بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قاشقارداعى ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن، تابيعاتى كوركەم، ادامدارى بەرەكەلى

2021.08.04 14:16     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى جىڭ جو 8 - ايدىڭ 2 - كۇنى قاشقاردان حابارلايدى. 8 - ايدىڭ 2 - كۇنى شينجياڭ ۇيعۇر اۆتونوميالى رايونى قاشقاردا ارناۋلى اقپار جاريالاۋ ءماجىلىسىن وتكىزدى، قاشقاردىڭ جەر - جەرىنەن كەلگەن ەگىمشىلىك وتباسىلارى، حالىقتىق تۇسەلحانا اشقاندار، ءدىني قايراتكەرلەر، ساياحاتقا جول باستاۋشىلار، جەدەل جەتكىزۋشى جىگىتتەر قاتارلى بۇقارا ۋاكىلدەرى وزدەرىنىڭ ءتول كەشىرمەلەرى ارقىلى قاشقاردىڭ ەڭبەكپەن جۇمىستاندىرۋ، مادەنيەتتى جالعاستىرۋ، قورعاۋ، ءدىني سەنىم ەركىندىگى سياقتى جاقتارداعى شىنايى جاعدايلارىن تانىستىردى.

  ”قازىر ساياحاتتىڭ قاۋىرت كەزى، قوناق ۇيلەر ءار كۇنى تولىپ كەتەتىندىكتەن، الدىن الا تاپسىرىس بەرۋ كەرەك“. قاشقار بايىرعى قالاسىندا حالىقتىق تۇسەلحانا اشاتىن اليا ابلەميت ءار كۇنى وتە قاربالاس. حالىقتىق تۇسەلحانا اشۋ ارقىلى ول ءوزىنىڭ شارۋاشىلىق قۇرۋ ارمانىن ىسكە اسىرىپ قانا قويماي، ءبىرتالاي ساياحاتشىلارمەن بۇكپەسىز سىرلاساتىن دوسقا دا اينالدى.

  كەزىندە اليا ءدىني ۇشقارى يدەيانىڭ ىقپالىنا تەرەڭ ۇشىراپ، وتباسىنداعىلاردىڭ ءان ايتىپ، ءبي بيلەۋىنە جول قويمايتىن، وسى ءۇشىن باسقالارمەن ۇنەمى كەرىلدەسىپ قالاتىن، شەشەسى ونىڭ بولاشاعىنان الاڭداپ، اۋىرىپ شيپاحاناعا جاتىپ قالادى. وتباسىنداعىلاردىڭ اقىل ايتۋىمەن اليا تاربيەلەۋ - باۋلۋ ورتالىعىنا بارىپ ۇيرەندى. تاربيەلەۋ - باۋلۋ ورتالىعىندا ول ءبي كلاسى مەن ساياحاتقا جول باستاۋشى كلاسىندا ۇيرەنۋدى تاڭدادى. ۇيرەنۋدى اياقتاتقاننان كەيىن قاشقار بايىرعى قالاسىندا ساياحاتقا جول باستاۋشى بولدى. جول باستاعان ۇيىرمەنىڭ كوبەيۋىنە وراي اليا قاشقار بايىرعى قالاسىنىڭ كومەسكى كۇشىنىڭ شەكسىز ەكەندىگىن بارعان سايىن سەزىنىپ، اقشا جيىپ ءبىر حالىقتىق تۇسەلحانا اشتى. قازىر ءار ايدا 50 مىڭ يۋان كىرىس كىرگىزگەنىنە اليا ايرىقشا ريزا. ”ساياحاتشىلار ۇيعۇر ۇلتىنىڭ كيىم - كەشەكتەرىن، قولونەر بۇيىمدارىن ەرەكشە ۇناتادى، بۇل ارانىڭ ادامدارى اق كوڭىل، مەيماندوس دەپ ماقتايدى“، - دەيدى ول.

  اقپار جاريالاۋ ماجىلىسىندە اليا ۇلتتىق ءبي بيلەپ، قاشقاردىڭ ەرەكشە جەمىس - جيدەكتەرى مەن كەپتىرىلگەن جەمىستەرىن جۇرتقا ۇسىندى. ”مەن قاشقاردىڭ دامۋىنىڭ كۋاگەرىمىن، ەلىمىز ءىشى - سىرتىنان كەلگەن ساياحاتشىلاردىڭ قوناق بولۋىن شىنايى قارسى الامىن“.

  شەكارا سىرتىنداعى جۇڭگوعا قارسى كۇشتەردىڭ شينجياڭ ”از ۇلتتاردىڭ مادەنيەتىن جويدى“ دەگەنىنە قاراتا، تاشقورعان تاجىك اۆتونوميالى اۋدانىنان كەلگەن ساياحاتقا جول باستاۋشى زۇلپيا يكىم مۇنىڭ ءبارى شاتپاق دەدى. زۇلپيا بىلاي دەدى: ءبىزدىڭ بۇل ارادا بۇركىت سىبىزعىسى، بۇركىت ءبيى، تاسقورعان، چۇشىمان قىستاعىنداعى زاراتۋشتۋرا ءدىنى ەسكى جۇرتىن قامتىعان بايىرعى زامان ەسكەرتكىش جۇرتى، مادەنيەت، عۇرىپ - ادەت وتە جاقسى قورعالعان، ساياحاتشىلاردىڭ اياعى ۇزىلمەيدى، اۋىلداستار دا ”ساياحاتتىڭ يگىلىگىن كورىپ“ جاتىر.

  اقپار جاريالاۋ ماجىلىسىندە قاشقار قالاسى ايتكار مەشىتىنىڭ حاتيبى مامەت جۇما جۇڭگو ۇكىمەتىنىڭ ءدىني سەنىم ەركىندىگىنە قۇرمەت ەتۋ جانە قورعاۋ جاعدايىن تانىستىردى؛ ياركەن اۋدانى مىشا قالاشىعى دايىڭتاۋ شارۋالار كاسىپتىك سەلبەستىك كووپەراتيۆىنىڭ جاۋاپتىسى تۇرعۇن احمەت پەن قاشقار قالاسىندا شىنتۇڭ جەدەل جەتكىزۋ تۇيىنىندە جەدەل جەتكىزۋشى بولىپ ىستەيتىن ازەز ءمامتىمىن وزدەرىنىڭ قاجىرلى ەڭبەك ارقىلى كىرىستەرىن ارتتىرىپ، بايۋ جولىنا تۇسكەن حيكايالارىن باياندادى؛ كونەءشار اۋدانى اسىل تۇقىم فەرماسىنداعى نامەتجان قاسىم مەن چىڭ يۇڭلي ەكى وتباسىنىڭ 40 جىل بويى ءوزارا قارايلاسىپ وتكەن اسەرلى حيكايالارىن جۇرتپەن ءبولىستى. ماجىلىستە كونەءشار اۋدانى شينجياڭ ۇلتتىق مۋزيكا اسپابى قىستاعىنداعى، قاشقار بايىرعى قالاسىنداعى ساياحاتقا جول باستاۋشىلارمەن بەينە ەكران ارقىلى تىلدەسىپ، ولاردىڭ اپپارات كوزى ارقىلى سىرتقا شىنايى قاشقاردى تانىستىردى.

  قاشقار ايماقتىق اكىمشىلىك مەكەمەسىنىڭ ءۋاليى ءانۋار تۇرسۇن مىنانى ءبىلدىردى: تاياۋ جىلداردان بەرى مەملەكەتتىڭ قولداۋىندا، قاشقار ايماعىنىڭ ءتۇرلى ىستەرىنىڭ دامۋىندا كورنەكتى ونىمدىلىككە قول جەتىپ، قوعام ورنىقتى بولىپ، ەكونوميكا دامىپ، ۇلتتار ىنتىماقتى بولىپ، حالىق تىنىش ءومىر، شات - شادىمان تىرشىلىك كەشىردى. بۇگىنگى كۇنى قاشقار حالقى بۇرىن بولماعان جاراسىمدىلىقتىڭ، ورنىقتىلىقتىڭ پايداسىنان يگىلىكتەنىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز ارتتى.

  امەريكاداعى، باتىستاعى جۇڭگوعا قارسى كۇشتەردىڭ ”شينجياڭ ارقىلى جۇڭگونى شاۋجايلاۋ“ سۇرقيا ماقساتىمەن ”ءدىندى“، ”ادامدىق ۇقىقتى“ جەلەۋ ەتىپ، ”زورلىقپەن ەڭبەككە سالدى“، ”ءناسىل جويدى“ دەگەن سياقتى ءبىر قىدىرۋ وسەك - اياڭداردى ويدان شىعارعاندىعىنا مەڭزەس، اقپار جاريالاۋ ماجىلىسىندە ءار ۇلت بۇقاراسى ۋاكىلدەرى تۇس - تۇستان مىنالاردى ءبىلدىردى: وسەك - اياڭ مىڭ رەت قايتالانسا دا شىندىققا اينالا المايدى، مەيلى قالاي وسەك - اياڭ تاراتىپ، كۇيە جاقسا دا، ءبارىبىر شينجياڭنىڭ گۇلدەنىپ - كوركەيگەن، دامىعان قادامىنا بوگەت بولا المايدى، شينجياڭداعى ءار ۇلت حالقىنىڭ ىنتىماقتى، بەرەكەلى، ءوزارا قارايلاساتىن، كومەكتەسەتىن، بىرگە العا باساتىن اسا تاماشا جاعدايىن وزگەرتە المايدى. امەريكاداعى، باتىستاعى جۇڭگوعا قارسى كۇشتەردىڭ شينجياڭعا سوقتىعىپ، كۇيە جاعۋىن دوعارىپ، شينجياڭنىڭ دامۋ وزگەرىسىنە وبيەكتيۆ، ءادىل قاراۋىن، جۇڭگو ۇكىمەتىنە وبيەكتيۆ، ءادىل باعا بەرۋىن ءۇمىت ەتەمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار