بۇكىل ەل بويىنشا ەگىنشىلىك عىلىم - تەحنيكا العاباسارلىعىنىڭ ۇلەس شاماسى %60 تەن اسىپ، ەگىن ەگۋ - ورۋدىڭ جالپىلىق ماشينالانۋ شاماسى %71 كە جەتتى
اۋىل شارۋاشىلىعىن وسىزامانداندىرۋ تىڭ ساتىعا كوتەرىلدى ( اۋىل – قىستاققا بارىپ دوڭگەلەك داۋلەتتىلىككە نازار سالۋ)
«حالىق گازەتىنىڭ» تىلشىلەرى چاڭ چين، بي جيڭجين، گاۋ يۇنساي
2021.07.19 17:32 كەلۋ قاينارى : حالىق تورابى
«قۋاڭشىلىق بولسا سۋارۋعا، سۋ باسىپ كەتسە ىعىستىرۋعا بولادى، جوعارى ولشەمدى ەگىس اتىزدارى استىق ەگۋشىلەردى جىگەرلەندىردى». حىنان ولكەسى شيڭياڭ قالاسى شينتياندي ەگىمشىلىك كاسىپتىك سەلبەستىك كووپەراتيۆىنىڭ القا باستىعى لي جيە ماقتانىشپەن بىلاي دەدى: «ءبىر عانا سەلبەستىك كووپەراتيۆىمىزدىڭ ءوزى 100 مىڭ مۋ جەرگە ەگىن سالدى، بۇرىن بۇلاي ىستەۋدى ويلاپ تا كورگەن جوقپىز».
«كۇرىش مايسالارىنان حوش ءيىس اڭقىپ، اراسىندا بالىقتار تۋلاۋدا، ءبىر اتىزدان قوس ءونىم الىنادى». حۋنان ولكەسى ي - ياڭ قالاسى حىشان رايونى چياۋكوۋ قىستاعىنداعى استىق ەگەتىن ءىرى وتباسىنىڭ مۇشەسى ليۋ جينلياڭ قۋانىشپەن بىلاي دەدى: سترەولدى ەگىمشىلىك، باعىمشىلىقتى ۇيرەنگەننەن بەرى كۇرىش اتىزىنىڭ ونىمدىلىگى ەسەلەپ ارتتى.
باس شۋجي شي جينپيڭ: «اۋىل شارۋاشىلىعى − نەگىزدىك كاسىپ، جۇڭگونىڭ وسىزاماندانۋى اۋىل شارۋاشىلىعىن وسىزامانداندىرۋدان ايرىلا المايدى». «وسى زامانعى اۋىل شارۋاشىلىعىنىڭ كاسىپ جۇيەسىن، ءوندىرىس جۇيەسىن، تيجارات جۇيەسىن قۇرۋدى تۇتقا ەتىپ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋ كەرەك» دەپ اتاپ كورسەتكەن بولاتىن.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، قاتىستى تاراۋلار اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن ۇزدىكسىز جوعارىلاتىپ، اۋىل شارۋاشىلىعىنىڭ وسىزاماندانۋىن ۇزدىكسىز تىڭ ساتىعا كوتەردى. كەڭ - بايتاق اتىزدارعا كوز جىبەرسەك، اتىزدى تەگىستەپ، جەردى بىرىكتىرۋدە جەتىقاراقشى باعىتتاۋىش جۇيەسى قولدانىلۋدا، ءدارى شاشىپ، تىڭايتقىش بەرۋدە ۇشقىشسىز ۇشاق پايدالانىلۋدا، ءار الۋان تەحنيكا ەگىن ەگۋدىڭ جاقسى قولعاناتىنا اينالدى. ساندى مالىمەتتە كورسەتىلۋىنشە، بۇكىل ەل بويىنشا ەگىنشىلىك عىلىم – تەحنيكا العاباسارلىعىنىڭ ۇلەس شاماسى %60 تەن اسىپ، ەگىس داقىلدارىن ەگۋ – ورۋدىڭ جالپىلىق ماشينالانۋ شاماسى %71 كە جەتىپ، ەگىنشىلەر ءتۇسىمى جوعارى، ءونىمى حاۋىپسىز، بايلىق ۇنەمدەلگەن، ورتاسى جاراسىمدى اۋىل شارۋاشىلىعىن وسىزامانداندىرۋ جولىنا تۇسكەن.
تۇقىم كاسىبىنىڭ ەڭسە كوتەرۋ شايقاسىن ويداعىداي جۇرگىزىپ، وسى زامانعى اۋىل شارۋاشىلىعىنىڭ باسەكەلىك قۋاتىن جوعارىلاتتى
باس شۋجي شي جينپيڭ بىلاي دەپ اتاپ كورسەتكەن بولاتىن: اۋىل شارۋاشىلىعىن وسىزامانداندىرۋدا تۇقىم − نەگىز، ءسوز جوق، ۇلتتىق تۇقىم شارۋاشىلىعىن كوركەيتىپ، تۇقىم قاينارى حاۋىپسىزدىگىن مەملەكەت حاۋىپسىزدىگىنە ساياتىن ستراتەگيالىق دەڭگەيگە كوتەرىپ، كۇشتى شوعىرلاندىرا وتىرىپ قيىن ماسەلەلەردى شەشىپ، ولقىلىقتاردى تولىقتاپ، ابزالدىقتاردى نىعايتىپ، حاۋىپ - قاتەردى تىزگىندەپ، تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنىپ، ءوزىن - ءوزى الۋەتتەندىرۋدى، تۇقىم قاينارىندا ءوزىن - ءوزى مەڭگەرە الاتىن بولۋدى جۇزەگە اسىرۋ كەرەك.
پارتيانىڭ 18 - قۇرىلتايىنان بەرى ەلىمىز وسى زامانعى تۇقىم شارۋاشىلىعىنداعى قۇدىرەتتى ەل قۇرۋدى نىسانا ەتىپ، تۇقىم شارۋاشىلىعى ءتۇزىلىس، مەحانيزمى رەفورماسىن تەرەڭدەتىپ، كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، تۇقىم بايلىعىن قورعاۋدى، پايدالانۋدى كۇشەيتىپ، تۇقىم شارۋاشىلىعىنىڭ ساپا ونىمدىلىگى مەن وزەكتى باسەكەلىك قۋاتىن جاپپاي جوعارىلاتتى. قازىر ەلىمىزدە نەگىزگى ەگىس داقىلدارىنىڭ سورتتى تۇقىمى نەگىزىنەن تولىق كومكەردى، دەربەس سۇرىپتاپ جەتىلدىرىلگەن سورتتىڭ اۋماعى %95 تەن استامى اۋماقتى ۇستاپ، اۋىل شارۋاشىلىعىنىڭ وسىزاماندانۋىنا قۋاتتى قوزعاۋشى كۇش ۇستەدى.
− تۇقىم كاسىبىنىڭ دەربەس جاڭالىق جاراتۋ قۋاتى ۇزدىكسىز كۇشەيدى، جۇڭگو نەگىزىنەن وزىندە ەگىلگەن استىقتان پايدالانىپ وتىر.
ءومىر بويى ەگىن ەگىپ كەلەدى، حىنان ولكەسى حىپيڭ قالاسى شيڭبين رايونى ليۋجاي قىستاعىنىڭ ەگىنشىسى سۇن يۇيچي تۇقىمنىڭ ماڭىزدىلىعىن بارعان سايىن انىق سەزىنگەن، ول بىلاي دەدى: «وسى بىرنەشە جىلدا مەن ‹جۇندان – 20› دەگەن سورتتى تاڭداپ كەلەمىن، ءونىم مولشەرى جوعارى، دەرتكە قارسىلىق قۋاتى كۇشتى، مامانداردىڭ ايتقانى بويىنشا ەكتىم، كىرىسىم وتە ورنىقتى بولدى!».
ساپالى تۇقىمنىڭ استارىندا ساپالى تۇقىم جەتىلدىرۋ ماماندارىنىڭ قاجىرلى ەڭبەگى جاتىر. حىبي قالالىق ەگىنشىلىك عىلىم اكادەمياسىنىڭ قۇرمەتتى باستىعى چىڭ شياڭۋىن جۇگەرى تۇقىمى جەتىلدىرۋ ۋاقىتىن قىسقارتۋ ءۇشىن، 50 نەشە جىل اتىزدا تامىر تارتىپ، جۇگەرىنىڭ 39 ءتۇرلى جاڭا سورتىن تاڭداپ جەتىلدىردى، مۇنىڭ ىشىندە «جۇندان – 20» جۇگەرى تۇقىمى بۇكىل ەل بويىنشا 300 ميلليون مۋعا جۋىق جەرگە جالپىلاستىرىلدى.
