بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

الدىڭعى جارتى جىلدا ءۇرىمجى شوعىرلاندىرۋ ورتالىعىنان جونەلتىلگەن جەرگىلىكتى جۇڭگو - ەۆروپا كەزەكشى پويەزى %50.43 ارتتى

2021.08.03 15:09     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى چىن چياڭۋي 8 - ايدىڭ 1 - كۇنى ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنشا، الدىڭعى جارتى جىلدا ءۇرىمجى - سانجى كەدەنىنىڭ باقىلاۋ - باسقارۋىنداعى جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنداعى (تومەندە قىسقاشا شوعىرلاندىرۋ ورتالىعى دەلىنەدى) جەرگىلىكتى تاۋاردى بىرىكتىرە شوعىرلاندىراتىن جۇڭگو - ەۆروپا كەزەكشى پويەزى 200گە تاياپ، زات تاسىمالداۋ مولشەرى شامامەن 200 مىڭ تونناعا جەتىپ، ساۋدا سوماسى ءبىر ميلليارد 100 ميلليون امەريكا دوللارىنان اسىپ، سايكەس مەزگىلدەگىدەن جەكە - جەكە %50.43، %57.2، %111 جوعارىلاپ، جوعارى قارقىنمەن ارتۋ جاعدايىن ۇزدىكسىز ساقتاعان.

  ءۇرىمجى قالاسى ەلىمىزدىڭ جۇڭگو - ەۆروپا كەزەكشى پويەزى شوعىرلاندىرۋ ورتالىعى ۇلگى كورسەتۋ ينجەنەرياسىن قۇرعان قالالاردىڭ ءبىرى. ءۇرىمجى شوعىرلاندىرۋ ورتالىعى جۇڭگو - ەۆروپا كەزەكشى پويەزى باتىس ارناسىنىڭ جۇڭگو بولىگىنىڭ ورتا ازيامەن، سونداي - اق ەۆروپامەن قاشىقتىعى ەڭ جاقىن حالىقارالىق توپتاستىرۋ ورتالىعى.

  ءۇرىمجى - سانجى كەدەنى باقىلاۋ - باسقارۋ 1 - ءبولىمىنىڭ باستىعى ۋاڭ جيشي مىنالاردى ءبىلدىردى: بيىل جىل باسىنان بەرى ءۇرىمجى شوعىرلاندىرۋ ورتالىعىنداعى كەزەكشى پويەزدىڭ ارتۋ قارقىنى تۇتاس تۇلعالىق جاقتان تەز بولدى، قامتۋ كولەمى كەڭەيدى، زات تاسىمالداۋ ءتۇرىنىڭ مول بولۋى سياقتى ەرەكشەلىكتەر بايقالدى، قازىر باقىلاۋ - باسقارۋداعى جۇڭگو - ەۆروپا كەزەكشى پويەزىنىڭ تاسىمالدايتىن، جەتكىزەتىن زاتتارى: كۇندەلىكتى بۇيىمدار، اۋىل شارۋاشىلىعى بۇيىمدارى، حيميا ونەركاسىپ ونىمدەرى، توقىماشىلىق شيكىزاتتارى جانە ودان جاسالعان بۇيىمدار سياقتى 10 نەشە ۇلكەن تاۋار ءتۇرىن قامتيدى، شوعىرلاندىرۋ ورتالىعىنان كۇنىنە ورتا ەسەپپەن 2 كەزەكشى پويەز اتتانادى.

  ءۇرىمجىنىڭ شينجياڭ زات قاينارىن شوعىرلاندىرۋ باسىمدىعىن ساۋلەلەندىرۋ ءۇشىن، ءۇرىمجى - سانجى كەدەنى جۇڭگو - ەۆروپا كەزەكشى پويەزى شوعىرلاندىرۋ - بىرىكتىرۋ، شوعىرلاندىرىپ تاسىمالداۋ فورماسىن ىسكە قوسىپ، كەدەننىڭ كەزەكشى پويەزدى باقىلاۋ - باسقارۋ بىرلىگىن ”تۇتاس پويەزدەن“ ”ۆاگونعا“ وزگەرتىپ، جۇڭگو - ەۆروپا كەزەكشى پويەزىنىڭ بوس ۆاگون بايلىعىن ءونىمدى رەتتەپ، شينجياڭ جەرگىلىكتى تاۋارلارىنىڭ ەل ىشىندەگى باسقا ولكەلەردەن اتتانعان جۇڭگو - ەۆروپا كەزەكشى پويەزىنىڭ تاسىمالداۋ كۇشىنەن پايدالانىپ، مەملەكەت قاقپاسىنان شىعۋىنا مۇمكىندىك جاساپ، شينجياڭ زات قاينارىنىڭ بىتىراڭقى، تاسىمالداۋ وزىندىك قۇنىنىڭ ءبىرشاما جوعارى بولۋى سياقتى قيىن ماسەلەلەردى شەشىپ، جۇك قوراپتى كەزەك بويىنشا تاسىمالداۋدان بىرىكتىرىپ تيەپ، جىلدام تاسىمالداۋعا وزگەرۋدى جۇزەگە اسىردى.

  ”قازىر ءبىز ۇرىمجىدە نەبارى 4 تە 5 كۇندە تۇتاس ءبىر پويەز ەكسپورت تاۋارلارىن جيناپ بولامىز، كوپشىلىك تاسىمال اقىسىن ءبولىسىپ، تاسىمالداۋدىڭ وزىندىك قۇنىن تومەندەتتى. بيىل جىل باسىنان بەرى سەرىكتەستىگىمىز تۇركيا، گرۋزيا، پولشا سياقتى ەلدەرگە اۆتوموبيل بولشەكتەرى، اعاش شايىرى سياقتى تاۋارلاردى ەكسپورت ەتتى“، - دەدى شينجياڭداعى بەلگىلى حالىقارالىق زات تاسىمال ۋاكىلدىك سەرىكتەستىگىنىڭ جاۋاپتىسى چىن تاۋ.

  قازىرگە دەيىن ءۇرىمجى شوعىرلاندىرۋ ورتالىعىندا 21 لەنيا اشىلىپ، ورتا ازياداعى جانە ەۆروپاداعى 19 ەلدىڭ 26 قالاسىمەن تۇتاستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار