بارعان جەرلەرىن جاسىرعاندىقتان، توپتىق جۇعىمدالۋدى كەلتىرىپ شىعارعان دەگەن كۇمانمەن، جياڭسۋ ولكەسى ياڭجوۋ قالالىق ساقشى جاعى 1 – ءنومىرلى دياگنوزى تۇراقتاندىرىلعان ناۋقاستىڭ ۇستىنەن دەلو تۇرعىزىپ، تەكسەرۋ جۇرگىزدى
2021.08.04 15:17 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جۋ گولياڭ 8 – ايدىڭ 3 – كۇنى نانجيڭنەن حابارلايدى. جياڭسۋ ولكەسى ياڭجوۋ قالالىق قوعام حاۋىپسىزدىگى مەكەمەسى حانجياڭ بولىمشەسى 8 – ايدىڭ 3 – كۇنى حابارلاندىرۋ شىعارىپ، ياڭجوۋداعى وسى رەتكى ىندەتتەگى 1 – ءنومىرلى دياگنوزى تۇراقتاندىرىلعان ناۋقاس ماۋ X نيڭنىڭ (ايەل، 64 جاستا) ۇستىنەن جۇقپالى اۋرۋدان ساقتانۋ – ەمدەۋگە كەسىرىن تيگىزدى دەگەن قىلمىس كۇمانىمەن دەلو تۇرعىزىپ، تەكسەرۋ جۇرگىزدى.
ماۋ X نيڭنىڭ نانجيڭدەگى تۇراعى نانجيڭ قالاسى جياڭنيڭ رايونى لۋكوۋ كوشەسىنە ورنالاسقان. نانجيڭدە ىندەت تۋىلعاننان كەيىن، بۇل رايون حاۋىپ – قاتەر دارەجەسى جوعارى رايون بولىپ بەلگىلەنگەن. 7 – ايدىڭ 21 – كۇنى ماۋ X نيڭ نانجيڭنەن اۆتوبۋسپەن ياڭجوۋعا بارىپ، حانجياڭ رايونى شۋاڭچياۋ كوشەسىندەگى اپەكەسى ماۋ X يانىڭ ۇيىندە تۇرعان. 7 – ايدىڭ 27 – كۇنى ماۋ X نيڭ جوتەلۋ، قىزۋى ورلەۋ سەبەبىمەن ،ياڭجوۋ دوستىق ەمحاناسىنا بارىپ ەمدەلگەن كەزدە تەجەۋگە الىنعان، 7 – ايدىڭ 28 – كۇنى ياڭجوۋدا قالا دارەجەلى ماماندار دياگنوزىن قاراپ، جاڭا تيپتى ايدارشا ۆيرۋس وكپە قابىنۋ اۋرۋىنا شالدىققان دەپ دياگنوزىن تۇراقتاندىرعان، ول وسى رەت ياڭجوۋ جاريالاعان دياگنوزى تۇراقتاندىرىلعان تۇڭعىش ناۋقاس، وسىدان سوڭ ول نانجيڭ الەۋمەتتىك مەديتسينالىق ورتالىعىنا جوتكەلىپ، ەمدەۋگە الىنعان. ونىڭ اپەكەسى دە جۇعىمدالعان، ول ياڭجوۋ دياگنوزى تۇراقتاندىرىلعان ناۋقاس دەپ جاريالاعان 2 – ءنومىرلى ناۋقاس.
جياڭسۋ ولكەلىك دەنساۋلىق ساقتاۋ كوميتەتى 8 – ايدىڭ 3 – كۇنى جاريالاعان مالىمەتكە قاراعاندا، 8 – ايدىڭ 2 – كۇنى ساعات نولدەن 24 كە دەيىن، ياڭجوۋ قالاسىندا جەرگىلىكتى ورىننان دياگنوزى تۇراقتاندىرىلعان ناۋقاستاردىڭ سانى 40 ادام بولعان. قازىرگە دەيىن، وسى رەتكى ىندەت بارىسىندا، ياڭجوۋدا جيىنى جەرگىلىكتى ورىننان دياگنوزى تۇراقتاندىرىلعان 94 ناۋقاس جايلى مالىمەت بەرىلگەن، جەرگىلىكتى ورىنداعى اۋرۋ بەلگىسى جوق جۇعىمدالۋشىلاردىڭ سانى 2 ادام بولعان. قازىر جاريالانعان ناۋقاستاردىڭ ارەكەت ىزدەرىنەن الىپ قاراعاندا، الدىڭعى مەرزىمدە دياگنوزى تۇراقتانعان ناۋقاستاردىڭ كوپ ساندىسى تۇگەل ماۋ X نيڭ جانە ونىڭ اپەكەسىمەن بىرگە چاحمات – قارتا ويناۋ بولمەسىندە قارتا ويناعان قارتتار ەكەن.
ياڭجوۋ قالالىق ساقشى مەكەمەسى حانجياڭ بولىمشەسىنىڭ حابارلاندىرۋىندا بىلاي دەلىنگەن: العاشقى تەكسەرۋگە قاراعاندا، 7 – ايدىڭ 21 – كۇنى تۇستەن بۇرىن، ماۋ X نيڭ تۇيىقتاپ باسقارۋعا الۋ شاراسى اتقارىلعان نانجيڭ قالاسىنداعى تۇراعىنان ءوز بەتىمەن ياڭجوۋعا كەلگەن. 7 – ايدىڭ 21 – كۇنىنەن 27 – كۇنىنە دەيىن، حانجياڭ رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ باسشىلىق شتابى جاريالاعان ۇقتىرۋداعى تالاپقا ساي، الەۋمەتتىك اۋماققا بارىپ، نانجيڭدە تۇرعانىن مالىمدەمەگەن، ونىمەن قويماي، ياڭجوۋ قالا رايونىنداعى اسحانا، دۇكەن، ەمحانا، چاحمات – قارتا ويناۋ بولمەسى، اۋىل شارۋاشىلىعى ونىمدەرى بازارى قاتارلى ادام كوپ شوعىرلاناتىن جەرلەرگە ءجيى بارعاندىقتان، جاڭا تيپتى ايدارشا ۆيرۋستىڭ ياڭجوۋ قالا رايونىندا تارالۋىنا اپارىپ سوعىپ، وتە اۋىر زارداپ تۋدىرعان.
ياڭجوۋ ساقشى جاعىنىڭ تانىستىرۋىنشا، ماۋ X نيڭ جۇقپالى اۋرۋلاردان ساقتانۋ – ەمدەۋ زاڭىنداعى قاتىستى بەلگىلەمەلەرگە قايشىلىق جاساپ، ساقتانۋ – تىزگىندەۋ شارالارىنداعى تالاپتارعا ساي، ءوزى تۇرعان الەۋمەتتىك اۋماققا ءوزىن مالىمدەمەگەن، بارعان جەرلەرىن جاسىرعان. قوعام حاۋىپسىزدىگى ورگاندارى دەرەۋ تەكسەرۋ جۇرگىزگەن كەزدە، ياڭجوۋعا كەلگەننەن كەيىنگى ءجۇرىس - تۇرىس بارىسىن ايتۋدان باس تارتقان، اۋدان دارەجەلىدەن جوعارى اۋرۋدان ساقتانۋ – تىزگىندەۋ قۇرىلىمدارىنىڭ جۇقپالى اۋرۋدان ساقتانۋ – ەمدەۋ زاڭى بويىنشا ورتاعا قويعان ساقتانۋ، تىزگىندەۋ شارالارىن اتقارۋدان باس تارتقان. 7 – ايدىڭ 29 – كۇنى جۇقپالى اۋرۋلاردان ساقتانۋ – ەمدەۋگە كەسىرىن تيگىزۋ قىلمىس كۇمانى بويىنشا، ساقشى جاق ماۋ X نيڭنىڭ ۇستىنەن دەلو تۇرعىزىپ، تەكسەرۋ جۇرگىزۋدى ماقۇلداعان. قازىر دەلو ىشكەرىلەي تەكسەرىلۋ ۇستىندە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