قازىر ەلىمىزدىڭ تۇقىم شارۋاشىلىعى دەربەس جاڭالىق جاراتۋدى قوزعاۋشى كۇش ەتكەن دامۋدىڭ جاڭا كەزەڭىنە ءوتتى. تاياۋداعى 10 جىلدا مەملەكەت بويىنشا ەگىس داقىلدارىنىڭ 39 مىڭ سورتى تەكسەرىپ بەكىتىلىپ، تىزىمگە الىنىپ، وسىمدىكتەردىڭ جاڭا تۇقىمىن قورعاۋ بويىنشا جىلىنا ءوتىنىش ەتۋ مولشەرى ءۇرتىس 4 جىل دۇنيە ءجۇزى بويىنشا 1 - ورىندى يەلەدى. كۇرىش، ءبيداي، سويا بۇرشاق تۇگەلدەي دەربەس ازىرلەنگەن تۇقىم بولىپ، جۇڭگو نەگىزىنەن وزىندە ەگىلگەن استىقتان پايدالانۋدا. داقىلداردىڭ سورتتى تۇقىمىنان بىرلەسىپ قامال الۋ جانە مال، قۇستىڭ گەنەتيكالىق تۇقىمىن اسىلداندىرۋ قىزمەتىنىڭ ىشكەرىلەي ىلگەرىلەۋىنە بايلانىستى، جاسىل، ساپالى، جوعارى ءونىمدى ءبىر توپ جاڭا سورت ەل ءىشى بازارىنداعى بوستىقتى تولىقتادى.
− ساپالى تۇقىم جەتىلدىرۋ ءادىسى اۋىل شارۋاشىلىعىنىڭ ءونىمىن ارتتىرىپ، ونىمدىلىگىن جوعارىلاتتى.
جياڭشي ولكەسى سۇيچۋان اۋدانى جۋتيان اۋىلى جۋشي قىستاعىندا ءىرى ەكپەشىلىك وتباسىسىنىڭ مۇشەسى ۋاڭ شياۋلان كۇرىش بيتىنەن ساقتانۋمەن ابىگەر بولۋدا. تەلەفون جالعانعاننان كەيىن كوپ وتپەي ەگىنشىلىك تەحنيكتەرى وسىمدىك قورعاۋ اترەتىن باستاپ جەتىپ كەلەدى، ۇشقىشسىز ۇشاق كەڭىستىككە كوتەرىلىپ جۇمىسقا كىرىستى. ۋاڭ شياۋلان بىلاي دەدى: «بيىل 2 مىڭ مۋ جەرگە ساپالى كۇرىش ەكتىك، تۇقىمىمىز جاقسى، ساقتانۋ – تىزگىندەۋ جۇمىسىن دەر كەزىندە ىستەۋدەمىز، مۋ باسىندىق ءتۇسىم مولشەرمەن %10 ارتاتىنى مەجەلەنىپ وتىر».
«ساياسات اتىزعا دەيىن تياناقتاندىرىلدى، قىزمەت وتەۋ جۇيەلى جۇرگىزىلۋدە، جاقسى تۇقىم تاڭداساق، مول ءونىم الامىز». سۇيچۋان اۋدانى ەگىنشىلىك تەحنيكاسىن جالپىلاستىرۋ ورتالىعى مەڭگەرۋشىسىنىڭ ورىنباسارى يۋان حۋاشىڭ بىلاي دەدى: اۋدان بويىنشا 230 دان استام ەگىنشىلىك تەحنيگى قىستاق، گرۋپپالارعا بارىپ، دەرت - دەربەزدەن، زياندى جاندىكتەردەن ساقتانۋ - جويۋ، جاسىل وسىمدىكتەردى قورعاۋ سياقتى تەحنيكالاردى اتىزدارعا جەتكىزىپ، داقىلداردىڭ ءوسۋىن قورعادى.
بۇكىل ەلگە كوز جىبەرسەك، 550 مىڭعا جۋىق ەگىنشىلىك تەحنيكاسىن جالپىلاستىرۋشى قىستاقتارعا، وتباسىلارعا بارىپ، عىلىم - تەحنيكالىق قىزمەت وتەۋدىڭ «ەڭ سوڭعى ءبىر شاقىرىمىن» ىركىلىسسىزدەندىردى، جاڭا سورتتى، جاڭاشا ەگىنشىلىك تەحنيكاسىن جالپىلاستىرىپ، اۋىل شارۋاشىلىعىنىڭ ونىمدىلىگىن بارىنشا جوعارىلاتتى. داقىلدىڭ ءوسۋ جاعدايىنا قاراي تىڭايتقىش بەرۋ، تۇقىم مەن تىڭايتقىشتى قاتار سەبۋ، سۋ مەن تىڭايتقىشتى ءبىر تۇلعالاندىرۋ سياقتى جاڭا تەحنيكالاردى جالپىلاستىرۋ ارقىلى 2020 - جىلى كۇرىش، ءبيداي، جۇگەرى سىندى 3 ۇلكەن استىق داقىلىندا ەگىس دارىلەرىنىڭ، حيميالىق تىڭايتقىشتىڭ پايدالانىلۋ شاماسى جەكە - جەكە %40.6 كە، %40.2 كە جەتىپ، استىقتان جىل سايىن مول ءونىم الۋعا دەم بەرىلدى.
− ساپالى تۇقىمنان ساپالى استىق ءوندىرىلىپ، ەگىنشىلەردىڭ قالتاسى بارعان سايىن قامپيدى.
«ساپالى تۇقىمنان ساپالى استىق وندىرەمىز، ساپالى استىقتى ساتۋدان تارىقپايمىز، جيناپ الا سالا وتكىزىپ جىبەرەمىز». جازعى جيىن - تەرىن كەزىندە شاندۇڭ ولكەسى گاۋمي قالاسى داچىجيا قىستاعىنداعى استىق ەگەتىن ءىرى وتباسى مۇشەسى ۋەي مىڭ جەڭىلدەنىپ قالدى، ول بيىل ەككەن ءبىر مىڭ 500 مۋدان استام جەردەگى ساپالى ءبيدايدى ۇن زاۆودى بازار باعاسىنان جوعارى باعامەن ساتىپ الدى.
ۋەي مىڭ سورتتى تۇقىم ەگۋ بارىسىن ءسوز ەتكەندە بىلاي دەدى: «ءبىز ۋەيفاڭ قالالىق ەگىنشىلىك عىلىم اكادەمياسىمەن سايكەسىپ، سىناق اتىزىنا ءبيدايدىڭ 10 نەشە سورتىن ەگىپ، تاڭداۋلىلارىن تاڭداپ الدىق. قازىر مانەرلەۋ كاسىپورىندارىنىڭ تالابى بارعان سايىن جوعارىلاۋدا، ءبىز ساپالى ءبيداي تاپسىرىسىندا ارناۋلى تۇقىم ەگىپ، ارناۋلى جيناپ، ارناۋلى ساقتاپ، ارناۋلى ىستەتىپ، 400 دەن استام قىستاق تۇرعىنىن يگىلىككە كەنەلتتىك».
بۇكىل ەلگە نازار سالساڭىز، ءار ءتۇيىر ساپالى تۇقىم اتىزدا جەتىلىپ شىعادى. قازىر ەلىمىزدە ەگىس داقىلدارىنىڭ ساپالى تۇقىمىمەن قامتىلۋ شاماسى %96 تەن اسىپ، ساپالى تۇقىمنىڭ اۋىل شارۋاشىلىعىنىڭ ءونىمىن ارتتىرۋعا قوسقان ۇلەس شاماسى %45 تەن اسىپ، استىقتان جىل سايىن مول ءونىم الۋعا جانە ماڭىزدى ەگىنشىلىك ونىمدەرىمەن ورنىقتى قامداۋعا شەشۋشى تىرەك بولدى.
ەگىستىك جەر بايلىعىن ويداعىداي قورعاپ، ويداعىداي پايدالانىپ، استىق حاۋىپسىزدىگىنىڭ نەگىزىن بەكەمدەدى
باس شۋجي شي جينپيڭ بىلاي دەپ دارىپتەگەن بولاتىن: مەملەكەتتىڭ استىق حاۋىپسىزدىگىن قامتاماسىز ەتۋدىڭ نەگىزى ەگىستىك جەردە، ەگىستىك جەر − استىق ءوندىرىسىنىڭ جان تامىرى.
