حالىق تۇرمىسىن قامتاماسىزداندىرۋ جانە جاقسارتۋ قىزمەتىن ءۇرتىس جاقسى ىستەيىك
− قازىرگى ەكونوميكالىق قىزمەتتى ويداعىداي ىستەۋ تۋرالى
«حالىق گازەتىنىڭ» شولۋشىسى
2021.08.03 16:39 كەلۋ قاينارى : حالىق تورابى
حالىقتى باستاپ باقىتتى تۇرمىس جاراتۋ − پارتيامىزدىڭ باستان - اياق تاباندى بولاتىن كۇرەس نىساناسى، بۇقارانىڭ جاقسى تۇرمىس كەشىرۋىنە مۇمكىندىك جاساۋ − ءبىزدىڭ بارلىق قىزمەتىمىزدىڭ شىعار ءتۇيىنى جانە تابان تىرەر تياناعى. 7 – ايدىڭ 30 - كۇنى ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، سوڭعى جارتى جىلداعى ەكونوميكالىق قىزمەت جونىندە ورنالاستىرۋ جاساپ، حالىق تۇرمىسىن قامتاماسىزداندىرۋ مەن ءوندىرىس حاۋىپسىزدىگىن ويداعىداي ىستەۋ جونىندە ايقىن تالاپتار قويدى.
حالىق تۇرمىسى − حالىقتىڭ باقىتىنىڭ نەگىزى، قوعام جاراسىمدىلىعىنىڭ نەگىزى. بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى، حالىقارا سىندى ەكى جالپى جاعدايدى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ بارىسىندا حالىق تۇرمىسىن قامتاماسىز ەتۋدە جانە جاقسارتۋدا تاباندى بولىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، بالالاردى باعۋ سياقتى جاقتارداعى قىزمەتتەردى ءبىر تۇتاس جوسپارلاپ، ويداعىداي ىستەپ، جالپى حالىقتى دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىردىق. الدىڭعى جارتى جىلدا بۇكىل ەلدەگى قالا – قالاشىقتا تەكسەرىلگەن كاسىپسىزدىك شاماسى ورتا ەسەپپەن %5.2 بولىپ، سايكەس مەزگىلدەگىدەن 0.6 پايىز تومەندەگەن، بۇكىل ەلدەگى قالا – قالاشىقتا تىڭنان 6 ميلليون 980 مىڭ ادام جۇمىستانعان، تۇتاس جىلدىق نىسانا %63.5 ورىندالعان، جۇمىستانۋ جاعدايى جالپى جاقتان ورنىقتى بولعان؛ تۇرعىنداردىڭ تۇتىنۋ باعاسى سايكەس مەزگىلدەگىدەن %0.5 ارتىپ، ارتۋ شاماسى ءبىرشاما تومەن بولعان؛ بۇكىل ەلدەگى تۇرعىنداردىڭ كىسى باسىنا تۋرا كەلەتىن يگەرىلمەلى ورتاشا كىرىسى سايكەس مەزگىلدەگىدەن %12.0 ارتىپ، 2 جىلدا ورتا ەسەپپەن %5.2 ارتىپ، تۇرعىنداردىڭ كىرىسىنىڭ ارتۋى مەن ەكونوميكانىڭ ارتۋى نەگىزىنەن بىردەي بولعان. جالپى العاندا، حالىق تۇرمىسى ءونىمدى قامتاماسىز ەتىلىپ، حالىق بۇقاراسىنىڭ تابىس، باقىت، حاۋىپسىزدىك سەزىمى ۇزدىكسىز كۇشەيگەن.
ەكونوميكالىق، قوعامدىق دامۋ قىزمەتىن جاقسى ىستەۋدە حالىق تۇرمىسى «كومپاس» سانالادى. حالىقتىڭ ىرىسىن ارتتىرۋ دامۋدىڭ ءتۇبىرلى ماقساتى ەكەنىن جەتە تانۋ كەرەك. ءبىزدىڭ ەكونوميكالىق، قوعامدىق دامۋدى جەبەۋدەگى ماقساتىمىز، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن بولىپ وتىر. حالىقتىڭ الاڭسىز تىرشىلىك ەتۋىن، مۇڭ - مۇقتاجىن باستان - اياق كوكەيگە ۇيالاتىپ، بۇقارا كوڭىل ءبولىپ وتىرعان جۇمىستانۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، كۇش سالا شەشىپ، ءبىر - بىرلەپ تياناقتاندىرۋدى يگەرىپ، بۇقارانىڭ وزگەرىستەردى كورۋىنە، ناقتى يگىلىككە كەنەلۋىنە مۇمكىندىك جاساۋ كەرەك. حالىق تۇرمىسى ىشكى سۇرانىسپەن، دامۋمەن بايلانىسىپ جاتادى، حالىق تۇرمىسىن يگەرۋ دە − دامۋدى يگەرگەندىك. حالىق تۇرمىسىن ۇزدىكسىز جاقسارتۋ بۇقارانىڭ مۇڭ - مۇقتاجىن ءونىمدى شەشىپ، ادامداردىڭ ءوندىرىستى دامىتۋ بەلسەندىلىگىن جۇمىلدىرۋمەن بىرگە، قوعامدىق تۇتىنۋ مەجەسىن ارتتىرىپ، ىشكى سۇرانىمدى كەڭەيتىپ، جاڭا ەكونوميكالىق ارتۋ تۇيىندەرىن جارىققا شىعارىپ، ەكونوميكانىڭ دامۋىنا، تيبىن وزگەرتىپ، دارەجەسىن جوعارىلاتۋعا قۇدىرەتتى ىشكى قوزعاۋشى كۇش ازىرلەيدى. سوڭعى جارتى جىلداعى ەكونوميكالىق قىزمەتتى ويداعىداي ىستەۋدە حالىق تۇرمىسى مەن دامۋدىڭ ءبىرىن - ءبىرى جەبەۋ، ءبىرىن - ءبىرى شارت ەتۋ قاتىناسىن جاپپاي يگەرىپ، ەكونوميكانىڭ دامۋىنا اناعۇرلىم كوپ ءونىمدى سۇرانىس ازىرلەپ، حالىق تۇرمىسىن جاقسارتۋ مەن ەكونوميكالىق دامۋدىڭ ءونىمدى ۇشتاسۋىنا، تاماشا اينالىم جاساۋىنا، ءبىر - بىرىنە ساي كەلۋىنە مۇمكىندىك جاساۋ كەرەك.
حالىق تۇرمىسىن قامتاماسىز ەتۋ مەن جاقسارتۋدا كومبە بولمايدى، تەك ۇزدىكسىز تىڭ باستاما عانا بولادى. حالىقتىڭ تىلەگى − ساياساتتىڭ باعدارى. سوڭعى جارتى جىلداعى ەكونوميكالىق قىزمەتتى ويداعىداي ىستەۋدە حالىق تۇرمىسىنا قاتىستى ءتۇرلى قوعامدىق ىستەر قۇرىلىسىن ويداعىداي يگەرىپ، نەگىزگى حالىق تۇرمىسىن قامتاماسىز ەتۋدى كۇشەيتىپ، الەۋمەتتىك قىزمەت وتەۋ دەڭگەيىن ۇزدىكسىز جوعارىلاتىپ، ءوندىرىس حاۋىپسىزدىگىن كۇشەيتۋ، اپاتتان ساقتانۋ، اپات شىعىنىن ازايتۋ جانە قوعامدى جونگە سالۋ سياقتى جاقتارعا كۇش سالىپ، حالىقتىڭ تۇرمىس دەڭگەيىن ۇزدىكسىز جوعارىلاتۋ كەرەك. ءۇي ساۋدالاۋعا ەمەس، وتىرۋعا ارنالعان دەگەن ۇستانىمدا تاباندى بولىپ، جەر باعاسىن، ءۇي باعاسىن، مەجەنى ورنىقتىرىپ، قورا - جاي بازارىنىڭ ورنىقتى، اقاۋسىز دامۋىن جەبەپ، مايعا بەرىلەتىن تۇرعىن ءۇيدى جەدەل دامىتىپ، جەردەن پايدالانۋ، سالىق سياقتى قولداۋ ساياساتتارىن تياناقتاندىرۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن اۋىل - قىستاقتى گۇلدەندىرۋمەن ءونىمدى ۇشتاستىرۋدا تاباندى بولىپ، جوعارى مەكتەپ بىتىرگەن وقۋشىلاردىڭ جۇمىستانۋىنا قىزمەت وتەۋدى كۇشەيتىپ، شارۋا جۇمىسكەرلەردىڭ سىرتقا شىعىپ جۇمىستانۋ ارناسىن ىركىلىسسىزدەندىرىپ، يكەمدى جۇمىستانۋشىلارعا قاراتىلعان ەڭبەكشىلەردىڭ ۇقىق - مۇددەسىن قامتاماسىز ەتۋدى جاقسارتۋ؛ نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ىلگەرىلەتىپ، «3 پەرزەنتتى بولۋ» سىندى تۋىت ساياساتىن تياناقتاندىرىپ، تۋىت، باعۋ، وقىتۋ سياقتى ساياساتتاردىڭ تۇلعالانۋىن كەمەلدەندىرۋ؛ كۇزگى استىق ءوندىرىسىن مىقتى يگەرىپ، ىشەر استىقتىڭ حاۋىپسىزدىگىنە كەپىلدىك ەتىپ، شوشقا ءوندىرىسىن ورنىقتىرۋ كەرەك. ءوندىرىس حاۋىپسىزدىگى مەن الەۋمەتتىك حاۋىپسىزدىك سىندى ارقاۋدى مىقتاپ شيراتىپ، اپاتتان ساقتانۋ، اپات زيانىن ازايتۋ جانە شۇعىل جاعدايعا توتەپ بەرۋ جۇيەسى قۇرىلىسىن كۇشەيتىپ، تاسقىننان ساقتانۋ، اپاتتان قۇتقارۋ شارالارىن ەگجەي - تەگجەيلى، ناقتى يگەرىپ، اپاتقا ۇشىراعان بۇقارانى ۇيلەسىمدى ورنالاستىرىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن ويداعىداي ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋ كەرەك. جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋدى تيتتەي دە بوساڭسىماي ويداعىداي ىستەپ، ۆاكسينا ەگۋ قىزمەتىن ۇزدىكسىز ىلگەرىلەتۋ، اسىرەسە، سىرتتان كىرۋدەن ساقتانۋدى مىقتى يگەرۋ كەرەك.
باس شۋجي شي جينپيڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا: «تاريحتى اينا ەتىپ، بولاشاققا جول اشۋ ءۇشىن، ءسوز جوق، جۇڭگو حالقىن ىنتىماقتاستىرىپ جانە باستاپ، تاماشا تۇرمىس ءۇشىن ۇزدىكسىز كۇرەس جۇرگىزۋ كەرەك» دەپ دەپ دارىپتەگەن بولاتىن. ورتالىق كوميتەت ساياسي بيۋروسى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، دامۋ ورتاسىنداعى جاڭا وزگەرىستەر مەن تىڭ سايىستاردى دۇرىس يگەرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، حالىق تۇرمىسىنا كوبىرەك پايدا جەتكىزىپ، حالىق تۇرمىسىنداعى قيىنشىلىقتاردى كوبىرەك شەشىپ، حالىق تۇرمىسىن قامتاماسىز ەتۋ جانە جاقسارتۋ دەڭگەيىن ۇزدىكسىز جوعارىلاتساق، ءبىز، ءسوز جوق، الدىڭعى جارتى جىلداعى تاماشا جاعداي نەگىزىندە، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋدىڭ جەتىستىكتەرىن بەكەمدەپ، حالىق بۇقاراسىنىڭ تابىس سەزىمىنىڭ اناعۇرلىم جاقسى، باقىت سەزىمىنىڭ اناعۇرلىم باياندى بولۋىنا، حاۋىپسىزدىك سەزىمىنىڭ اناعۇرلىم قامتاماسىز ەتىلۋىنە مۇمكىندىك جاساي الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
