جىجياڭ رۋحاني وركەنيەتتىڭ بيىك بەلەسىن كۇش سالا قالىپتاستىردى −
زاتتىق جاقتان دا، رۋحاني جاقتان دا باي بولۋ كەرەك
«حالىق گازەتىنىڭ» تىلشىلەرى لي جۇڭۋىن، فاڭ مين
2021.08.04 15:31 كەلۋ قاينارى : حالىق تورابى
كۇن باتىسقا ەڭكەيىپ، شىلىڭگىر ىستىق بىرتە – بىرتە قايتا باستادى. اۋەلى بارابان ءۇنى كوتەرىلىپ، ىلە - شالا ىرحۋ سياقتى مۋزىكا اسپاپتارى وينالدى، قىستاق ءىشى لەزدە دۋمانعا بولەندى. جىجياڭ ولكەسى تايجوۋ قالاسى حۋاڭيان رايونى ۋ - يانتوۋ قىستاعىنىڭ مادەنيەت زالىندا قىستاق تۇرعىندارى بامبۇك بارابان مۋزىكاسىن ورىنداۋدا. قىستاق تۇرعىندارى بوس ۋاقىتتاردا سەيىلدەپ، اڭگىمەلەسۋدەن سىرت، ءتىپتى دە كوپ تالعامعا يە بولدى.
ءمان - ماعىنالى تاماشا تۇرمىس جىجياڭنىڭ رۋحاني وركەنيەتتىڭ بيىك بەلەسىن تۇلعالاۋعا دەگەن تالپىنىسىنان باستاۋ العان. ساپالى دامۋدا بىرگە اۋقاتتانۋدان ۇلگى كورسەتۋ رايونىن قۇرۋدا جىجياڭ مىنالاردى العا قويدى: بىرگە اۋقاتتانۋ ەكونوميكانىڭ ساپالى دامۋىن دا، مادەنيەتتىڭ، وركەنيەتتىڭ گۇلدەنىپ - كوركەيۋىن دە قامتيدى؛ زاتتىق جاقتان بايۋدى دا، رۋحاني جاقتان بايۋدى دا قامتيدى.
«حالىق بۇقاراسىنىڭ زاتتىق تۇرمىسىنىڭ بارىنشا بايۋىنا بايلانىستى، رۋحاني جاقتان باي بولۋ بارعان سايىن بىرگە اۋقاتتانۋدى جۇزەگە اسىرۋداعى كورنەكتى مىندەتكە اينالدى». جىجياڭ ولكەلىك پارتكوم ۇگىت بولىمىندەگى قاتىستى جاۋاپتى جولداس مىنانى ءبىلدىردى: جىجياڭ مادەنيەت، وركەنيەتتى ۇلگى رايون قۇرىلىسىنىڭ كورنەكتى ورنىنا قويىپ، رۋحاني وركەنيەت بيىك بەلەسىن كۇش سالا قالىپتاستىردى.
«ادەپتى جىجياڭ» ايگىلى ماركاسىن جەتىلدىردى
قالا رايونىنان اۋىل - قىستاققا قاراي كەڭەيتىپ، جالپى وڭىرلىك وركەنيەتتى ورىن قۇرۋدى جوعارى دەڭگەيدە ىلگەرىلەتتى
«جولاقتى سىزىققا كەلگەندە جول بەرۋدى» اۋىزعا العاندا، كوپتەگەن ادام جىجياڭ ولكەسىنىڭ حاڭجوۋ قالاسىنىڭ جاقسى ىستەپ وتىرعانىن ەڭ الدىمەن ەسىنە الادى. ەندەشە، جىجياڭنىڭ باسقا جەرلەرى، اسىرەسە اۋىل - قالاشىق رايوندارى قالاي ىستەپ وتىر؟
ي - ۋ قالاسى سۋشي قالاشىعىنىڭ ءبىر جەرىندەگى «T» فورمالى جول اۋزىندا قىزىل، جاسىل شىراق ورناتىلماعانىمەن، جۇرگىنشىلەر جولاقتى سىزىقتان وتكەندە، اۆتوكولىكتەر ۇنەمى قارقىندى باياۋلاتىپ نەمەسە توقتاپ، جۇرگىنشىلەردى الدىمەن وتكىزەدى، ال جۇرگىنشىلەر دە ۇنەمى قادامىن تەزدەتىپ، شوفەرلەردىڭ كۇتۋ ۋاقىتىن ازايتادى.
