بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ گۇيجوۋدا تەكسەرۋ - زەرتتەۋ جۇرگىزگەندە مىنانى دارىپتەدى

اۋىل - قىستاقتى گۇلدەندىرۋدى جەبەۋ زاڭىن جاپپاي، ءونىمدى اتقارىپ، اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ جاپپاي دامۋىن ىلگەرىلەتۋ كەرەك

2021.07.19 17:18     كەلۋ قاينارى : حالىق تورابى

  «حالىق گازەتى»، 7 - ايدىڭ 17- كۇنى، گۇيياڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7 - ايدىڭ 12 – كۇنىنەن 16 – كۇنىنە دەيىن گۇيجوۋدا تەكسەرۋ – زەرتتەۋ جۇرگىزدى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ اۋىل - قىستاقتى گۇلدەندىرۋدى جاپپاي ىلگەرىلەتۋ جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، اۋىل - قىستاقتى گۇلدەندىرۋدى جەبەۋ زاڭىن جاپپاي، ءونىمدى اتقارۋ كەرەك.

  لي جانشۋ ىلگەرىندى كەيىندى گۇيياڭ قالاسىندا، چياننان وبلىسىندا، چياندۇڭنان وبلىسىندا، تۇڭرىن قالاسىندا جانە ليۋپانشۇي قالاسىندا تەكسەرۋ - زەرتتەۋ جۇرگىزدى. ول ۇلتتىق قىستاقتارعا جانە الەۋمەتتىك اۋماقتارعا، اۋىل - قالاشىققا بارىپ، قىستاقتاعى ساقا پارتيا مۇشەلەرىمەن، قىستاق تۇرعىندارىنىڭ ۋاكىلدەرىمەن ىقىلاسپەن اڭگىمەلەسىپ، بۇقارانىڭ ءوندىرىس، تۇرمىس جاعدايىن ۇعىستى. ەرەكشە كاسىپ باقشا رايونى مەن كاسىپورىنداردا جەرگىلىكتى ورىننىڭ ابزال كاسىپ سالاسىن دامىتۋ، بۇقارانىڭ جۇمىستانۋىنا جەتەكشىلىك ەتۋ سياقتى جاعدايلاردى ۇعىستى. لي جانشۋ بىلاي دەدى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ءبىزدىڭ ءبىرىنشى 100 جىلدىق كۇرەس نىسانامىزدى جۇزەگە اسىرىپ، جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشكەنىمىزدى سالتاناتپەن جاريالادى. اۋىل شارۋاشىلىعىنىڭ، اۋىل - قىستاقتىڭ دامۋى اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاڭا كەزەڭىنە ءوتتى، كۇش ۇستىنە كۇش قوسىپ، كەدەيلىكتەن ارىلتۋدان قامال الۋدىڭ جەتىستىكتەرىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋمەن ۇشتاستىرىپ ىلگەرىلەتىپ، قالىڭ شارۋالاردىڭ تۇرمىسىنىڭ بارعان سايىن باي – باقىتتى بولۋىنا مۇمكىندىك جاساۋ كەرەك.

  لي جانشۋ اڭگىمە ءماجىلىسىن باسقارىپ اشىپ، اۋىل - قىستاقتى گۇلدەندىرۋدى جەبەۋ زاڭىنىڭ اتقارىلۋىن ارقاۋ ەتە وتىرىپ پىكىر - ۇسىنىستاردى تىڭدادى. ول مىنالاردى اتاپ كورسەتتى: بۇل زاڭدى جاپپاي، ءونىمدى اتقارىپ، اۋىل شارۋاشىلىعىنىڭ دارەجەسىن جاپپاي جوعارىلاتۋدى، اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن ىلگەرىلەتۋ كەرەك. ءبىرىنشى، جەرگىلىكتى جاعدايعا قاراي كاسىپ سالاسىن دامىتۋ، شارۋالاردىڭ كىرىسىن ۇزدىكسىز جوعارىلاتۋ كەرەك؛ ەكىنشى، ەگىنشىلىك ونىمدەرىمەن قامداۋدى قامتاماسىزداندىرىپ، ەگىنشىلىك ءونىم تۇرلەرىن كوبەيتۋ جانە ساپالىلاندىرۋ، حالىق بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋ كەرەك؛ ءۇشىنشى، اۋىل شارۋاشىلىعىنىڭ ماشينالانۋ، ينفورماتسيالانۋ، زەردەلىلەنۋ دارەجەسىن جوعارىلاتىپ، ەگىنشىلىك ەڭبەك ءوندىرىسىنىڭ ونىمدىلىگىن جوعارىلاتۋ كەرەك؛ ءتورتىنشى، ءتۇرلى فورماداعى كولەمدى شارۋاشىلىقتى دامىتىپ، اۋىل شارۋاشىلىعىنىڭ ۇيىمداسۋ دارەجەسىن جوعارىلاتۋ كەرەك؛ بەسىنشى، قىستاق كەلبەتى قۇرىلىسىن كۇشەيتىپ، اۋىل - قىستاقتىڭ ءوندىرىس، تۇرمىس شارت - جاعدايىن جاقسارتۋ كەرەك؛ التىنشى، رۋحاني وركەنيەت قۇرىلىسىن كۇشەيتىپ، شارۋالار بۇقاراسىنىڭ مادەني تۇرمىسىن ۇزدىكسىز بايىتۋ كەرەك؛ جەتىنشى، اۋىل - قىستاق نەگىزگى ساتى اكىميات قۇرىلىسىن كۇشەيتىپ، نەگىزگى ساتىلاردى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋ كەرەك؛ سەگىزىنشى، جاڭاشا قالا - قالاشىقتاندىرۋ قۇرىلىسىن زور كۇشپەن ىلگەرىلەتىپ، قالالار مەن اۋىلداردىڭ دامۋىن ءبىر تۇتاس جوسپارلاپ، قالالار مەن اۋىلداردىڭ توعىسۋىن جۇزەگە اسىرۋ كەرەك.

