بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ ساپالى پەرزەنت كورۋ، ساپالى تاربيەلەۋ ساياساتى جونىندەگى مەملەكەتتىك تەلەۆيزور - تەلەفون ماجىلىسىنە ماڭىزدى بەكىتۋ جازىپ، مىنالاردى دارىپتەدى:

بۇقارانىڭ پەرزەنتتى بولۋ، تاربيەلەۋ، وقىتۋ اۋىرتپالىعىن جەڭىلدەتىپ، 3 پەرزەنتتى بولۋ ساياساتىن ويداعىداي اتقارۋ كەرەك

سۇن چۇنلان ماجىلىسكە قاتىناستى ءارى ءسوز سويلەدى

2021.07.28 17:08     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 27 - كۇنى، بەيجيڭ. ساپالى پەرزەنت كورۋ، ساپالى تاربيەلەۋ ساياساتى جونىندەگى مەملەكەتتىك تەلەۆيزور - تەلەفون ءماجىلىسى 7 - ايدىڭ 27 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: حالىق سانى ماسەلەسى − جۇڭحۋا ۇلتىنىڭ دامۋىنا قاتىستى نەگىزدىك، جالپى جاعدايلىق، ستراتەگيالىق ماسەلە. 3 پەرزەنتتى بولۋ ساياساتى مەن سايكەستى قولداۋ شارالارىن اتقارۋ − پارتيا ورتالىق كوميتەتى مەن مەملەكەتتىك كەڭەستىڭ ەلىمىز حالىق سانىنىڭ دامۋ، وزگەرۋ جاعدايىنا نەگىزدەلىپ جاساعان كەلەلى شەشىمى، حالىق سانىنىڭ ۇزاق ۋاقىت بىركەلكى دامۋىن جەبەپ، ساپالى دامۋدى ىلگەرىلەتۋدەگى كەلەلى شاراسى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، 3 پەرزەنتتى بولۋ ساياساتىن ويداعىداي اتقارۋ كەرەك. ساپالى پەرزەنت كورۋگە، ساپالى تاربيەلەۋگە قىزمەت وتەۋ ورەسىن شىنايى جوعارىلاتىپ، جالپىعا ءتيىمدى اماناتتاپ تاربيەلەۋگە قىزمەت وتەۋ جۇيەسى قۇرىلىسىن جەدەلدەتىپ، قاتىستى ەكونوميكالىق، قوعامدىق ساياساتتار مەن تۋىت ساياساتىنىڭ سايكەستى ۇشتاسۋىن جەبەپ، بۇقارانىڭ پەرزەنتتى بولۋ، تاربيەلەۋ، وقىتۋ اۋىرتپالىعىن جەڭىلدەتۋ كەرەك. جوسپارلى تۋىتتى اتقارعان وتباسىلاردىڭ زاڭدى ۇقىق - مۇددەسىن ويداعىداي قورعاپ، جوسپارلى تۋىتتاعى ەرەكشە وتباسىلاردى جان - جاقتى سۇيەمەلدەۋ، قامتاماسىز ەتۋ ءتۇزىمىن ورناتۋ جانە كەمەلدەندىرۋ كەرەك. ءار دارەجەلى ۇكىمەتتەر مەن قاتىستى تاراۋلار ناقتى اتقارۋ جوباسىن جانە سايكەستى ساياسات - شارالاردى بەلگىلەپ، قىزمەتتى تياناقتاندىرۋدى مىقتى يگەرىپ، مەملەكەتكە، حالىققا پايدالى وسى يگى ءىستى ويداعىداي ىستەۋى كەرەك!

  ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ حالىق سانى قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋ تالابىن تياناقتاندىرىپ، 3 پەرزەنتتى بولۋ ساياساتىن جانە سايكەستى قولداۋ شارالارىن اتقارۋدى ءتۇيىن، تۋىتقا قىزمەت وتەۋ جۇيەسىن كەمەلدەندىرۋدى تىرەك، باس قۇراۋ، پەرزەنتتى بولۋ، تاربيەلەۋ، وقىتۋ وزىندىك قۇنىن تومەندەتۋدى كەپىل ەتىپ، حالىق سانىنىڭ ۇزاق ۋاقىت بىركەلكى دامۋىنا ىقپال جاسايتىن يدەيالىق كوزقاراستى، ساياسات، زاڭ - ەرەجەلەردى، ءتۇزىلىس، مەحانيزمدى الاستاپ، تۋىت ساياساتى مەن قاتىستى ەكونوميكالىق، قوعامدىق ساياساتتاردىڭ بىرگە كۇش سالۋىن جەبەپ، حالىق سانىن دامىتۋ ستراتەگيالىق نىساناسىنىڭ ءساتتى جۇزەگە اسۋىنا كەپىلدىك ەتۋ كەرەك.

  سۇن چۇنلان بىلاي دەپ اتاپ كورسەتتى: قاتىستى زاڭ - ەرەجەگە وزگەرىس ەنگىزۋ قىزمەتىن جەدەل ىلگەرىلەتىپ، قوعامدىق باعىپ - قاعۋ قاراجاتى سياقتى بەلگىلەمەلەردى اداقتاپ، كۇشىنەن قالدىرىپ، ساياساتتى رەتتەۋدى، ۇشتاستىرۋدى كۇشەيتۋ كەرەك. انالار مەن بالالاردىڭ دەنساۋلىعىن قورعاۋ قۇرىلىمدارىن ولشەمدەندىرۋ قۇرىلىسىن جەدەل ىلگەرىلەتىپ، انالار مەن بالالاردىڭ سالاماتتىق بايلىعىمەن قامداۋدى كەڭەيتىپ، جاعدايى سالماقتى جۇكتى ايەلدەردى، جاڭا تۋعان نارەستەلەردى ەمدەۋ قۋاتىن جوعارىلاتىپ، ساپالى پەرزەنت كورۋ، ساپالى تاربيەلەۋ جونىنەن قىزمەت وتەۋ ورەسىن جوعارىلاتۋ كەرەك. اماناتتاپ تاربيەلەۋگە قىزمەت وتەۋ جۇيەسىن كەمەلدەندىرىپ، جوبا، جەر، تۇرعىن ءۇي، قازىنا سياقتى قولداۋ ساياساتتارىنان جان - جاقتى پايدالانىپ، جالپىعا ءتيىمدى اماناتتاپ تاربيەلەۋگە قىزمەت وتەۋدى دامىتىپ، ادام ىستەتەتىن ورىندار سياقتى قوعامدىق كۇشتەردى ءتۇرلى فورماداعى اماناتتاپ تاربيەلەۋگە قىزمەت وتەۋگە شابىتتاندىرىپ، 2025 - جىلى ءار مىڭ حالىق سانىنىڭ اماناتتاپ تاربيەلەۋ ورىن سانىن 4.5 كە جەتكىزۋ كەرەك. 3 جاستان تومەنگى سابيلەردى كۇتىمدەۋ قاراجاتىن جەكەلەر تابىس باجىسىنىڭ ارناۋلى قوسىمشاسىنا ەنگىزىپ تارتىپ قالۋدى زەرتتەپ ىلگەرىلەتىپ، جالپىعا ءتيىمدى ءتىلاشار وقىتۋ بايلىعىمەن قامداۋدى كەڭەيتىپ، مىندەتتى وقۋ - اعارتۋدىڭ ساپالى، بىركەلكى دامۋى مەن قالا - اۋىلدىڭ ءبىر تۇلعالانۋىن ىلگەرىلەتىپ، پارىقتى مايعا بەرۋ جانە ءۇي ساتىپ الۋ ءتيىمدى ساياساتىن زەرتتەپ اتقارىپ، پەرزەنتتى بولۋ، تاربيەلەۋ، وقىتۋ وزىندىك قۇنىن تومەندەتۋ كەرەك. جوسپارلى تۋىتتى اتقارعان وتباسىلاردىڭ زاڭدى ۇقىق - مۇددەسىن قامتاماسىزداندىرىپ، ايەلدەردىڭ تۋىت قۇنىنا قۇرمەت ەتىپ، تۋىت دەمالىسى، بالا ەمىزۋ مەزگىلىندەگى دەمالىس سياقتى تۇزىمدەردى قاتاڭ تياناقتاندىرىپ، ايەلدەردىڭ ەڭبەگى مەن قوعامدىق ۇقىق - مۇددەسىن زاڭ بويىنشا قورعاۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار