لي جانشۋ ۋرۋگۆاي زۇڭتۇڭىنىڭ ورىنباسارى، پارلامەنت ءتوراعاسى، قوسىمشا كەڭەس پالاتاسىنىڭ باستىعى اشيمونمەن كەڭەس وتكىزدى
2021.07.22 15:17 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 21 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 7 - ايدىڭ 21 - كۇنى بەيجيڭدەگى حالىق سارايىندا بەينە ەكران تاسىلىمەن ۋرۋگۆاي زۇڭتۇڭىنىڭ ورىنباسارى، پارلامەنت ءتوراعاسى، قوسىمشا كەڭەس پالاتاسىنىڭ باستىعى اشيمونمەن كەڭەس وتكىزدى.
لي جانشۋ بىلاي دەدى: جۇڭگو مەن ۋرۋگۆاي − ابزال دوس، تاتۋ سەرىك. ءتوراعا شي جينپيڭ مەن لاكاللە زۇڭتۇڭنىڭ بىرگە جەتەكشىلىك ەتۋىندە، جۇڭگو مەن ۋرۋگۆايدىڭ ستراتەگيالىق سەرىكتەستىك قاتىناسى جوعارى دەڭگەيدە اينالىس جاسادى. ەكى ەل تەڭ تۇرعىدا مامىلە جاساپ، ءوزارا قۇرمەت ەتۋدە تاباندى بولىپ، مەملەكەتتەر اراسىنداعى جاراسىمدى، تاتۋ - ءتاتتى بولۋدىڭ، سەلبەسىپ تەڭ يگىلىككە كەنەلۋدىڭ ۇلگىسىنە اينالدى. جۇڭگو ۋرۋگۆايمەن قول ۇستاسا سەلبەسىپ، ەكى ەل باسشىلارىنىڭ ماڭىزدى ورتاق تانىمىن بىرگە ويداعىداي تياناقتاندىرىپ، جۇڭگو - ۋرۋگۆاي قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى.
لي جانشۋ بىلاي دەپ اتاپ كورسەتتى: اماليات جۇڭگو - ۋرۋگۆاي قاتىناسىنىڭ ۇزاق ۋاقىت ورنىقتى دامۋىنىڭ ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەتىنىن دالەلدەدى. ەكى جاق ساياسي سەنىمدىلىكتى ۇزدىكسىز كۇشەيتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداۋى كەرەك. ىندەتكە قارسى اتتانۋ سەلبەستىگىن كەڭەيتىپ، گۋمانيتارلىق اۋىس - كۇيىستى جيىلەتىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتىپ، ءار سالاداعى ناقتى سەلبەستىكتى تەرەڭدەتۋ كەرەك. كوپ جاقتى ىستەردەگى سەلبەستىكتى كۇشەيتىپ، ب م ۇ، دۇنيە جۇزىلىك ساۋدا ۇيىمى سياقتى كوپ جاقتى قۇرىلىمداردا تىعىز سايكەسىپ، كوپ جاقتىلىقتا تاباندى بولىپ، قورعانىمپازدىققا قارسى تۇرىپ، جۇڭگو مەن لاتىن امەريكاسىنىڭ جالپى تۇلعالىق سەلبەستىگىن بەلسەنە ىلگەرىلەتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك.
لي جانشۋ دارىپتەپ بىلاي دەدى: جۇڭگو مەملەكەتتىك حالىق قۇرىلتايى ۋرۋگۆاي پارلامەنتىمەن اۋىس - كۇيىس پەن سەلبەستىكتى اناعۇرلىم كۇشەيتىپ، ەكى ەلدىڭ ستراتەگيالىق سەرىكتەستىك قاتىناسىنىڭ مازمۇنىن ۇزدىكسىز بايىتۋدى قالايدى. جوعارى جىكتەگىلەردىڭ بارىس - كەلىسىن كۇشەيتىپ، ارناۋلى كوميتەتتەر، دوستىق گرۋپپالار سياقتى ءار دارەجەلى دوستىق بارىس - كەلىستى جيىلەتۋدى ءۇمىت ەتەمىز. زاڭ شىعارۋ تاجىريبەلەرىن اۋىستىرۋدى تەرەڭدەتىپ، ەكونوميكالىق، قوعامدىق دامۋ، كەدەيلىكتى جويۋ، قورشاعان ورتانى قورعاۋ سياقتى كەڭەستىك تاقىرىپتار جونىندە پىكىرلەسۋدى كۇشەيتۋ كەرەك. قاتىستى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ، ەكى ەلدىڭ ناقتى سەلبەستىگىنە تاماشا زاڭدىق ساياسات ورتاسىن ازىرلەۋ كەرەك. ءار ەل پارلامەنتتەر وداعى، لاتىن امەريكاسى پارلامەنتى سياقتى كوپ جاقتى پارلامەنت ۇيىمدارىنداعى سەلبەستىكتى كۇشەيتۋى كەرەك.
لي جانشۋ بىلاي دەدى: ۋرۋگۆايدىڭ نەگىزگى پارتياسى جۇڭگو كوممۋنيستىك پارتياسىمەن دوستىق بارىس - كەلىستى جالعاستىرىپ، تاياۋدا وتكىزىلگەن جۇڭگو كوممۋنيستىك پارتياسى مەن دۇنيە جۇزىندەگى پارتيالار باسشىلارىنىڭ باس قوسۋىنا قاتىناسىپ، ەكى ەل قاتىناسىنىڭ تەرەڭ نەگىزىن ايگىلەدى. ۋرۋگۆاي پارتياسىنىڭ حات جولداپ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاعانىنا العىس ايتامىن. ءتۇرلى تاسىلدەر ارقىلى بيلىك جۇرگىزۋ قۋاتى قۇرىلىسىن كۇشەيتۋ سياقتىلار جونىندە تاجىريبە اۋىستىرۋدى ءۇمىت ەتەمىن.
اشيمون مىنانى ءبىلدىردى: ۋرۋگۆاي جۇڭگومەن ستراتەگيالىق سەرىكتەستىك قاتىناستى دامىتۋعا ايرىقشا ءمان بەرەدى، ەكى ەلدىڭ ءار سالاداعى سەلبەستىگىن جاپپاي دامىتۋدى قالايدى. جۇڭگونىڭ ۋرۋگۆايدىڭ ىندەتپەن كۇرەسۋىنە قولداۋ كورسەتكەنىنە جانە ۋرۋگۆايدىڭ ەكونوميكالىق، قوعامدىق دامۋدى جەبەۋ بارىسىندا قوسقان ۇلەسىنە العىس ايتامىن. ەكى ەلدىڭ زاڭ شىعارۋ قۇرىلىمدارى اراسىنداعى بارىس - كەلىستى كۇشەيتىپ، ءداستۇرلى دوستىقتى تەرەڭدەتۋدە، ناقتى سەلبەستىكتى كەڭەيتۋدە بەلسەندى رول اتقارۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
