مالىمەتكە قاراعاندا، اجارلاندىرۋ جاعىنداعى تۇتىنۋدا 6 ءتۇرلى بىلىققان جاعداي ورىن تەۋىپ وتىر
مۇندا كولەمنەن اتتاپ تيجارات جۇرگىزۋ، جالعان جارناما تاراتۋ، ينتەرنەتتىك قارىز بىتىرۋگە شىرعالاۋ قاتارلىلار قامتىلادى
2021.08.03 15:42 كەلۋ قاينارى : حالىق تورابى
جۇڭگو تۇتىنۋشىلار بىرلەستىگى جۋىردا 5 – رەتكى القالار كەڭەسىنىڭ 7 – رەتكى ءماجىلىسىن اشتى ءارى «2021 – جىلدىڭ الدىڭعى جارىمىندا بۇكىل ەلىمىز بويىنشا تۇتىنۋشىلار بىرلەستىگىنىڭ ۇيىمدارى قابىلداعان ارىز - شاعىم جاعدايلارىنا تالداۋ جاساۋ مالىمەتىن» جاريالادى. اتالعان مالىمەتكە قاراعاندا، اجارلاندىرۋعا قاتىستى تۇتىنۋ سالاسى ارىز - شاعىم ەڭ كوپ قابىلدانعان سالا بولىپ، بۇل جاعىندا 6 ءتۇرلى بىلىققان جاعداي ورىن تەپكەن.
تۇتىنۋشىلار ارىز - شاعىم ايتقان باستى ماسەلەلەر مىنالار: مەديتسينالىق اجارلاندىرۋ جاعىنداعى قىزمەت وتەۋدىڭ ارناعا تۇسىرىلمەۋى، ءتىپتى باس اماندىعىنا زيان جەتكىزۋ قاتارلى اۋىر شىرعالاڭداردىڭ تۋىلۋى؛ ءىشىنارا اجارلاندىرۋ قۇرىلىمدارىنىڭ تۇرمىستىق اجارلاندىرۋ مەن مەديتسينالىق اجارلاندىرۋدى شاتىستىرۋى، كولەمنەن اتتاپ اجارلاندىرۋ نىساندارىن ورىستەتۋى، ءىشىنارا قۇرىلىمداردىڭ رەسمياتى تولىق بولماۋى، قىزمەت وتەۋ نىساندارىن زاڭ بويىنشا بەكىتۋدەن وتكىزبەۋى؛ قۇرىلىمداردىڭ ىشكى بولىگىندەگى اجارلاندىرۋشى، اتقارۋشى شيپاگەر قاتارلى قىزمەتكەرلەردىڭ سايكەستى تولىمدىلىعى جوق بولۋى، تالاپقا ۇيلەسپەۋى؛ قوسىمشا ونىمدەردى، ءدارى – دارمەكتەردى جانە ەمدەۋ اسپاپتارىن ۇيلەسىمسىز پايدالانۋ قاتارلىلار؛ مەديتسينالىق اجارلاندىرۋعا قاتىستى جالعان جارناما جاريالاۋ؛ تۇتىنۋشىلاردى اجارلاندىرۋعا قاتىستى ينتەرنەتتىك قارىز بىتىرۋگە شىرعالاۋ.
مىسالى، بيىل 3 – ايدا، نيڭبو قالالىق تۇتىنۋشىلاردىڭ ۇقىق – مۇددەسىن قورعاۋ كوميتەتى تۇتىنۋشى حۋاڭ حانىمنىڭ ارىز - شاعىمىن قابىلداعان، حۋاڭ حانىم قىسقا كەسكىن كورىپ وتىرعاندا، «چيانفۋ حالىقارالىق جۇكتىلىك اجىمىن كەتىرۋ ءونىمىنىڭ» جارناماسىن كوزى شالعان، جارنامادا جۇكتىلىك كەزىندە پايدا بولعان اجىمدى كەتىرۋ ءونىمى وتە جاقسى دەپ ماقتالعان، سونىمەن ول جارنامادا كورسەتىلگەن ورنى بويىنشا «جيڭۋىن اجارلاندىرۋ ورنى» اتتى دۇكەنگە بارىپ، ولاردىڭ قىزمەت وتەۋىن قابىلداعان ءارى قىزمەتكەرلەردىڭ كورسەتۋى بويىنشا اجارلاندىرۋعا قاتىستى ينتەرنەتتىك قارىزدى بىتىرگەن. الايدا، حۋاڭ حانىم 4 رەت اجىم كەتىرۋگە قاتىستى ەمدەۋدى قابىلداعان سوڭ، ەشقانداي ءونىمى بولماعان، سونىمەن ول اجىم كەتىرۋدى جالعاستىرماۋ تالابىن قويىپ، قارىز الۋدى توقتاتۋدى تالاپ ەتكەن. اجارلاندىرۋ دۇكەنى وعان دۇرىس جاۋاپ بەرمەگەن، سوڭىنان ول قارىز بەرگەن سەرىكتەستىكتىڭ قارىز قايتارۋدى قۋزاعان ينفورماتسياسىن تاپسىرىپ العان، بۇل ينفورماتسيادا وعان تەزىرەك قارىزدى قايتارۋدى، ۇيتپەگەندە ، ەستەلىككە ءتۇسىپ كەتسە، سەنىمدىلىگىنە ىقپال جاسايتىنىن ايتقان.
تەكسەرۋ ارقىلى، دەلوعا قاتىستى سەرىكتەستىكتىڭ كوپ جەردە قىسقا مەرزىم ىشىندە كوپ دۇكەن اشقانى جانە ونى جەدەل جاۋىپ وتىرعانى، قاساقانا جەلەۋ تاۋىپ، مال – مۇلىكتى الداپ الۋ، تۇتىنۋشىلاردى اجارلاندىرۋعا قاتىستى ينتەرنەتتىك قارىز الۋعا شىرعالاۋ كۇمانى بار ەكەنى، سونىمەن بىرگە، كۋالىكسىز تيجارات جۇرگىزۋ، تولىمدىلىعى بولماسا دا مەديتسينالىق اجارلاندىرۋ جاعىندا قىزمەت وتەۋ ورىستەتۋ قاتارلى تۇتىنۋشىلاردىڭ ۇقىق – مۇددەسىنە زيان جەتكىزۋ ارەكەتىمەن شۇعىلدانۋ كۇمانى بار ەكەنى بايقالعان. جىجياڭ ولكەلىك تۇتىنۋشىلاردىڭ ۇقىق – مۇددەسىن قورعاۋ كوميتەتى 4 – ايدىڭ 15 – كۇنى نيڭبو، تايجوۋ، ۋىنجوۋ، جياشيڭ قاتارلى 4 جەردەگى تۇتىنۋشىلاردىڭ ۇقىق – مۇددەسىن قورعاۋ كوميتەتتەرىمەن بىرگە، دەلولاردى اشىق جاريالاۋ فورماسى ارقىلى تۇتىنۋشىلارعا ەسكەرتۋ جاساپ، قالىڭ تۇتىنۋشىلارعا «چيانفۋ، جيڭفۋ، ۋىنيان» اجارلاندىرۋ ورىندارىن استە تاڭداماۋدى ەسكەرتكەن. سونىمەن بىرگە، جىجياڭ ولكەلىك تۇتىنۋشىلاردىڭ ۇقىق – مۇددەسىن قورعاۋ كوميتەتى قىسقا كەسكىن تەكشەسىنە حات جولداپ، ولاردان «چيانفۋ» اجارلاندىرۋ بۇيىمى دەلوسىنا قاتىستى كاسىپورىنداردىڭ جارناماسىن جاريالاۋدى توقتاتۋدى، قاتىستى كاسىپورىنداردىڭ اجارلاندىرۋ بۇيىمدارىنىڭ جارناماسىن قاتاڭ تەكسەرۋدى، قاداعالاۋدى تالاپ ەتكەن. (ءتىلشى: ياڭ جاۋكۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
