بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

پارتيا مەن حالىق ءۇشىن اناعۇرلىم زور داڭق اپەرۋگە قۇلشىنايىق

− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

«حالىق گازەتىنىڭ» شولۋشىسى

2021.07.14 16:26     كەلۋ قاينارى : حالىق تورابى

  «بارلىق جۇڭگو كوممۋنيستىك پارتيا مۇشەلەرى! پارتيا ورتالىق كوميتەتى سىزدەردى اۋەلگى ماقساتتى، بورىشتى ەستە بەرىك ساقتاپ، مۇرات - سەنىمدى بەكەمدەپ، پارتيانىڭ باس ماقساتىن امالياتتا ايگىلەپ، حالىق بۇقاراسىمەن ەتەنە بايلانىستى ماڭگى ساقتاپ، قاي - قاشان دا حالىقپەن بىرگە ويلاپ، بىرگە ىستەپ، قيىن - قىستاۋدى بىلەك بىرىكتىرە جەڭىپ، زەينەت پەن بەينەتتە بىرگە بولىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز قاجىماي - تالماي قۇلشىنۋعا، پارتيا مەن حالىققا اناعۇرلىم زور داڭق اپەرۋگە قۇلشىنۋعا شاقىرادى!»

  جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ اسقاق سەنىممەن، اسقاق جىگەرمەن ءبىرىنشى 100 جىلدىق كۇرەس نىساناسىنىڭ جۇزەگە اسىرىلعانىن، جاپپاي دوڭگەلەك داۋلەتتى قوعام قۇرىلعانىن سالتاناتپەن جاريالادى، جاڭا داۋىردەگى جۇڭگوشا سوتسياليزمدە تاباندى بولۋ جانە ونى دامىتۋ، جاپپاي سوتسياليستىك وسىزاماندانعان قۇدىرەتتى ەل قۇرۋ سىندى ەكىنشى 100 جىلدىق كۇرەس نىساناسىنا قاراي ارشىندى قادام تاستاۋدىڭ بەرىك بەكىمىن نىق سەنىممەن جاريالادى، تاريحتى اينا ەتۋ، بولاشاق جاراتۋ سىندى «توعىز سوزسىزدىك» ءتۇبىرلى تالابىن تەرەڭ پايىمدادى، پارتيا ورتالىق كوميتەتى اتىنان بارلىق پارتيا مۇشەلەرىنە پارتيا مەن حالىق ءۇشىن اناعۇرلىم زور داڭق اپەرۋ ۇلى ۇندەۋىن شىعاردى، بۇكىل پارتياداعى جولداستاردى قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزىپ، ۇلتتىڭ گۇلدەنۋى سىندى ۇلى ىستە پارتيا مەن حالىققا ەڭبەك ءسىڭىرىپ، ۇلەس قوسۋعا جىگەرلەندىردى جانە شابىتتاندىردى. قازىر جانە بۇدان بىلايعى ءبىر مەزگىلدە ءبىز باس شۋجي شي جينپيڭنىڭ «1 – شىلدەدەگى» ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، سوزدە ارقاۋ ەتىلگەن ديالەكتيكالىق ماتەرياليزم مەن تاريحي ماتەرياليزمنىڭ دۇنيەگە كوزقاراس مەتودولوگياسىن تەرەڭ يگەرۋىمىز كەرەك، بۇل − ماركسيزمدىك باعدارنامالىق قۇجات، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋىنىڭ ساياسي جارناماسى، پارتيامىزدىڭ حالىقتى ىنتىماقتاستىرىپ جانە باستاپ، تاريحتى اينا ەتىپ، بولاشاققا جول اشۋداعى ارەكەت باعدارناماسى، ءسوزدىڭ كەلەلى ءمانىن، باي مازمۇنىن، وزەكتى ءمانىن، امالياتتىق تالابىن تەرەڭ ءتۇسىنىپ، يدەيا مەن ارەكەتتى ءسوزدىڭ رۋحىمەن شىنايى بىرلىككە كەلتىرىپ، وسكەلەڭ ساياسي سانالىلىقپەن 100 جىلدىق شۇعىلالى تاريحتى، ۇلى پارتيا قۇرۋ رۋحىن ساۋلەلەندىرىپ، كۇش - جىگەردى تاسقىنداتىپ، جاڭا جورىقتا جاڭا، اناعۇرلىم زور كەرەمەتتەر جاراتۋىمىز كەرەك.

  100 جىلدىق جاپالى كۇرەستى، 100 جىلدىق جاپا – ماشاقاتتى باستان كەشىرىپ، شۇعىلالى تابىسقا قول جەتكىزدىك. 100 جىلدىڭ الدىندا جۇڭگو كوممۋنيستىك پارتياسى قۇرىلعان كەزدە نەبارى 50 نەشە پارتيا مۇشەسى عانا بار ەدى، بۇگىن 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام حالقى بار ءىرى ەلگە باسشىلىق ەتكەن، الەمدە ماڭىزدى ىقپالعا يە دۇنيە جۇزىندەگى ءبىرىنشى ءىرى بيلىكتى پارتياعا اينالدى.

  100 جىلدىڭ الدىندا جۇڭحۋا ۇلتى دۇنيە ءجۇزىنىڭ الدىندا توقىراعان، تۇرالاعان بەينەدە كورىنىس بەرگەن ەدى. بۇگىنگى تاڭدا جۇڭحۋا ۇلتى دۇنيە جۇزىنە گۇلدەنىپ - كوركەيگەن بەينەمەن كورىنىپ، بوگەۋ بەرمەس ارىنمەن ۇلى گۇلدەنۋگە قادام تاستاۋدا. وتكەن 100 جىلدا جۇڭگو كوممۋنيستىك پارتياسى حالىققا، تاريحقا ۇزدىك جاۋاپناما تاپسىردى. قازىر جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. وتكەن - كەتكەندەرگە قايىرىلا قاراپ، الدىڭعى جورىققا كوز سالساق، كوڭىلىمىز تولقىپ، جىگەرىمىز تاسقىندايدى! جاڭا جورىقتا اۋەلگى ماقساتتى، بورىشتى ەستە بەرىك ساقتاپ، كوركەم بولاشاق جاراتساق، اناعۇرلىم بەرىك، اناعۇرلىم سانالى بولامىز! «ەكى جالپى جاعدايدى» تياناق ەتىپ، «مەملەكەتتىڭ ءىرى ىستەرىن» كوكەيدە ساقتاپ، جاڭا ءداۋىردىڭ ەمتيحان قاعازىنا ويداعىداي جاۋاپ قايتارساق، ءبىز ءتىپتى دە سەرگەك، ءتىپتى دە سەنىمدى بولامىز!

  ەمتيحان تاپسىرۋدىڭ جاڭا جولىندا پارتيا مەن حالىق ءۇشىن اناعۇرلىم زور داڭققا قول جەتكىزۋگە قۇلشىنۋ كەرەك، مۇندا شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋدا، امالياتقا جەتەكشىلىك ەتۋدە، قىزمەتتى ىلگەرىلەتۋدە تاباندى بولىپ، العا باسۋ جولىمىزدى ماركسيزمنىڭ اقيقات شۇعىلاسىمەن نۇرلاندىرىپ، نانىم، ۇستانىم، سەنىمدى بەكەمدەپ، ماڭگى پارتياعا سەنىپ، پارتيانى ءسۇيىپ، پارتيا ءۇشىن ىستەپ، ءوز قىزمەت ورىندارىمىزدا قايسارلىقپەن كۇرەس جاساپ، وسكەلەڭ مۇرات ءۇشىن كۇرەس جاساۋ امالياتىن ۇزدىكسىز ىلگەرىلەتۋىمىز؛ اۋەلگى ماقساتتان، بورىشتان جازباي، حالىقتىق مايداندا، حالىقتى بارىنەن جوعارى قويۋدا تاباندى بولىپ، حالىقتى باقىتقا كەنەلتۋدىڭ ءىس جۇزىندىك ارەكەتىمەن كوممۋنيستەردىڭ «مەن وزىممەن ساناسپاي حالىقتىڭ ءۇمىتىن اقتايمىن» دەيتىن وسكەلەڭ سۇيىسپەنشىلىگىن ايگىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزۋىمىز؛ توڭكەرىستى سوڭىنا دەيىن جۇرگىزۋ رۋحىن ساۋلەلەندىرىپ، كوممۋنيستەردىڭ رۋحاني قان تامىرىن جالعاستىرىپ، كۇرەس رۋحىن كۇشەيتىپ، كۇرەس قابىلەتىن جوعارىلاتىپ، بارلىق حاۋىپ - قاتەر مەن سىن - سايىستى باتىلدىقپەن جەڭۋىمىز؛ تۇبەگەيلى وزىندىك توڭكەرىس جۇرگىزۋ رۋحىن ۇزدىكسىز ساۋلەلەندىرىپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن بارلىق ماسەلەلەرمەن باتىل كۇرەس جۇرگىزىپ، كوممۋنيستەردىڭ ساياسي قاسيەتىن ماڭگى ساقتاپ، پارتيامىزدىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭالاۋ، ءوزىن - ءوزى جوعارىلاتۋ قابىلەتىن ۇزدىكسىز كۇشەيتۋىمىز كەرەك. العا باسۋ جولىندا پارتيانىڭ كۇرەس بارىسى مەن ۇلى تابىستارى ارقىلى كۇرەس جىگەرىنە شابىت بەرىپ، باعدار كورسەتىپ، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەپ، كۇش - قۋاتتى ۇيىستىرىپ، پارتيانىڭ تاريحي تاجىريبەلەرى مەن امالياتى ارقىلى اقىل – پاراساتتى اشىپ، مىنەز - قۇلىقتى شىڭداپ، بۇرىنعىعا مۇراگەر بولىپ، كەيىنگىگە جول اشىپ، ءورىس اشا ىلگەرىلەسەك، ءبىز، ءسوز جوق، توڭكەرىستىك قۇرباندار قان توگىپ، قۇربان بەرىپ ورناتقان قىزىل بيلىكتى ويداعىداي قورعاپ، ويداعىداي قۇرىپ، توڭكەرىستىك اعا بۋىنداردىڭ ءۇمىتىن، تاريح پەن حالىقتىڭ ءۇمىتىن اقتايتىن جاڭا ناتيجە جاراتا الامىز.

  باس شۋجي شي جينپيڭ: «جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى!» دەگەندى دارىپتەدى. ءبىز كۇرەس جۇرگىزۋ ارقىلى بوگەتتەردى بۇزىپ، اسقار تاۋلاردى باسىپ وتتىك. ءبىز ءالى دە ۇزدىكسىز كۇرەس جاساپ، ەرلىكپەن العا باسىپ، اناعۇرلىم شۇعىلالى تابىستار جاراتۋىمىز كەرەك. ساپار جولى ۇزاق، مۇندا قاجىماي - تالماي كۇرەس جۇرگىزۋگە تۋرا كەلەدى. بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، قاجىماي - تالماي كۇرەس جۇرگىزىپ، ماڭگى كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باسۋى كەرەك!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار