شاندۇڭ ولكەسى ۋيفاڭ قالالىق ۇكىمەت پارتگرۋپپاسىنىڭ بۇرىنعى ورىنباسار شۋجيى، ورىنباسار قالا باستىعى ۋاڭ شۋحۋا ءبىرىنشى سوتتا 12 جىلعا ۇكىم ەتىلدى
2021.07.22 15:57 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 21 - كۇنى، جينان. 7 - ايدىڭ 21 - كۇنى شاندۇڭ ولكەسى يانتاي قالالىق ورتا دارەجەلى حالىق سوت مەكەمەسى الىس ارالىقتى كەسكىن جۇيەسى ارقىلى ۋيفاڭ قالالىق ۇكىمەت پارتگرۋپپاسىنىڭ بۇرىنعى ورىنباسار شۋجيى، ورىنباسار قالا باستىعى ۋاڭ شۋحۋانىڭ پارا الۋ دەلوسىنا ءبىرىنشى سوتتا اشىق ۇكىم شىعاردى. ايىپكەر ۋاڭ شۋحۋاعا پارا الۋ قىلمىسى بويىنشا 12 جىلدىق مەرزىمدى قاماق جازاسى، وعان قوسا 2 ميلليون يۋان اقشالاي ايىپ تارتتىرۋ جازاسى كەسىلدى؛ پەشەتتەلگەن، ۇستاپ قالىنعان ارام اقشا، ارام مال - مۇلكى زاڭ بويىنشا ءبىر جاقتىلى ەتىلىپ، مەملەكەت قازىناسىنا تاپسىرىلاتىن بولدى.
تەكسەرۋ ارقىلى مىنالار انىقتالدى: 2000 - جىلدان 2020 - جىلدىڭ سوڭعى جارىمىنا دەيىن ايىپكەر ۋاڭ شۋحۋا ۋيفاڭ قالالىق پارتكومنىڭ ورىنباسار باس حاتشىسى، چاڭلى اۋدانىنىڭ اكىمى، چاڭلى اۋداندىق پارتكومنىڭ شۋجيى، ۋيفاڭ بينحاي ەكونوميكالىق - تەحنيكالىق اشۋ رايونى پارتيا قىزمەتى كوميتەتىنىڭ شۋجيى، ۋيفاڭ قالاسىنىڭ ورىنباسار قالا باستىعى سياقتى مىندەتتەردى وتكەن كەزىندە قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ كاسىپورىن تيجاراتى، قورا - جاي اشۋ، قۇرىلىستى كوتەرمەگە الۋ سياقتى جاقتاردا كومەك كورسەتتى. 2003 - جىلى 2 - ايدان 2020 - جىلى جازعا دەيىن ءوزى نەمەسە باسقالار ارقىلى قاتىستى ورىندار مەن جەكەلەر بەرگەن مال - مۇلىكتى زاڭسىز قابىلداپ، جالپى حالىق اقشاسىنا سىندىرعاندا 21 ميلليون 122 مىڭ 36 يۋان بولعان.
يانتاي قالالىق ورتا دارەجەلى حالىق سوت مەكەمەسى بىلاي دەپ قارايدى: جاۋاپكەر ۋاڭ شۋحۋا مەملەكەت قىزمەتكەرى بولا تۇرىپ، قىزمەت قولايلىلىعىنان پايدالانىپ، بۇيىمتاي تاپسىرۋشىعا پايدا جەتكىزگەن، ءوزى نەمەسە باسقالار ارقىلى بۇيىمتاي تاپسىرۋشى بەرگەن مال - مۇلىكتى زاڭسىز قابىلداعان، سوماسى توتەنشە كوپ، ونىڭ ارەكەتى پارا الۋ قىلمىسىنا جاتادى. الەۋمەتتىك ايىپتاۋ ورگانى ايىپتاعان قىلمىس قالىپتاسقان. جاۋاپكەر ۋاڭ شۋحۋانىڭ دەلوعا الىنعاننان كەيىن قىلمىس فاكتىلەرىن قاز - قالپىندا مويىنداۋىنا، بارلاۋ ورگانى ءالى يگەرمەگەن باسىم كوپ ساندى قىلمىس فاكتىلەرىن ىرىقتىلىقپەن تاپسىرۋىنا بايلانىستى، وندا شىنشىلدىق ءمان - جاي بار؛ قىلمىسىن وزدىگىنەن مويىنداپ، جازاعا مويىنسال بولىپ، بارلىق ارام اقشانى، ارام مال - مۇلىكتى بەلسەنە قايتارعاندىقتان زاڭ بويىنشا جەڭىل جازالانادى. سونىمەن سوت جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
