بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 32 - رەتكى توپتىق ۇيرەنۋىندە بىلاي دەپ باسا دارىپتەدى

بەكىمدى، ەرىك - جىگەردى بەكەمدەپ، دەن قويا شوگەلدىكپەن ىستەپ، ناقتى ىستەپ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋعا شىنايى كەپىلدىك ەتۋ كەرەك

2021.08.02 15:54     كەلۋ قاينارى : شينجياڭ گازەتى

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. 1 - تامىز ارميا قۇرىلۋ مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى تۇستەن كەيىن پارتيانىڭ حالىق ارمياسىنا شارتسىز باسشىلىعىنا تاباندى بولۋ، ارميا قۇرىلعاندىعىنىڭ 100 جىلدىعى كۇرەس نىساناسىن قايراتتانا جۇزەگە اسىرۋ جونىندە 32 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ − پارتيا ورتالىق كوميتەتى مەن ورتالىق اسكەري ىستەر كوميتەتىنىڭ مەملەكەتتى قۇدىرەتتەندىرۋ، ارميانى قۇدىرەتتەندىرۋ ءداۋىر تالابىن يگەرىپ جاساعان كەلەلى شەشىمى، مەملەكەت حاۋىپسىزدىگى مەن دامۋ جالپى جاعدايىنا ساياتىن كەلەلى مىندەت، مەملەكەت قورعانىسى مەن ارميانى وسىزامانداندىرۋدى جاڭا ”ءۇش قادامعا ءبولىپ ءجۇرۋدىڭ“ ماڭىزدى ءبىر قادامى. بەكىمدى، ەرىك - جىگەردى بەكەمدەپ، كوكەي تەستىلىك تانىمدى كۇشەيتىپ، دەن قويا شوگەلدىكپەن ىستەپ، ناقتى ىستەپ، بەلگىلەنگەن نىسانانى ۋاعىندا جۇزەگە اسىرۋعا شىنايى كەپىلدىك ەتۋ كەرەك.

  شي جينپيڭ، اۋەلى، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارشا حالىق ازاتتىق ارمياسىنىڭ كوماندير - جاۋىنگەرلەرىن، قارۋلى ساقشى اسكەري بولىمدەرىنىڭ وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، حالىق جاساقتارى مەن زاپاستاعىلاردى مەرەكە بايلانىسىمەن قۇتتىقتادى.

  مەملەكەت قورعانىسى داشۋەسىنىڭ پروفەسسورى شياۋ تيانلياڭ جولداس پارتيانىڭ حالىق ارمياسىنا شارتسىز باسشىلىعىنا تاباندى بولۋ، ارميا قۇرىلعاندىعىنىڭ 100 جىلدىعى كۇرەس نىساناسىن قايراتتانا جۇزەگە اسىرۋ جونىندە تۇسىنىك جاسادى ءارى پىكىر جانە ۇسىنىس ايتتى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: پارتيانىڭ 100 جىلدىق كۇرەس بارىسىنا قايىرىلا قاراساق، پارتيانىڭ قارۋلى كۇشتەرگە قولباسشىلىق ەتۋىنە، ءوزىنىڭ حالىق ارمياسىن قۇرۋىنا تاباندى بولۋ − پارتيانىڭ قان توگىلگەن، ءورت لاۋلاعان كۇرەس بارىسىندا جاساعان كەلەلى تۇجىرىمى. توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلدەرىندە پارتيا حالىق ارمياسىنا باسشىلىق ەتىپ، اۋەلگى ماقساتتى، بورىشتى ەستە بەرىك ساقتاپ، سيپاتتى، باس ماقساتتى ماڭگى ساقتاپ، جول بويى توسقاۋىلداردى تالقانداپ، تالاي - تالاي شۇعىلالى جەڭىسكە قول جەتكىزىپ، پارتيا مەن حالىق ءۇشىن وشپەس ەڭبەك ءسىڭىردى. پارتيانىڭ حالىق ارمياسىنا شارتسىز باسشىلىعىنا تاباندى بولىپ، پارتيا نۇسقاعان بەتالىسقا قاراي ەرلىكپەن ىلگەرىلەسە، حالىق ارمياسى ۇزدىكسىز دامىپ، زورايىپ، پارتيا مەن حالىق ىستەرى قۇدىرەتتى كۇش - قۋات تىرەگىنە يە بولادى.

  شي جينپيڭ بىلاي دەپ باسا دارىپتەدى: مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا، مەملەكەت تىنىش بولادى. پارتيا 18 - قۇرىلتايىنان بەرى پارتيا ورتالىق كوميتەتى مەن ورتالىق اسكەري ىستەر كوميتەتى مەملەكەت قورعانىسى مەن ارميانى وسىزامانداندىرۋدى جەدەلدەتۋ جونىندە ءبىر قىدىرۋ ستراتەگيالىق جوسپار جانە ورنالاستىرۋ جاساپ، بۇكىل ارميانى باستاپ ارميانى قۇدىرەتتەندىرۋ ىستەرىنىڭ جاڭا جاعدايىن اشتى. جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن جۇزەگە اسىرۋدىڭ تاريحي ۇدەرىسىندە، ءسوز جوق، مەملەكەت قورعانىسى مەن ارميا قۇرىلىسىن اناعۇرلىم ماڭىزدى ورىنعا قويىپ، مەملەكەت قورعانىسى مەن قۇدىرەتتى ارميانى جەدەل قۇرۋ، بەكەمدەۋ كەرەك.

  شي جينپيڭ بىلاي دەپ اتاپ كورسەتتى: ارميامىز قۇرىلىسىنىڭ ”14 - بەسجىلدىق“ جوباسى ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋعا ستراتەگيالىق ورنالاستىرۋ جاسادى. جوبانىڭ قۇزىرەتتىلىگى مەن اتقارۋ قۋاتىن كۇشەيتىپ، عىلمي تۇردە ءبىر تۇتاس جوسپارلاۋدى ويداعىداي ىستەپ، ءتۇيىندى مىندەتتەردى ويداعىداي يگەرىپ، قىزمەت اياق الىسىن جەدەلدەتىپ، قىزمەت ساپاسىنا كەپىلدىك ەتىپ، ستراتەگيالىق قابىلەتتىڭ جەدەل قالىپتاسۋىن ىلگەرىلەتۋ كەرەك. سوعىس ارقىلى قۇرىلىسقا باسشىلىق ەتۋگە تاباندى بولىپ، سوعىس پەن قۇرىلىستى ءبىر تۇتاس جوسپارلاۋدى كۇشەيتىپ، اسكەري كۇرەس دايىندىعىن ويداعىداي ىستەپ، سوعىستى، قۇرىلىستى، دايىندىقتى ءبىر تۇلعالاندىرا ىلگەرىلەتۋدىڭ تاماشا جاعدايىن قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدى ىلگەرىلەتۋ − ارميامىز قۇرىلىسىنىڭ جالپى جاعدايىنا ساياتىن ءبىر رەتكى تەرەڭ وزگەرىس. جاسامپازدىقپەن تىڭ سەرپىلىس جاساۋدى كۇشەيتىپ، دامۋ ۇستانىمىندا بۇرىلىس جاساپ، دامۋ ۇلگىسىندە جاڭالىق اشىپ، دامۋ قوزعاۋشى قۋاتىن ارتتىرىپ، جوعارى ساپالى دامۋعا شىنايى كەپىلدىك ەتۋ كەرەك. جوعارى ورەدە عىلىم - تەحنيكادا دەربەس بولۋ، ءوزىن - ءوزى الۋەتتەندىرۋدى ىلگەرىلەتىپ، شەشۋشى، وزەكتى تەحنيكالاردا قامال الۋدى جەدەلدەتىپ، ستراتەگيالىق، الدىڭعى لەكتەگى، ۇستەم تەحنيكالاردى جەدەل دامىتىپ، عىلىم - تەحنيكادا جاڭالىق اشۋدىڭ ارميامىز قۇرىلىسىنا ستراتەگيالىق تىرەكتىك رولىن ساۋلەلەندىرۋ كەرەك. دۇنيە ءجۇزى اسكەري ىستەرىنىڭ دامۋ بەتالىسى مەن ارميامىزدىڭ ستراتەگيالىق قابىلەتىنىڭ دامۋ قاجەتىنە ۇيلەسىپ، بۇلجىماستان مەملەكەت قورعانىسى مەن اسكەري ىستەر رەفورماسىن تەرەڭدەي ىلگەرىلەتۋ كەرەك. ستراتەگيالىق باسقارۋ سىندى ءتۇيىندى يگەرىپ، اسكەري ىستەردى باسقارۋ توڭكەرىسىن ىلگەرىلەتىپ، اسكەري ىستەر جۇيەسىنىڭ اينالىم ونىمدىلىگى مەن مەملەكەت قورعانىسى بايلىعىنىڭ پايدالانىلۋ ونىمدىلىگىن جوعارىلاتۋ كەرەك. ستراتەگيالىق جوسپارلاۋدى كۇشەيتىپ، وي جەلىسىندە، شارالاردا جاڭالىق اشىپ، اسكەري ىستەر قىزمەتكەرلەرىنىڭ قابىلەت ساپاسى، قۇرىلىمدىق ورنالاسۋى، اشۋدى باسقارۋ جاعىنان جاپپاي تيبىن وزگەرتىپ، دارەجەسىن جوعارىلاتۋدى ىلگەرىلەتىپ، دارىندىلار قوسىنىن جەدەل زورايتۋ كەرەك.

  شي جينپيڭ بىلاي دەپ اتاپ كورسەتتى: ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ − ارميامىزدىڭ جاۋاپكەرشىلىگى، سونداي - اق بۇكىل پارتيانىڭ، بۇكىل ەلدىڭ جاۋاپكەرشىلىگى. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى كوزقاراسىن كۇشەيتىپ، رەفورما تالابىن دايەكتىلەندىرىپ، مەملەكەت قورعانىسى قۇرىلىسى سالاسىنداعى اتقارۋعا ءتيىستى جاۋاپكەرشىلىكتى ويداعىداي اتقارۋ كەرەك. ەكونوميكالىق، قوعامدىق دامۋ ورنالاستىرۋىندا اسكەري ىستەر ورنالاستىرۋى قاجەتىن تولىق ويلاستىرىپ، كەلەلى نەگىزدىك قۇرىلعىلار قۇرىلىسىندا مەملەكەت قورعانىسى تالاپتارىن بۇلجىماي تياناقتاندىرىپ، سوعىس دايىندىعى جاتتىعۋلارى، كەلەلى ينجەنەريالىق قۇرىلىستار سياقتى جاقتاردا پارمەندى قولداۋ كورسەتىپ، وتباسىنداعىلاردىڭ قوسىنعا ىلەسىپ جۇمىستانۋى، اسكەريلەر پەرزەنتتەرىنىڭ مەكتەپتە وقۋى، قوسىننان شەگىنگەن اسكەريلەردى ورنالاستىرۋ، قامقورلىق ساياساتىن تياناقتاندىرۋ سياقتى جاقتاردا بەلسەندى تۇردە قام - قايعىدان ارىلتىپ، قيىنشىلىعىن شەشۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار