لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
تاسقىننان ساقتانۋ، اپاتتان قۇتقارۋ قىزمەتىن مىقتى يگەرىپ، حالىقتىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋدى ورنالاستىردى؛ فينانس كاسىبىن سىرتقا اشىق ۇستاۋدى ىلگەرىلەتۋ جاعدايى جونىندەگى مالىمەتتى تىڭداپ، فينانس كاسىبىن اشىق ۇستاۋ قىزمەتىن تەرەڭدەتۋدى اقىلداستى؛ شەكارا اتتاعان ساۋدانى قولايلىلاندىرۋ رەفورماسىن ونان ارى تەرەڭدەتىپ، شەكارا وتكەلىنىڭ تيجارات - ساۋدا ورتاسىن ساپالىلاندىرۋ شارالارىن بەلگىلەدى
2021.07.22 15:11 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، تاسقىننان ساقتانۋ، اپاتتان قۇتقارۋ قىزمەتىن مىقتى يگەرىپ، حالىقتىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋدى ورنالاستىردى؛ فينانس كاسىبىن سىرتقا اشىق ۇستاۋدى ىلگەرىلەتۋ جاعدايى جونىندەگى مالىمەتتى تىڭداپ، فينانس كاسىبىن اشىق ۇستاۋ قىزمەتىن تەرەڭدەتۋدى اقىلداستى؛ شەكارا اتتاعان ساۋدانى قولايلىلاندىرۋ رەفورماسىن ونان ارى تەرەڭدەتىپ، شەكارا وتكەلىنىڭ تيجارات - ساۋدا ورتاسىن ساپالىلاندىرۋ شارالارىن بەلگىلەدى.
ءماجىلىس مىنانى اتاپ كورسەتتى: جۋىردا ەلىمىزدىڭ كوپ جەرىندە نوسەر جاۋدى، كەشە حىناننىڭ ءىشىنارا جەرلەرىندە تاعى دا سۇراپىل جاڭبىر جاۋىپ، اۋىر تاسقىن اپاتى، اسىرەسە، قالالاردا سيرەك كەزدەسەتىن تاسقىن ءجۇرىپ، اۋىر ءولىم - ءجىتىم جانە مال - مۇلىك شىعىنى تۋىلدى. قازىر ەلىمىز «7 – ايدىڭ سوڭعى شەنىنەن 8 – ايدىڭ باسقى شەنىنە دەيىنگى» نەگىزگى تاسقىن مەزگىلى مەن تاسقىننان ساقتانۋدىڭ شەشۋشى مەزگىلىندە تۇر، اۋا رايىنان الدىن الا مالىمەتكە نەگىزدەلگەندە، تاياۋ مەزگىلدە ءىشىنارا جەرلەردە ءالى دە قالىڭ جاڭبىر جاۋادى ەكەن. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋدى ماڭداي الدى ورىنعا قويىپ، جاۋاپكەرلىك ءتۇزىمىن كۇشەيتىپ، ءتۇرلى بۋىنداعى جاۋاپكەرلىكتى تياناقتاندىرۋ كەرەك. ءبىرىنشى، قاتىستى كاسىپتىك كۇشتەردى ۇيىمداستىرىپ، قارجى جانە زاتتىق ماتەريالداردى توپتاپ، حىناننىڭ قاتەردەن اراشالاپ، اپاتتان قۇتقارۋىنا قولداۋ كورسەتىپ، كومەكتەسىپ، قاتەرگە ۇشىراعان ادامداردى ىزدەۋ - قۇتقارۋ، جارالىلاردى قۇتقارۋ - ەمدەۋ، اپاتقا ۇشىراعان بۇقارانى كوشىرىپ ورنالاستىرۋ، قازا بولعانداردىڭ سوڭعى جۇمىستارىن ىڭعايلاستىرۋ سياقتى قىزمەتتەردى ويداعىداي ىستەۋ كەرەك. ەكىنشى، ءتۇيىندى رايونداردىڭ تاسقىننان ساقتانىپ، اپاتقا قارسى اتتانۋىن قولداۋ تەبىنىن ارتتىرىپ، ادام كۇشىن كوبەيتىپ، زاتتىق ماتەريالداردى تولىق دايىنداپ، ۇلكەن وزەن، شاعىن تۇرپاتتى قاتەرلى سۋ قويمالارى سياقتى سۋ يگىلىگى ينجەنەريالارىنىڭ توسپالارىن قاتاڭ شارلاپ تەكسەرۋدى جانە قاتەردى جويۋدى كۇشەيتۋ كەرەك. قاتىناس قۇرىلعىلارىندا شۇعىل توتەپ بەرۋ جوباسىن ويداعىداي ىستەۋ كەرەك. قالالاردا تاسقىن جانە لاي تاسقىنى سياقتى قوسالقى اپاتتاردان ساقتانۋ كەرەك. ءۇشىنشى، اۋا رايىن باقىلاۋ - تەكسەرۋدى، ساقتاندىرۋدى كۇشەيتىپ، قالىپسىز اۋا رايىنان تۋىلۋى مۇمكىن اپاتقا قاراتا ءتۇرلى دايىندىقتاردى تولىق ىستەپ، حاۋىپ - قاتەردەن ساقتانۋعا ءتيىستى جاعدايدا حاۋىپ – قاتەردەن ساقتانۋ، بىتىراتۋعا ءتيىستى جاعدايدا بىتىراتىپ، توسىن قاتەردىڭ تۋىلۋىنان ساقتانىپ، بۇقارانىڭ حاۋىپسىزدىگىن مۇمكىندىكتىڭ بارىنشا قامتاماسىزداندىرىپ، اپات زيانىن ازايتىپ، تاسقىننان امان - ەسەن وتۋگە كەپىلدىك ەتۋ كەرەك.
ءماجىلىس مىنالاردى اتاپ كورسەتتى: تاياۋ جىلداردان بەرى ەلىمىزدىڭ فينانس كاسىبى سىرتقا اشىق ۇستاۋدى تارتىپپەن ىلگەرىلەتىپ، بەلسەندى ىلگەرىلەۋشىلىككە قول جەتكىزدى، شەتەل قارجىلاندىرعان 100 دەن استام بانكە، قامسىزداندىرۋ، باعالى قاعاز، تولەۋ، اداقتاۋ سياقتى قۇرىلىمداردى قۇرۋدى بەكىتتى. ماجىلىستە مىنالار بەلگىلەندى: فينانستىڭ ناقتى ەكونوميكاعا قىزمەت وتەۋ قۋاتىن كۇشەيتۋدى ارقاۋ ەتىپ، فينانستا رەفورما جاساپ، اشىق ۇستاۋدى تەرەڭدەتىپ، ەكى بازاردان، ەكى ءتۇرلى بايلىقتان ويداعىداي پايدالانىپ، جۇڭگونى باستان - اياق شەتەل قارجىسىن باۋرايتىن قۇتتى مەكەن ەتۋ كەرەك. ءبىرىنشى، فينانس كاسىبىندە سىرتقا اشىق ۇستاۋ ۋادەسىنىڭ تياناقتانۋىن ۇزدىكسىز ويداعىداي يگەرىپ، اشىق ۇستاۋ دەڭگەيى ءبىرشاما جوعارى حالىقارالىق ولشەمگە ىرىقتىلىقپەن تۋرالانىپ، شەكتەلگەن سالالار ءتىزىمىن نەگىز ەتكەن اناعۇرلىم جوعارى دەڭگەيدەگى فينانستىق اشىق ۇستاۋ جاعدايىنىڭ قالىپتاسۋىن ىلگەرىلەتۋ كەرەك. ەكىنشى، شەتەل قارجى قوسقان بانكە، قامسىزداندىرۋ سياقتى فينانس قۇرىلىمدارىنىڭ بازارعا كىرۋىنە رۇقسات ەتۋ شارتى تالابىن ساپالىلاندىرىپ، فينانس قۇرىلىمدارىنىڭ نەگىزگى - تارماق سەرىكتەستىكتەرىنىڭ شەكارا اتتاعان بارىس - كەلىس ەرەجەسىن كەمەلدەندىرۋ كەرەك. شەتەل قارجىسىنىڭ شەكارا ىشىندەگى فينانس بازارىنا قاتىناسۋ ارناسى مەن ءتاسىلىن ساپالىلاندىرۋ كەرەك. ناقتى ەكونوميكامەن تىعىز قاتىستى تىكەلەي قارجى قوسۋ نىساندارىن باسقارۋ تالابىن كەمەلدەندىرۋدى ىلگەرىلەتۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ءۇشىنشى، ماكرولىق بايىپتى ساياسات جۇلگەسىن كەمەلدەندىرىپ، جۇيەلىك فينانس حاۋىپ - قاتەرىن باقىلاۋ - تەكسەرۋ، باعالاۋ جانە ساقتاندىرۋ مەحانيزمىن ورناتىپ، فينانس بازارىنىڭ ورنىقتى اينالىمىن ساقتاۋ كەرەك.
ءماجىلىس بىلاي دەپ اتاپ كورسەتتى: تاياۋ جىلداردان بەرى شەكارا اتتاعان ساۋدانى قولايلىلاندىرۋ رەفورماسىن ىلگەرىلەتۋ، تيجارات - ساۋدا ورتاسىن ساپالىلاندىرۋ ارقىلى بۇكىل ەل كولەمىندە يمپورت، ەكسپورت بويىنشا كەدەننەن جالپى بەتتىك ءوتۋ ۋاقىتى 2017 - جىلداعىدان جەكە - جەكە %60 تەن، %80 تەن استام قىسقاردى. ماجىلىستە مىنالار بەلگىلەندى: كەلەسى قادامداعى، اسىرەسە، سوڭعى جارتى جىلداعى حالىقارالىق جاعداي مەن قورشاعان ورتانىڭ وزگەرىسىنە قاراتا شەكارا وتكەلىندە ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، كەدەننەن ءوتۋدى قولايلىلاندىرۋدى ءبىر تۇتاس ىلگەرىلەتىپ، سىرتقى ساۋدا يمپورت - ەكسپورتىنىڭ ورنىقتى ارتۋىن ساقتاۋ كەرەك. ءبىرىنشى، كەدەننەن ءوتۋ ونىمدىلىگىن اناعۇرلىم جوعارىلاتۋ كەرەك. ەكسپورت ەتىلەتىن زاتتاردى «پورتتا تىكەلەي تيەۋ» مەن يمپورت ەتىلەتىن زاتتاردى «كەمەنىڭ شەتىنەن تىكەلەي قابىلداپ الۋدى» تۇيىندە سىناق ەتۋدى كەڭەيتۋ كەرەك. ەكسپورتتان سالىق قايتارۋ قولايلىلىعىن جوعارىلاتۋ، بيىل جىل سوڭىنان بۇرىن سالىق قايتارۋ رەسمياتىن وتەۋدەگى ورتاشا ۋاقىتتى 7 قىزمەت كۇنىنە قىسقارتۋ كەرەك. شەتەلدەردەگى قامبا قۇرىلىسىنا قولداۋ كورسەتىپ، شەكارا اتتاعان ەلەكتروندىق ساۋدا ەكسپورتىندا زات قايتارۋ ساياساتىن كەمەلدەندىرۋ كەرەك. «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىندەگى» ساۋدانى قولايلىلاندىرۋ شارالارىمەن ۇشتاسۋدى ويداعىداي ىستەۋ كەرەك. ەكىنشى، يمپورت - ەكسپورت بۋىندارىنداعى قاراجاتتى ونان ارى تومەندەتۋ كەرەك. شەكارا وتكەلدەرىنەن اقى الۋ تىزىمدىگىن اشىق جاريالاۋ ءتۇزىمىن تياناقتاندىرۋ كەرەك، تىزىمدىكتەن سىرت اقى الۋعا بولمايدى. تەڭىز جاعالاۋىنداعى پورتتاردىڭ جول نۇسقاۋ قاراجات ولشەمىن تومەندەتۋ كەرەك. ءۇشىنشى، شەكارا وتكەلدەرىنە جالپىلىق قىزمەت وتەۋدى اناعۇرلىم كۇشەيتۋ، اۆياتسيا وتكەلدەرىنە ءبولىپ بەرۋدىڭ كۇشكە يە ۋاقىتىن جوعارىلاتۋ، تەمىر جول تاسىمالىنان سۋ تاسىمالىنا الماستىرىلعان زاتتارعا قاراتا «پويەز بەن كەمە اراسىندا توتە الۋ» ۇلگىسىن اتقارۋ جاعىندا ىزدەنىس جاساپ، حالىقارالىق زات اينالىمىمەن قامداۋ قۋاتىن جوعارىلاتۋ كەرەك.
ءماجىلىس باسقا ىستەردى دە اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
