قولدانىلمالى كورىنىستەردى كەڭەيتىپ، كاسىپ سالاسىنىڭ كومەسكى كۇشىن اشىپ، كاسىپ ەكولوگياسىن كەمەلدەندىردى
جاساۋ كاسىبىنىڭ سيفرلانۋعا بۇرىلىس جاساۋ اياق الىسى جەدەلدەدى («14 – بەسجىلدىق» جوبانى وسىلاي باستادىق)
«حالىق گازەتىنىڭ» تىلشىلەرى ۋاڭ جىڭ، حان شين، جين بو
2021.07.29 16:53 كەلۋ قاينارى : حالىق تورابى
كۇن قاتتى ىسىپ تۇر، ايربۋس تيانجين باس قۇراستىرۋ جەلىسى دە قىزۋ دۋمانعا بولەنگەن: گەنەراتور، ىشكى اشەكەيلەۋ، سىر بۇركۋ، سىناق جاساۋ بارىستارى ورىندالىپ، ۇشاق تۇلعاسى بىرتىندەپ جىلجىپ، جۇمىس تۇرلىشە ورىندا ءتارتىپتى جۇرگىزىلۋدە. ءساپ سالىپ قاراساڭىز، بەلگىلەنگەن وڭىرگە كىرىپ - شىققان ءاربىر جۇمىسشى 5G كەسكىن ءتۇسىرۋ اپپاراتىنىڭ الدىنان وتەتەدى، اپپارات حاۋىپسىزدىك قالپاعى كيىلگەن، كيىلمەگەنىن، قۇرال - سايمانداردىڭ تولىق بولعان، بولماعانىن اۆتوماتتى پارىقتايدى.
مۇنداي جاعداي 5G مەن ونەركاسىپ ينتەرنەتىنىڭ «قول ۇستاسۋىنان» باستاۋ العان. «ۇشاقتى جاساۋ كوپتەگەن نازىك بولشەكتەر مەن كۇردەلى جابدىقتارعا سايادى، وندىرىستە تيتتەي دە نەمقۇرايدى قاراۋعا بولمايدى. بۇرىن ادام كۇشىنە سۇيەنىپ تەكسەرگەندە قىرۋار ۋاقىت جۇمسالاتىن، زاردەي جاڭساقتىق بولسا، ۇلكەن زارداپ تۋىندايتىن». ايربۋس تيانجين سەرىكتەستىگىنىڭ جاڭالىق اشۋ ديرەكتورى جىڭ لينا بىلاي دەدى: ونەركاسىپ ينتەر تورابىندا 5G تەحنيكاسىنىڭ ەنگىزىلۋى ءوندىرىس لەنياسىندا كەز كەلگەن ۋاقىتتا تۇراتىن حاۋىپسىزدىك تەكسەرۋ مامانىن ۇسىنىس ەتكەنمەن بارابار، قىزمەتكەردىڭ تەكسەرۋ وزىندىك قۇنى بارىنشا تومەندەپ قانا قالماستان، ءوندىرىس حاۋىپسىزدىگى دەڭگەيى دە بارىنشا جوعارىلادى.
باس شۋجي شي جينپيڭ بىلاي دەپ اتاپ كورسەتكەن بولاتىن: «ءبىز قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، سيفرلى ەكونوميكانى جەدەل دامىتىپ، ناقتى ەكونوميكا مەن سيفرلى ەكونوميكانىڭ توعىسپالى دامۋىن ىلگەرىلەتىپ، ينتەرنەتتىڭ، ءىرى ساندى مالىمەتتىڭ، جاساندى زەردەنىڭ ناقتى ەكونوميكامەن ىشكەرىلەي توعىسۋىن ىلگەرىلەتىپ، ينفورماتسيالاندىرۋ مەن ونەركاسىپتەندىرۋدى ىشكەرىلەي توعىستىرۋ سىندى كەلەلى ءىستى ۇزدىكسىز ويداعىداي ىستەپ، جاساۋ كاسىبىنىڭ سيفرلانۋعا، توراپتانۋعا، زەردەلىلەنۋگە قاراي جەدەل دامۋىن ىلگەرىلەتۋىمىز كەرەك». «14 – بەسجىلدىق» جوبا مەن 2035 - جىلعى بولاشاقتىق نىسانا باعدارلاماسىندا مىنالار العا قويىلدى: اسا زور مولشەردەگى ساندى مالىمەت پەن مول قولدانىلمالى كورىنىس ابزالدىعىن تولىق ساۋلەلەندىرىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن جەبەپ، ءداستۇرلى كاسىپتەردىڭ تيبىن وزگەرتىپ، دارەجەسىن جوعارىلاتىپ، جاڭا كاسىپ سالاسىنىڭ، جاڭا كاسىپ فورماتسياسىنىڭ، جاڭا ۇلگىنىڭ جارىققا شىعۋىنا دەم بەرىپ، ەكونوميكالىق دامۋدىڭ جاڭا قوزعالتقىشىن زورايتۋ كەرەك.
الدىڭعى جارتى جىلدا ونەركاسىپتىڭ سيفرلانۋى تەزدەدى، سونداي - اق جۇمساق بولشەكتىڭ ءوزىن - ءوزى مەڭگەرۋ اياق الىسى تەزدەدى، ونەركاسىپ جۇمساق بولشەك ونىمدەرىنىڭ كىرىسى 110 ميلليارد 700 ميلليون يۋانعا جەتىپ، بىلتىرعى سول تۇستاعىدان %20.0 ارتتى. ونەركاسىپ عالامتور تۇعىرىمەن ۇشتاسقان ونەركاسىپ جابدىقتارىنىڭ جالپى سانى 70 ميلليوننان استى، ونەركاسىپ جانە ينفورماتسيالاندىرۋ مينيسترلىگىنىڭ ءبىر ميلليون ونەركاسىپ APP دەتالىن جەتىلدىرۋ ارەكەتى ورنىقتى ىلگەرىلەپ، كاسىپورىنداردىڭ شەشۋشى جۇمىس تارتىپتەرىنىڭ سيفرلاندىرىلۋ مولشەرى، سيفرلانعان زەرتتەۋ - اشۋ، جوبالاۋ قۇرالدارىنىڭ جالپىلاسۋ مولشەرى ورنىقتى جوعارىلادى. «14 – بەسجىلدىق» جوبانىڭ العاشقى جىلىندا قولدانىلمالى كورىنىستەردى كەڭەيتۋ، كاسىپ سالاسىنىڭ كومەسكى كۇشىن ىشكەرىلەي اشۋ، كاسىپ ەكولوگياسىن كەمەلدەندىرۋ سياقتىلاردى توڭىرەكتەپ، ەلىمىزدىڭ ونەركاسىپ ينتەرنەتىنىڭ دامۋى قارقىندى جوعارىلاتۋ باسقىشىنا ءوتتى.
− قولدانىلمالى كورىنىستەردى كەڭەيتىپ، جاساۋ كاسىبىنىڭ سيفرلانۋىنىڭ، تۇرلەنۋىنىڭ جاڭا شايقاس مايدانىن سومدادى.
مەحانيكالى قول جىلدام ءارى ءونىمدى جۇمىس ىستەيدى، قۇلتەمىر كوزدى اشىپ – جۇمعانشا زاتتاردى قاجەتتى ورىنعا جەتكىزەدى... شۇيگۇڭ اۋىر تۇرپاتتى كران زەردەلى دانەكەرلەۋ سەحىندا 9 زەردەلى ءوندىرىس جەلىسى بار كۇشىن سالىپ، بار كۇشپەن جۇمىس جۇرگىزىپ، 4 ميلليارد يۋانعا جۋىق كران تاپسىرىسىن ورىندادى.
تاپسىرىستىڭ باستاماسىنىڭ جاقسى بولۋى 5G+ ونەركاسىپ ينتەرنەتىنىڭ كۇشتى بىرلەستىگىنەن باستاۋ العان. «5G+ ونەركاسىپ ينتەرنەتىنىڭ سەلبەسۋىنەن پايدالانىپ، تۇرلىشە زاۆودتار، تۇرلىشە ماركالار وندىرگەن قىرۋار جابدىق شوعىرلى تۇعىرعا جالعانىپ، جابدىقتار اراسىنداعى ەڭ زور دارەجەدەگى ءوزارا بايلانىستى جۇزەگە اسىردى». شۇيگۇڭ اۋىر تۇرپاتتى جابدىق سەرىكتەستىگى ينفورماتسيالاندىرۋدى باسقارۋ ءبولىمىنىڭ باستىعى لي جۇڭفۋ بىلاي دەپ تانىستىردى: 5G+ ونەركاسىپ ينتەرنەتى ءوندىرىس جابدىقتارىنىڭ اينالىم ساندى مالىمەتتەرىن دەر كەزىندە باقىلاپ - تەكسەرىپ، ءوندىرىس قۋاتىنىڭ ىعىستىرىلۋىن اناعۇرلىم دالمە - ءدال، ۇيلەسىمدى ەتىپ، ءوندىرىس ونىمدىلىگىن %20 تەن استام جوعارىلاتتى؛ بۇدان تىس ءونىم پارامەترلەرىن ءىز قۋالاپ جەتكىزىپ، قاريدارلارعا الىس ارالىقتان دياگنوز قويۋ جاعىنان قىزمەت وتەيدى.
«5G مەن ونەركاسىپ ينتەرنەتى توعىسىپ، ءبىرىن - ءبىرى جەبەپ، بىرگە العا باسۋى جاساۋ كاسىبىنىڭ سيفرلانۋعا بۇرىلىس جاساۋىنىڭ جاڭا شايقاس مايدانىنا اينالادى. جۇڭگو ينفورماتسيا، حابارلاسۋ زەرتتەۋ ورنى باستىعىنىڭ ورىنباسار ۋاڭ جىچين تانىستىرىپ بىلاي دەدى: قازىر بۇكىل ەل بويىنشا 5G+ ونەركاسىپ ينتەرنەت نىسانى ءبىر مىڭ 600 گە تايادى، بۇل حالىق شارۋاشىلىعىنداعى 20 دان استام ماڭىزدى كاسىپتى قامتىدى، وسى نەگىزدە 5G+ ونەركاسىپ ينتەرنەتى اۆياتسيا، بولات - تەمىر، كەن شارۋاشىلىعى، پورت سياقتى جەتەكشى كاسىپتەردەن جاساۋ كاسىبىنىڭ تۇتاس سالاسىنا قاراي كەڭەيۋدە.
− كاسىپ سالاسىنىڭ كومەسكى كۇشىن اشىپ، نەگىزدى بەكەمدەۋدەن ىشكەرىلەي دامۋعا بۇرىلىس جاسادى.
حۋاشيڭ فوتو ەلەكترى شىنجىن T2 زاۆودىنىڭ 8.5 بۋىنداعى سۇيىق كريستالدى تاقتا اۆتوماتتى ءوندىرىس لەنياسىنا كىرسەڭىز، بۋلاپ جالاتۋ، ساقتاۋ، تاسىمالداۋ، جۋۋ، جارىق ءتۇسىرۋ سياقتى ءبىرقىدىرۋ تەحنولوگيالىق باعدارلاماسىنىڭ بارلىعى اۆتوماتتى ورىندالاتىنىن كورەسىز، بۇكىلدەي تۇيىقتالعان ءوندىرىس لەنياسىنان بىردە - ءبىر ادام كورىنبەيدى. اۆتوماتتاندىرۋ دارەجەسى وسىنشاما جوعارى سۇيىق كريستالدى تاقتا كاسىبىندە ونەركاسىپ ينتەرنەتىن قۇرۋ ءالى دە قاجەت پە؟
بۇعان ءسوزسىز قاجەت دەپ جاۋاپ بەرەمىز. «بۇرىن ءونىم ساپاسىن تەكسەرۋ جاساندى كۇشكە سۇيەنەتىن، دالدىك مولشەرى ەڭ جوعارى بولعاندا %85 بولاتىن، جاساندى زەردەنى نەگىز ەتكەن اۆتوماتتى كەمىستىكتەردى تۇرگە ايىرۋ جۇيەسى ىسكە قوسىلعاننان كەيىن، كەمىستىكتەردى پارىقتاۋ جىلدامدىعى 5 ەسەدەن استام جوعارىلاپ قانا قالماستان، دالدىك مولشەر %90 تەن، ءار جىلعى ونىمدىلىگى 10 ميلليون يۋاننان استى». حۋاشيڭ فوتوەلەكترلى زەردەلى جاساۋ كاسىبىنىڭ جاۋاپتىسى تيان داڭكۋ تانىستىرىپ بىلاي دەدى: ونەركاسىپ ينتەرنەتىن اشۋداعى ساپانى مەڭگەرۋ جۇيەسىنە نەگىزدەلىپ، ءوندىرىس بارىسىنىڭ كەدەرگىسىنە ءونىمدى تولەم بەرىپ، ءوندىرىستىڭ جارامدىلىق شاماسىن كورنەكتى جوعارىلاتتىق.
«بيىل ءبىز جاڭا ءوندىرىس جەلىسىنە 5G ورنالاستىردىق، 5G+ ونەركاسىپ ينتەرنەتى نەگىزىندە جاسالعان سالاماتتىق باسقارۋ جۇيەسى جابدىقتارى زەردەلى دياگنوز قويۋ، كۇتىمدەۋ، الىس ارالىقتان قورعاۋ سياقتى فۋنكتسيالاردى جۇزەگە اسىرا الادى». تيان داڭكۋ بىلاي دەدى: وسى جۇيە ارقىلى ءونىم قۇنىن مەجەمەن %5 – 3 جوعارىلاتىپ، جابدىقتاردىڭ قالىپسىز توقتاۋ ۋاقىتى مەن جابدىقتاردى قورعاۋدىڭ وزىندىك قۇنىن %20 – 10 تومەندەتتىك.
«قازىر 5G+ ونەركاسىپ ينتەرنەتى كەن اشۋ، ەلەكترمەن قامداۋ، كەمەجاي تيەۋىش قورابىن تيەۋ - ءتۇسىرۋ، ەلەكتروندىق ينفورماتسيا جاساۋ سياقتى سالالاردا الدىمەن دامىپ، الىس ارالىقتى جابدىقتاردى مەڭگەرۋ، جۇمىس باسىندا قوسىمشا جۇمىس جۇرگىزۋ، ءونىم ساپاسىن تەكسەرۋ سياقتى تيپتىك كورىنىستەر كورنەكتى ونىمدىلىككە قول جەتكىزدى». ونەركاسىپ جانە ينفورماتسيالاندىرۋ مينيسترلىگى حابارلاسۋدى باسقارۋ مەكەمەسىنىڭ قاتىستى جاۋاپتىسى مىنانى ءبىلدىردى: «14 – بەسجىلدىق» جوبا مەزگىلىندە ەلىمىزدىڭ ونەركاسىپ ينتەرنەت تورابى نەگىزدى بەكەمدەۋدەن ىشكەرىلەي دامۋعا بۇرىلىس جاسادى، نازاردى كاسىپ سالاسىنىڭ قيىن تۇيىندەرىنە شوعىرلاندىرىپ، تيپتىك قولدانىس قالىپتاستىرىپ، جاساۋ كاسىبىنىڭ ناقتى قۇن جاراتۋىنا دەم بەردىك.
− كاسىپ سالاسى ەكولوگياسىن كەمەلدەندىرىپ، ءىرى، ورتا، شاعىن كاسىپورىنداردىڭ سەلبەسىپ جاڭالىق اشۋىن ىلگەرىلەتتى.
جياشيڭ قالاسى شينيۋان توقىماشىلىق ونەرى شەكتى سەرىكتەستىگىنىڭ توقىماشىلىق سەحىنا كىرسەڭىز، جوعارى جىلدامدىقپەن جۇرەتىن توقىما ماشينالارى ماشينالاردىڭ ىشىندەگى ءبىر كىشكەنە قارا قوبديشا ارقىلى زاۆودتاعى 270 توقىماشىلىق ماشيناسىن، 108 ستانوكتى، سونداي - اق ءتۇرلى توقىماشىلىق جابدىقتارىن «بۇلتتىق ۇلكەن ميمەن» تۇتاستىرعانىن كورەسىز.
«بىلتىر جىل باسىندا كورىنىس عىلىم - تەحنيكاسى قامداعان توقىماشىلىق بۇلت تۇعىرىنان پايدالانعاننان بەرى توقىماشىلىق ماشينالارىنىڭ ونىمدىلىگى %4 جوعارىلادى، جۇمىسشىلاردىڭ ورتاشا ءونىم مولشەرى %9 جوعارىلادى، باسقارۋدىڭ وزىندىك قۇنى %5 تومەندەدى، ءونىم ساپاسى جوعارىلاپ قانا قالماستان، تاپسىرۋ ۋاقىتى دا قامتاماسىز ەتىلدى» دەدى شينيۋان سەرىكتەستىگىنىڭ باس مەڭگەرۋشىسى لو يۋان.
«قازىر باسىم كوپ ساندى ورتا، شاعىن توقىماشىلىق كاسىپورنىنىڭ ءوندىرىسى مەن باسقارۋى ءالى دە ادامدى نەگىز ەتەدى». گۋاڭجوۋ جىجيڭ ينفورماتسيا عىلىم - تەحنيكا شەكتى سەرىكتەستىگىنىڭ اعا ءونىم ديرەكتورى جاڭ پەي تىلشىگە بىلاي دەدى: جۇڭگو جىلجىمالى حابارلاسۋى جىجياڭ سەرىكتەستىگى جياشيڭ بولىمشە سەرىكتەستىگىمەن بىرلەسىپ ونەركاسىپ ينتەرنەتىن نەگىز ەتكەن توقىماشىلىق بۇلتىن اشۋ ارقىلى توقىماشىلىق كاسىبىنىڭ قامداۋ تىزبەگىنىڭ بىتىراڭقى، اينالىم وزىندىك قۇنى جوعارى بولۋ ماسەلەسىن ءونىمدى شەشىپ، جيىنى 5 مىڭنان استام توقىما فابريكاسىنا قىزمەت وتەدىك، 400 مىڭنان استام توقىماشىلىق ماشيناسىن جۇيەگە ەنگىزىپ، بۇكىل ەلدىڭ %26 توقىماشىلىق ءوندىرىس قۋاتىن قامتىپ، كاسىپورىنداردىڭ وزىندىك قۇنىن تومەندەتىپ، ونىمدىلىگىن ءبىر ميلليارد يۋاننان استام جوعارىلاتتىق.
«ورتا، شاعىن، ۇساق كاسىپورىنداردىڭ ونەركاسىپ ينتەرنەتىن ‹پايدالانۋدى بىلمەۋ، پايدالانۋعا باتىلدىق ەتپەۋ، پايدالانا الماۋى› سياقتى قيىن ماسەلەلەردى شىن مانىندە شەشۋ ءۇشىن، 5G+ ونەركاسىپ ينتەرنەتىنىڭ توعىسپالى قولدانىلۋ ۇلگىسىن اتقارۋ باعدارناماسى جەدەل جاسالۋدا». ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: «14 – بەسجىلدىق» جوبا مەزگىلىندە ەلىمىز ءبىر توپ ونەركاسىپ ينتەرنەت جۇيەسىن شەشۋ جوباسىمەن قامداۋشى ساۋداگەردى جەتىلدىرىپ، باستاماشى كاسىپورىنداردىڭ باستاماشىلىق رولىن تولىق ساۋلەلەندىرىپ، ءىرى، ورتا، شاعىن كاسىپورىنداردىڭ سەلبەسىپ جاڭالىق جاراتۋىن ىلگەرىلەتىپ، ورتا، شاعىن، ۇساق كاسىپورىنداردىڭ سيفرلانۋعا بۇرىلىس جاساۋ قۋاتىن كۇشەيتۋىنە كومەكتەسەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
