بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

پارتيا مۇشەلەرىن، كادرلاردى يان – ان رۋحىمەن تاربيەلەۋدەن جازبايىق

− جۇڭگو كوممۋنيستەرىنىڭ رۋحاني شەجىرەسى جونىندە (5)

«حالىق گازەتىنىڭ» شولۋشىسى

2021.08.03 16:37     كەلۋ قاينارى : حالىق تورابى

  «پارتيا ورتالىق كوميتەتى يان - انداعى 13 جىلدا ۇلى يان - ان رۋحىن قالىپتاستىردى». باس شۋجي شي جينپيڭ: «اعا بۋىن توڭكەرىسشىلەر مەن اعا بۋىن كوممۋنيستەردىڭ يان – انداعى مەزگىلدە قالدىرعان تاڭداۋلى ءداستۇرى مەن ستيلىن، جەتىلدىرىپ قالىپتاستىرعان بەرىك، دۇرىس ساياسي بەتالىسىن، يدەيانى ازات ەتىپ، شىندىقتى ءىس جۇزىنەن ىزدەۋ يدەيالىق لۋشيانىن، بۇكىل ىنتا - پەيىلىمەن حالىق ءۇشىن قىزمەت وتەۋ ءتۇبىرلى ماقساتىن، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزۋ، يگىلىك جاراتۋ رۋحىن نەگىزگى مازمۇن ەتكەن يان - ان رۋحى − پارتيامىزدىڭ قاستەرلى رۋحاني بايلىعى» دەپ ىشكەرىلەي اتاپ كورسەتتى، «قالىڭ پارتيا مۇشەلەرىن، كادرلاردى يان – ان رۋحىمەن تاربيەلەۋدەن جازباي، سول ارقىلى اۋەلگى ماقساتتى جەتىلدىرىپ، رۋحتى شىڭداپ، وسىدان سەنىم كۇشىن قابىلداپ، پارتيالىلىق جاعىنداعى پارىقتى تاۋىپ، العا باسۋ بەتالىسىن دۇرىستاۋ كەرەك» دەگەندى دارىپتەدى.

  مۇنارا تاۋى ەڭسە كوتەرىپ، يانحى وزەنىنىڭ سۋى جوڭكىلىپ جاتىر. يان - ان − جۇڭگو توڭكەرىسىنىڭ قاسيەتتى جەرى، يان - ان مەزگىلى − پارتيامىز باسشىلىق ەتكەن جۇڭگونىڭ توڭكەرىس ىستەرى باسەڭدەۋ تولقىنىنان جوعارى ورلەۋگە كوتەرىلىپ، تاريحي بۇرىلىستى جۇزەگە اسىرعان مەزگىل. 1935 - جىلى 10 - ايدا جياڭشيدان جولعا شىققان ورتالىق قىزىل ارميا 25 مىڭ شاقىرىم ۇزاق جورىقتى باستان كەشىرىپ، قات - قابات حاۋىپ - قاتەردەن تايسالماي قامال الىپ، سولتۇستىك شانشيدەگى ۋچي قالاشىعىنا جەتەدى. 1937 - جىلى 1 - ايدا ج ك پ ورتالىق كوميتەتىنىڭ ورگانى يان – انعا ىرگە تەپتى. يان - ان ج ك پ ورتالىق كوميتەتىنىڭ «تابان تىرەر تياناعىنا»، سونداي - اق جاپون شاپقىنشىلارىنا قارسى ۇلتتىق بىرلىكساپ قۇرۋدىڭ، جاپون شاپقىنشىلارىنا قارسى سوعىستىڭ جەڭىسىنە قول جەتكىزۋدىڭ، سول ارقىلى حالىق ازاتتىق سوعىسىنىڭ جەڭىسىنە قول جەتكىزۋدىڭ «شىعار تۇيىنىنە» اينالدى. 13 جىلدىق شۇعىلالى كەزەڭدە جۇڭگو كوممۋنيستىك پارتياسى كىشكەنەدەن زورايىپ، السىزدەن كۇشەيىپ، تومەن اڭعاردان بيىك شىڭعا بەت الىپ، ەڭ سوڭىندا جۇڭگونىڭ تاعدىرىن وزگەرتتى. پارتيامىزدىڭ يان - ان مەزگىلىندەگى قيمىلدارى پارتيا تاريحى مەن جۇڭگو توڭكەرىسى تاريحىندا توتەنشە ماڭىزدى ورىن الادى. 13 جىلداعى جان تەبىرەنتەرلىك ايبىندى داستان ماڭگى شۇعىلا شاشاتىن يان - ان رۋحىن سومدادى.

  يان - ان رۋحى − جۇڭگو كوممۋنيستىك پارتياسىنىڭ ەرەكشە تاريحي كەزەڭدە، ۇلتتىڭ تاۋەلسىزدىگى مەن حالىقتىڭ ازاتتىق ىستەرىنە قول جەتكىزۋ ۇلى كۇرەس امالياتى بارىسىندا جەتىلدىرگەن، قالىپتاستىرعان جانە دامىتقان وسكەلەڭ توڭكەرىستىك رۋحى مەن تاڭداۋلى توڭكەرىستىك ءداستۇرى. يان - ان رۋحىنىڭ باي مازمۇنى − ءوزارا بايلانىستى تۇتاس تۇلعا، ونى جاڭا ءداۋىر شارت - جاعدايىنا ۇشتاستىرا وتىرىپ جاپپاي يگەرۋ جانە تەرەڭ ءتۇسىنۋ كەرەك. دۇرىس ساياسي باعداردى بەكەمدەۋ − رۋح، ساياسي باعىت − پارتيانىڭ ءومىر ءسۇرۋى مەن دامۋىنداعى ماڭداي الدى ماسەلە، پارتيانىڭ بولاشاعى مەن تاعدىرىنا جانە ىستەرىنىڭ گۇلدەنۋى مەن قۇلدىراۋىنا، ءساتتى - ءساتسىز بولۋىنا سايادى؛ يدەيانى ازات ەتۋ، شىندىقتى ءىس جۇزىنەن ىزدەۋ سىندى يدەيالىق لۋشيان − جاۋھار، وعان ديالەكتيكالىق ماتەرياليزم مەن تاريحي ماتەرياليزمنىڭ دۇنيەگە كوزقاراسى مەن مەتودولوگياسى سىڭگەن؛ بۇكىل ىنتا - پەيىلىمەن حالىق ءۇشىن قىزمەت وتەۋ سىندى ءتۇبىرلى ماقسات − تۇپكىلىكتى ءمان، پارتيا ۇزاق ۋاقىت بيلىك جۇرگىزگەن جاعدايدا، پارتيانىڭ حالىق بۇقاراسىمەن ەتەنە بايلانىسىن ساقتاۋ پارتيا قۇرىلىسىندا، ءسوز جوق، ويداعىداي شەشۋگە ءتيىستى كەلەلى تاقىرىپ سانالادى؛ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ سىندى يگىلىك جاراتۋ رۋحى − ەرەكشەلىك، پارتيامىز ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ شاڭىراق كوتەردى، ءبىزدىڭ مۇنداي اسىل مۇرادان ايرىلۋىمىزعا استە بولمايدى. يان - ان رۋحى پارتيامىزدىڭ ماركسيزمدىك پارتيا سيپاتىن، پارتيامىزدىڭ داۋىرمەن بىرگە العا باساتىن يدەيالىق قاسيەتىن، پارتيامىزدىڭ حالىقپەن تىنىستاس، تاعدىرلاس بولۋ سىندى تاڭداۋلى ستيلىن ايگىلەدى، بۇل − باستان - اياق جۇرت تىلەگىن ۇيىستىرىپ، قيىنشىلىقتاردى جەڭىپ، ءورىس اشا ىلگەرىلەۋدەگى وراسان زور رۋحاني كۇش، ونى، ءسوز جوق، ماڭگى جالعاستىرۋ، ۇرپاقتان - ۇرپاققا ساۋلەلەندىرۋ كەرەك.

  بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر. ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا قادام تاستاعاندا، ءبىز، ءسوز جوق، يان - ان رۋحىن بارىنشا ساۋلەلەندىرىپ، بوران - شاشىنعا بوگەلمەي ىلگەرىلەيتىن، نەعۇرلىم قيىن - قىستاۋ بولعان سايىن سولعۇرلىم ىلگەرىلەيتىن ەكپىندى قوزعاۋشى كۇش ۇيىستىرۋىمىز كەرەك. جاڭا جورىقتا ءاربىر پارتيا مۇشەسى، كادر باستان - اياق دۇرىس ساياسي بەتالىستى كوممۋنيستەردىڭ تابان تىرەر تياناعى ەتىپ، بەرىك مۇرات - سەنىم ارقىلى پارتياعا دەگەن ادالدىعىن شىڭداپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتۋى؛ يدەيانى ازات ەتۋدى، شىندىقتى ءىس جۇزىنەن ىزدەۋدى باستان - اياق كوممۋنيستەردىڭ ۇلى ىستەردى جاراتۋداعى يدەيالىق لۋشيانى ەتىپ، نازاريانى امالياتپەن ۇشتاستىرۋ، شىندىققا جۇگىنىپ، ناقتى ءىس ىستەۋ وي جەلىسى مەن ستيلىن ۇزدىكسىز شىڭداۋى؛ حالىقتى باستان - اياق ەڭ جوعارى ورىنعا قويىپ، «بيلىك − حالىق، حالىق − بيلىك» دەگەندى ەستە بەرىك ساقتاپ، حالىقتى وزەك ەتكەن دامۋ يدەياسىن شىنايى امالياتتا ايگىلەۋى؛ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ سىندى ساياسي قاسيەتتى باستان - اياق ساقتاپ، ماڭگى بويكۇيەزدىككە سالىنبايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن قيىندىقتاردى جەڭىپ، ەرلىكپەن العا باسۋى كەرەك.

  باس شۋجي شي جينپيڭ تەرەڭ تولعانىسپەن: «پارتيامىزدىڭ 100 جىلدىق كەمەل شاعىنا كەلىپ، تاۋقىمەتتى باسىنان وتكەرىپ، توقتاۋسىز ءومىر ءسۇرۋىنىڭ سەبەبى − توڭكەرىستىڭ، جانقيارلىق رۋحتىڭ ارقاسى» دەپ اتاپ كورسەتكەن بولاتىن. جاڭا داۋىردە كۇرەس جاساپ، جاڭا جورىقتا ەرلىكپەن العا باسۋدا يان - ان رۋحىن ويداعىداي جالعاستىرىپ، ويداعىداي ساۋلەلەندىرىپ، جۇڭگو كوممۋنيستەرىنىڭ رۋحىمەن سانالى تۇردە اۋەلگى ماقساتتى جەتىلدىرىپ، رۋحتى شىڭداپ، كۇرەس جىگەرىنە دەم بەرىپ، قاشان دا حالىقپەن بىرگە ويلاپ، بىرگە ىستەپ، ىنتىماقتاسا كۇرەس جاساپ، ءبىر نيەتپەن ارماندى ورىنداساق، العا باسۋ جولىنداعى بارلىق حاۋىپ - قاتەر مەن سىن - سايىستى، ءسوز جوق، جەڭىپ، تاريحقا، حالىققا جاڭا ءارى ءتىپتى دە ۇزدىك جاۋاپ بەرە الامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار