لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ورتالىق قازىنانىڭ عىلمي زەرتتەۋ قاراجاتىن باسقارۋدى ونان ارى رەفورمالاپ جانە كەمەلدەندىرىپ، عىلمي زەرتتەۋ قىزمەتكەرلەرىنە اناعۇرلىم زور قاراجات باسقارۋ ۇقىعىن بەرۋدى ورنالاستىردى؛ شوشقا شارۋاشىلىعىنىڭ ءوندىرىس قۋاتىن ورنىقتىرۋ شارالارىن بەلگىلەپ، قامداۋعا كەپىلدىك ەتۋ، باعانى ورنىقتىرۋ، شوشقا ەتىمەن حاۋىپسىز قامداۋ، قامتاماسىزداندىرۋ قۋاتىن كۇشەيتۋدى ۇيعاردى
2021.07.29 16:28 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 28 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 7 - ايدىڭ 28 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورتالىق قازىنانىڭ عىلمي زەرتتەۋ قاراجاتىن باسقارۋدى ونان ارى رەفورمالاپ جانە كەمەلدەندىرىپ، عىلمي زەرتتەۋ قىزمەتكەرلەرىنە اناعۇرلىم زور قاراجات باسقارۋ ۇقىعىن بەرۋدى ورنالاستىردى؛ شوشقا شارۋاشىلىعىنىڭ ءوندىرىس قۋاتىن ورنىقتىرۋ شارالارىن بەلگىلەپ، قامداۋعا كەپىلدىك ەتۋ، باعانى ورنىقتىرۋ، شوشقا ەتىمەن حاۋىپسىز قامداۋ، قامتاماسىزداندىرۋ قۋاتىن كۇشەيتۋدى ۇيعاردى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، جاڭا دامۋ ۇستانىمىن ىشكەرىلەي دايەكتىلەندىرىپ، جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى ۇيىتقىلىق ورنىندا تاباندى بولىپ، عىلمي زەرتتەۋ قىزمەتكەرلەرىنىڭ كوڭىل ءبولىپ وتىرعان كورنەكتى ماسەلەلەرىنە باعىتتاي وتىرىپ، عىلمي زەرتتەۋ زاڭدىلىعىنا ۇيلەسپەيتىن قاراجات باسقارۋ بەلگىلەمەلەرىن كۇش سالا الاستاپ، عىلمي زەرتتەۋ قىزمەتكەرلەرىن بەرىلە زەرتتەۋگە اناعۇرلىم ويداعىداي شابىتتاندىرۋ كەرەك. ءماجىلىس ورتالىق قازىنانىڭ عىلمي زەرتتەۋ قاراجاتىن باسقارۋ شارالارىنا اناعۇرلىم رەفورما جاساۋ جانە ونى كەمەلدەندىرۋدى بەلگىلەدى. ءبىرىنشى، مەجە ەسەپ جاساۋدى ىقشامداپ، مەجە ەسەپ ءتۇرىن 9 دان 3 كە ىقشامداۋ كەرەك. جابدىق قاراجاتى سياقتى مەجە ەسەپتى رەتتەۋ ۇقىعىن تۇگەلدەي تومەنگە، ياعني نىساندى ۇستىنە الۋشى ورىنعا بەرۋ كەرەك. نەگىزدىك زەرتتەۋ تۇرىندەگى جانە دارىندىلار تۇرىندەگى نىساندارعا قاراجاتتى كوتەرمەگە بەرۋ ءتۇزىمىن اتقارۋ كەرەك. ەكىنشى، عىلمي زەرتتەۋ قىزمەتكەرلەرىن شابىتتاندىرۋدى كۇشەيتىپ، عىلمي زەرتتەۋ نىساندارىنىڭ جاناما قاراجات سالىستىرماسىن جوعارىلاتىپ، عىلمي زەرتتەۋ نىسان قاراجاتىنداعى «ادامعا» جۇمسالاتىن قاراجاتتى %50 تەن اسىرۋعا بولادى. ماتەماتيكا سياقتى كىلەڭ نازاريالىق نەگىزدىك زەرتتەۋ نىساندارىنا جانامالاي قاراجات بەرۋ سالىستىرماسىن %60 كە جەتكىزۋگە بولادى. عىلمي