بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

توقتاربەك تاڭاتقان ۇلى 5:0 ۇپايمەن ءۇندىستاندىق قارسىلاسىن جەڭىپ 16 مىقتىنىڭ قاتارىنان ورىن الدى

2021.07.27 13:37   كەلۋ قاينارى : حالىق تورابى



  7 - ايدىڭ 26 - كۇنى توكيو وليمپياداسىنىڭ بوكىس جارىس الاڭىنان قۋانىشتى حابار كەلدى: جۇڭگولىق بوكىسشى توقتاربەك تاڭاتقان ۇلى 5:0 ۇپايمەن ءۇندىستاندىق قارسىلاسىن جەڭىپ ەرلەر 75 كيلوگرامدىق سالماق دارەجەسى بويىنشا 16 مىقتىعا كىردى.

  «بۇل ونىڭ وليمپياداعى ءبىرىنشى مايدان جارىسى بولعانىمەن، ول وتە سالماقتى، سەرگەك كوڭىل كۇيمەن باپكەردىڭ ورنالاستىرعان مىندەتىن تاماشا اياقتاتتى.» - دەدى، مەملەكەتتىك بوكىس كومانداسىنىڭ جاتتىقتىرۋشىسى، شينجياڭنىڭ بوكىس كومانداسىنىڭ باس جاتتىقتىرۋشىسى ابدىشۇكىر ءماجيت ءتىلشىنىڭ سۇحباتىن قابىلداعاندا.

  توقتاربەك پەن ءۇندىستاندىق قارسىلاسى ەكەۋى دە ازيا رايونىنداعى سارالاۋ جارىسىندا 3 - بولعان. ەكەۋى بۇرىن دا سىناسىپ كورگەن، ەكەۋى دە ءبىر - ءبىر رەتتەن جەڭگەن بولاتىن.

  «مەنىڭ وزىمە قويعان تالابىم: ٵر كۇنى كەشەگىدەن جاقسىراق بولۋى كەرەك، مەنىڭ ويىمشا مەن قازىر بىلتىرعىدان ءتىپتى دە كۇشەيگەندەيمىن.» - دەدى توقتاربەك جارىسقا دايىندالىپ جاتقان كەزدە اسا سەنىمدىلىك بايقاتىپ.

  2000 - جىلى سيدنەي وليپمياداسىندا شينجياڭدىق 75 كيلوگرامدىق دارەجەدەگى بوكىسشىسى ابدىراحمان ابىلەكىم جارىسقا قاتىناسىپ، شينجياڭنان تۇڭعىش رەت وليپمياداعا قاتىناسقان بوكىسشى بولعان. 21 جىلدان كەيىن ۇقساس سالماقتاعى جارىستا التايدان كەلگەن ازامات توقتاربەك تاڭاتقان ۇلى 5:0 ۇپايمەن قارسىلاسىن جەڭدى.

  توقتاربەك تاڭاتقان ۇلىنىڭ كەلەسى قارسىلاسى برازيليالىق بوكىسشى، جارىس 7 – ايدىڭ 29 – كۇنى ساعات 16دا باستالادى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى