لي كىچياڭ مەن برۋنەيدىڭ سۇلتانى حاساننار ءبىر - بىرىنە قۇتتىقتاۋ تەلەگرامماسىن جولدادى

2021.07.21 08:26 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 7 - ايدىڭ 19 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ مەن شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى برۋنەيدىڭ سۇلتانى حاساننار 7 - ايدىڭ 19 – كۇنى ءبىر - بىرىنە قۇتتىقتاۋ تەلەگرامماسىن جولداپ، جۇڭگو مەن شىعىس وڭتۇستىك ازيا ەلدەرى وداعىنىڭ پىكىرلەسۋ قاتىناسىن ورناتقانىنىڭ 30 جىلدىعىن اتاپ ءوتتى.

　　لي كىچياڭ قۇتتىقتاۋ تەلەگرامماسىندا مىنانى ءبىلدىردى: وتكەن 30 جىلدان بەرى جۇڭگو مەن شىعىس وڭتۇستىك ازيا وداعىنداعى ەلدەر جاپا – ماشاقاتتا بىرگە بولىپ، ۇدىرە العا تارتىپ، ءار ەلدىڭ، سونداي – اق ءوڭىردىڭ ورنىقتىلىعى، دامۋى، گۇلدەنۋى ءۇشىن ماڭىزدى ۇلەس قوسىپ، ازيا – تىنىق مۇحيت ءوڭىرى سەلبەستىگىنىڭ ۇلگىسى مەن ونەگەسىن ورناتتى. بىلتىردان بەرى جۇڭگو مەن شىعىس وڭتۇستىك ازيا ەلدەرى وداعى جاڭا تيپتى ايدارشا ۆيرۋس وكپە قابىنۋ ىندەتىنە قول ۇستاسا قارسى اتتانىپ، ءوزارا قارايلاساتىن، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا رۋحىن اناعۇرلىم ايگىلەدى.

　　لي كىچياڭ مىنانى ءبىلدىردى: قازىر جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسى جاپپاي دامۋدىڭ جاڭا كەزەڭىنە ءوتتى، جۇڭگو شىعىس وڭتۇستىك ازيا وداعىمەن بىرگە اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناستى قول ۇستاسا سومداپ، اناعۇرلىم تىعىز تاعدىرلاس ورتاق تۇلعا قۇرىپ، بولاشاقتاعى وڭىرلىك جانە دۇنيە جۇزىلىك سايىستارعا اناعۇرلىم ويداعىداي توتەپ بەرىپ، ەكى جاقتاعى 11 ەلدىڭ 2 ميللياردتان استام حالقىنا باقىت جاراتۋدى قالايدى.

　　حاساننار قۇتتىقتاۋ تەلەگرامماسىندا شىعىس وڭتۇستىك ازيا ەلدەرى وداعى اتىنان ەكى جاقتىڭ پىكىرلەسۋ قاتىناسىن ورناتقانىنىڭ 30 جىلدىعىن جانە جۇڭگو كوممۋنيستىك پارتياسىنىڭ 100 جىلدىق مەرەي تويىن شىن جۇرەكتەن قۇتتىقتاپ، مىنانى ءبىلدىردى: شىعىس وڭتۇستىك ازيا ەلدەرى وداعى مەن جۇڭگونىڭ قاتىناسىندا 30 جىلدان بەرى سۇبەلى تابىستارعا قول جەتكىزىلىپ، وسى قاتىناستىڭ ەڭ زور ستراتەگيالىق جانە جان - جاقتى سەرىكتەستىك مانىنە يە قاتىناستىڭ بىرىنە اينالعانىن ءبىلدىردى. ەكى جاق ىندەتكە قارسى اتتانۋدا سەلبەسىپ، ەكونوميكا - ساۋدا، گۋمانيتارلىق سياقتى سالالارداعى اۋىس - كۇيىس، سەلبەستىكتى ۇزدىكسىز تەرەڭدەتتى. جۇڭگونىڭ شىعىس وڭتۇستىك ازيا ەلدەرى وداعىنىڭ وزەكتى ورنىن باتىل قولداعانىنا العىس ايتامىن، شىعىس وڭتۇستىك ازيا ەلدەرى وداعى مەن جۇڭگونىڭ ستراتەگيالىق سەرىكتەستىك قاتىناسىنىڭ ەكى جاقتىڭ حالىقتارىنا ءتىپتى دە كوركەم بولاشاق جاراتاتىنىنا سەنەمىن.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved