سايرام كولى حالىقارالىق شاڭعى الاڭى مەجەمەن بيىل سالىنىپ بولادى
2021.08.04 14:00 كەلۋ قاينارى : حالىق تورابى
حالىق گازەتىنىڭ 8 – ايدىڭ 3 – كۇنى ۇرىمجىدەن بەرگەن حابارى. انار بۇلت \ شينجياڭ گازەتى ءتىلشىسى ۋاڭ جيڭجيڭنىڭ 8 – ايدىڭ 3 – كۇنى سايرام كولى ايگىلى كورىنىس رايونىن باسقارۋ كوميتەتىنەن ۇعىسۋىنشا، 500 ميلليون يۋان قارجى قوسىلعان سايرام كولى حالىقارالىق شاڭعى الاڭى نىسانى جالپى بەتتىك باستالعان، مەجەمەن بيىل سالىنىپ بولادى.
سايرام كولى حالىقارالىق شاڭعى الاڭى سايرام كولىنىڭ شىعىس مۇيىسىنە ورنالاسادى، قازىرگى سايرام كولى ساياحاتشىلارعا قىزمەت وتەۋ ورتالىعى اۋماعىمەن ءبىر جولمەن عانا ءبولىنىپ ىرگەلەس ورنالاسادى. نىساندى سالۋعا (ءبىرىنشى مەرزىمىن) 500 ميلليون يۋان قارجى قوسۋ جوسپارلانعان، مۇندا جالپى ۇزىندىعى 11150 مەتر كەلەتىن 4 شاڭعى جولى؛ جالپى ۇزىندىعى 5400 مەتر كەلەتىن 3 اسپالى جول؛ 10 مىڭ شارشى مەترلىك شاڭعى زالى جانە قاتىستى قۇرىلعىلار قامتىلعان.
سايرام كولى ايگىلى كورىنىس رايونىن باسقارۋ كوميتەتى كورىنىس رايونىن جوسپارلاۋ، كوركەيتۋ نىسان مەكەمەسىنىڭ قاتىستى جاۋاپتىسىنىڭ تانىستىرۋىنشا، قازىر سايرام كولى حالىقارالىق شاڭعى الاڭى قۇرىلىس نىسانى اۆتونوميالى رايوننىڭ جاڭا سالاتىن ءتۇيىندى نىساندارى قاتارىنا ەنگىزىلگەن. ساۋداگەر شاقىرىپ، قارجى قوسقان كاسىپورىن شينجياڭ اۋ - دى قارجىلاندىرۋ شەكتى جاۋاپكەرشىلىك سەرىكتەستىگى اسپالى جول، قار جولى، شاڭعى جابدىقتارى زالى جانە دەمالىس اۋماعى قۇرىلىسىنا جاۋاپتى بولادى، بۇل سەرىكتەستىك شينجياڭ جىبەك جولى حالىقارالىق شاڭعى الاڭىن دا قارجىلاندىرۋعا، سالۋعا قاتىناسقان سەرىكتەستىك. نىسان سالىنىپ بولعاننان كەيىن، ساياحاتشىلار اسپالى كولىك ارقىلى سايرام كولىنە بيىكتەن كوز تاستاي الادى.
شينجياڭ اۋ - دى قارجىلاندىرۋ شەكتى جاۋاپكەرشىلىك سەرىكتەستىگىنىڭ سايرامداعى نىسانعا جاۋاپتى قىزمەتكەرىنىڭ تانىستىرۋىنشا، سەرىكتەستىك سايرام كولى شاڭعى الاڭىن توڭىرەكتەي وتىرىپ، ءتورت ماۋسىمدىق ساياحات – دەمالىس ورنىن قالىپتاستىرماقشى، شاڭعى الاڭىنان سىرت، جالاما جارتاستا التىباقان ويناۋ قاتارلى تاۋلى جەرگە ۇيلەسەتىن ءتۇرلى سپورتتىق نىسانداردى دايىنداپ، سايرام كولىنىڭ قىسقى ساياحات مازمۇنىن بايىتۋمەن بىرگە، باسقا ماۋسىمداردا سايرام كولىنە كەلەتىن ساياحاتشىلارعا اناعۇرلىم مول تاڭداۋلار ۇسىنادى.
سايرام كولى ايگىلى كورىنىس رايونىن باسقارۋ كوميتەتى ساياحاتتى دامىتۋ – باسقارۋ مەكەمەسىنىڭ ورىنباسار باستىعى لو يۋە بىلاي دەدى: «ءبىر ماۋسىم ارقىلى ءۇش ماۋسىمدى جەبەۋ» سىندى جوبالىق تانىم بويىنشا، سايرام كولى حالىقارالىق شاڭعى الاڭىن سپورت، دەمالىس، تىنىعۋ ءبىرتۇلعالاندىرىلعان جالپى سالالىق ساياحاتتاعى ساياحاتشىلار اڭسايتىن جەرگە اينالدىرۋعا كۇش سالامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
