بىرلەسكەن مەملەكەتتەر ۇيىمىنىڭ مالىمەتى: دۇنيە ءجۇزى بويىنشا 23 جەردە استىق جەتىسپەۋ حاۋپى اسقىنا ءتۇسۋى مۇمكىن
2021.08.02 15:49 كەلۋ قاينارى : حالىق تورابى
بىرلەسكەن مەملەكەتتەر ۇيىمىنا قاراستى ەكى قۇرىلىم 7 – ايدىڭ 30 – كۇنى مىناداي ەسكەرتۋ جاريالادى: دۇنيە ءجۇزى بويىنشا 23 وڭىردە وسىدان بىلايعى 3 ايدا استىق جەتىسپەۋ ماسەلەسى اۋىرلاسا ءتۇسۋى مۇمكىن، مۇندا ەفيوفيانىڭ تيگرەي رايونى، ماداگاسكاردىڭ وڭتۇستىك بولىگى، يەمىن، وڭتۇستىك سۋدان جانە نيگەريانىڭ سولتۇستىك بولىگى وڭىرلەرىندە جاعداي ەڭ اۋىر.
بىرلەسكەن مەملەكەتتەر ۇيىمىنىڭ استىق جانە اۋىل – شارۋاشىلىعى ۇيىمى، دۇنيە جۇزىلىك استىق جوسپارى مەكەمەسى 7 – ايدىڭ 30 – كۇنى جاريالاعان مالىمەتىندە بىلاي دەگەن: بيىل 8 – ايدان 11 – ايعا دەيىن، دۇنيە جۇزىندەگى 23 وڭىردە استىق جەتىسپەۋ ماسەلەسى ونان ارى ۋشىعا ءتۇسۋى مۇمكىن، «اشىعۋ ماسەلەسى كولەمى جانە دارەجەسى جاعىنان تۇگەل اۋىرلاسا تۇسۋدە».
بۇل 23 وڭىردىڭ ىشىندە، قاقتىعىس تولاستاماعان ەفيوفيانىڭ تيگرەي رايونىندا جاعداي وتە ناشار. مالىمەتكە قاراعاندا، ەگەر دەر كەزىندە ادامگەرشىلىك كومەك بەرىلمەسە، تيگرەي رايونىنداعى اشارشىلىققا جانە ءولىم حاۋپىنە ءدوپ كەلەتىن جان سانى 401 مىڭ ادامعا ارتۋى مۇمكىن، بۇل جاعداي تۋىلاتىن بولسا، 2011 – جىلعى سوماليدا تۋىلعان اشارشىلىق جاعدايىنان دا اۋىر بولماق.
ماداگاسكاردىڭ وڭتۇستىگىندە 40 جىلدان بەرى بولماعان اۋىر قۋاڭشىلىق تۋىلۋدا، ونىڭ ۇستىنە زياندى جاندىكتەردىڭ زالالى مەن استىق ءتۇسىمىنىڭ ويداعىداي بولماۋى، استىق باعاسىنىڭ كۇرت قىمباتتاۋى سەبەبىنەن، 14 مىڭعا جۋىق جان سانى 9 – ايدا اۋىر اشارشىلىق پەن ءولىم جاعدايىنا ءدوپ كەلۋى مۇمكىن. بۇل سان جىل سوڭىنا بارعاندا 28 مىڭ ادامعا دەيىن ارتۋى مۇمكىن.
مالىمەتتە مىناداي تالداۋ جاسالعان: زورلىقتى كۇش قاقتىعىسى مەن جاڭا تيپتى ايدارشا ۆيرۋستىڭ ىقپالىنا ۇشىراعاندىقتان، ءىشىنارا جەرلەردە ازىق – تۇلىك باعاسى كۇرت قىمباتتاعان، بولشەك ساتۋ بازارلارىنىڭ كولەمى تارايىپ، ادامداردىڭ ارەكەتى شەكتەمەگە ۇشىراپ، ساتىپ الۋ قۋاتى تومەندەگەن، ونىڭ ۇستىنە استىق ءتۇسىمىنىڭ تومەندەۋى سىندى سەبەپتەرگە بايلانىستى، سول جەردە اشارشىلىققا ۇشىراۋى مۇمكىن بولعان جان سانى ارتا تۇسكەن.
جوعارىداعى بەس وڭىردەن سوڭ، جاعدايى ءبىرشاما اۋىر جەرلەردەن افعانستان، بۋركينافاسو، كولۋمبيا، گايتي، گوندۋراس، سۋدان جانە سيريا قاتارلى 9 ءوڭىر بار.
مالىمەتكە قاراعاندا، افعانستاندا 3 ميلليون 500 مىڭ ادام 6 – ايدان 11 – ايعا دەيىن قورەكتىك جەتىسپەۋ قاتارلى ماسەلەلەرگە ءدوپ كەلەدى. ا ق ش پەن ناتو قازىر افعانستاننان اسكەر شەگىندىرۋدى جەدەلدەتۋدە، ا ق ش ارمياسى ەڭ تەز بولعاندا 8 – ايدىڭ سوڭىندا تۇگەلدەي شەگىنىپ بولادى. مالىمەتتەگى مەجەگە قاراعاندا، ا ق ش پەن ناتو اسكەر شەگىندىرۋدى ورىنداپ بولعان سوڭ، افعانستان شەكاراسى ىشىندەگى زورلىقتى كۇش ارەكەتتەرى ۋشىعا ءتۇسۋى، اناعۇرلىم كوپ ادامنىڭ اتا – مەكەنىنەن كەتۋى مۇمكىن، بۇل كومەككە بەرىلگەن زاتتاردى جەتكىزۋدىڭ قيىندىق دارەجەسىن ارتتىرا تۇسەتىن بولادى. (گو چيان) [شينحۋا اگەنتتىگىنىڭ شاعىن ەرەكشە حابارى]
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
