بازاردىڭ جالپى مولشەرى ورنىقتى كەڭەيدى، تيبىن وزگەرتىپ، دارەجەسىن جوعارىلاتۋ ۇزدىكسىز ىلگەرىلەدى
شينجياڭنىڭ تۇتىنۋ بازارى ۇزدىكسىز جاقساردى
□ انار بۇلت / شينجياڭ گازەتىنىڭ ءتىلشىسى حي حۇڭۋي
2021.08.04 14:15 كەلۋ قاينارى : شينجياڭ گازەتى
تۇتىنۋ حالىق تۇرمىسىن جاقسارتۋدىڭ ماڭىزدى مازمۇنى ءارى ەكونوميكالىق ارتۋدىڭ قۋاتتى قوزعاۋشى كۇشى.
بيىل جىل باسىنان بەرى رايونىمىز جاڭا دامۋ ارناسىمەن بەلسەنە توعىسىپ، ەكونوميكانى جوعارى ساپالى دامىتۋ اياق الىسىن تەزدەتتى، بۇكىل رايون ەكونوميكاسىنىڭ جاعدايى ورنىقتىلىق بارىسىندا ىلگەرىلەپ، تۇتىنۋ بازارىنىڭ اينالىمى جاقسى بولىپ، بازاردىڭ جالپى مولشەرى ورنىقتى كەڭەيىپ، تيبىن وزگەرتىپ، دارەجەسىن جوعارىلاتۋ ۇزدىكسىز ىلگەرىلەدى. الدىڭعى جارتى جىلدا بۇكىل رايونداعى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 160 ميلليارد 980 ميلليون يۋان بولىپ، الدىڭعى جىلعى ۇقساس مەزگىلدەگىدەن ％19.8 ارتتى.
تۇتىنۋدى جەبەپ
بازاردى جانداندىردى
8 - ايدىڭ 1 - كۇنى ءۇرىمجى قالاسى سايباق رايونىنداعى شينجياڭ دوستىق (توبى) جارنا شەكتى سەرىكتەستىگى دوستىق ساۋدا سارايىنىڭ 1 - قاباتىندا گۇيرىننياۋ، لينيڭ، انتا، حۋاۋي، حۇييۋان سياقتى ماركالى تاۋارلار كورنەكتى ورىنعا قويىلىپ، قالا تۇرعىندارىن ساتىپ الۋعا باۋرادى.
ساۋدا سارايىنىڭ باس ديرەكتورىنىڭ كومەكشىسى چىن شى بىلاي دەدى: 7 - ايدىڭ 31 - كۇنىنەن 8 - ايدىڭ 4 - كۇنىنە دەيىن ساۋدا سارايى ”وتاندىق ونىمدەرگە قۇرمەت، تاماشا تۇرمىستان بىرگە يگىلىكتەنەيىك“ قيمىلىن ورىستەتتى، ساتۋدىڭ ءبىرىنشى كۇنىندە 348 تاۋار ساتىلىپ، قويىلعان زاتتار نەگىزىنەن تۇگەل ساتىلىپ تاۋسىلدى، سونىمەن بىرگە ساۋدا سارايىنىڭ تۇتاس تۇلعالىق ساتۋىن دا جەبەدى. الدىڭعى جارتى جىلدا تۇتىنۋ بەلەتىن تاراتۋ، بەلگىلى سوماعا تولسا باعادان تيىمدىلىك جاساۋ سياقتى قيمىلدار ارقىلى ساۋدا سارايىنىڭ ساتۋ سوماسى بىلتىرعى ۇقساس مەزگىلدەگىدەن زور مولشەردە ارتتى.
”التىنى ورنىقتىرۋ“، ”التىنى قامتاماسىز ەتۋ“ ساياساتى مەن ىندەتتەن ساقتانۋ - تىزگىندەۋدى ۇدايىلاندىرۋ شاراسىنىڭ ارقاسىندا، ءبىر قىدىرۋ تۇتىنۋدى جەبەۋ قيمىلدارى ۇزدىكسىز ۇيىمداستىرىلىپ اتقارىلىپ، ساۋدا ءتارتىبى جالپى بەتتىك قالپىنا كەلىپ، بازار دۋمانى ورنىقتى جوعارىلادى. الدىڭعى جارتى جىلدا رايونىمىزداعى نورمادان جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 75 ميلليارد 818 ميلليون يۋان بولىپ، سايكەس مەزگىلدەگىدەن ％22.8 ارتىپ، تۇتىنۋ كومەسكى كۇشى ۇزدىكسىز ورىن تولىقتانىپ شىعارىلدى.
