بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن

وزگەرىس ەنگىزىلگەننەن كەيىنگى «شوشقا سويىسىن باسقارۋ ەرەجەسى» جاريالاندى

2021.07.23 16:37     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 22 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «شوشقا سويىسىن باسقارۋ ەرەجەسى» جاريالاندى، 2021 - جىلى 8 - ايدىڭ 1 - كۇنىنەن باستاپ اتقارىلادى.

  ج ك پ ورتالىق كوميتەتى، مەملەكەتتىك كەڭەس شوشقا جانە ونىڭ ءونىم ساپاسى حاۋىپسىزدىگىنە باسا ءمان بەرىپ كەلەدى. شوشقا سويىسىن باسقارۋدى كۇشەيتۋ − شوشقانىڭ ءونىم ساپاسىنىڭ حاۋىپسىزدىگىنە كەپىلدىك ەتىپ، حالىق بۇقاراسىنىڭ ساپالى ەت تۇتىنۋىنا مۇمكىندىك جاراتىپ، حالىق بۇقاراسىنىڭ دەنساۋلىعىن قامتاماسىزداندىرۋدىڭ تەتىگى. تاياۋ جىلداردان بەرى «ەرەجە» اتقارۋ بارىسىندا ءىشىنارا جاڭا جاعداي مەن تىڭ ماسەلەلەرگە جولىقتى، وزگەرىس ەنگىزىپ كەمەلدەندىرۋ قاجەت بولدى. وزگەرىس ەنگىزىلگەننەن كەيىنگى «ەرەجەدە» شوشقا سويىسىن باسقارۋدى كۇشەيتۋ جانە ارناعا ءتۇسىرۋ جونىندە مىناداي ءۇش جاقتان ءتۇيىندى تۇردە بەلگىلەمە جاسالدى.

  ءبىرىنشى، شوشقا سويىسىنىڭ تۇتاس بارىسىن باسقارۋدى كەمەلدەندىرۋ كەرەك. «ەرەجەدە» بىلاي دەپ بەلگىلەندى: ءتۇيىندى شوشقا سويىسى زاۆودى (فەرما) شوشقانى زاۆودقا (فەرما) كىرگىزۋدە تەكسەرىپ تىزىمگە الۋ ءتۇزىمىن ورناتۋى كەرەك. سويىلاتىن شوشقا مەملەكەت بەلگىلەگەن جۇمىس ەرەجەسىنە، تەحنيكالىق تالاپقا جانە شوشقا سويىسى ساپاسىن باسقارۋ ولشەمىنە ۇيلەسۋى ءارى دەزينفەكسيالاۋ تەحنيكالىق ولشەمىن قاتاڭ اتقارۋ كەرەك. ەت ونىمدەرىنىڭ ساپاسىن تەكسەرۋدە شوشقا سويىسى ەت ونىمدەرىنىڭ ساپاسىن تەكسەرۋ ەرەجەسىنە بويسۇنۋ كەرەك. ءتۇيىندى شوشقا سويىسى زاۆودى (فەرما) شوشقا ونىمدەرىن زاۆودتان (فەرما) شىعارۋدا ەستەلىككە الۋ ءتۇزىمىن ورناتىپ، زاۆودتان (فەرما) شىققان شوشقا ونىمدەرىنىڭ اتى، ولشەمى، كارەنتيندەۋ كۋالىك ءنومىرى، ەت ونىمدەرىنىڭ ساپاسىن تەكسەرۋ تولىمدىلىق كۋالىگى ءنومىرى، زات ساتىپ الۋشىنىڭ اتى جانە بايلانىس جاساۋ ءتاسىلى سياقتى مازمۇنداردى قاز - قالپىندا ەستەلىككە الۋى كەرەك. ءتۇيىندى شوشقا سويىسى زاۆودى (فەرما) ءوزى وندىرگەن شوشقا ونىمدەرىنىڭ ازىق - تۇلىك حاۋىپسىزدىگى ولشەمىنە ۇيلەسپەيتىنىن، ادامداردىڭ دەنساۋلىعىنا زيان جەتكىزۋ، جۇقپالى اۋرۋ تاراتۋ مۇمكىندىگى بار ەكەنىن بايقاسا، مالىمدەۋ، قايتارىپ الۋ سياقتى بورىشتارىن دەركەزىندە وتەۋى ءارى قايتارىپ الىنعان شوشقا ونىمدەرىنە قاراتا زالالسىزداندىرىپ ءبىر جاقتى ەتۋ شارالارىن قولدانىپ، ونىڭ بازارعا قايتا كىرۋىنەن ساقتانۋى كەرەك.

  ەكىنشى، حايۋاناتتاردا بولاتىن جۇقپالى اۋرۋلاردان ساقتانۋدى كەمەلدەندىرۋ كەرەك. «ەرەجەدە» بىلاي دەپ بەلگىلەندى: حايۋاناتتاردا جۇقپالى اۋرۋ بايقالعاندا، ءتۇيىندى شوشقا سويىسى زاۆودى (فەرما) حايۋاناتتاردا بولاتىن جۇقپالى اۋرۋلاردى تەكسەرىپ، حايۋاناتتاردا بولاتىن جۇقپالى اۋرۋلاردى تەكسەرۋ جانە مالىمدەۋ قىزمەتىن ويداعىداي ىستەۋى، سونىمەن بىرگە، تاسىمال اۆتوموبيلدەرىنىڭ نەگىزگى احۋالىن تەكسەرىپ، ەستەلىككە الۋى كەرەك. اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ اۋىل شارۋاشىلىعىن، اۋىل - قىستاقتى باسقارۋشى تاراۋلارى بەلگىلەمە بويىنشا اۋىل شارۋاشىلىعىن، اۋىل - قىستاقتى باسقارۋشى تاراۋلار تاعايىنداعان مال شيپاگەرلەرىن تولىق ورنالاستىرۋى، ولار سويىلاتىن شوشقالارعا كارانتين جاساۋى ءارى كارانتين جاساۋ قورتىندىسىنا جاۋاپتى بولۋى كەرەك. كارانتين جاساۋدا تولىمسىز بولعان شوشقا جانە شوشقا ونىمدەرىن مەملەكەتتىڭ قاتىستى بەلگىلەمەلەرى بويىنشا ءبىر جاقتى ەتۋ كەرەك. مەملەكەت شوشقا باعىمشىلىعى، سويىسى، مانەرلەۋ، جەتكىزىپ بەرۋ، ساتۋ سياقتىلاردى ءبىر تۇلعالاندىرىپ دامىتۋعا دەم بەرەدى، ولشەمدى سويىستى جولعا قويادى، توڭازىتۋ تىزبەگىندە اينالىم جانە جەتكىزۋ جۇيەسىن قۇرۋدى قولدايدى.

  ءۇشىنشى، زاڭدىق جاۋاپكەرلىكتى كەمەلدەندىرۋ كەرەك. «ەرەجەدە» زاڭعا قايشى ارەكەتتەردى جازالاۋ تەبىنى ونان ارى ارتتىرىلىپ، اكىمشىلىك جازا مەن قىلمىستىق ىستەر جاۋاپكەرلىگىن قۋزاۋدى ۇشتاستىرۋ كۇشەيتىلدى. «ەرەجەدە» بىلاي دەپ بەلگىلەندى: زاڭعا قايشىلىق جاساعان كاسىپورىندار مەن جەكەلەرگە قاراتا كاسىپتى توقتاتىپ رەتكە سالۋعا بۇيىرۋ، زاڭسىز تابىسىن ءمۇسادىرالاۋ، اقشالاي ايىپ سالۋ كەرەك، ءتىپتى، شوشقا سويىسى كۋالىگىن كۇشىنەن قالدىرۋ سياقتى اكىمشىلىك جازالاردى قولدانۋعا بولادى؛ قوعام حاۋىپسىزدىگى ورگاندارىنىڭ «ازىق - تۇلىك حاۋىپسىزدىگى زاڭىنداعى» بەلگىلەمەلەرگە ساي، قاتىستى ادامداردى قاماۋعا الۋىنا بولادى. ءتۇيىندى شوشقا سويىسى زاۆودىنىڭ (فەرما) شوشقا سويىسى كۋالىگى كۇشىنەن قالدىرىلسا، ونىڭ زاڭدىق ۋاكىلى (جاۋاپتىسى) قاتارلىلاردىڭ 5 جىل ىشىندە شوشقا سويىسى كۋالىگىن الۋدى ءوتىنىش ەتۋىنە نەمەسە شوشقا سويىسىن باسقارۋ قيمىلىمەن شۇعىلدانۋىنا بولمايدى؛ ازىق - تۇلىك حاۋىپسىزدىگى قىلمىسى سەبەبىنەن مەرزىمدى قاماۋ جازاسىنان جوعارى جازاعا ۇكىم ەتىلگەندەردىڭ ءومىر بويى شوشقا سويىسىن باسقارۋ قيمىلىمەن شۇعىلدانۋىنا بولمايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار