تىعىز ستراتەگيالىق سەرىكتەستىك قاتىناسىنا ايرىقشا ءمان بەرەدى ءارى ونى دامىتۋعا كۇش سالادى. ۋكراينا ءبىر جۇڭگو ساياساتىن باتىل اتقارادى، ەكى ەلدىڭ ستراتەگيالىق سەرىكتەستىك قاتىناس ورناتقانىنىڭ 10 جىلدىعىن جانە ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، جۇڭگومەن ءار سالاداعى اۋىس - كۇيىستى، سەلبەستىكتى ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