زەرتتەۋ ورىندارىنىڭ جاناما قاراجاتتى تۇگەلدەي ونىمدىلىك شىعىسىنا جۇمساۋىنا بولادى. ەڭبەكاقى شىعىسىنىڭ كولەمىن كەڭەيتىپ، مەكەمە تاپسىراتىن تۇرلەردەگى ۇسىنىسپەن ىستەتىلگەن قىزمەتكەرلەردىڭ قوعامدىق قامسىزداندىرۋ قوسىمشا قاراجاتى، تۇرعىن ءۇي الەۋمەتتىك قورى قاتارلىلاردى ەڭبەك قاراجاتىنا ەنگىزىپ، شىعىس ەتۋ كەرەك. عىلىم - تەحنيكا جەتىستىكتەرىن وندىرگىش كۇشكە اينالدىرۋ ناق اقشا سيلىعى ءوزى تۇرعان ورىننىڭ ونىمدىلىك ەڭبەكاقىسىنىڭ جالپى مولشەرىنىڭ شەكتەمەسىنە ۇشىرامايدى، كەلەسى جىلعى ونىمدىلىك ەڭبەكاقىسىنىڭ نەگىزگى سانى ەتىلمەيدى. ءۇشىنشى، نىسان قاراجاتىن بوساتۋ اياق الىسىن تەزدەتىپ، نىسان مىندەتتەمەسىنە قول قويىلعاننان كەيىن 30 كۇن ىشىندە قاراجاتتى ۇستىنە الۋشى ورىنعا بەرۋ كەرەك. نىسان ورىندالعاننان كەيىن قالدىق قارجى جاۋاپتى ورىننىڭ پايدالانۋىنا قالدىرىلىپ، عىلمي زەرتتەۋدىڭ تىكەلەي شىعىسىنا جۇمسالادى. عىلمي زەرتتەۋ قاراجاتىنان شىعىس ەتىلگەن حالىقارالىق سەلبەستىك جانە اۋىس - كۇيىس قاراجاتى «ءۇش ءتۇرلى ۇكىمەت قاراجاتى» كولەمىنە ەنگىزىلمەيدى. ءتورتىنشى، قازىنالىق عىلمي زەرتتەۋ قاراجاتىن قولداۋ تاسىلىندە جاڭالىق جاراتۋ كەرەك. مەملەكەت بەلگىلەگەن ءتۇيىن مەن كولەم بويىنشا، باستاماشى عالىمدار زەرتتەۋ تاقىرىبىن، عىلمي زەرتتەۋ قوسىنىن جانە قاراجاتتى وزدەرى بەلگىلەيدى. جاڭاشا زەرتتەۋ - اشۋ قۇرىلىمدارىنىڭ «مەجە ەسەپ + شەكتەلگەن سالالار ءتىزىمى» باسقارۋ ۇلگىسىن اتقارۋىنا قولداۋ كورسەتىلەدى، ەرەكشە بەلگىلەمەلەردەن سىرت، قازىنالىق قارجىنىڭ قولداۋىنان تۋىلعان عىلىم - تەحنيكا جەتىستىكتەرى مەن ءبىلىم مەنشىك ۇقىعىن جاڭاشا زەرتتەۋ - اشۋ قۇرىلىمدارى زاڭ بويىنشا الادى، دەربەس بەلگىلەيدى، وندىرگىش كۇشكە اينالدىرادى جانە جالپىلاستىرىپ قولدانادى. بەسىنشى، عىلمي زەرتتەۋ نىسانىنداعى قاتىستى جاقتار عىلمي زەرتتەۋ قازىنا كومەكشىلەرىن ورنالاستىرىپ، مەجە ەسەپ جاساۋ، ەسەپتەن كوتەرۋ سياقتى ارنايىلانعان قىزمەت وتەپ، عىلمي زەرتتەۋ قىزمەتكەرلەرىنىڭ جۇمىس سيپاتىندىق اۋىرتپالىعىن جەڭىلدەتەدى. قاتىستى ادام كۇشى وزىندىك قۇن قاراجاتىن نىسان قاراجاتى سياقتى جولدارمەن شەشۋگە بولادى. التىنشى، عىلمي زەرتتەۋ قاراجاتىن باقىلاۋ - باسقارۋدى جاقسارتۋ كەرەك. ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتىپ، قازىنالىق باقىلاۋدى زاڭ، بەلگىلەمە بويىنشا ورىستەتۋ كەرەك. ءماجىلىس قاتىستى جاقتاردان جوعارىداعى شارالاردىڭ تياناقتانۋىن مىقتى يگەرىپ، مەملەكەتتىك كەڭەس كەڭسەسىنىڭ باقىلاۋ - تەكسەرۋدى كۇشەيتۋىن تالاپ ەتتى.
ءماجىلىس مىنالاردى اتاپ كورسەتتى: كوپ ءتۇرلى شارانى قاتار قولدانىپ، شوشقا ءوندىرىسىن ورنىقتىردىق، قازىر شوشقانىڭ ءوندىرىس قۋاتى ءبىر مەزەت جارىققا شىققان اۋىر قۇلدىراۋدان كەيىن ءبىرشاما تەز قالپىنا كەلدى. قازىرگى قامداۋ مەن قاجەتسىنۋدىڭ وزگەرىسىنە باعىتتاي وتىرىپ، ەكونوميكالىق زاڭدىلىققا بويسۇنىپ، بازارلاندىرۋ تاسىلىمەن «شوشقا پەريودىنىڭ» تولقۋىن كوبىرەك باسەڭدەتىپ، شوشقامەن قامداۋدىڭ جانە باعانىڭ ورنىقتىلىعىنا شىنايى كەپىلدىك ەتۋ كەرەك. ءبىرىنشى، قازىنا، فينانس، جەردەن پايدالانۋ سياقتى ۇزاق ءونىمدى قولداۋ ساياساتتارىن ورنىقتىرىپ، شوشقا باعىمشىلىق الاڭىنىڭ (وتباسى) بەلسەندىلىگىن قورعاۋ كەرەك. باعىمشىلىق فەرمالارى (وتباسى) مەن سويىس، مانەرلەۋ كاسىپورىندارىنا قاراتا الباتى قارىز اقشانى شەكتەۋگە، قارىز اقشانى مەرزىمىنەن بۇرىن قايتارتۋعا، قارىز اقشانى ءۇزىپ تاستاۋعا بولمايدى. زاڭعا، بەلگىلەمەگە قايشىلىق جاساپ، باعۋعا تيىم سالىنعان رايونداردىڭ كولەمىن كەڭەيتۋگە بولمايدى. كولەم قالىپتاستىرعان شوشقا فەرماسىنىڭ مولشەرىن ورنىقتىرىپ، ورتا، شاعىن باعىمشىلىق الاڭدارىنىڭ (وتباسى) باعىمشىلىق دەڭگەيىن جوعارىلاتۋىنا كومەكتەسۋ كەرەك. ەكىنشى، شوشقا ءوندىرىسىن كەرى اينالىم بويىنشا تىزگىندەۋ مەحانيزمىن ورناتىپ، مەگەجىننىڭ ايلىق مولشەرى سايكەس مەزگىلدەگىدەن %10 تەن استام ازايعاندا نەمەسە شوشقا باعىمشىلىعىندا ءۇرتىس 3 اي اۋىر زيان تۋىلعان كەزدە، جەر - جەردىڭ كولەمدى باعىمشىلىق الاڭدارىنا (وتباسى) ءبىر جولدا ۋاقىتتىق كومەك بەرۋىنە بولادى. ءۇشىنشى، اۋىر جۇقپالى اۋرۋلاردان ساقتانۋ - تىزگىندەۋدى ويداعىداي يگەرىپ، شوشقا ەتى زاپاسى بويىنشا شۇعىل توتەپ بەرۋدى، رەتتەۋدى كۇشەيتۋ كەرەك.
ءماجىلىس تاعى باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
