بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«شينجياڭ — جاقسى جەر» اتىنداعى بەينە ەكران ارقىلى پىكىر اۋىستىرۋ ءماجىلىسى ءۇرىمجى مەن نۇر – سۇلتاندا وتكىزىلدى

2021.08.02 15:47     كەلۋ قاينارى : حالىق تورابى

  تيانشان تورابى – شينجياڭ گازەتى ءتىلشىسى جاڭ يۇنمەي حابارلايدى. 7 – ايدىڭ 30 – كۇنى «شينجياڭ — جاقسى جەر» اتىنداعى بەينە ەكراندى پىكىر اۋىستىرۋ ءماجىلىسىنىڭ قازاقستانعا ارنالعان ءبولىمى ءۇرىمجى مەن نۇر – سۇلتاندا وتكىزىلدى، ەكى جەردەگى قوعامنىڭ ءار سالاسىنداعىلار بەينە ەكران ارقىلى پىكىر اۋىستىردى.

  بۇل رەتكى پىكىر اۋىسۋ جيىنىن شينجياڭ ۇيعۇر اۆتونوميالى رايونى مەن جۇڭگونىڭ قازاقستاندا تۇراتىن باس ەلشىلىگى بىرگە وتكىزگەن. اۆتونوميالى رايون باسشىلارىنان نۇرلان ءابىلماجىن، لي شۋەجۇن، نۇرىم سىمايىلقان، جۇڭگونىڭ قازاقستاندا تۇراتىن باس ەلشىسى جاڭ شياۋ جەكە – جەكە ءۇرىمجى مەن نۇر – سۇلتانداعى پىكىر اۋىستىرۋ ماجىلىسىنە قاتىناستى.

  اۆتونوميالى رايوندىق ساياسي كەڭەس ءتوراعاسى نۇرلان ءابىلماجىن پىكىر اۋىستىرۋ ماجىلىسىندە شينجياڭنىڭ قازىرگى ورنىقتىلىعىنا، دامۋىنا قاتىستى جاعدايلاردى تانىستىردى ءارى ا ق ش باستاعان باتىس ەلدەرىندەگى جۇڭگوعا قارسى كۇشتەردىڭ شينجياڭعا قاتىستى جالعان سوزدەرىنە باتىل تويتارىس بەردى. ول بىلاي دەدى: جۇڭگو كوممۋنيستىك پارتياسىنىڭ 18 – قۇرىلتايىنان بەرى، پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتە وتىرىپ، ەكونوميكا مەن قوعام دامۋىن ىلگەرىلەتۋ جانە حالىق تۇرمىسىن جاقسارتۋ جاقتارىندا بۇرىن – سوڭدى بولماعان ناتيجەلەرگە قول جەتكىزدى. قازىر، كەيبىر مەملەكەتتەر، كەيبىر كۇشتەر جۇڭگو شينجياڭنىڭ كوركەيىپ – گۇلدەنگەن جانە دامىعان، جۇرتشىلىق تىنىش، الاڭسىز ءومىر كەشكەن ەرەكشە جاقسى جاعدايىن كورگىسى كەلمەگەندىكتەن، شينجياڭعا قاتىستى وسەك – اياڭداردى ۇزدىكسىز تاراتىپ، شينجياڭنىڭ وبىرازىنا داق سالماق، شينجياڭنىڭ ورنىقتىلىعىن بۇلدىرمەك بولدى، ولاردىڭ ارەكەتى شينجياڭداعى ءار ۇلت حالقىنىڭ باتىل قارسىلىعىنا ۇشىرادى، ولاردىڭ نيەتىنىڭ ساتسىزدىككە ۇشىرايتىنى داۋسىز. بەيبىتشىلىكتى سۇيەتىن ءار سالاداعى قايراتكەرلەر شينجياڭعا قاتىستى وسەك – اياڭداردى تەجەۋى جانە وعان قارسى تۇرۋى كەرەك. كوپشىلىكتىڭ قىراعىلىقتى ارتتىرىپ، شينجياڭعا ساياتىن جالعان سوزدەر مەن وسەك – اياڭداردىڭ الجاستىرۋىنا، ازعىرۋىنا ۇشىراماۋىن ءۇمىت ەتەمىز. كوپشىلىكتىڭ شينجياڭعا كەلىپ ارالاۋىن، كورۋىن، شينجياڭنىڭ جاعدايىنىڭ ا ق ش باستاعان باتىس ەلدەرىندەگى كۇشتەردىڭ جازىپ – سىزعانىنداعىدان مۇلدە باسقاشا ەكەنىنە كۋا بولۋىن قارسى الامىز.

  جۇڭگونىڭ قازاقستاندا تۇراتىن باس ەلشىسى جاڭ شياۋ بىلاي دەدى: جۇڭگو مەن قازاقستاننىڭ قارىم – قاتىناسىنىڭ جەدەل دامۋىن شينجياڭنىڭ كوركەيىپ – گۇلدەنۋى مەن ورنىقتىلىعىنان بولە قاراۋعا بولمايدى. جۇڭگو كوممۋنيستىك پارتياسى ورتالىق كوميتەتىنىڭ كەمەڭگەر باسشىلىعىندا، شينجياڭنىڭ ءتۇرلى سالالارداعى ىستەرى كۇن سايىن العا باسىپ، ءار ۇلت حالقى باقىتتى دا شاتتىقتى تۇردە جاڭا داۋىرگە قادام تاستاپ، اناعۇرلىم نۇرلى دا تاماشا بولاشاقتى قارسى الۋدا. الايدا، كەيبىرەۋلەر شينجياڭنىڭ جاقسى بولعانىن، جۇڭگونىڭ جاقسى بولعانىن، جۇڭگو مەن قازاقستان قارىم – قاتىناسىنىڭ جاقسى بولعانىن كورگىسى كەلمەيدى. ا ق ش قاتارلى باتىس ەلدەرى شينجياڭعا قاتىستى ەشقانداي نەگىزسىز جانە ۇياتسىز تۇردە «ءناسىلدى جويۋ»، «ەڭبەككە زورلاۋ»، «زورلىقپەن تۋىتتان شەكتەۋ» دەگەن سىندى ادامدى تىكسىندىرەتىن، وسەك – اياڭداردى تاراتىپ، وسى عاسىرداعى ەڭ زور وسەك – اياڭدى قيىستىرىپ جاسادى، جۇڭگو مەن قازاقستان ەكى ەل حالقىنىڭ وزدەرى تاڭداعان دامۋ جولىن سان – ساققا جۇگىرتىپ، دورەكىلىكپەن كيلىكتى. شىندىققا داۋ جۇرمەيدى، ادىلەت جۇرت جۇرەگىندە! ويدان قيىستىرا سالعان وسەك - اياڭنىڭ شينجياڭ حالقىنىڭ تاماشا تۇرمىسقا تالپىنعان العا باسۋ قادامىنا بوگەت بولا المايتىنى داۋسىز، جات نيەتپەن اراعا ىرتكى سالۋدىڭ جۇڭگو - قازاقستان ەكى ەلدىڭ ءوزارا تەرەڭ سەنىمدىلىگى مەن ۇرپاقتان - ۇرپاققا جالعاسقان دوستىعىن مىزعىتا المايتىندىعى داۋسىز، جۇڭگو - قازاقستان قارىم - قاتىناسى ءارقانداي قيىن - قىستاۋ ساتتەردىڭ سىناقتارىنا توتەپ بەرىپ، ءسوز جوق، اناعۇرلىم كەڭ داڭعىل جولعا تۇسە الادى!

  ماجىلىستە، قازاقستاننان ينتەرنەت ارقىلى قاتىناسقان قۇرمەتتى قوناقتار شينجياڭ جاقتاعىلارمەن پىكىر اۋىستىردى. قازاقستان استانا حالىقارالىق عىلىمي قۇرىلىمى جۇڭگونى جانە ورتا ازيانى زەرتتەۋ ورتالىعىنىڭ جاۋاپتىسى كورزيلوۆا سۆەتلانا كوپ جىلداردان بەرگى شينجياڭعا قاتىستى زەرتتەۋلەرى ارقىلى، قازىر شينجياڭنىڭ ەڭ وسىزاماندانعان، قوعامى مەن ەكونوميكاسىنىڭ جەدەل دامىعان كەزى ەكەنىن ايتتى. ول بىلاي دەدى: شينجياڭدا 4 جىلدان بەرى زورلىقتى كۇش لاڭكەستىك دەلوسى تۋىلمادى، بۇل جۇڭگونىڭ مەملەكەت حاۋىپسىزدىگى مەن كورشىلەس ەلدەردىڭ، وڭىرلەردىڭ حاۋىپسىزدىگى جونىنە ايتقاندا ماڭىزدى ستراتەگيالىق ءمان الادى. ءبىز شىنايى دا سەنىمدى ينفورماتسيا قاينارلارى ارقىلى شينجياڭنىڭ ناقتى جاعدايىن ۇعىنۋىمىز، ناقتى جاعدايدى تەكسەرىپ، باتىس جاقتىڭ اقپاراتتارىندا ۇنەمى بايقالاتىن جالعان ينفورماتسيالارعا تويتارىس بەرۋىمىز كەرەك.

  قازاقستاننىڭ جۇڭگوعا قاتىستى ماسەلەلەردى زەرتتەۋ مامانى انتون بۇگاەنكو حانزۋ تىلىندە ءوزىنىڭ كوزقاراسىن جاتىق ءتۇسىندىردى. ول ساۋدا، قاتىناس، مادەنيەت، حاۋىپسىزدىك قاتارلى ءتورت جاقتان جۇڭگو شينجياڭنىڭ قازاقستانمەن بولعان قارىم – قاتىناسىن جانە ىقپالىن باياندادى.

  پىكىر اۋىستىرۋ ءماجىلىسىنىڭ ناق مايدانىندا «شينجياڭ — جاقسى جەر» اتتى ۇگىت فيلمى قويىلدى. اۆتونوميالى رايوندىق عىلىم – تەحنيكا بىرلەستىگىنىڭ ورىنباسار ءتوراعاسى گۇلنار وبۇل شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىنە كۇيە جاققان سايراگۇل ساۋىتبايدىڭ، تۇرسىناي زوردىننىڭ شىنايى كەيىپ – كەسپىرىن ناقتى فاكتىلەر ارقىلى اشكەرەلەدى. شينجياڭداعى نەگىزگى ساتىدان كەلگەن جۇرتشىلىق ۋاكىلى ناقتى مىسالدار ارقىلى شينجياڭنىڭ ۇلتتىق شيپاگەرلىك، ەڭبەكتەنۋ جانە كاسىپتەنۋ، ۇلتتىق مۋزيكا جانە مادەنيەت قاتارلى سالالارداعى دامۋ جاعدايىن تانىستىرىپ، ءىشىنارا باتىس اقپارات قۇرالدارىنىڭ شينجياڭعا قاتىستى وسەك – اياڭدارىنا تويتارىس بەردى.

  قازاقستان سىرتقى ىستەر مينيسترلىگىنەن، وقۋ – اعارتۋ جانە عىلىم – تەحنيكا مينيسترلىگىنەن، جوعارى مەكتەپتەردەن كەلگەن ماماندار مەن وقىمىستىلار جانە اقپارات قۇرالدارىنىڭ ۋاكىلدەرى بولىپ 100 دەن استام ادام پىكىر اۋىستىرۋ ماجىلىسىنە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار