مەملەكەتتىك ساياسي كەڭەس «حالىق سانىنىڭ قارتتانۋىنا بەلسەنە توتەپ بەرىپ، حالىق سانىنىڭ بىركەلكى دامۋىن جەبەۋ» اتىنداعى ارناۋلى كەڭەس ءماجىلىسىن اشتى
ۋاڭ ياڭ ماجىلىسكە قاتىناستى ءارى ءسوز سويلەدى
2021.07.27 16:50 كەلۋ قاينارى : حالىق تورابى
«حالىق گازەتى»، 7 - ايدىڭ 26 - كۇنى، بەيجيڭ (ءتىلشى فىڭ چۇنمەي). مەملەكەتتىك ساياسي كەڭەس 7 - ايدىڭ 26 - كۇنى بەيجيڭدە «حالىق سانىنىڭ قارتتانۋىنا بەلسەنە توتەپ بەرىپ، حالىق سانىنىڭ بىركەلكى دامۋىن جەبەۋ» اتىنداعى ارناۋلى كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ حالىق سانى قىزمەتى جونىندەگى ماڭىزدى پايىمداۋلارىن ىشكەرىلەي ءتۇسىنىپ، حالىق سانى دامۋىنىڭ ۇلكەن بەتالىسى مەن قارتتانۋ زاڭدىلىعىن دۇرىس يگەرىپ، مەملەكەت دامۋىنىڭ جالپى جاعدايى مەن ءجۇز ميلليونداعان بۇقارانى باقىتقا كەنەلتۋدى كوزدە ۇستاپ، ءتۇزىم ابزالدىعىن ساۋلەلەندىرىپ، قىزمەت وي جەلىسىندە جاڭالىق اشىپ، قوعامنىڭ سايكەسۋىن كۇشەيتىپ، قارتتانۋعا توتەپ بەرۋدىڭ جۇڭگوشا جولىمەن ءجۇرىپ، حالىق سانىنىڭ ۇزاق ۋاقىت بىركەلكى دامۋىن جەبەپ، جاپپاي سوتسياليستىك وسىزاماندانعان قۇدىرەتتى ەل قۇرۋعا شارت - جاعداي جاراتۋ كەرەك.
مەملەكەتتىك جانە جەرگىلىكتى ساياسي كەڭەستىڭ 90 نەشە مۇشەسى ماجىلىسكە قاتىناستى، 40 نەشە مۇشە، مامان جانە نەگىزگى ساتى ۋاكىلدەرى ءسوز سويلەدى، 100 دەن استام مۇشە جىلجىمالى مىندەت وتەۋ تۇعىرى ارقىلى پىكىر ايتتى. مۇشەلەر بىلاي دەپ قارادى: ەلىمىزدىڭ حالىق سانىنىڭ دامۋى قارتتانۋ مەن از پەرزەنت كورۋدىڭ قاباتتاسۋى سىندى قوس قابات قىسىمعا ءدوپ كەلىپ وتىر، ونىڭ الا كەلگەن ىقپالى جان - جاقتى، تەرەڭ، ۇزاققا سوزىلادى، ءسوز جوق، دەر كەزىندە توتەپ بەرۋ، جان - جاقتى، عىلمي توتەپ بەرۋ كەرەك. كوپ ساتىلى زەينەتكەرلىككە قىزمەت وتەۋ جۇيەسىن جەدەل ورناتىپ، نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ىلگەرىلەتىپ، ساۋدالىق زەينەتكەرلىك قامسىزداندىرۋ ونىمدەرىمەن قامداۋدى بايىتىپ، ۇزاق ۋاقىتتىق كۇتىمدەۋدى قامسىزداندىرۋ ءتۇزىمىن ورناتۋ جونىندە ىزدەنىس جاساپ، ەمدەۋ مەن كۇتىمدەۋدى ۇشتاستىرىپ، الەۋمەتتىك اۋماقتارعا دەيىن كەڭەيتۋدى ىلگەرىلەتىپ، ينتەرنەت + ۇيدە قارتتاردى كۇتىمدەۋدى بەلسەنە دامىتىپ، ءاربىر قارتتىڭ قارتايعاندا سۇيەنىشى بولۋىنا مۇمكىندىك جاساۋ كەرەك. «قارتتار ەكونوميكاسىن» كۇش سالا دامىتىپ، «14 – بەسجىلدىق» قارتتار كاسىبىن دامىتۋ جوباسىن جاساپ، يگىلىك سيپاتىنداعى قارتتارعا قىزمەت وتەۋ كاسىبىنىڭ دامۋىن سۇيەمەلدەپ، زەينەتكەرلىك ىستەرى مەن زەينەتكەرلىك كاسىبىنىڭ سايكەستى دامۋىن ىلگەرىلەتۋ كەرەك. قارتايعاندا كۇتىمدەلۋدى جەبەۋ جوسپارىن اتقارىپ، زەينەتكە شىعۋ جاسىن بىرتىندەپ ۇزارتۋ ساياساتى جونىندە ىزدەنىس جاساپ، جاسى تومەن قارتتار ادام كۇشى بايلىعىن عىلمي اشىپ، دەنساۋلىعى جاقسى قارتتاردىڭ زەينەتكە شىقسا دا، جۇمىس ىستەۋىنە دەم بەرىپ، قارتتاردىڭ يگىلىگىن اشۋ كەرەك. 3 پەرزەنتتى بولۋ ساياساتىن مۇقيات تياناقتاندىرىپ، سايكەستى شارالاردى كەمەلدەندىرىپ، تۋىت، تاربيەلەۋ، وقىتۋ وزىندىك قۇنىن تومەندەتىپ، ۇيلەسىمدى جاستا نەكەلەنىپ، پەرزەنتتى بولۋ، ساپالى ۇرپاق كورىپ، ساپالى تاربيەلەۋ سياقتى جاڭا سالتتى دارىپتەپ، تۋىت تىلەگىنىڭ تومەندەۋ بەتالىسىن وزگەرتۋ كەرەك. قوعامداعى ءار سالانى قارتتار جونىندەگى دۇرىس قوعامدىق كوزقاراستى ورناتۋعا جەتەكتەپ، قارتتاردى كۇتىمدەۋ، قارتتارعا وپالى بولۋ ءداستۇرلى تاماشا ءمورالىن ساۋلەلەندىرىپ، قارتتارمەن دوسجار قوعام قۇرۋدى ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان ماجىلىسكە قاتىناستى ءارى ءسوز سويلەدى. ول مىنالاردى اتاپ كورسەتتى: باس شۋجي شي جينپيڭنىڭ قارتتار قىزمەتى جونىندەگى ماڭىزدى نۇسقاۋىن ىشكەرىلەي دايەكتىلەندىرىپ، پارتكوم باسشىلىق ەتۋ، ۇكىمەت جەتەكشىلىك ەتۋ، قوعام ات سالىسۋ، جالپى حالىق ارەكەت جاساۋ سىندى قارتتار قىزمەتى باعىتىندا تاباندى بولىپ، حالىق سانىنىڭ قارتتانۋىنا بەلسەنە توتەپ بەرۋدى ءتۇيىن ەتىپ، «سالاماتتىققا قىزمەت وتەۋ، زەينەتكەرلىككە قىزمەت وتەۋ، قوعامدىق قامتاماسىزداندىرۋ » سىندى 3 ۇلكەن جۇيە قۇرىلىسىن كورنەكتى تۇردە ويداعىداي يگەرىپ، قارتتار قىزمەتى ساياسات - ءتۇزىمى مەن قىزمەت مەحانيزمىن جەدەل كەمەلدەندىرىپ، حالىق سانىنىڭ قارتتانۋىنا بەلسەنە توتەپ بەرۋدىڭ جۇڭگوشا جولىمەن ءجۇرۋ كەرەك. اقاۋسىز قارتتانۋدى اناعۇرلىم كورنەكتى ورىنعا قويىپ، قارتتاردىڭ دەنساۋلىعىن تەكسەرۋدى، ەمدەۋ قىزمەت وتەۋىن جانە ساۋىقتىرۋ، كۇتۋدى كۇشەيتىپ، قالا مەن اۋىلدىڭ زەينەتكەرلىككە قىزمەت وتەۋ جۇيەسى قۇرىلىسىن ىلگەرىلەتىپ، كۇتىمدەۋشى دارىندىلار قوسىنىن جەدەل جەتىلدىرىپ، كوپ ساتىلى زەينەتكەرلىكتى قامتاماسىزداندىرۋ جۇيەسىن اقاۋسىزداندىرۋ كەرەك. قارتتاردىڭ بەلسەندى رولىن تولىق ساۋلەلەندىرىپ، قارتتاردىڭ زاڭدى ۇقىق - مۇددەسىن قورعاپ، قارتتاردىڭ دوسجار قوعامىن قۇرىپ، قارتايعاندا كۇتىمدەلەتىن ورنى بولۋدى، قارتايعاندا ەمدەلەتىن ورنى بولۋدى، قارتايعاندا ىستەيتىن جۇمىسى بولۋدى، ۇيرەنەتىن ورنى بولۋدى، كوڭىلدى تۇرمىس كەشىرۋدى قۇلشىنا جۇزەگە اسىرۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ۋان گاڭ، چىن شياۋگۋاڭ، لياڭ جىنيىڭ، لي بين، باتىر، ۋاڭ يۇڭچيڭ، گۋ شىڭزۋ، شاۋ حۇڭ ماجىلىسكە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى حى ۋەي ماجىلىستە ءسوز سويلەدى. ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جانە ورىندارىنداعى جاۋاپتى جولداستار ماجىلىسكە قاتىناسىپ، پىكىر، ۇسىنىستاردى تىڭداپ، مۇشەلەرمەن پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
