تۇڭعىش جارىس كۇنى جۇڭگو دەنەتاربيە ۋاكىلدەر ۇيىرمەسى 3 التىن مەدال الدى (وليمپيادا جارىسىنان جەدەل حابارلار)
ياڭ چيان وليمپيادا سپورت جارىسىنىڭ تۇڭعىش التىن مەدالىن الدى
2021.07.26 16:02 كەلۋ قاينارى : حالىق تورابى
«حالىق گازەتى»، 7 - ايدىڭ 24 – كۇنى، توكيو (ءتىلشى جي فاڭ). سول جەر ۋاقىتى بويىنشا 7 - ايدىڭ 24 - كۇنى، توكيو وليمپيادا سپورت جارىسى باستالعاننان كەيىنگى تۇڭعىش جارىس كۇنى جۇڭگو دەنەتاربيە ۋاكىلدەر ۇيىرمەسى 3 التىن مەدال، ءبىر قولا مەدال الدى. مۇنىڭ ىشىندە ايەلدەردىڭ 10 مەتر ارالىقتان گاز مىلتىعىن اتۋ شەشۋشى جارىسىندا 2000 – جىلدان كەيىن تۋىلعان شەبەر ياڭ چيان 251.8 ساقينا ناتيجەمەن اعا جۇلدەگەر بولىپ، جۇڭگو دەنەتاربيە ۋاكىلدەر ۇيىرمەسىنىڭ توكيو وليمپيادا سپورت جارىسىنداعى تۇڭعىش التىن مەدالىن الىپ بەردى. سونىمەن ياڭ چيان وليمپيادا سپورت جارىسىندا 3 - رەت تۇڭعىش التىن مەدالدى العان جۇڭگو ايەلدەر گاز مىلتىعىمەن نىسانا اتۋ شەبەرىنە اينالدى. وسىدان بۇرىن 2004 - جىلعى افينا وليمپيادا سپورت جارىسى مەن 2012 - جىلعى لوندون وليمپيادا سپورت جارىسىندا دۋ لي مەن ي سىليڭ جەكە - جەكە سول كەزەكتى وليمپيادا سپورت جارىسىنىڭ تۇڭعىش التىن مەدالىن الىپ، جۇڭگو كومانداسىنا جول اشقان بولاتىن.
ايەلدەردىڭ اۋىرلىق كوتەرۋى بويىنشا 49 كيلوگرام سالماق دارەجەسىندەگى جارىس الاڭىندا جۇڭگونىڭ اۋىرلىق كوتەرۋدەگى ايگىلى سپورتشىسى حوۋ جىحۇي 94 كيلوگرامدى جۇلقا كوتەرىپ، 116 كيلوگرامدى سەرپە كوتەرىپ، جالپى 210 كيلوگرام ناتيجەمەن اعا جۇلدەگەر بولدى، جۇلقا كوتەرۋ، سەرپە كوتەرۋ جانە جالپى ناتيجەسى تۇگەلدەي جاڭا وليمپيادا رەكوردىن جاراتتى. بۇل − جۇڭگو ۋاكىلدەر ۇيىرمەسىنىڭ وسى كەزەكتى جارىستا قول جەتكىزگەن 2 - التىن مەدالى.
سەمسەرلەسۋ جارىس الاڭىندا 29 جاستاعى جۇڭگولىق شەبەر سۇن ي - ۋىن ايەلدەردىڭ اۋىر قانجار جەكە شەشۋشى جارىسىندا 10 عا قارسى 11 ۇپايمەن رۋمينيا سپورتشىسىن جەڭىپ، جۇڭگو دەنەتاربيە ۋاكىلدەر ۇيىرمەسىنە تاعى ءبىر التىن مەدال الىپ بەردى، بۇل − جۇڭگو شەبەرىنىڭ وليمپيادا سپورت جارىسىندا ايەلدەردىڭ اۋىر سەمسەر جەكە شەشۋشى جارىسىنا تۇڭعىش رەت قاتىناسۋى.
4 - رەت وليمپيادا سپورت جارىسىنا قاتىناسقان ساقا سپورتشى پاڭ ۋي ەرلەردىڭ 10 مەترلىك گاز ناگان شەشۋشى جارىسىندا قولا مەدال الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
