مەملەكەتتىك ساياسي كەڭەس قوس اپتالىق كەڭەس اڭگىمە ءماجىلىسىن اشتى
«مەملەكەتتىڭ الەۋمەتتىك دەنساۋلىق ساقتاۋ قورعانىس تورىن بەرىك توقۋدى» توڭىرەكتەي وتىرىپ ۇكىمەت ءىسىن كەڭەستى، ۋاڭ ياڭ ءماجىلىستى باسقاردى
2021.07.30 17:44 كەلۋ قاينارى : حالىق تورابى
«حالىق گازەتى»، 7 - ايدىڭ 29 - كۇنى، بەيجيڭ (ءتىلشى ياڭ حاۋ). 13 – كەزەكتى مەملەكەتتىك ساياسي كەڭەستىڭ 53 – رەتكى قوس اپتالىق كەڭەس اڭگىمە ءماجىلىسى 7 - ايدىڭ 29 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. ول مىنالاردى دارىپتەدى: مەملەكەتتىڭ الەۋمەتتىك دەنساۋلىق ساقتاۋ قورعانىس تورىن بەكەمدەۋ − حالىقتىڭ سالاماتتىعىن قورعاۋدىڭ جانە ەكونوميكانىڭ، قوعامنىڭ ورنىقتىلىعىن قورعاۋدىڭ ماڭىزدى تىرەگى، جۇڭگو كوممۋنيستىك پارتياسىنىڭ اۋەلگى ماقساتى مەن بورىشىنىڭ ماڭىزدى بەينەسى. باس شۋجي شي جينپيڭنىڭ الەۋمەتتىك دەنساۋلىق ساقتاۋ جۇيەسى قۇرىلىسى جونىندەگى ماڭىزدى پايىمداۋلارىن ىشكەرىلەي ءتۇسىنىپ، حالىقتى وزەك ەتۋدە، ماسەلەنى باعدار ەتۋدە تاباندى بولىپ، ەلىمىزدىڭ ساياسي ابزالدىعىن، ءتۇزىم ابزالدىعىن، مادەنيەت ابزالدىعىن ساۋلەلەندىرىپ، جۇڭگوشا ەرەكشەلىككە يە مەملەكەتتىڭ الەۋمەتتىك دەنساۋلىق ساقتاۋ قورعانىس تورىن قۇرىپ، توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ قۋاتىن ۇزدىكسىز جوعارىلاتۋ كەرەك.
10 مۇشە مەن ۇسىنىس ەتىلگەن ۋاكىل ءماجىلىستىڭ نەگىزگى تاقىرىبىن ارقاۋ ەتىپ، تۇرلىشە تۇرعىدان اقىل - كەڭەس بەردى. 70 كە جۋىق مۇشە مەملەكەتتىك ساياسي كەڭەس مۇشەلەرىنىڭ مىندەت اتقارۋ تۇعىرىندا پىكىر ايتتى. كوپشىلىك بىلاي دەپ قارادى: ەلىمىزدىڭ الەۋمەتتىك دەنساۋلىق ساقتاۋ جۇيەسى قۇرىلىسى ارشىندى قاداممەن العا باسىپ، دۇنيە جۇزىندە حالىق سانى ەڭ كوپ الەۋمەتتىك دەنساۋلىق ساقتاۋ قورعانىس تورابىن العاشقى ادىمدا قۇرىپ، ىندەتتەن ساقتانۋ - تىزگىندەۋ بارىسىندا سىننان ءوتىپ، قۋاتتى جوعارىلاتتى. ونەركاسىپتەنۋ، قالا - قالاشىقتانۋ، جاھاندانۋ اياق الىسىنا ىلەسە، بۇكىل دۇنيە جۇزىلىك الەۋمەتتىك دەنساۋلىق ساقتاۋ وقيعالارىنىڭ تۋىلۋ جيىلىگى جوعارىلاپ، شارپۋ كولەمى كەڭەيىپ، ىقپال كۇشى تەرەڭدەدى، مەملەكەتتىڭ الەۋمەتتىك دەنساۋلىق ساقتاۋ قورعانىس تورىن بەرىك توقۋدا ءالى دە كوپتەگەن قىزمەت ىستەۋگە تۋرا كەلەدى.
مۇشەلەر مىنالاردى ۇسىنىس ەتتى: 4 دارەجەلى اۋرۋدى تىزگىندەۋ قۇرىلىمدارى رەفورماسىن تارتىپپەن ىلگەرىلەتىپ، دەنساۋلىق ساقتاۋ، سالاماتتىق اكىمشىلىك تاراۋلارى مەن اۋرۋدى تىزگىندەۋ قۇرىلىمدارىنىڭ فۋنكتسيالىق ءبولىسىن ايقىنداپ، اۋرۋدى تىزگىندەۋ قۇرىلىمدارىنىڭ مىندەتى، ۇقىعى، جاۋاپكەرلىگى بولۋىنا كەپىلدىك ەتۋ كەرەك. باقىلاۋ - ولشەۋ، ساقتاندىرۋ جۇيەسىن كەمەلدەندىرىپ، كوپتەگەن تاراۋدىڭ شۇعىل جاعدايعا توتەپ بەرۋ جونىندە شەشىم جاساۋ، بىرلەسىپ ءبىر جاقتى ەتۋ، اۋقىمدىق حاۋىپ - قاتەردى باعالاۋ سىندى تەز اڭىس قايتارۋ مەحانيزمىن ورناتىپ، تاراۋلاردىڭ، سالالاردىڭ ينفورماتسيالاردى ءوزارا تۇتاستىرۋ، ساندى مالىمەتتەردەن بىرگە يگىلىكتەنۋ تۇعىرىن ورناتىپ، مەملەكەت بويىنشا بىرلىككە كەلگەن، بەدەلدى الەۋمەتتىك دەنساۋلىق ساقتاۋعا شۇعىل توتەپ بەرۋ تەلەفون ءنومىرىن ورناتىپ، ىندەتتىڭ ەرتە بايقالۋىنا، ەرتە تۇراقتاندىرىلۋىنا، ەرتە ءبىر جاقتى ەتىلۋىنە كەپىلدىك ەتۋ كەرەك. الەۋمەتتىك دەنساۋلىق ساقتاۋ بايلىعىنىڭ تومەنگە ءتۇسىرىلۋىن ىلگەرىلەتىپ، قالالىق، اۋداندىق شيپاحانالاردىڭ جۇقپالى اۋرۋلار، سالماقتى اۋرۋلار شيپاگەرلىگى، تىنىس الۋ سياقتى ءبولىم - كەڭسەلەرى قۇرىلىسىن كۇشەيتىپ، شتات پەن قاراجاتتى قامتاماسىز ەتىپ، نەگىزگى ساتى الەۋمەتتىك دەنساۋلىق ساقتاۋعا قىزمەت وتەۋ تورىن تىعىز توقۋ كەرەك. جوعارى مەكتەپتەردىڭ الەۋمەتتىك دەنساۋلىق ساقتاۋ پاندەرى قۇرىلىسىن كۇشەيتىپ، اناعۇرلىم كوپ كاسىپتىك دارىندىلاردى جەتىلدىرىپ، كاسىپكە رۇقسات ەتۋ، مامىلەنى قامتاماسىز ەتۋ، تەكسەرۋ - باعالاۋ سياقتى تۇزىمدەردى اقاۋسىزداندىرىپ، الەۋمەتتىك دەنساۋلىق ساقتاۋ سالاسىنداعى دارىندىلار ولقىلىعىن تولىقتاۋ كەرەك. الەۋمەتتىك دەنساۋلىق ساقتاۋ جونىندەگى عىلمي زەرتتەۋدە قامال الۋدى كۇشەيتىپ، ءدارى - دارمەك، ۆاكسينا، جوعارى دەڭگەيلى ەمدەۋ جابدىقتارى سياقتىلاردى زەرتتەۋ - اشۋ سەرپىنىن ارتتىرىپ، جۇڭگوشا شيپاگەرلىك پەن ءدارى - دارمەكتىڭ ىندەتتەن ساقتانۋ - تىزگىندەۋ سالاسىنداعى وزگەشە ابزالدىعىن ساۋلەلەندىرۋ كەرەك. الەۋمەتتىك دەنساۋلىق ساقتاۋ سالاسىنداعى حالىقارالىق سەلبەستىكتى تەرەڭدەتىپ، قاتىستى ەلدەرمەن جانە رايوندارمەن شەكارا اتتاعان ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمىن ورناتۋدى، كەمەلدەندىرۋدى مىقتى يگەرىپ، ەلىمىزدىڭ شەكارا وتكەلىندەگى ىندەتتەن ساقتانۋ - تىزگىندەۋ قۋاتى قۇرىلىسىن كۇشەيتىپ، باسقارۋ ساڭلاۋلارىن بىتەپ، سىرتتان كىرۋدەن، ىشتە قايتادان بەلەڭ الۋدان ساقتانۋ قىزمەتىن تىڭعىلىقتى تياناقتاندىرۋ كەرەك. جۇقپالى اۋرۋلاردان جانە ونى ەمدەۋ زاڭىنا، «توسىن تۋىلعان الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋ ەرەجەسىنە» دەر كەزىندە وزگەرىس ەنگىزىپ، الەۋمەتتىك دەنساۋلىق ساقتاۋ قورعانىسىن زاڭمەن جونگە سالۋ ارقىلى قامتاماسىز ەتۋدى كۇشەيتۋ كەرەك. الەۋمەتتىك دەنساۋلىق ساقتاۋ ۇگىت - تاربيەسىن كۇشەيتىپ، وتانشىلدىق تازالىق قيمىلىن ىشكەرىلەي ورىستەتىپ، سالاماتتىق بىلىمدەرىن كۇش سالا جالپىلاستىرىپ، وركەنيەتتى، اقاۋسىز تۇرمىس ءتاسىلىن دارىپتەۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، لۋ جانگۇڭ، لي بين ماجىلىسكە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى حى ۋەي تاقىرىپتىق ءسوز سويلەدى. مەملەكەتتىك ساياسي كەڭەستىڭ مۇشەلەرى ساي ۋەي، حى يانجىڭ، ۋ فان، رۇڭ رۇڭ، لين حۇيچيڭ، جاۋ جياجۇن، دىڭ رۇڭليڭ، تاڭ شۇيدۇڭ، دۇڭ شياۋپيڭ جانە ۇسىنىس ەتىلگەن ۋاكىل جۇڭ نانشان ءسوز سويلەدى. مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاۋاپتىسى قاتىستى جاعدايلاردى تانىستىردى، وقۋ - اعارتۋ مينيسترلىگىنىڭ، كەدەن باس مەكەمەسىنىڭ، مەملەكەتتىك اۋرۋدان ساقتانۋ - تىزگىندەۋ مەكەمەسىنىڭ جاۋاپتىلارى كەڭەسىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
