بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ مەن سەررا - لەوننىڭ زۇڭتۇڭى بيو جۇڭگو مەن سەررا - لەوننىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن ءبىر - بىرىنە قۇتتىقتاۋ تەلەگرامماسىن جولدادى

2021.07.30 17:33     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ مەن سەررا - لەوننىڭ زۇڭتۇڭى بيو 7 - ايدىڭ 29 - كۇنى ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن سەررا - لەون ديپلوماتيالىق قاتىناس ورناتقان جارتى عاسىردان بەرى، حالىقارالىق جاعداي قالاي قۇبىلسا دا، ەكى ەل ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان - اياق ءبىرىن - ءبىرى ءتۇسىنىپ جانە قولداپ، ەكونوميكا جانە حالىق تۇرمىسى سالاسىندا اسا ناتيجەلى سەلبەستىك ورىستەتتى. جاڭا تيپتى ايدارشا ۆيرۋس وكپە قابىنۋ ىندەتىنىڭ قاتاڭ سىنى الدىندا جۇڭگو مەن سەررا - لەون حالىقتارى ءبىر - بىرىنە قارايلاسىپ، ىندەتكە تىزە قوسا قارسى اتتانىپ، تار جول، تايعاق كەشۋلەردى بىرگە وتكەرۋ تۋىسقاندىق سۇيىسپەنشىلىگىن ايگىلەدى.

  شي جينپيڭ بىلاي دەپ دارىپتەدى: مەن جۇڭگو - سەررا - لەون قاتىناسىنىڭ دامۋىنا ايرىقشا ءمان بەرەمىن، بيو زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، دوستىق ءوزارا سەنىمدىلىكتى بەكەمدەپ، ناقتى سەلبەستىكتى تەرەڭدەتىپ، جۇڭگو مەن سەررا - لەوننىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز دامۋىن ىلگەرىلەتىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.

  بيو قۇتتىقتاۋ تەلەگرامماسىندا مىنانى ءبىلدىردى: سەررا - لەون مەن جۇڭگو ديپلوماتيالىق قاتىناس ورناتقان 50 جىلدان بەرى ەكى جاق ءوزارا قۇرمەت ەتۋ، ءبىر - بىرىنە سەنۋ، تەڭ تۇرعىدا مامىلە جاساۋ جانە بىرگە گۇلدەنۋ پرينسيبىن ۇستانىپ، شىنايى دوس بولىپ، ىنتىماقتاسىپ، قارايلاسىپ، ەكى جاقتى جانە حالىقارالىق دەڭگەيدە تاماشا سەلبەستىك ورىستەتىپ، سۇبەلى تابىستارعا قول جەتكىزدى. سەررا - لەون جۇڭگومەن بىرگە قۇلشىنىپ، ەكى ەلدىڭ ءداستۇرلى دوستىعىن ونان ارى بەكەمدەپ، ەكى جاقتىڭ ءار سالاداعى سەلبەستىگىن تەرەڭدەتۋدى ءۇمىت ەتەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار