قىزمەتى ءالى تياناقتانباعان جوعارى مەكتەپ بىتىرگەن وقۋشىلار قايتۋ كەرەك؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى 5 جاقتان شارا قولدانادى
2021.07.23 16:53 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 22 - كۇنى، بەيجيڭ. تاعى ءبىر مەكتەپ ءبىتىرۋ ماۋسىمى اياقتالدى، جوعارى مەكتەپ بىتىرگەن وقۋشىلاردىڭ كاسىپتەنۋ جاعدايى قانداي؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىستانۋدى جەبەۋ مەڭگەرمەسىنىڭ باستىعى جاڭ يىڭ 7 - ايدىڭ 22 - كۇنى بىلاي دەدى: قازىر جوعارى مەكتەپ بىتىرگەن وقۋشىلاردىڭ جۇمىستانۋ جاعدايى جالپى جاقتان ورنىقتى، سونىمەن بىرگە ءبىر ءبولىم مەكتەپ بىتىرگەن وقۋشىلاردىڭ ءالى قىزمەتى تياناقتانباعان، جاستاردىڭ جۇمىستانۋ قىسىمى جوعارىلادى. كەلەسى قادامدا ولار تومەندەگىندەي بەس جاق ارقىلى مەكتەپ بىتىرگەننەن كەيىنگى دە قىزمەت وتەۋدى ويداعىداي ىستەپ، مەكتەپ بىتىرگەن وقۋشىلاردىڭ جۇمىستانۋىن، شارۋاشىلىق قۇرۋىن قولدايدى.
جاڭ يىڭ سول كۇنى اشىلعان 2 - توقسانداعى كەزەكتى اقپار جاريالاۋ ماجىلىسىندە جوعارىداعى سۇراۋلارعا جاۋاپ بەردى.
بيىل جوعارى مەكتەپ بىتىرگەن وقۋشىلار 9 ميلليون 90 مىڭ ادامعا جەتىپ، كولەمى تاعى دا تاريحتاعى ەڭ جوعارى دەڭگەيگە جەتتى. مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە، 6 - ايدا 16 جاستان 24 جاسقا دەيىنگى قالا - قالاشىقتاعى جاستاردىڭ جۇمىسسىزدىق تەكسەرۋ مولشەرى %15.4 بولىپ، وتكەن ايداعىدان 1.6 پايىز جوعارىلاپ، وتكەن جىلعى سول ايداعىمەن بارابار بولعان. مۇنىڭ ىشىندە 20 جاستان 24 جاسقا دەيىنگى جوعارى تەحنيكۋم جانە ودان جوعارى ادامداردىڭ جۇمىسسىزدىق مولشەرى ءتىپتى دە جوعارى بولعان.
الى دە قىزمەتى تياناقتانباعان مەكتەپ بىتىرگەن وقۋشىلارعا قاراتا جاڭ يىڭ بىلاي دەپ تانىستىردى: ولكە دارەجەلىدەن جوعارى ادام كۇشى بايلىعى جانە قوعامدىق قامتاماسىزداندىرۋ تاراۋلارى قوعامعا اشىق حات جولداپ، مەكتەپ بىتىرگەن وقۋشىلاردىڭ جۇمىستانۋىن، شارۋاشىلىق قۇرۋىن قولداۋ ساياساتتىق شارالارىن، سونداي - اق جەرگىلىكتى الەۋمەتتىك جۇمىستانۋ مەن دارىندىلارعا قىزمەت وتەۋ قۇرىلىمدارىنىڭ بايلانىس جاساۋ ءادىسىن جاريالادى. كەلەسى قادامدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى تاراۋلارمەن بىرگە ارناۋلى سۇيەمەلدەۋ قيمىلىن باستاپ، مەكتەپ بىتىرگەن وقۋشىلارعا قىزمەت ورنىن ازىرلەپ بەرەدى، قىزمەت وتەيدى.
جاڭ يىڭ بىلاي دەدى: ءبىرىنشى، ىلەسە قىزمەت وتەۋ، وقۋ – اعارتۋ تاراۋلارىمەن ينفورماتسيانى ۇشتاستىرۋدى كۇشەيتۋ، جۇمىسسىزداردى تىزىمگە الۋدى ىركىلىسسىزدەندىرۋ، نەگىزگى ساتىعا بارىپ احۋال ۇعىسۋ سياقتى تاسىلدەر ارقىلى كاسىپتەنبەگەن وقۋشىلاردى دەر كەزىندە قىزمەت وتەۋ جۇيەسىنە ەنگىزىپ، قاجەتكە قاراي كاسىپكە تانىستىرۋ، كاسىپتىك جەتەكشىلىك ەتۋ سياقتى تەگىن قىزمەت وتەۋمەن قامداۋ كەرەك؛ بىردە - ءبىر ادامى كاسىپتەنبەگەن وتباسى، مۇگەدەك بولۋ سياقتى قيىنشىلىعى بار مەكتەپ بىتىرگەن وقۋشىلاردىڭ كاسىپتەنۋىنە الدىمەن كومەكتەسۋ كەرەك.
ەكىنشى، ارنانى كەڭەيتىپ، قوعامدىق قامسىزداندىرۋ قوسىمشا قاراجاتى، تاربيەلەۋ قوسىمشا قاراجاتى سياقتى ساياساتتاردى جەدەل تياناقتاندىرىپ، ورتا، شاعىن، ۇساق كاسىپورىنداردى مەكتەپ بىتىرگەن وقۋشىلاردى اناعۇرلىم كوپ قابىلداپ، بازارلانعان جۇمىستانۋ ارناسىن كەڭەيتۋگە شابىتتاندىرۋ كەرەك؛ قىزمەتكەر قابىلداۋ اياق الىسىن جەدەلدەتىپ، مەملەكەت مەنشىگىندەگى كاسىپورىنداردىڭ قىزمەتكەر قابىلداۋ كولەمىن ۇزدىكسىز كەڭەيتۋىن ىلگەرىلەتىپ، ءىسورىنداردىڭ، نەگىزگى ساتى قىزمەت وتەۋ نىساندارىنىڭ قابىلداۋ كولەمىن ورنىقتىرۋ كەرەك.
ءۇشىنشى، قىزمەتكەر قابىلداۋ قيمىلىن كوبەيتۋ، سوڭعى جارتى جىلدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇڭگو الەۋمەتتىك قىزمەتكەر قابىلداۋ تورابى، مەكتەپ بىتىرگەن وقۋشىلاردىڭ كاسىپتەنۋىنە قىزمەت وتەۋ تەكشەسى، كاسىپتەنۋ جەلىسىندە ۇنەمىلىك قىزمەت وتەيدى؛ ءىرى ، ورتاشا قالالاردا بىرلەسىپ قىزمەتكەر قابىلداۋ، التىن كۇزدە قىزمەتكەر قابىلداۋ سياقتى ارناۋلى قيمىلدار ۇزدىكسىز وتكىزىلەدى ءارى ايماق دارەجەلىدەن جوعارى قالالاردا مەرزىم بويىنشا جەلىدەن تىس قىزمەتكەر قابىلداۋ وتكىزىلەدى.
تورتىنشى، شارۋاشىلىق قۇرۋدى قولداپ، شارۋاشىلىق قۇرۋ تىلەگى بار مەكتەپ بىتىرگەن وقۋشىلاردى باعىتتامالى تۇردە شارۋاشىلىق قۇرۋعا تاربيەلەۋ، نىسان اشۋ، جەتەكشىلىك ەتۋ، بايلىقتى ۇشتاستىرۋ، ىزىنە ءتۇسىپ سۇيەمەلدەۋ سياقتى شارۋاشىلىق قۇرۋعا قىزمەت وتەۋ، شارۋاشىلىق قۇرۋ ورىندارىن الدىمەن ورنالاستىرۋ، شارۋاشىلىق قۇرۋعا كەپىلدىك قارىز اقشا بەرۋ سياقتى ساياساتتىق قولداۋ كورسەتۋ كەرەك.
بەسىنشى، قابىلەتتى جوعارىلاتىپ، جۇمىستانۋ پراكتيكاسى جوسپارىن ۇزدىكسىز اتقارىپ، مەكتەپ بىتىرگەن وقۋشىلاردىڭ جۇمىستانۋ باسەكەلىك قۋاتىن كۇشەيتۋ؛ كاسىپكە باۋلۋ جوسپارىن ۇزدىكسىز ىلگەرىلەتىپ، مەكتەپ بىتىرگەن وقۋشىلاردىڭ ءبىر ونەر ارقىلى كاسىپتەنۋىن قولداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
