شي جينپيڭ باربادوستىڭ زۇڭليى موتليمەن تەلەفوندا سويلەستى
2021.07.14 16:24 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 13 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 13 - كۇنى كەشتە باربادوستىڭ زۇڭليى موتليمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: باربادوس − جۇڭگونىڭ شىعىس كارايب رايونىنداعى ابزال دوسى، جاقسى سەرىگى. جۇڭگو مەن باربادوس ديپلوماتيالىق قاتىناس ورناتقان 44 جىلدان بەرى ەكى ەلدىڭ جوعارى جىكتەگىلەرىنىڭ بارىس - كەلىسى ۇزىلمەي جالعاسىپ، سەلبەستىگى ناتيجەلى بولدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن باربادوس ءبىر جاعادان باس، ءبىر جەڭنەن قول شىعارىپ، قيىنشىلىقتى بىرگە جەڭدى. قازىر ىندەت ءالى دە بۇكىل دۇنيە جۇزىندە تارالىپ وتىر، دوسىمىز كومەككە مۇقتاج بولسا، ءبىز كومەكتەسۋدەن جالتارمايمىز كەرەك. جۇڭگو باربادوسپەن ۆاكسينا، ەمدەۋ سياقتى سالالارداعى سەلبەستىكتى ۇزدىكسىز كۇشەيتىپ، باربادوستىڭ ىندەتتى ەرتەرەك جەڭۋىنە دەم بەرەدى.
شي جينپيڭ بىلاي دەپ دارىپتەدى: جۇڭگو مەن باربادوس حالىقتى وزەك ەتۋدە تاباندى بولۋدا. جۇڭگو باربادوسپەن ەل باسقارۋ تاجىريبەلەرىن اۋىستىرۋدى كۇشەيتىپ، نەگىزدىك قۇرىلعى سياقتى سالالارداعى ناقتى سەلبەستىكتى كەڭەيتىپ، جۇڭگو - باربادوس قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. جۇڭگو باربادوستىڭ ەكونوميكالىق، قوعامدىق دامۋىنا شاماسىنىڭ كەلىسىنشە ۇزدىكسىز كومەكتەسۋدى قالايدى. ەكى جاق حالىقارالىق ىستەردە سايكەسۋدى، سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. «ءبىر بەلدەۋ، ءبىر جول» باستاماسى اناعۇرلىم كوپ بىرگە دامۋ ورايىن جاراتتى، جۇڭگو باربادوس سياقتى كارايب وڭىرىندەگى ەلدەرمەن «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋدى قالايدى، باربادوستىڭ جۇڭگونىڭ كارايب ورتاق تۇلعاسىمەن سەلبەستىگىن جانە جۇڭگو - لاتىن امەريكاسى قاتىناسىنىڭ دامۋىن ىلگەرىلەتۋگە بەلسەندى ۇلەس قوسۋىن ءۇمىت ەتەمىن.
موتلي مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن شىن جۇرەكتەن قۇتتىقتايمىن. باس شۋجي شي جينپيڭنىڭ كورەگەندىگى مەن پارمەندى باسشىلىعىندا، جۇڭگو ءبىرىنشى 100 جىلدىق كۇرەس نىساناسىن ءساتتى جۇزەگە اسىرىپ، مۇلدەم كەدەيلىكتەن ارىلدى، جۇڭگو كوممۋنيستىك پارتياسىنىڭ باسشىلىعىندا، جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا، ءسوز جوق، اناعۇرلىم زور تابىستارعا قول جەتكىزەتىنىنە سەنەمىن ءارى سوعان تىلەكتەسپىن. باربادوس جاق جۇڭگو سياقتى دوسىنا قۋانادى، جۇڭگومەن ەكى جاقتى ناقتى سەلبەستىكتى جانە كوپ جاقتى بايلانىستى، سەلبەستىكتى كۇشەيتىپ، «ءبىر بەلدەۋ، ءبىر جولدى» بىرگە قۇرىپ، باربادوس - جۇڭگو قاتىناسىنىڭ جانە لاتىن امەريكاسى - جۇڭگو قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى. جۇڭگو جاقتىڭ باربادوستىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قاستەرلى كومەك كورسەتكەنىنە العىس ايتامىن، باربادوس ۆيرۋستىڭ قاينارىن ىزدەۋ ماسەلەسىن ساياسيلاندىرۋعا قارسى تۇرادى، جۇڭگونىڭ ۆاكسينانىڭ وركەندەپ كەلە جاتقان ەلدەرگە ءادىل ءبولىنۋىن ىلگەرىلەتۋگە بەلسەندى ۇلەس قوسقانىن القايدى، جۇڭگومەن ۆاكسينا سەلبەستىگىن كۇشەيتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