پارتيانىڭ 18 - قۇرىلتايىنان بەرى ورتالىقتان تارتىپ جەرگىلىكتى ورىندارعا دەيىن استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ ستراتەگياسىن ىشكەرىلەي اتقارىپ، استىق حاۋىپسىزدىگىن قامتاماسىز ەتۋ قابىلەتىن كۇشەيتىپ، «استىقپەن نەگىزىنەن ءوزىن - ءوزى قامداۋعا، ىشەر استىقتىڭ مۇلدەم حاۋىپسىزدىگىنە» كەپىلدىك ەتىپ، جۇڭگولىقتاردىڭ ءوز كەسەسىن ءوز قولىندا مىقتاپ ۇستاۋىنا مۇمكىندىك جاراتتى.
− ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاپ، قورعاۋ تورىن بارعان سايىن جيىلەتتى.
سىچۋان ولكەسى شيچاڭ قالاسى يوۋجۇن قالاشىعى يوۋ نيان قىستاعىندا قىستاق پارتيا ياچەيكاسىنىڭ شۋجيى پاڭ زۇڭميڭ ەگىستىك جەردى تاعى دا ارالاپ شىقتى. ول بىلاي دەدى: «تۇتاس قىستاقتىڭ ەگىستىك جەرىن اپتا سايىن ءبىر رەت ارالاپ تەكسەرىپ شىعامىن، بۇل − ‹اتىز باستىعىنىڭ› مىندەتى». شيچاڭ قالاسىندا ءاربىر ەگىستىك جەردىڭ «اتىز باستىعى» بار، ماڭگىلىك نەگىزگى ەگىنجايلاردى قورعاۋ جاۋاپكەرلىگىندە تولىق قامتۋ جۇزەگە اسىرىلعان.
بۇگىنگى ەگىستىك جەر − ەرتەڭگى اس. جەر - جەر ەرەكشە قاتاڭ شارالاردى اتقارىپ، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىردى. كوپتەگەن جەر «اتىز باستىعى ءتۇزىمىن» ورناتۋ جونىندە ىزدەنىس جاساپ، ەگىستىك جەردى قورعاۋ مىندەتىن ادامعا دەيىن تياناقتاندىرىپ، زەردەلى، ۇدايىلانعان، ەگجەي - تەگجەيلى باقىلاۋ - باسقارۋ تۇعىرىن ورناتىپ، ەگىستىك جەردى قورعاۋدا زەيىندەنگەن باقىلاۋ - باسقارۋدى جۇزەگە اسىردى.
− جوعارى ولشەمدى ەگىس اتىزى قۇرىلىسىنىڭ قارقىنى تەزدەپ، ءتىپتى دە كوپ «ءۇمىت اتىزى» «مول ءونىم اتىزىنا» اينالدى.
حىنان ولكەسى ۋ - جى اۋدانى يۋەماپىڭ قىستاعىنداعى جوعارى ولشەمدى ەگىس اتىزىنا بارساڭىز، جۇگەرى مايساسىنىڭ قاۋلاپ وسكەنىن بايقايسىز. ەگىنشىلىك كاسىپتىك سەلبەستىك كووپەراتيۆىنىڭ جاۋاپتىسى يۋە باۋحۇڭ بىلاي دەدى: بيىل 500 مۋدان استام ساپالى ارناۋلى ءبيدايدان ەندى عانا ءونىم الىندى، ونىڭ ۇستىنە جاڭادان ەگىلگەن جۇگەرىنىڭ مۋ باسىندىق تازا كىرىسى 700 يۋاننان اسادى، وسىلايشا كىرىس بىلتىرعىدان %15 ارتادى.
جوعارى ولشەمدى ەگىس اتىزىنىڭ ولشەمى قاي جەردە؟ يۋە باۋحۇڭ بۇل جونىندە بىلاي دەدى: «بۇرىن توپىراق توعانداردان سۋ ىسىراپ بولاتىن، قازىر اتىزدا اۆتوماتتى بۇرىككىش بار، سۋارۋ جۇمىسى جەڭىلدەدى؛ اتىز جولدارى جاڭارىپ، كومبايندار ەمىن – ەركىن جۇرەتىن بولدى، وزىندىك قۇن دا ايتارلىقتاي تومەندەدى؛ بۇرىن كوكتەمدە قۋاڭشىلىقتان، كۇز ماۋسىمىندا سۋ باسۋدان الاڭدايتىنبىز، قازىر توعاندار شار تاراپقا تارتىلىپ، قۋاڭشىلىق بولعاندا سۋارۋدان قىسىلمايتىن، تاسقىن كەزىندە سۋ ىعىستىرا الاتىن بولدىق، ەندىگارى جاڭبىر تىلەمەيتىن بولدىق».