  گۇيجوۋداعى كەزىندە لي جانشۋ گۇيجوۋدىڭ ءىرى ساندى مالىمەت كاسىبىنىڭ دامۋى، «جۇڭگونىڭ اسپان كوزىنىڭ» اينالىمى سياقتى جاعدايلاردى تەكسەرىپ، گۇيجوۋدىڭ ەكونوميكالىق، قوعامدىق دامۋى جانە حالىق قۇرىلتايى قىزمەت جاعدايى جونىندەگى تانىستىرۋدى تىڭدادى. لي جانشۋ بىلاي دەدى: گۇيجوۋدىڭ تاياۋ جىلداردان بەرگى دامۋ وزگەرىسى − پارتيا مەن مەملەكەت ىستەرىنىڭ ارشىندى قاداممەن العا باسۋىنىڭ ىقشام كورىنىسى. باس شۋجي شي جينپيڭ گۇيجوۋدى باستان - اياق كوكەيىندە ساقتاپ، گۇيجوۋدا تالاي رەت قىزمەت تەكسەرىپ، ماڭىزدى ءسوز سويلەپ، گۇيجوۋدىڭ دامۋ وي جەلىسىن ايقىنداۋىنا، دامۋ بەتالىسىن ايقىنداۋىنا، دامۋ سەنىمىن كۇشەيتۋىنە كومەكتەسىپ، گۇيجوۋعا تىكەلەي باسشىلىق ەتىپ، گۇيجوۋدىڭ رەفورما مەن دامۋدىڭ جاڭا ءداۋىرىن اشىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىككە قوش ايتۋىن ىلگەرىلەتتى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا گۇيجوۋ شي جينپيڭ جاڭا ءداۋىر جۇڭگوشا سوتسياليزم يدەياسى مەن باس شۋجي شي جينپيڭنىڭ گۇيجوۋ قىزمەتى جونىندەگى ماڭىزدى نۇسقاۋىن، تالابىن رەفورما جاساپ، ەسىك اشۋدىڭ جانە وسىزامانداندىرۋ قۇرىلىسىنىڭ ەڭ ءتۇبىرلى، ەڭ باياندى، ەڭ قۇدىرەتتى قوزعاۋشى كۇش قاينارى ەتىپ، حالقى باي، ەكولوگياسى كوركەم گۇيجوۋدىڭ جاڭا بولاشاعىن قۇلشىنا اشۋى كەرەك. پارتيانىڭ جالپى بەتتىك باسشىلىق ەتۋىندە تاباندى بولىپ، تۇتاس بارىستاعى حالىق دەموكراتياسىنىڭ تالابىن دايەكتىلەندىرىپ، جاڭا داۋىردەگى جەرگىلىكتى حالىق قۇرىلتايى قىزمەتىن ويداعىداي ىستەۋ كەرەك.

  لي جانشۋ تاعى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرۋ، جەرگىلىكتى حالىق قۇرىلتايلارىنىڭ ۇكىمەتتىڭ قارىزىن تەكسەرۋ، باقىلاۋ قىزمەتىن كۇشەيتۋى جونىندە اڭگىمە ءماجىلىسىن باسقارىپ اشىپ، پارتيانىڭ باسشىلىعىندا ۇكىمەتتىڭ قارىزىن تەكسەرۋ، باقىلاۋ قىزمەتىن زاڭ بويىنشا ويداعىداي ىستەۋدى تالاپ ەتتى.

  لي جانشۋ دىڭ ىنميڭ قۇرباندى ەسكە ءتۇسىرۋ سارايىن، گۇيجوۋ 3 – شەپ قۇرىلىس مۇراجايىن ەكسكۋرسيالادى.


  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار