بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۇستىرت وڭىردە كاسىپ سالاسى گۇلدەنىپ، جاڭا قىستاقتا زور وزگەرىس جارىققا شىقتى (زاڭعارداعى جولمەن قايتا ءجۇرىپ، وزگەرىسكە كوز جىبەرۋ)

«حالىق گازەتىنىڭ» تىلشىلەرى لياڭ چاڭجيە، ۋ دان، گى مىڭچاۋ، سۇڭ حاۋشين

2021.07.23 16:43     كەلۋ قاينارى : حالىق تورابى

  چىڭدۋدان اتتانىپ، چىڭدۋ - چاڭدۋ جوعارى قارقىندى تاس جولىنا تۇستىك، ادىرلى اسقار تاۋلار ۇزاققا سوزىلىپ جاتىر، لۇڭمىن تاۋ سىلەمى مەن چيڭحاي - شيزاڭ ءۇستىرتى تابيعي پارىق قالىپتاستىرعان. ءبىر جاعى كورىنىسى كوركەم باتىس سىچۋان ءۇستىرتى، ەندى ءبىر جاعى بايلىعى مول سىچۋان ويپاتى.

  سىچۋان ولكەسى ابا زاڭزۋ - چياڭزۋ اۆتونوميالى وبلىسى ياڭتاڭ اۋدانى گادو اۋىلى سەرگۋ قىستاعىنا باردىق، اسقار تاۋ شاتقالىنىڭ ورتالىعى اۋماقتى تەگىس جەر بولىپ كەلەدى ەكەن. كوك اسپان، اقشا بۇلت استىندا قاتار - قاتار اق ءتۇستى جىلىجايلار سالىنعان، كوكونىس مايساسى بوي كوتەرىپ، قىستاق تۇرعىندارى ەگىس جۇمىسىمەن قاربالاس بولۋدا.

  سەرگۋ قىستاعىنىڭ تەڭىز دەڭگەيىنەن بيىكتىگى 3 مىڭ 400 مەتر كەلەدى. ءۇستىرتتىڭ قاقاعان ايازىندا كوكونىس ەگۋگە بولا ما؟ شىعىس، باتىس بولەكتەردىڭ كەدەيلەردى سۇيەمەلدەۋ بويىنشا سەلبەسۋىنە جانە ولكە ىشىندەگى باعىتتامالى كومەكتەسۋ - سۇيەمەلدەۋ كۇشىنە سۇيەنىپ، قىستاق جەردى اينالىمعا سالىپ، ۇستىرتتەگى كوكونىس بازاسىن قۇردى؛ تەحنيكتەر ەگىمشىلىك تەحنيكاسىن ۇيرەتىپ، ەگىنشى - مالشىلاردى ءوز اۋلاسىنا كوجەكوك، اس سۇتتىگەن، لوبى ەگۋگە جەتەكتەدى ... قىسقا عانا بىرنەشە جىلدا سەرگۋ قىستاعى كۇن نۇرىنىڭ ءتۇسۋ ۋاقىتى ۇزاق، كۇندىز بەن ءتۇننىڭ تەمپەراتۋرا پارقى زور بولۋ ابزالدىعىنا سۇيەنىپ، ۇستىرتتەگى كوكونىس ەگىمشىلىگىن زور كۇشپەن دامىتىپ، ونىمدەرىن بازارعا شىعارىپ، چىڭدۋ، چۇڭچيڭ سياقتى جەرلەرگە ساتىپ، كوكونىس ەگىمشىلىگىن جەرگىلىكتى ەگىنشى - مالشىلاردىڭ كىرىسىن ورنىقتى ارتتىرۋ، اۋقاتتاندىرۋ كاسىپ سالاسىنا اينالدىردى.

  «بۇرىن كوكونىس ەگۋدە تابيعاتقا سۇيەنىپ كۇنەلتەتىنبىز، كىرىسى ماردىمسىز بولاتىن. قازىر جەردى كوكونىس بازاسىنا اينالىمعا سالىپ، ءار مۋ جەردەن جىلىنا 450 يۋان اينالىمعا سالۋ اقىسىن الامىز. مەن تاعى بازادا جۇمىس ىستەپ، تەحنيكا ۇيرەنىپ، ءار كۇنى كىرىس كىرگىزەمىن» دەدى قىستاق تۇرعىنى زورگىت تۇرمىسىنىڭ كۇننەن - كۇنگە جاقسارعانىن بايانداپ.

  راڭتاڭ اۋدانى «سەلبەستىك كووپەراتيۆى + بازا + شارۋا وتباسى» سياقتى ۇلگىلەردى اتقارعاننان بەرى 11 كوكونىس بازاسى مەن ەگىمشىلىك ءىرى وتباسىن جەتىلدىرىپ، ەگىنشى - مالشىلاردىڭ ءۇيىنىڭ الدى - ارتىندا كوكونىس ەگۋىنە جەتەكشىلىك ەتتى، اۋداننىڭ مال شارۋاشىلىق رايوندارىندا جىلىنا ورتا ەسەپپەن ءبىر مىڭ 500 دەن استام وتباسى شاعىن كولەمدە كوكونىس سالادى. ەگىنشى - مالشى بۇقاراسىنىڭ ىشكى قوزعاۋشى كۇشى ايتارلىقتاي تاسقىنداپ، ءبىر توپ ەگىمشىلىك، باعىمشىلىق وتباسىلارى دامىپ، زورايىپ، «ارتتا قالعان قىستاق» «دوڭگەلەك داۋلەتتى قىستاققا» اينالدى.

  ودان تاعى باتىسقا ساپار شەگىپ، گانزى زاڭزۋ اۆتونوميالى وبلىسىنىڭ سەدا اۋدانىنا كەلدىك، بۇل ارانىڭ تەڭىز دەڭگەيىنەن ورتاشا بيىكتىگى 4 مىڭ مەتردەن اسادى. اۋدان ورتالىعىنان الىس بولماعان انكاڭ الەۋمەتتىك اۋماعىنا بارعانىمىزدا، ادەمى ۇيلەر، رەتتى دە تازا اسفالت جولدار، وزگەشە ەرەكشەلىككە يە كوشە بويىنداعى جول شىراقتارى نازارىمىزدى اۋداردى ... ءۇيدىڭ الدى - ارتىندا بىرنەشە قىستاق تۇرعىنى گۇل ەگىپ، جاسىلداندىرۋمەن قاربالاس ەكەن؛ الەۋمەتتىك اۋماق الاڭىندا ءبىر توپ بالا باسكەتبول ويناپ ءجۇر. بۇل ارا گانزى وبلىسىنىڭ كولەمى ەڭ ۇلكەن كەدەيلەردى قونىس اۋدارىپ سۇيەمەلدەۋ، كوشىرۋ، شوعىرلى ورنالاستىرۋ ءتۇيىنى سانالادى.
الەۋمەتتىك اۋماقتىڭ تۇرعىنى باد اۋلاسىنىڭ اۋزىندا كوپشىلىكتى ۇيگە كىرۋگە شاقىردى. قوناق بولمەسىندەگى ەلەكترلى شاي ۇستەلىنە سارى ماي قويىلىپ، شاي ازىرلەندى، قابىرعاعا بالالاردىڭ سيلىعى جاپسىرىلعان. «2017 - جىلدىڭ سوڭىندا وتباسىمىز 200 كيلومەتر شالعايداعى مال شارۋاشىلىق وڭىرىنەن كوشىپ كەلدى، وندا سيگنال دا، تاس جول دا جوق، بالالاردىڭ كىتاپ وقۋىنا قولايسىز بولاتىن» دەدى باد تىلشىگە. ونىڭ ايتۋىنشا، قازىر وقۋ شارت - جاعدايى كورنەكتى جاقسارعان.

  بادتىڭ جاڭا ءۇيى شامامەن 90 شارشى مەتر، ءۇش بولمە، ءبىر زالدان تۇرادى، بۇدان سىرت شاعىن اۋلادا جۇمىس بولمەسى بار. باد سەدا اۋدانىنىڭ بەيزاتتىق مادەني مۇراسى − زاڭزۋ گىسار ءتۇستى تاس ويماسىنىڭ ۋاكىلدىك مۇراگەرى بولىپ جۇمىس ىستەيدى، قازىر وعان تاپسىرىس بەرۋشىلەر بارعان سايىن كوبەيۋدە.

  پارتيانىڭ 18 - قۇرىلتايىنان بەرى سىچۋان ولكەسى ءۇرتىس 8 جىل «6 ءتۇرلى حالىق تۇرمىسى ينجەنەرياسى جوسپارىن» اتقارىپ، گۋاڭدۇڭ - سىچۋان، جىجياڭ - سىچۋان سەلبەستىگىن جانە ولكە ىشىندەگى باعىتتامالى كومەكتەسۋدى ۇزدىكسىز ىلگەرىلەتىپ، تۇتاس وڭىرلىك ساياحات، ۇستىرتتەگى ەگىن، مال شارۋاشىلىعى سياقتى ەرەكشە كاسىپتەردى جەدەل دامىتتى، زاڭزۋلار قونىستانعان 32 اۋدان (قالا) 2019 - جىلى كەدەيلىك قالپاعىن تۇگەلدەي الىپ تاستادى، قاتىناس، ەلەكتر، سۋ يگىلىگى، حابارلاسۋ سياقتى نەگىزدىك قۇرىلعى قۇرىلىسىندا كورنەكتى ونىمدىلىككە قول جەتكىزدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار