لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ورتالىق مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتىن ورنالاستىردى؛ اۋىل - قىستاق زات اينالىمى جۇيەسىن كەمەلدەندىرۋ شارالارىن بەلگىلەپ، ەگىنشىلەردىڭ ءوندىرىس، تۇرمىس قاجەتىن اناعۇرلىم ويداعىداي قاناعاتتاندىرۋدى تالاپ ەتتى
2021.07.15 16:19 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 14 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 14 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورتالىق مەجە ەسەبىنىڭ اتقارىلۋى مەن باسقا دا قازىنالىق كىرىس - شىعىستى قازىنالىق باقىلاۋدا بايقالعان ماسەلەلەردى رەتتەۋ - تۇزەتۋ قىزمەتىن ورنالاستىردى؛ اۋىل - قىستاق زات اينالىمى جۇيەسىن كەمەلدەندىرۋ شارالارىن بەلگىلەپ، ەگىنشىلەردىڭ ءوندىرىس، تۇرمىس قاجەتىن اناعۇرلىم ويداعىداي قاناعاتتاندىرۋدى تالاپ ەتتى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قاتىستى تاراۋلار 2020 - جىلعى ورتالىقتىڭ مەجە ەسەبىنىڭ اتقارىلۋى مەن باسقا دا قازىنالىق شىعىس، مەملەكەت مەنشىگىندەگى مال - مۇلىكتى باسقارۋ سياقتىلارعا قازىنالىق باقىلاۋ جۇرگىزدى، ناتيجە تاياۋدا جاريالاندى. ءماجىلىس مىنالاردى تالاپ ەتتى: ءبىرىنشى، قازىنالىق باقىلاۋدا بايقالعان ماسەلەلەر جونىندە، قاتىستى جەرلەر مەن تاراۋلار رەتتەۋ - تۇزەتۋ ەسەبىن جەدەل جاساپ، جاۋاپكەرلىكتى قاتاڭ تياناقتاندىرىپ، تىڭعىلىقتى رەتتەۋ - تۇزەتۋ كەرەك. مەملەكەتتىك كەڭەس كەڭسەسى رەتتەۋ - تۇزەتۋ جاعدايىن ءتۇيىندى باقىلاۋ - تەكسەرۋ مازمۇنىنا ەنگىزىپ، ىزىنە ءتۇسىپ قۋزاۋدى كۇشەيتىپ، رەتتەۋ - تۇزەتۋ بارىسىندا پارمەندى ىلگەرىلەتىلمەۋ، قول ۇشىمەن ىستەپ، جاۋاپكەرسىزدىك ىستەۋ، كوز بوياۋشىلىق ىستەۋ سياقتى ارەكەتتەردى باتىل تۇزەتۋ كەرەك. رەتتەۋ - تۇزەتۋ ناتيجەسى بيىل 10 - ايدىڭ سوڭىنان بۇرىن مەملەكەتتىك كەڭەسكە جولدانادى ءارى مەملەكەتتىك حالىق قۇرىلتايىنىڭ تۇراقتى كوميتەتىنە مالىمدەگەننەن كەيىن قوعامعا اشىق جاريالانادى. ەكىنشى، ءتۇيىندى مىقتى يگەرىپ، قاتاڭ تەكسەرىپ ءبىر جاقتى ەتىپ، بىرەۋىن قاتاڭ جازالاۋ ارقىلى جامان ىسكە ۇرىنباق بولعانداردى ساقتاندىرۋ كەرەك. قازىنالىق باقىلاۋدا كوپ قولدى تاۋارلاردى بەلگىلەمەگە قايشى الىپ ساتۋ، سالىق سوماسىنان جالتارۋ سياقتى تارتىپكە، زاڭعا قايشى كەلەلى ماسەلەلەردىڭ دەرەگى بايقالدى، بۇل ماسەلەلەر قالىپتى بازار ءتارتىبى مەن ءادىل باسەكەلى بازار ورتاسىن بىلىقتىرىپ، مەملەكەتتىڭ زاڭدا بەلگىلەنگەن سالىق نەگىزىنە زيان جەتكىزدى. مەملەكەتتىك كەڭەس ارناۋلى تەكسەرۋ گرۋپپاسىن قۇرىپ، مەيلى قايسى ورىنعا، قاي ساتىعا سايسا دا، تۇبەگەيلى تەكسەرىپ، جاۋاپكەرلىكتى قاتاڭ قۋزاۋى كەرەك. زاڭ - ەرەجە بويىنشا جازالاۋعا تيىستىلەرىن جازالاۋ، ءبىر جاقتى ەتۋگە تيىستىلەرىن ءبىر جاقتى ەتۋ، يگەرۋگە تيىستىلەرىن يگەرۋ، استە جول بەرمەۋ، استە جۇمساق قولدىلىق ىستەمەۋ كەرەك. زاڭعا، بەلگىلەمەگە جات نيەتپەن قايشىلىق جاساعاندارعا زاڭ بويىنشا اۋىر سوققى بەرۋ كەرەك. تيپتىك دەلولاردى اشىق جاريالاۋ كەرەك. ءۇشىنشى، بىرەۋى ارقىلى وزگەسىن تۇسپالداپ، قاتىستى تۇزىمدىك بەلگىلەمەلەردى باعىتتامالى تۇردە كەمەلدەندىرىپ، زاڭ - ەرەجەگە وزگەرىس ەنگىزۋدى مىقتى يگەرىپ، ءتۇزىمدى اتقارۋ جانە قازىنالىق باقىلاۋ، باقىلاۋ - تەكسەرۋ سياقتىلاردى باقىلاۋ - باسقارۋدى كۇشەيتىپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋ كەرەك. ءتورتىنشى، ۇكىمەتتىڭ ۇنەمشىل بولۋىندا، حالىقتىڭ جاقسى تۇرمىس كەشىرۋىنە مۇمكىندىك جاساۋدا تاباندى بولۋ كەرەك. قازىر قازىنا جاعدايى جاقسارۋعا بەت العانىمەن، «ءۇش ءتۇرلى ۇكىمەت» قاراجاتىن قىسقارتۋدى بوساڭسىتۋعا بولمايدى، قازىنا – ەكونوميكا ءتارتىبىن قاتايتۋ كەرەك، بەلگىلەمەگە قايشىلىق جاساپ اكىمشىلىك اينالىمنىڭ وزىندىك قۇنىن ارتتىرۋعا بولمايدى. بەسىنشى، بەلگىلەنگەن سالىقتى ازايتۋ، اقىنى تومەندەتۋ، جۇمىس ورنىن ورنىقتىرىپ، جۇمىسقا ورنالاستىرۋدى كەڭەيتۋ، فينانس ناقتى ەكونوميكانى قولداۋ، اسىرەسە، ورتا، شاعىن، ۇساق كاسىپورىنداردىڭ دامۋى سياقتى كاسىپورىندارعا، حالىققا ءتيىمدى ساياساتتىق شارالاردى تىڭعىلىقتى تياناقتاندىرۋ كەرەك. زەينەتكەرلىك، وقۋ - اعارتۋ، ەمدەۋ، تۇرعىن ءۇي سياقتى حالىق تۇرمىسى قارجىسىن ويداعىداي باسقارىپ، ويداعىداي پايدالانۋ كەرەك، يەمدەنىپ الۋعا، باسقاعا جۇمساۋعا استە جول بەرىلمەيدى. الەۋمەتتىك قارجىنىڭ، الەۋمەتتىك مال - مۇلىكتىڭ حاۋىپسىزدىگىنە كەپىلدىك ەتىپ، حالىققا جاۋاپتى بولۋ كەرەك.
ءماجىلىس مىنالاردى اتاپ كورسەتتى: اۋىل - قىستاق زات اينالىمىن جەدەل دامىتىپ، اۋىل شارۋاشىلىق ونىمدەرىنىڭ قىستاقتان قالاعا كىرۋىنە، تۇتىنۋ بۇيىمدارىنىڭ اۋىل - قىستاققا كىرۋىنە اناعۇرلىم قولايلىلىق جاساۋ − اۋىل - قىستاقتى گۇلدەندىرۋدى ىلگەرىلەتۋدىڭ، شارۋالاردىڭ كىرىسىن ارتتىرۋدىڭ، اۋىل - قىستاقتىڭ ىشكى سۇرانىسىنىڭ كومەسكى كۇشىن اشۋدىڭ ماڭىزدى شاراسى. ءبىرىنشى، اۋىل - قىستاق ەلەكتروندى ساۋداسى مەن اۋىل - قىستاق زات اينالىمىنىڭ توعىسپالى دامۋىن جەبەۋ كەرەك. «ينتەرنەت +» عا سۇيەنىپ، قالا بازارىنىڭ، زات اينالىمى كاسىپورىندارىنىڭ شارۋا وتباسىلارىنىڭ ەگىس الاڭى، شارۋالار سەلبەستىك كووپەراتيۆى سياقتىلارمەن ۇشتاسۋىن كۇشەيتىپ، ارنايىلانعان اۋىل شارۋاشىلىق ونىمدەرىن جەتكىزۋ قىزمەت وتەۋى مەن توڭازىتۋ تىزبەگى، قامبادا ساقتاۋ، مانەرلەۋ قۇرىلعىلارىن دامىتىپ، اۋىل شارۋاشىلىق ونىمدەرىنىڭ ساتىلۋىنا دەم بەرۋ، اسىرەسە، كەدەيلىكتەن ارىلعان وڭىرلەردىڭ اۋىل - قىستاعىنىڭ ەرەكشە كاسىپ سالاسىنىڭ دامۋىن جەبەۋ كەرەك. ەكىنشى، «جەدەل جولدامالاردى قىستاقتارعا جەتكىزۋدى» تۇرلەر بويىنشا ىلگەرىلەتۋ كەرەك. اۋىل - قىستاقتىڭ زات جەتكىزۋ نەگىزدىك قۇرىلعىلارىنداعى ولقىلىقتاردى تولىقتاۋدى جەدەلدەتۋ كەرەك. شىعىس، ورتا بولەكتەگى اۋىل - قىستاق رايوندارىندا بازار كۇشىنىڭ رولىن اناعۇرلىم ويداعىداي ساۋلەلەندىرىپ، كاسىپورىنداردى قىستاقتا تۇرىپ ءتۇيىن قۇرۋعا جەتەكتەپ، جەدەل جەتكىزۋ قىزمەت وتەۋ دەڭگەيىن جوعارىلاتۋ كەرەك. باتىس بولەكتەگى اۋىل - قىستاق رايوندارىندا پوچتانىڭ شەتكى وڭىرلەرگە جەتكىزۋدەگى نەگىزدىك رولىن ساۋلەلەندىرىپ، جەدەل جەتكىزۋ، قامداۋ - ساتۋ سياقتى سەلبەستىكتەردى كۇشەيتىپ، «جەدەل جەتكىزۋدى قىستاقتارعا جەتكىزۋ» كولەمىن كەڭەيتۋ كەرەك. ءۇشىنشى، جەتكىزۋ سالاسىنداعى ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ كەرەك. ۇيلەسىمسىز، قاجەتسىز شەكتەمەلەردى كۇشىنەن قالدىرىپ، اۋىل - قىستاق جەدەل جەتكىزۋىنىڭ سوڭعى قىزمەت وتەۋىن دامىتۋعا دەم بەرىپ، قىستاقتاعى قازىرگى قۇرىلعىلاردان پايدالانۋعا جەتەكشىلىك ەتىپ، قىستاق دارەجەلى جەتكىزۋ زات اينالىمىنا جالپىلىق قىزمەت وتەۋ پۋنكتىن قۇرىپ، اۋىل - قىستاقتىڭ سوڭعى جەتكىزۋ وزىندىك قۇنىن ايتارلىقتاي تومەندەتۋ كەرەك. زات جەتكىزۋگە قىزمەت وتەۋدى باقىلاۋ - باسقارۋدى كۇشەيتىپ، ءادىل باسەكەنى جەبەپ، بۇقارانىڭ زاڭدى ۇقىق - مۇددەسىن قامتاماسىز ەتۋ كەرەك.
ءماجىلىس تاعى باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
