بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناستى ءارى ءسوز سويلەدى

2021.07.19 17:15     كەلۋ قاينارى : حالىق تورابى


  «حالىق گازەتى»، 7 - ايدىڭ 16 - كۇنى، بەيجيڭ (ءتىلشى ياڭ شۇن). مەملەكەت ءتوراعاسى شي جينپيڭ 7 - ايدىڭ 16 - كۇنى كەشتە ۇسىنىس بويىنشا بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناستى ءارى ءسوز سويلەدى.

  شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى بىردە باسەيىپ، بىردە كۇشەيىپ، قايتالانۋدا، ىندەتتەن ساقتانۋ - تىزگىندەۋ جاعدايى ءالى دە اۋىر. سونىمەن بىرگە، بەيبىتشىلىك پەن دامۋ ءالى دە ءداۋىردىڭ نەگىزگى تاقىرىبى بولىپ، كوپ جاقتىلىقتى قورعاۋ، ىنتىماقتى، سەلبەستىكتى كۇشەيتۋ، سىن - سايىسقا بىرگە توتەپ بەرۋ ءۇنى ونان ارى كۇشەيۋدە. ءبىز بىلتىر ازيا - تىنىق مۇحيت ەكونوميكالىق سەلبەستىك ۇيىمىنىڭ 2040 - جىلعا دەيىنگى بولاشاقتىق جوباسىن ماقۇلدادىق، ازيا - تىنىق مۇحيت ورتاق تۇلعاسى نىساناسىن العا قويدىق. ازيا - تىنىق مۇحيت ءوڭىرى − دۇنيە ءجۇزى ەكونوميكاسىنىڭ ارتۋىنداعى ماڭىزدى قوزعالتقىش. ىندەتتى ەرتەرەك جەڭىپ، ەكونوميكانىڭ ارتۋىن قالپىنا كەلتىرىپ، دۇنيە ءجۇزى ەكونوميكاسىنىڭ قايتا قالپىنا كەلۋىن ىلگەرىلەتۋ − ازيا - تىنىق مۇحيت وڭىرىندەگى ءارقايسى مۇشەنىڭ قازىرگى ەڭ ماڭىزدى مىندەتى.


  ءبىرىنشى، ىندەتكە قارسى اتتانۋ حالىقارالىق سەلبەستىگىن كۇشەيتۋ كەرەك. جۇڭگو جاق وركەندەپ كەلە جاتقان ەلدەردى 500 ميلليوننان استام ۆاكسينامەن قامدادى، الداعى 3 جىلدا تاعى 3 ميلليارد دوللارلىق حالىقارالىق كومەك كورسەتەدى. جۇڭگو جاق ۆاكسينامەن قامداۋ تىزبەگىنىڭ ورنىقتىلىعىن، حاۋىپسىزدىگىن قامتاماسىز ەتۋ، نەگىزگى زاتتىق ماتەريال اينالىمىن جەبەۋ سياقتى سەلبەستىك دارىپتەمەسىنە بەلسەنە ات سالىسىپ، ءونىمدى شارالار قولدانىپ ادامداردىڭ سالاماتتى، حاۋىپسىز، ءتارتىپتى تۇردە بارىس - كەلىس جاساۋىنا شىنايى كەپىلدىك ەتۋدى قالايدى. جۇڭگو جاق ازيا - تىنىق مۇحيت ەكونوميكالىق سەلبەستىك ۇيىمىنا قارجى اتاپ «ىندەتكە توتەپ بەرۋ جانە ەكونوميكانى قايتا جانداندىرۋ» قوسالقى قورىن قۇرادى.

  ەكىنشى، وڭىرلىك ەكونوميكانىڭ ءبىر تۇلعالانۋىن تەرەڭدەتۋ كەرەك. ساۋدا جانە قارجى قوسۋدىڭ ەركىن، قولايلى بولۋىن ىلگەرىلەتىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قورعاۋ كەرەك. داۋال سوقپاۋ، قايتا داۋالدى شاعۋ، وڭاشالانباۋ، قايتا اشىق ۇستاۋ، الشاقتاماۋ، قايتا توعىسۋ كەرەك. ماكرولىق ەكونوميكالىق ساياساتتىڭ سايكەسۋىن كۇشەيتىپ، ۇنامسىز اسقىن اسەرىن تەجەپ، سيفرلى ۇلاستىرۋ - تۇتاستىرۋ سەلبەستىگىن ىلگەرىلەتىپ، وڭىرلىك ەكونوميكانىڭ ءبىر تۇلعالانۋىن ىلگەرىلەتىپ، جوعارى دەڭگەيدەگى ازيا - تىنىق مۇحيت ەركىن ساۋدا رايونىن ەرتەرەك قۇرىپ شىعۋ كەرەك. جۇڭگو جاق وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن تەكسەرىپ بەكىتۋ قىزمەتىن الدىمەن ورىندادى، كەلىسىمنىڭ وسى جىل ىشىندە رەسىمي كۇشكە يە بولۋىن كۇتەدى.

  ءۇشىنشى، سيىسىمدى، باياندى دامۋدا تاباندى بولۋ كەرەك. ادامدى نەگىز ەتۋدە تاباندى بولىپ، جاسىل ارتۋدى جۇزەگە اسىرۋ كەرەك. جۇڭگو جاق كليمات وزگەرىسىنە توتەپ بەرۋگە ايرىقشا ءمان بەرىپ، 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى شەككە جەتكىزۋگە، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالادى. جۇڭگو جاق ازيا - تىنىق مۇحيت ەكونوميكالىق سەلبەستىك ۇيىمىنىڭ باياندى دامۋى مەن ەكونوميكالىق، تەحنيكالىق سەلبەستىگىنە قولداۋ كورسەتىپ، ەنەرگيانىڭ جوعارى ءونىمدى، تازا، كوپ نەگىزدى دامۋىن ىلگەرىلەتىپ، سيىسىمدى ساۋدا قارجى قوسۋىن جەبەپ، ورتا، شاعىن كاسىپورىنداردىڭ دامۋىن قولداپ، ايەلدەر سياقتى ءالسىز قاۋىمداردى سۇيەمەلدەۋ تەبىنىن كۇشەيتىپ، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋعا قۇلشىنادى.

  ءتورتىنشى، عىلىم - تەحنيكادا جاڭالىق اشۋ ورايىن يگەرۋ كەرەك. دۇنيە جۇزىلىك سيفرلى ەكونوميكا − اشىق ءارى تىعىز بايلانىسقان تۇتاس تۇلعا، سەلبەسىپ تەڭ يگىلىككە كەنەلۋ − بىردەن - ءبىر دۇرىس جول، تۇيىقتاۋ، وزگەلەردى قاقپايلاۋ، قاراما - قارسى قويۋ، بولشەكتەۋ تەك تىعىرىققا تىرەيدى. سيفر نەگىزدىك قۇرىلعى قۇرىلىسىن كۇشەيتىپ، اشىق، ءادىل، كەمسىتپەيتىن سيفرلى شارۋاشىلىق - ساۋدا ورتاسىن قۇرۋعا قۇلشىنۋ كەرەك. جۇڭگو جاق سيفر قۋاتى قۇرىلىسى زەرتتەۋ - تالقى ءماجىلىسىن وتكىزىپ، سيفر تەحنيكاسى ارقىلى ساياحاتتى قايتا جانداندىرۋعا دەم بەرۋ سياقتى سەلبەستىك دارىپتەمەسىن ىلگەرىلەتەدى.

  شي جينپيڭ بىلاي دەپ دارىپتەدى: جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، الدا اناعۇرلىم بيىك دەڭگەيدەگى اشىق ەكونوميكانىڭ جاڭا ءتۇزىلىسىن ورناتىپ، ءتىپتى دە زور باۋراۋ قۋاتىنا يە شارۋاشىلىق - ساۋدا ورتاسىن جاراتىپ، «ءبىر بەلدەۋ، ءبىر جولدى» بىرگە قۇرۋدى جوعارى ساپامەن ىلگەرىلەتىپ، دۇنيە جۇزىمەن جانە ازيا - تىنىق مۇحيت وڭىرىندەگى ءارقايسى ەلمەن ءتىپتى دە جوعارى دەڭگەيدەگى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرادى.

  شي جينپيڭ سوڭىندا بىلاي دەدى: جاڭا زەلاندياداعى ماۋريلاردا «بەتىڭە كۇن ساۋلەسى تۇسسە، كولەڭكە جوعالادى» دەيتىن ماقال بار. ءبىز ادامزاتتىڭ سەلبەسىپ ىندەتتى جەڭەتىنىنە تولىق سەنەمىز، دۇنيە ءجۇزى ەكونوميكاسىنىڭ قايتا جاندانۋ بولاشاعىنا تولىق سەنەمىز، ادامزاتتىڭ ورتاق تاماشا بولاشاعىنا تولىق سەنەمىز. قيىنشىلىقتاردى بىلەك بىرىكتىرە جەڭىپ، ءوزارا قارايلاسىپ، ىندەتكە قارسى اتتانۋ سەلبەستىگى مەن ەكونوميكانىڭ قايتا جاندانۋىن قول ۇستاسا وتىرىپ ىلگەرىلەتىپ، ازيا - تىنىق مۇحيت ءوڭىرىنىڭ كوركەيىپ - گۇلدەنگەن تاماشا بولاشاعىن بىرگە جاراتىپ، بىرگە يگىلىكتەنەيىك! (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار)

  وسى رەتكى ءماجىلىس ازيا - تىنىق مۇحيت ەكونوميكالىق سەلبەستىك ۇيىمىنىڭ بيىلعى وتاعاسى ەلى جاڭا زەلانديانىڭ قۋاتتاماسى بويىنشا بەينە ەكران تاسىلىمەن اشىلدى، نەگىزگى تاقىرىبى: «جاڭا تيپتى ايدارشا ۆيرۋس وكپە قابىنۋ ىندەتى جاعدايىندا ازيا - تىنىق مۇحيت ءوڭىرى قايتكەندە ورايدى يگەرىپ، دەنساۋلىق ساقتاۋ داعدارىسىنا سەلبەسە توتەپ بەرىپ، ەكونوميكانىڭ قايتا قالپىنا كەلۋىن جەدەلدەتىپ، بولاشاقتاعى دامۋعا اناعۇرلىم جاقسى نەگىز قالايدى».

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار