4 - كەزەكتى يمپورت كورمەسىنە وراي قول قويىسقان كورمە كولەمى مەجەلى نىساناعا جەتتى
2021.07.27 16:39 كەلۋ قاينارى : حالىق تورابى
«حالىق گازەتى»، 7 - ايدىڭ 26 - كۇنى، بەيجيڭ (تىلشىلەر تيان حۇڭ، لو شانشان، شاڭ كاييۋان). ءتىلشىنىڭ 4 – كەزەكتى جۇڭگو حالىقارالىق يمپورت كورمەسىنىڭ اشىلۋىنا 100 كۇن قالۋىنا بايلانىستى وتكىزىلگەن اقپاراتتىق حابارلاندىرۋ ماجىلىسىنەن ۇعىسۋىنشا، 4 – كەزەكتى يمپورت كورمەسى بيىل 11 - ايدىڭ 5 – كۇنىنەن 10 – كۇنىنە دەيىن شاڭحايدا وتكىزىلىپ، كاسىپورىندار كورمەسى، مەملەكەتتەر كورمەسى، حۇڭچياۋ حالىقارالىق ەكونوميكا تالقى مىنبەرى، كاسىپتىك سايكەستى قيمىل سياقتى بولەكتەردەن قۇرالادى ەكەن. قازىر ءتۇرلى دايىندىق قىزمەتتەرى كەزەڭدىك تابىسقا قول جەتكىزگەن، قول قويىلعان كورمە كولەمى 360 مىڭ شارشى مەتر مەجەلى نىساناعا جەتكەن.
كاسىپورىندار كورمەسى جاعىندا ازىق - تۇلىك جانە اۋىل شارۋاشىلىق ونىمدەرى، اۆتوموبيل، تەحنيكالىق جابدىقتار، تۇتىنۋ بۇيىمدارى، ەمدەۋ اسپاپتارى جانە ءدارى - دارمەك، دەنساۋلىق ساقتاۋ، قىزمەت وتەۋ ساۋدا كورمە رايونى سىندى 6 ۇلكەن كورمە رايونى قۇرىلعان. قازىر كورمەگە قول قويىسقان دۇنيە جۇزىندەگى 500 ەگەي كاسىپورىننىڭ جانە كاسىپ سالاسىنداعى باستاماشى كاسىپورىنداردىڭ سانى الدىڭعى كەزەكتەگىدەن اسىپ، قالپىنا كەلۋ شاماسى %80 تەن جوعارى بولعان، 30 نەشە كاسىپورىن كورمەگە تۇڭعىش رەت قاتىناسقان. العاشقى ساناققا نەگىزدەلگەندە، قىرۋار جاڭا ءونىم، جاڭا تەحنيكا، جاڭا قىزمەت وتەۋ ارقىلى 4 – كەزەكتى يمپورت كورمەسىندە «دۇنيە ءجۇزى بويىنشا تۇڭعىش رەت تاراتۋ، جۇڭگو بويىنشا تۇڭعىش رەت كورمەگە قويۋ» جۇزەگە اسىرىلادى ەكەن.
مەملەكەتتەر كورمەسى جاعىندا تىلەك بىلدىرگەن ەلدەر يمپورت كورمەسىنىڭ رەسمي تورابىنان پايدالانىپ جەلىدە كورمە وتكىزۋگە ۇسىنىس ەتىلىپ، تۇڭعىش رەت ۆيرتۋالدى رەالدىق، ءۇش ولشەمدى مودەل قۇرۋ سياقتى تەحنيكالىق تاسىلدەر قولدانىلىپ، كورمەگە قاتىناسقان ەلدەرگە ولشەمدەنگەن سيفرلى كورمە زالى ازىرلەنىپ، كورمەگە قاتىناسقان ەلدەردىڭ وزگەشە ەرەكشەلىگى نەگىزگى تاقىرىپ بويىنشا كورسەتىلمەك. قازىرگە دەيىن 50 نەشە مەملەكەت مەملەكەت كورمەسىنە قاتىناساتىنىن تۇراقتاندىرعان.
وسى كەزەكتى حۇڭچياۋ تالقى مىنبەرى «100 جىلدىق وزگەرىس جاعدايىنداعى دۇنيە ءجۇزى ەكونوميكاسى: ىندەتتىڭ سوڭعى مەزگىلىندەگى دۇنيە ءجۇزىنىڭ ەكونوميكالىق سەلبەستىگىن» نەگىزگى تاقىرىپ ەتىپ، نەگىزگى تالقى مىنبەرى جانە كوپتەگەن بولىمشە تالقى مىنبەرى وتكىزىلەدى. بولىمشە تالقى مىنبەرى جاڭا دامۋ جاعدايىن قالىپتاستىرۋ، اشىق دۇنيە ءجۇزى ەكونوميكاسىن قۇرۋ، جاڭا كەزەكتى عىلىم - تەحنيكا توڭكەرىسى سياقتىلاردى ارقاۋ ەتىپ، جەلى ءىشى - سىرتىن ۇشتاستىرۋ ءتاسىلى ارقىلى وتكىزىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