”شينجياڭ جاز ماۋسىمىنداعى جالپى حالىق بىرگە يگىلىكتەنۋ زات ساتىپ الۋ مەرەكەسى“، ”2021 تۇتىنۋدى جەبەۋ ماۋسىمى“ سياقتى قيمىلداردىڭ ورىستەتىلۋىمەن بازاردىڭ ومىرشەڭدىك كۇشى زور مولشەردە جاندانىپ، ناقتى دۇكەندەردىڭ بولشەك ساتۋ تيجاراتى كورنەكتى جوعارىلاپ، تۇتىنۋ بازارى تەز جاقسارىپ، تاماشا باستاما جۇزەگە استى.
8 - ايدىڭ 1 - كۇنى ءۇرىمجى قالاسى بەيجيڭ جولىنداعى حۇيجياشىداي زات ساتىپ الۋ ورتالىعىندا بەزەنۋ بۇيىمدارى، اشەكەي بۇيىمدار، كيىم - كەشەك، اياق كيىم كوزدىڭ جاۋىن الىپ تۇر، زور مولشەردەگى تيىمدىلىك كوپتەگەن قالا تۇرعىندارىن باۋرادى.
شينجياڭ حۇيجياشىداي ءتۇرلى بۇيىمدار جارنا شەكتى سەرىكتەستىگىنىڭ قۇرۋشىسى فان جينحاي تانىستىرىپ بىلاي دەدى: زات ساتىپ الۋ مەرەكەسى كەزى حۇيجياشىدايدىڭ بۇكىل شينجياڭداعى دۇكەندەرىنىڭ جىل ورتاسى قۇتتىقتاۋ قيمىلىنا تۋرا كەلدى، حۇيجياشىداي بۇكىل شينجياڭداعى 20 دۇكەن، 1000نان استام ماركا بايلىعىنىڭ باسىن قوسىپ، تۇتىنۋدىڭ جاندانۋىن بار كۇشپەن جەبەدى. جەلىدەن تىس دۇكەندەردىڭ بەلگىلى سوماعا تولسا تيىمدىلىك جاساۋ، كوپ ەسەلىك ءنومىر جيناۋ، اس - سۋ باعاسىندا تيىمدىلىك بەرۋ سياقتى تۇتىنۋدى جەبەۋ قيمىلدارىن قاباتتاستىرا جولعا قويۋىمەن قاريدارلار سانى كورنەكتى ارتىپ، ساتۋ سوماسى زور مولشەردە جوعارىلادى.
مادەنيەت - ساياحات تۇتىنۋى
تۇرمىس ساپاسىن جوعارىلاتتى
”10 كۇن ۋاقىت جۇمساپ، نارات جايلاۋى، سايرام كولى، كوكتوعاي سياقتى كورىنىس وڭىرلەرىن ارالادىق، بۇل ساپارىمىز وتە تاتىمدى بولدى“. 7 - ايدىڭ 30 - كۇنى ۇرىمجىلىك ساياحاتشى جوۋ شين مەن دوستارى ءوز اۆتوكولىكتەرىمەن ساياحاتتاۋىن اياقتاتىپ ۇرىمجىگە ورالدى.
جاز ماۋسىمى شينجياڭنىڭ ەڭ جاقسى ماۋسىمى ءارى ءتورت توڭىرەكتەن كەلگەن ساياحاتشىلاردىڭ اياعى ۇزىلمەيتىن كەز. ساندى مالىمەتتە كورسەتىلۋىنشە، الدىڭعى جارتى جىلدا رايونىمىزدىڭ 4A، 5A دارەجەلى ساياحات كورىنىس وڭىرلەرى ەل ءىشى - سىرتىنان جيىنى 23 ميلليون 400 مىڭ 900 ادام - رەت ساياحاتشى قابىلداعان، بۇل الدىڭعى جىلعى ۇقساس مەزگىلدەگىدەن ％58.2، 2019 - جىلعى ۇقساس مەزگىلدەگىدەن ％31.0 ارتقان.
ءوز كولىگىمەن ساياحاتتاۋدىڭ قىزۋى مۇناي جانە مۇناي ونىمدەرى تۇرىندەگى تۇتىنۋ مەن اۆتوكولىك تۇرىندەگى تۇتىنۋدىڭ ارتۋىن جەبەدى. ساندى مالىمەتتە كورسەتىلۋىنشە، الدىڭعى جارتى جىلدا رايونىمىزداعى اۆتوكولىك تۇرىندەگى تۇتىنۋدىڭ بولشەك ساتۋ سوماسى 26 ميلليارد 160 ميلليون يۋان بولىپ، سايكەس مەزگىلدەگىدەن ％25.8 ارتقان؛ مۇناي جانە مۇناي ونىمدەرى تۇرىندەگى تۇتىنۋدىڭ بولشەك ساتۋ سوماسى 16 ميلليارد 407 ميلليون يۋان بولىپ، سايكەس مەزگىلدەگىدەن ％27.2 ارتقان.
ءوز اۆتوكولىگىمەن ساياحاتتاۋدىڭ ارقاسىندا حالىقتىق تۇسەلحانالاردىڭ دا ساۋداسى كۇسەت بولدى. جاز ماۋسىمىندا موڭعولكۇرەدە قالىڭ سايگۇلىك قۇيعىتىپ شابۋمەن قوسا، جەر بەتىن جاۋعان الۋان گۇلدەر دە ادامدى قىزىقتىرادى. وسى 2 جىلدا موڭعۇلكۇرە اۋدانىنداعى حالىقتىق تۇسەلحانالاردىڭ ساۋداسى بارعان سايىن كۇسەتتەنىپ، كوپتەگەن ساياحاتشى ۇلگىسى بولەكشە حالىقتىق تۇسەلحانالاردا تۇنەپ، وزگەشە ساياحاتتى باستان كەشىرۋدى تاڭدادى.
موڭعۇلكۇرە اۋدانىنداعى ”شەكارا قالاداعى جاستار ساياحاتىنىڭ“ قۇرۋشىسى ليۋ لۇڭليڭ تانىستىرىپ بىلاي دەدى: ساياحاتتىڭ قاۋىرت ماۋسىمىنا كىرگەندە قوناق ۇيلەر ءار كۇنى تولىپ قالادى دا، تۇسەل ءتۇسۋ ءۇشىن الدىن الا تاپسىرىس بەرۋ كەرەك بولادى، مۇندا كەلگەندەردىڭ جارتىسىنان كوبى ءوز اۆتوكولىگىمەن ساياحاتتاۋشىلار.
ساياحات كاسىبىنىڭ كومەسكى قۋاتىنىڭ ءونىمدى شىعارىلۋىنا ىلەسە، قاتىستى كاسىپ سالالارىندا دا زور مولشەردە ارتۋ جۇزەگە استى. ساندى مالىمەتتە كورسەتىلۋىنشە، بيىل الدىڭعى جارتى جىلدا بۇكىل رايونداعى نورمادان جوعارى تۇسەل جانە اس - سۋ كاسىبى ورىندارىنىڭ الەۋمەتتىك ينتەرنەت ارقىلى تاپقان قوناق ءۇي كىرىسىنىڭ جيىنتىعى سايكەس مەزگىلدەگىدەن ％87.4، اس - سۋ كاسىبى كىرىسىنىڭ جيىنتىعى سايكەس مەزگىلدەگىدەن ％35.0 ارتقان.
ينتەرنەت جەلىسىندە، جەلىدەن تىس
جاڭاشا تۇتىنۋ ورنىقتى ارتتى
8 - ايدىڭ 1 - كۇنى تۇستەن بۇرىن ءۇرىمجى قالاسى سىلۋدۇڭفاڭ سۋ شايانى تۇشپاراسى مينجۋلۋ كوشەسى دۇكەنىنىڭ باستىعى ۋاڭ رۇڭ ”بىلتىر ساتقاندا جەتپەي قالعان كونە 5 دامدەگى ايكۇلشە مەجەمەن 8 - ايدىڭ 11 - كۇنىنەن باستاپ رەسمي ساتىلادى“ دەگەن ينفورماتسياسىن تاراتۋىمەن 500دەن استام ادام سۇراستىرىپ، نازار اۋداردى.
”جۇڭچيۋ مەرەكەسى تاياپ قالدى، ءبىزدىڭ قازىرگى نەگىزگى ءونىمىمىز كونە 5 دامدەگى ايكۇلشە الدىن الا ساتىلا باستادى، كاسىپورىن بىلتىردان باستاپ الەۋمەتتىك اۋماقتا توپتىق ساتىپ الۋدى جولعا قويىپ، 400 مىڭنان استام قاريدارعا يە بولدى، مەن قازىر دۇكەن باستىعى عانا ەمەس، الەۋمەتتىك اۋماق توپتىق ساتىپ الۋىنىڭ دا توپ باسىمىن“. ۋاڭ رۇڭ بىلاي دەدى: ”ينتەرنەت جەلىسىندە، جەلىدەن تىس ساتۋ ءوزارا تۇتاس دامىپ، بىزگە قاريدارمەن تىكە بايلانىس جاساۋ ارناسىن ازىرلەدى، ءتىپتى دە كوپ قاريداردىڭ سۇرانىسىن بىلگەننەن كەيىن، سەرىكتەستىك تە قاريداردىڭ سۇرانىسىنا ساي ءار 3 ايدا تاعام كەستەسىن ءبىر رەت رەتتەپ، قاريدارلارعا ءتىپتى دە جاقسى سەزىنىس ۇستەيدى جانە قىزمەت وتەيدى“.
تۇتىنۋ كورىنىسى ينتەرنەت جەلىسى سىرتىنان ينتەرنەت جەلىسىنە قاراي كەڭەيىپ، تۇتىنۋ وبيەكتىسى ناقتى زاتتان قىزمەت وتەۋگە قاراي بۇرىلىس جاساپ، تۇتىنۋ سەزىنىسى جالپىلىقتان دارالىققا قاراي ىزدەنىس جاسادى، تىكە تاراتۋ ەلەكتروندىق ساۋدا، سەزىنىستىك تۇتىنۋ، جەرگىلىكتى سەيىل - سەرۋەن سياقتى جاڭا تۇتىنۋلاردىڭ، اسىرەسە، ينتەرنەت جەلىسىندە، جەلىدەن تىس توعىستىرىلعان تۇتىنۋ ۇلگىسىنىڭ تەز دامۋىنا ىلەسە، رايونىمىزدىڭ تۇتىنۋ كومەسكى كۇشى ىشكەرىلەي شىعارىلدى.
8 - ايدىڭ 1 - كۇنى ءۇرىمجى حۋاليڭ جالپىلىق بازارىنداعى ديجىشىڭ كەپتىرىلگەن جەمىس دۇكەنىندە قاريدارلار ساپىرىلىسىپ، ينتەرنەت جەلىسىندەگى تاپسىرىس ۇزىلمەدى. بىلتىر جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا توتەپ بەرۋ ءۇشىن، دۇكەن جاۋاپتىسى ليۋ حۇيليڭ ينتەرنەتتە تىكە تاراتۋ ارقىلى زات ساتا باستاپتى. ”ينتەرنەت جەلىسىندە تىكە تاراتۋدا جەلىدە ساۋدا جاساۋ قولايلىلانىپ قالماستان، جەلىدەن تىس قاريدار شوعىرىن دا باۋراپ، ساتۋ ناتيجەسىن زور مولشەردە جوعارىلاتتى، ساتۋ سوماسى ەڭ كوپ بولعاندا ءبىر كۇندە 40 مىڭ يۋانعا تايادى“.
ساندى مالىمەتتە كورسەتىلۋىنشە، الدىڭعى جارتى جىلدا رايونىمىزداعى جاڭاشا تۇتىنۋ ورنىقتى ارتىپ، بۇكىل رايونداعى نورمادان جوعارى تولايىم، بولشەك ساتۋ كاسىپورىندارىنىڭ الەۋمەتتىك ينتەرنەت ارقىلى ساتقان تاۋارىنىڭ جيىنتىعى سايكەس مەزگىلدەگىدەن ％44.1 ارتقان، مۇنىڭ ىشىندە 6 - ايدا سايكەس مەزگىلدەگىدەن ％55.8 ارتقان.
اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى لۋ بين تانىستىرىپ بىلاي دەدى: بيىل جىل باسىنان بەرى بۇكىل رايونداعى جاڭا تۇتىنۋ مەن دارەجەسى جوعارىلاعان تۇتىنۋ ۇزدىكسىز كەڭەيىپ، جولىعىسپاي جەتكىزۋ، ادامسىز بولشەك ساتۋ، تىكە تاراتۋدا بولشەك ساتۋ سياقتى تۇتىنۋ جاڭا ۇلگىلەرى، جاڭا تاسىلدەرى تەز دامىپ، شينجياڭنىڭ تۇتىنۋ بۇيىمدارى بازارىنىڭ تيبىن وزگەرتىپ، دارەجەسىن جوعارىلاتۋىن جانە قامداۋ قۇرىلىمىنىڭ ساپالىلانۋىن ىلگەرىلەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
