حىنان اپات جاعدايى جونىندە ەڭ جاڭا حابارلاندىرۋ شىعاردى
قازا بولعانداردىڭ سانى 302 ادامعا جەتتى
2021.08.03 15:45 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 2 – كۇنى جىڭجوۋدان بەرگەن حابارى. حىنان ولكەلىك حالىق ۇكىمەتى اقپارات كەڭسەسى 8 – ايدىڭ 2 – كۇنى تۇستەن كەيىن اقپار جاريالاۋ ءماجىلىسىن اشىپ، حىناندا تۋىلعان اپات جاعدايى جونىندە ەڭ جاڭا حابارلاندىرۋدى جاريالادى. 8 – ايدىڭ 2 – كۇنى ساعات 12 گە دەيىن، وسى رەتكى ەرەكشە ءىرى سەل ءجۇرۋ اپاتىندا 302 ادام قازا بولىپ، 50 ادام دەرەكسىز كەتكەن.
اقپار جاريالاۋ ماجىلىسىندە مىنالار جاريالاندى: 8 – ايدىڭ 2 – كۇنى ساعات 12 گە دەيىن، بۇكىل ولكە بويىنشا جيىنى 150 اۋدان (قالا، رايون)، 1663 اۋىل – قالاشىقتاعى 14 ميلليون 531 مىڭ 600 ادام اپاتقا ۇشىراعان. بۇكىل ولكە بويىنشا 933 مىڭ 800 ادام شۇعىل كوشىرىلىپ، اپاتتان اراشالانعان، كوشىرىپ ورنالاستىرۋ ەڭ قاۋىرت بولعان كەزدە ءبىر ميلليون 470 مىڭ 800 ادامعا جەتكەن؛ 30616 ءۇي، 89001 بولمە قۇلاعان؛ اۋىل شارۋاشىلىعى داقىلدارىنىڭ اپاتقا ۇشىراۋ كولەمى 16 ميلليون 356 مىڭ مۋ بولعان، اۋىر اپاتقا ۇشىراعان كولەمى 8 ميلليون 723 مىڭ مۋ بولعان، مۇلدە ءونىم الۋعا بولماي قالعان كولەمى 3 ميلليون 802 مىڭ مۋ بولعان.
اۋىر اپاتقا ۇشىراعان جىڭجوۋ قالاسىندا، 8 – ايدىڭ 1 – كۇنى ساعات 18 گە دەيىن، بۇكىل قالادا جيىنى 292 ادام قازا بولىپ، 47 ادام دەرەكسىز كەتكەن. مۇندا سەل ءجۇرۋ، لاي كوشكىنى سەبەبىنەن 189 ادام قازا بولعان؛ ءۇي قۇلاۋ سەبەبىنەن 54 ادام قازا بولعان؛ جەر استى بولمەسى، اۆتوكولىك تۇراعى، جەر استىنداعى قۇبىر زالى، قۇبىر تورى قاتارلى جەر استى بوستىقتارىندا 39 ادام تۇنشىعىپ قازا بولعان؛ مۇنان سىرت، باسقا سەبەپتەرمەن 10 ادام قازا بولعان. اۋدان، رايوندار بويىنشا ايتقاندا، گۇڭ – ي قالاسىندا 64 ادام قازا بولعان، شيڭياڭ قالاسىندا 58 ادام، شينمي قالاسىندا 46 ادام، دىڭفىڭ قالاسىندا 12 ادام، شينجىڭ قالاسىندا 2 ادام، شاڭجيە رايونىندا 2 ادام، جيىنى 184 ادام قازا بولعان، گۇڭمۋ اۋدانىندا ءولىم – ءجىتىم بولماعان؛ قالا ىشىندەگى بەس رايون مەن ءتورت كوركەيتۋ رايونىندا جيىنى 108 ادام قازا بولعان.
تانىستىرۋعا قاراعاندا، جىڭجوۋ قالاسىندا توساتتان جاۋعان جاۋىن – شاشىن مولشەرى كوپ بولۋ، قالا – قالاشىق قاتىناسى اۋىر دارەجەدە ءبۇلىنۋ، قالاداعى جەر استى بوستىقتارىنداعى سۋ ىعىستىرۋ مولشەرىنىڭ زور بولۋى، قازا بولعانداردى اداقتاۋدىڭ ۋاقىت قاجەت ەتۋى سەبەبىنەن، ىزدەۋ – قۇتقارۋ قات – قابات قيىنشىلىقتارعا ءدوپ كەلگەن. ىزدەۋ – قۇتقارۋ اۋماعى كەڭ، قيىنشىلىق زور، سالىستىرۋ ۋاقىتى ۇزاق بولعاندىقتان، ىزدەۋ – قۇتقارۋ ۋاقىتىنىڭ ۇزارۋىنا اپارىپ سوققان.
قازىر، حىنان ولكەسىندە تەمىر جولدا، اۋە جولىندا، جوعارى قارقىندى تاس جولدا جانە مەملەكەتتىك، ولكەلىك نەگىزگى جەلى تاس جولدارىندا قاتىناس تۇگەلدەي قالپىنا كەلتىرىلگەن، جىڭجوۋ قالاسىنداعى مەترو مەن ۋەيحى وزەنى الابىنداعى سۋ ىركىلگەن جەرلەردەن سىرت، باسقا جەرلەردە قالا – اۋىل الەۋمەتتىك قارىم – قاتىناسى جانە حابارلاسۋ تورى نەگىزىنەن قالپىنا كەلگەن. اپاتقا ۇشىراعان جۇرتشىلىقتى شوعىرلى تۇردە ورنالاستىرۋ رايونى، الەۋمەتتىك قاتىناس، سۋ باسقان ورىندار قاتارلىلاردى تۇگەلدەي زارارسىزداندىرۋ تولىق ورىندالعان. (ءتىلشى سۇڭ شياۋدۇڭ، لي ۋىنجى، يۋان يۋەميڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