قازىر بۇكىل ەل بويىنشا 800 ميلليون مۋ جوعارى ولشەمدى ەگىس اتىزى سالىندى. بيىل جانە كەلەر جىلى ءار جىلى 100 ميلليون مۋل جوعارى ولشەمدى ەگىس اتىزى قۇرىلىسى ىلگەرىلەتىلىپ، 2022 - جىلعا بارعاندا بۇكىل ەل بويىنشا ءبىر ميلليارد مۋ جوعارى ولشەمدى ەگىس اتىزى سالىنىپ، ءبىر تريلليون جىڭنان استام استىق ءوندىرىس قۋاتى ورنىقتى قامتاماسىز ەتىلەدى.
− قورعاۋ سيپاتىنداعى ەگىس جۇمىستارى قارىشتاپ دامىپ، ەگىستىك جەر ساپاسىنىڭ ۇزدىكسىز جوعارىلاۋىن ىلگەرىلەتتى.
«قارا توپىراقتا قۋات بار، كۇرىشتىڭ مايساسى جاقسى، قاۋلاپ ءوسىپ كەلەدى!» بەيداحۋاڭ توبى حۇڭۋەي ەگىس الاڭى شەكتى سەرىكتەستىگىنىڭ ەگىنشىسى لي يۋانبو قارا توپىراقتى سىعىمداپ ۇستاپ، ماقتانىشپەن بىلاي دەدى: «بۇرىن تىڭايتقىشتى مولىنان بەرسەك، قازىر شاقتاپ عىلمي بەرەتىن بولدىق، داقىل ساباعىن ورتەۋدى قويدىق، ول ءارى توپىراقتى قۇنارلاندىرادى، ءارى دىمقىلدىق ساقتايدى، قارا توپىراق قۋاتتانىپ جاتىر». مىنە، وسىلايشا شىعىس سولتۇستىكتە ەگىستىك جەر قورعالىپ، قارا توپىراقتىڭ ومىرشەڭدىك قۋاتى نىعايدى.
ەگىستىك جەردىڭ ساپاسى استىقتىڭ ءوندىرىس قۋاتىنا سايادى. اۋىل شارۋاشىلىعى، اۋىل – قىستاق مينيسترلىگى شىعىس سولتۇستىكتەگى قارا توپىراقتى قورعاۋ سيپاتىنداعى ەگىس ارەكەت جوسپارىن ءۇرتىس ىلگەرىلەتتى، بيىل اتقارىلاتىن جەر كولەمى 65 ميلليون مۋدان استى. شەگىنگەن ەگىستىك جەرلەردى جونگە سالۋ ىلگەرىلەتىلىپ، شوعىرلى، تۇتاسقان 200 ۇلگى رايون قۇرىلدى. ەگىستىك جەردى اۋىستىرىپ ەگۋ، تىنىقتىرۋ سىناق ءتۇيىنى كولەمى كەڭەيتىلىپ، بيىل سىناق ءتۇيىنى ەتىلگەن جەر اۋدانى 40 ميلليون مۋعا جەتتى.
جاسىل دامۋ نەگىزگى اۋقىمعا اينالىپ، ەگىنشىلىك ونىمدەرىمەن قامداۋ ساپاسى ۇزدىكسىز جوعارىلادى
باس شۋجي شي جينپيڭ بىلاي دەپ اتاپ كورسەتكەن بولاتىن: قازىر بۇقارانىڭ ەگىنشىلىك ونىمدەرىمەن قامداۋدا كوڭىل ءبولىپ وتىرعان ەڭ ۇلكەن ماسەلەسى − ازىق - تۇلىك حاۋىپسىزدىگى. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىندا وسى ماسەلەنى ارقاۋ ەتە وتىرىپ كوبىرەك جۇمىس ىستەۋ كەرەك. جاسىل، ساپالى ەگىنشىلىك ونىمدەرىمەن قامداۋدى ارتتىرۋدى كورنەكتى ورىنعا قويىپ، ەگىنشىلىك ونىمدەرىن ولشەمدەندىرىپ ءوندىرۋدى، ايگىلى ماركا جاراتۋدى، ساپا حاۋىپسىزدىگىن باقىلاپ - باسقارۋدى مىقتى يگەرىپ، جارامدىلارىن العا شىعارىپ، جاراقسىزدارىن قاتاردان قالدىرۋدى، ساپا ارقىلى اۋىل شارۋاشىلىعىن گۇلدەندىرۋدى ىلگەرىلەتۋ كەرەك.
پارتيانىڭ 18 - قۇرىلتايىنان بەرى جەر - جەر اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، اۋىل شارۋاشىلىعىنىڭ دامۋ تاسىلىندە بۇرىلىس جاساۋدى جەدەلدەتىپ، ءبىر توپ جاسىل، ساپالى ەگىنشىلىك ونىمدەرى بۇقارانىڭ اس ۇستەلىن مولىقتىرىپ، اۋىل شارۋاشىلىعىنىڭ قامداۋ جۇيەسىندەگى ساپا ونىمدىلىگىن ۇزدىكسىز جوعارىلاتتى.
− اتىزدار جاسىل جەلەك جامىلىپ، ساپالى ەگىنشىلىك ونىمدەرى ءتىپتى دە كوبەيدى.
سىچۋان ولكەسى گۋاڭيۋان قالاسى جاۋحۋا رايونى يۇنحۋا قىستاعىنىڭ اتىزىنا قادام باسساڭىز، جاپ - جاسىل كۇرىش اتىزى كوزدىڭ جاۋىن الادى. 2019 - جىلى يۇنحۋا قىستاعىنىڭ تۇرعىنى ما چاۋتيڭ «كۇرىش اتىزىندا بالىق باعۋدى» سىناپ كوردى، مۇنىڭ يگىلىگىن كورگەن ول جەردى اينالىمعا سالۋ ارقىلى بيىل كۇرىش ەگىلەتىن جەر كولەمىن 30 مۋدان اسىردى.
جاسىل بولۋعا دەن قويىپ، اۋىل شارۋاشىلىعىن دامىتتى، اۋىل شارۋاشىلىعىنىڭ ەكولوگيالىق قاسيەتى ايقىندالا ءتۇستى. 2020 - جىلى بۇكىل ەل بويىنشا حيميالىق تىڭايتقىش پەن ەگىس دارىلەرىنىڭ ىستەتىلۋ مولشەرى ءۇرتىس 4 جىل كەمەيىپ، ەگىنشىلىك ونىمدەرىنىڭ ساپا حاۋىپسىزدىگىن داعدىلى باقىلاۋ - ولشەۋدىڭ تولىمدىلىق شاماسى %97.8 كە جەتتى، قازىر جاسىل، ورگانيكالىق جانە جاعراپيالىق بەلگىسى كۋالاندىرىلعان ەگىنشىلىك ونىمدەرىنىڭ سانى 55 مىڭعا جەتتى.
− اتىزدار سەحتارمەن تۇتاسىپ، ەگىنشىلىك ونىمدەرىنىڭ قوسىمشا قۇنىن جوعارىلاتتى.
«تاقىر تاۋ جاسىل تاۋعا اينالىپ، تاۋ بەتكەيى جاسىلدانىپ، جىلدىق كىرىس 40 مىڭ يۋاننان استى». گۇيجوۋ ولكەسى ۋاڭمو اۋدانى پيڭدۇڭ ءمالى باسقارماسى لولاڭ قىستاعىنىڭ تۇرعىنى سۋ چيفىڭ قۋانىشپەن بىلاي دەدى: «كاسىپورىن تومەنگى باعاعا كەپىلدىك ەتتى، ءار جىڭى 3.5 يۋان، تالشىننىڭ باعاسى 3 ەسەدەن استام جوعارىلادى، اۋىلداستار تالشىن اعاشىن جابال وسىرۋدە».
لولاڭ قىستاعىنىڭ تالشىن كاسىبىن دامىتۋى اتىزدان سەحقا تۇتاساتىن كاسىپ تىزبەگىنىڭ ارقاسى. تاياۋ جىلداردان بەرى توڭازىتۋ قويماسى، باكتەرياسىز زاۆود ۇيلەرى، جىنتىكتەي مانەرلەۋ ءوندىرىس جەلىسى ىركەس - تىركەس لولاڭ قىستاعىنا ىرگە تەپتى، باستاماشى كاسىپورىندار ءبىر تۇتاس ولشەم بەلگىلەپ، ءبىر تۇتاس ساتىپ الدى، تالشىن تاۋلى قىستاقتان شىعىپ بۇكىل ەلگە ساتىلدى.
اۋىل شارۋاشىلىعىن وسىزامانداندىرۋ اۋىل شارۋاشىلىعىن كاسىپ سالالاندىرۋدان قول ۇزە المايدى. قازىر كوپتەگەن ەگىنشىلىك ونىمدەرى «بۇرىنعى بەينەسىنە» قوش ايتىپ، مانەرلەۋ، قۇنىن ارتتىرۋ ارقىلى شارۋالاردىڭ قالتاسىن قامپايتتى. 2020 - جىلى بۇكىل ەل بويىنشا ەگىنشىلىك ونىمدەرىن مانەرلەۋ كاسىبىنىڭ تيجارات كىرىسى 23 تريلليون 200 ميلليارد يۋانعا جەتىپ، كولەمدەنگەن ەگىنشىلىك ونىمدەرىن مانەرلەۋ كاسىپورىندارى 73 مىڭنان اسىپ، مانەرلەۋ، كادەگە جاراتۋ شاماسى %68 كە جەتىپ، 30 ميلليوننان استام ادامدى جۇمىسقا قابىلداپ، 100 ميلليوننان استام شاعىن شارۋا وتباسىنىڭ كىرىسىن ارتتىرۋىنا دەم بەرەدى.
− اينالمالى اۋىل شارۋاشىلىعىن دامىتىپ، اۋىل شارۋاشىلىعىنداعى جاراقسىز زاتتاردى اسىلعا اينالدىردى.
انحۇي ولكەسى ليشين اۋدانى گۇڭديان قالاشىعى تيان - ي وتباسى ەگىس الاڭىنا بارعانىمىزدا جاۋاپتى ادام لي چىڭنىڭ اۋىلداستارىن باستاپ، ارالاستىرىلعان سابان ۇنتاعى ۇگىندىلەرىن دورباعا سالىپ، باكتەريا تاياقشاسىن جاساپ جاتقانىن كوردىك. بۇل ارادا ەگىس داقىلدارىنىڭ سابانى «اسىلعا» اينالعان: باكتەريا تاياقشاسىن مانەرلەپ، جۇپار ساڭىراۋقۇلاق، ساڭىراۋقۇلاق سياقتى ازىقتىق باكتەريالاردى وندىرەدى، كەرەكسىز باكتەريا تاياقشاسىنان ورگانيكالىق تىڭايتقىش جاساۋعا دا بولادى.
اينالمالى پايدالانىپ، اۋىل شارۋاشىلىعىنىڭ «قالعان جارتى كاسىبىن» تاۋىپ الدى. جەر - جەر سابان - توپان، مال قيى، قۇس ساڭعىرىعى سياقتىلاردى بايلىققا اينالدىرىپ پايدالانۋدى ىلگەرىلەتىپ، اۋىل - قىستاق ورتاسىن جاقسارتىپ، توپىراقتىڭ قۋاتىن جوعارىلاتىپ، اۋىل شارۋاشىلىعىنىڭ بەتتىك لاستانۋىن ازايتتى. قازىر ەلىمىزدە سابان - توپاننان جان - جاقتى پايدالانۋ شاماسى %86 كە جەتتى، 585 ءىرى مال شارۋاشىلىق اۋدانى تۇتاس اۋدان بويىنشا مال قيىن، قۇس ساڭعىرىعىن بايلىققا اينالدىرىپ پايدالانۋدى ىلگەرىلەتىپ، مال قيىنىڭ، قۇس ساڭعىرىعىنىڭ جالپى بەتتىك پايدالانىلۋ شاماسىن %75 تەن اسىرىپ، ەگىنشىلىك جارعاعىن جيناپ الۋ شاماسىن %80 كە جەتكىزدى.
اۋىل - قىستاقتى گۇلدەندىرۋدىڭ تەتىگى كاسىپ سالاسىن گۇلدەندىرۋدە. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جاپپاي جەدەلدەتىپ، اۋىل شارۋاشىلىعىنىڭ نەگىزىن ونان ارى بەكەمدەپ، اۋىل شارۋاشىلىعىنىڭ ساپاسىن، ونىمدىلىگىن جانە باسەكەلىك قۋاتىن كۇش سالا جوعارىلاتىپ، جاڭا جورىقتا اۋىل شارۋاشىلىعىن وسىزامانداندىرۋدىڭ، دامىتۋدىڭ تىڭ داستانىن جازۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
