ۋاڭ ياڭ «جاڭا دامۋ جاعدايىن قالىپتاستىرۋ» جونىندەگى تەكسەرۋ - زەرتتەۋ، كەڭەسۋ اڭگىمە ماجىلىسىنە قاتىناستى
2021.07.15 16:20 كەلۋ قاينارى : حالىق تورابى
«حالىق گازەتى»، 7 – ايدىڭ 14 – كۇنى، بەيجيڭ (ءتىلشى جياڭ جيە). ج ك پ ورتالىق كوميتەتىنىڭ بىرلىكساپ ءبولىمى 7 - ايدىڭ 14 - كۇنى بەيجيڭدە تەكسەرۋ - زەرتتەۋ، كەڭەسۋ اڭگىمە ءماجىلىسىن اشىپ، قاتىستى دەموكراتيالىق پارتيا - توپتار ورتالىق كوميتەتى مەن پارتيادا، توپتا جوق قايراتكەرلەردىڭ ۋاكىلدەرى ورىستەتكەن «جاڭا دامۋ جاعدايىن قالىپتاستىرۋ» جونىندەگى تەكسەرۋ - زەرتتەۋ جەتىستىكتەرى جونىنەن كەڭەس وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى.
ۋاڭ ياڭ مىنانى دارىپتەدى: جاڭا دامۋ جاعدايىن قالىپتاستىرۋ − شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ كەلەلى ستراتەگيالىق ورنالاستىرۋى، جالپى جاعدايعا جانە ۇزاق بولاشاققا ساياتىن جۇيەلى، تەرەڭ قاتپارلى وزگەرىس. «14 – بەسجىلدىق» جوبا باستالعان جىلى دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر وسى تاقىرىپتى ارقاۋ ەتە وتىرىپ تەكسەرۋ - زەرتتەۋ جۇرگىزىپ، كەڭەسىپ، اقىل - كەڭەس بەردى، بۇل ماڭىزدى مانگە يە. ج ك پ ورتالىق كوميتەتىنىڭ كەلەلى باعىت - ساياساتتارىنىڭ رۋحىن جەتە ءتۇسىنىپ، جاڭا دامۋ جاعدايىن نە ءۇشىن قالىپتاستىرۋ، قانداي جاڭا دامۋ جاعدايىن قالىپتاستىرۋ، جاڭا دامۋ جاعدايىن قالاي قالىپتاستىرۋ كەرەك دەگەن سياقتى كەلەلى ماسەلەلەر جونىندەگى تانىمدى ۇزدىكسىز تەرەڭدەتۋ كەرەك. ماسەلەنى نىشان ەتۋدەن جازباي، كەيبىر ءتۇيىندى، قيىن ماسەلەلەردى تاڭداپ الىپ، ۇزدىكسىز تەكسەرۋ - زەرتتەۋ جۇرگىزىپ، شوعىرلى قامال الۋ كەرەك. پارتيا - توپتاردىڭ، ۇيىمداردىڭ ءىس جۇزىندىك جاعدايى مەن ەرەكشەلىگىن تياناق ەتىپ، وزىنە قىزمەت كورسەتىپ، جاڭا دامۋ جاعدايىن قالىپتاستىراتىن ابزالدىققا يە سالالاردى ءداپ باسىپ تاۋىپ، ۇسىنىس - پىكىر ايتۋدىڭ، كەڭەسۋدىڭ وزەكتى ءتۇيىنىن ءدال تابۋ كەرەك.
جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، ادىلەت پارتياسى ورتالىق كوميتەتىنىڭ ءتوراعاسى ۋان گاڭ، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، پارتيادا، توپتا جوق قايراتكەرلەردىڭ ۋاكىلى لين ي - فۋ اڭگىمە ماجىلىسىندە تەكسەرۋ - زەرتتەۋ جەتىستىكتەرىن تانىستىرىپ، ناقتى، ورىندى ۇسىنىس - پىكىرلەردى تۇرلىشە تۇرعىدان العا قويدى. جۇڭگو دەموكراتيالىق وداعى ورتالىق كوميتەتى شەكارا رايونداردى قاۋىرت اشۋ سىندى مەملەكەتتىك ستراتەگيانى اتقارىپ، شەكارا رايونداردى اشىق ۇستاۋ تۇعىرىنىڭ ابزالدىعىن اناعۇرلىم ويداعىداي ساۋلەلەندىرىپ، كاسىپ سالاسى مەن حالىق سانىنىڭ شوعىرلانۋىن جەبەپ، شەكارانى جونگە سالۋ قابىلەتىن جاپپاي جوعارىلاتۋدى ۇسىنىس ەتتى. جۇڭگو دەموكراتيالىق مەملەكەت قۇرۋ قوعامى ورتالىق كوميتەتى ەل ىشىندەگى ءبىر تۇتاس ءىرى بازار قۇرۋ جونىندەگى جەتەكشى پىكىردى شىعارىپ، ءبىر تۇتاس ءىرى بازاردى باقىلاۋ - تەكسەرۋ تۇعىرى مەن باعالاۋ جۇيەسىن ورناتىپ، ماڭىزدى فاكتورلار بازارى ءتۇزىمىنىڭ ناقتى ەرەجەسىن كەمەلدەندىرىپ، ەل ىشىندەگى ءىرى اينالىمدى ىركىلىسسىزدەندىرۋدى ۇسىنىس ەتتى. ادىلەت پارتياسى ورتالىق كوميتەتى قوس اينالىمداعى شەشۋشى وڭىرلەردىڭ جەتەكشىلىك ابزالدىعىن تولىق ساۋلەلەندىرىپ، سيفرلى تەحنيكانىڭ ناقتى كاسىپورىندارعا كۇش - قۋات بەرۋ ونىمدىلىگىن كۇشەيتىپ، كومىرتەگى قوس توتىعىن ىعىستىرۋدىڭ ىقپالىن، كومىرتەگى قوس توتىعىنىڭ ىعىستىرىلۋىن ولشەۋ سياقتى نەگىزدىك زەرتتەۋدى تەز ارادا ورىستەتىپ، جاڭا دامۋ ۇستانىمى ارقىلى دامۋ جاعدايىن رەتتەۋگە جەتەكشىلىك ەتۋدى ۇسىنىس ەتتى. تايۋان دەموكراتيالىق اۆتونوميا وداعى ورتالىق كوميتەتى ياڭپۋ حالىقارالىق تەڭىز تاسىمالى تورابى قۇرىلىسىن جەدەلدەتىپ، حاينان ەركىن ساۋدا پورتىنىڭ جابىق اينالىمىن جۇيەلى قامتاماسىزداندىرۋدى كۇشەيتىپ، تايۋان قارجىلاندىرعان كاسىپورىنداردى سىرتقا ەسىك اشۋ تۇعىرى قۇرىلىسىنا كوبىرەك ات سالىسۋعا شابىتتاندىرۋدى ۇسىنىس ەتتى. پارتيادا، توپتا جوق قايراتكەرلەر مەملەكەتتىڭ ستراتەگيالىق عىلىم - تەحنيكالىق كۇشى مەن بازار كۇشىن ءبىر تۇتاس ويداعىداي پايدالانىپ، فينانستىڭ كاسىپ تىزبەگىنىڭ دامۋىنداعى تىرەكتىك رولىن ساۋلەلەندىرۋگە باسا ءمان بەرىپ، ەكى بازاردان، ەكى بايلىقتان اناعۇرلىم جوعارى دەڭگەيدە پايدالانىپ، جاڭالىق اشۋ تىزبەگىن تولىقتاپ، دارىندىلار تىزبەگىن جوعارىلاتۋدى ۇسىنىس ەتتى.
ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان ءماجىلىستى باسقاردى. چىن شياۋگۋاڭ، گۋ شىڭزۋ ماجىلىسكە قاتىناستى. مەملەكەتتىك دامۋ جانە رەفورما كوميتەتىندەگى، عىلىم - تەحنيكا مينيسترلىگىندەگى، ونەركاسىپ جانە ينفورماتسيالاندىرۋ مينيسترلىگىندەگى، مەملەكەتتىك ۇلت ىستەرى كوميتەتىندەگى، قاتىناس - تاسىمال مينيسترلىگىندەگى، ساۋدا مينيسترلىگىندەگى، بازاردى باقىلاۋ - باسقارۋ باس مەكەمەسىندەگى جاۋاپتى جولداستار پارتيا سىرتىنداعى قايراتكەرلەرمەن كەڭەس وتكىزىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