«بۇل − جىجياڭنىڭ ازاماتتاردىڭ ءمورال قۇرىلىسىن ىلگەرىلەتىپ، وركەنيەتتى، جاقسى ادەتتى قالىپتاستىرۋىنىڭ ناتيجەسى» دەدى سۋشي قالاشىعى پارتكومىنىڭ مۇشەسى فىڭ ۋي - ي.
جىجياڭ ولكەسىنىڭ قاتىناس تاراۋىنىڭ باعالاۋىندا 2020 - جىلى ولكە بويىنشا جولاقتى سىزىقتا جول بەرۋ شاماسى %96.2 كە جەتكەن.
جىجياڭ ولكەسى تاعى «باس قوسىپ تاماقتانۋدا ورتاق ساقپى ىستەتۋ، قاتارعا تۇرعاندا تارتىپكە بويسۇنۋ، قوقىر - قوقسىقتى تۇرگە ايىرۋ، اس - سۋدى ىسىراپ ەتپەۋ» سياقتى «ادەپتى جىجياڭ» وركەنيەت ماركاسىن ۇزدىكسىز جەتىلدىرىپ، جاڭا داۋىردەگى وركەنيەتتى تۇرمىس ارەكەتى، سەنىمدىلىك قۇرىلىسى ارەكەتى سياقتىلاردى اتقارىپ، جىجياڭدىقتاردىڭ بارلىعىنىڭ وركەنيەت جارشىسى بولۋىنا كۇش سالدى.
تۇسكى الەتتە تايجوۋ قالاسى جياۋجياڭ رايونى ساندى توقىماشىلىق، كيىم - كەشەك شەكتى سەرىكتەستىگىنىڭ اسحاناسىندا جاسى ۇلعايعاندار، جۇكتى ايەلدەر الدىمەن تاماقتانىپ جاتتى. سەرىكتەستىكتىڭ جاۋاپتىسى تانىستىرىپ بىلاي دەدى: «كوپشىلىك تابەتتەرىنە قاراي جەۋگە داعدىلاندى، تاماقتى ىسىراپ ەتپەيتىن بولدى».
وت جاعۋ، قامىر يلەۋ، كۇلشە جاساۋ، بوتقا قايناتۋ... چۇيجوۋ قالاسى چۇيجياڭ رايونى حۋاڭتانكوۋ اۋىلى سەنترلى باستاۋىش مەكتەبىنىڭ الدىندا ماۋ شىحۋا قارتتىڭ تاڭەرتەڭگى اس جايماسىن اشقانىنا 30 جىل بولدى. ءبىر قياق كۇرىش، ءبىر شىنى كۇرىش كوجە، ءبىر ستاكان بۇرشاق قويمالجىڭى تۇگەلدەي 0.5 يۋاننان ساتىلادى.
«اقشا تابۋدى ماقسات ەتپەيمىن، بالالاردىڭ تاڭەرتەڭ جاقسى تاماق جەۋىنە مۇمكىندىك جاساۋدى عانا ويلايمىن». ماۋ شىحۋانى بالالار ىستىق ىقىلاسپەن «اسپاز اجەي» دەپ اتايدى، ول «ەڭ تاڭداۋلى جىجياڭدىق» اتاعىن الىپ، «جۇڭگوداعى ىزگى جاندار تىزىمدىگىنە» داڭقپەن كىرگەن.
2020 - جىلى جىجياڭ بۇكىل ەل بويىنشا بارلىق قالاسى وركەنيەتتى قالا بولىپ باعالانعان ولكەگە اينالدى، رۋحاني وركەنيەت قۇرىلىسى قالا رايونىنان اۋىل - قىستاققا قاراي كەڭەيۋدىڭ، ءىشىنارالىقتان تۇتاس وڭىرگە قاراي كەڭەيۋدىڭ جاڭا كەزەڭىنە ءوتتى. بۇل كۇندە جىجياڭ ولكەسى جالپى وڭىرلىك وركەنيەتتى ورىن قۇرۋدى جوعارى دەڭگەيدە ىلگەرىلەتۋدى العا قويدى. جىجياڭ ولكەلىك پارتكوم ۇگىت بولىمىندەگى قاتىستى جاۋاپتى جولداس مىنانى ءبىلدىردى: «14 – بەسجىلدىق» كەزىندە جىجياڭنىڭ تۇتاس وڭىرلىك وركەنيەت قۇرىلىسىنىڭ قامتىمى مەن جاڭا داۋىردەگى وركەنيەت امالياتى ورنىنىڭ، پۋنكتىنىڭ قامتىمى %100 كە جەتكىزىلەدى.
مادەنيەت ارقىلى حالىققا تيىمدىلىك جاساۋ ينجەنەرياسىن اتقاردى
ساپالى الەۋمەتتىك مادەنيەتكە قىزمەت وتەۋ جۇيەسىن قۇرىپ، 17 مىڭ مادەنيەت زالى اۋىل - قىستاقتى نۇرلاندىردى
«سول كەزدە وق قۇلاعىمنىڭ تۇبىنەن زۋ ەتىپ وتە شىقتى». 83 جاستاعى قارت جاۋىنگەر يە كۋاڭچي وڭ قولىمەن نۇسقاپ كورسەتىپ بالالاردى قايران قالدىردى.
ليشۇي قالاسى چيڭيۋان اۋدانى شيانلياڭ قىستاعىنىڭ مادەنيەت زالىندا يە چىڭشين قاتارلى باستاۋىش مەكتەپتىڭ 6 وقۋشىسى «بالا كوڭىلمەن پارتياعا الاۋ جەتكىزۋ» اتىنداعى جازدىق ۇيرەنۋ قيمىلىنا قاتىناسىپ، ساقا جاۋىنگەرلەردىڭ قىزىل اڭگىمەلەرىن تىڭدادى. سوڭىنان قىزىل ارميا سومكاسىن جاساۋ، قىزىل كىتاپ وقۋ سياقتى قيمىلدار دا وتكىزىلدى.
اتا – انالاردىڭ ۋاكىلى حۋ ياچيۇڭ بىلاي دەپ تانىستىردى: «بۇرىن جازدىق دەمالىس كەلە سالا قىستاقتاعى بالالار وزەن جاعاسىنا بارىپ سۋمەن ويناماي، ەلەكتروندىق ونىمدەردى وينايتىن. قازىر مادەنيەت زالىندا ءتۇرلى قيمىلدار وتكىزىلىپ، جازعى دەمالىس كۇندەرى شاتتىققا شوماتىن بولدى».
تەاتر، كونسەرت كورىپ، لەكسيا تىڭدايتىن بولدى... جىجياڭ ولكەسى «مادەنيەت گۇلىن ەگۋگە» دەن قويىپ، قىستاق تۇرعىندارىنىڭ مادەني تۇرمىسىن بايىتتى.
جەر - جەر بوس تۇرعان مەكتەپ ۇيلەرى، كونە عيباداتحانا سياقتىلاردى بىرىكتىرىپ، مادەنيەت زالىنا وزگەرتىپ، يدەيا - ءمورال قۇرىلىسى، مادەنيەت، دەنەتاربيە، كوڭىل اشۋ، ءبىلىم بەرۋ ىستەرىن ءبىر تۇلعالاندىردى. قازىر بۇكىل ولكە بويىنشا 17 مىڭنان استام اۋىل - قىستاق مادەنيەت زالى قۇرىلىپ، 500 دەن استام ادامى بار اكىمشىلىك قىستاقتارداعى جالپىلاسۋ شاماسى %90 كە جەتتى.
جىجياڭ ولكەسى تاعى «ءجۇز قالا، ون مىڭ قىستاقتا مادەنيەت ارقىلى حالىققا تيىمدىلىك جاساۋ ينجەنەرياسىن» كۇش سالا اتقارىپ، بۇقاراعا مادەنيەت جاعىنان باي مازمۇندى، ساپالى قىزمەت وتەدى.
اۋىل - قىستاقتا اسەمونەر سارايى بولا ما ەكەن؟
«ءيا، بار، ەكسكۋرتسيالاپ كەلۋلەرىڭىزدى قارسى الامىز!» نيڭبو قالاسى نيڭحاي اۋدانىنىڭ گىجيا قىستاعىنا بارساڭىز، قىستاق تۇرعىنى يە شيانرۇڭ ساياحاتشىلاردى ءوز ءۇيىنىڭ «اسەمونەر سارايىن» ەكسكۋرسيالاۋعا شاقىرادى.
1 – قاباتتا جەرگىلىكتى ەرەكشەلىككە يە كونە ءۇي جيھازدارى، جاساۋ – جابدىق قويىلعان؛ 2 - قاباتتاعى كورمە زالىنا نەمەرەلەرى سىزعان، جاساعان جۇڭگوشا سۋرەت، حاتكەرلىك، كەزدەمە، توقىما بۇيىمدارى قويىلعان. ايگىلى ونەرپازداردىڭ تانىمال تۋىندىلارى بولماعانىمەن، كوپتەگەن ساياحاتشىنى باۋراي العان.
كونە داۋالعا اسەر سۋرەتتەرى سالىنعان، اس ءۇي كوفەحاناعا وزگەرتىلگەن، كەرەكسىز تۇكتى بامبۇكتەن كورىنىس بۇيىمدارى توقىلعان... نيڭحاي اۋدانى اتقارعان «كوركەمونەرشىلەردىڭ قىستاقتا تۇرۋى» ارەكەتىنىڭ ارقاسىندا، 10 نەشە جوعارى مەكتەپتىڭ كوركەمونەرشىلەرى مەكتەپ پەن جەرگىلىكتى ورىننىڭ سەلبەستىگىن ورىستەتۋگە كەلىپ، مادەنيەت ىستەرىن جانداندىرىپ، اعاششى، سىرشى، بامبۇك توقۋشى سياقتى حالىقتىق دارىندىلاردان قۇرالعان كوركەمونەر قىستاعىن قۇرۋعا ات سالىستى. قازىر گىجيا قىستاعىنىڭ تۇرعىندارى 40 تان استام ورتاقتاسۋ كەڭىستىگىن قۇرىپ، 300 دەن استام كوركەمونەر بۇيىمىن جاراتتى.
تايجوۋ قالاسى حۋاڭيان رايونىندا شاڭحايدان كەلگەن دويۇن كىتاپحاناسى قازىرگى «توراپتا تانىمال بولعان تۇيىنگە» اينالدى. ءار كۇنى كوپتەگەن قالا تۇرعىنى وسى اراعا كەلىپ، مىڭداعان جىلدان بەرى اعىپ كەلە جاتقان يۇڭنيڭ وزەنىنىڭ سۋىنان ءلاززات الىپ كىتاپ وقيدى.
«ايگىلى جازۋشىلارمەن، وقىمىستىلارمەن بەتپە - بەت سويلەسۋگە بولادى، ورايدى قولدان بەرمەۋ كەرەك». قالا تۇرعىنى لي جياچي − كىتاپحانانىڭ بەلسەندى وقىرمانى، كىتاپحانا تاياۋدا وتكىزگەن 6 رەتكى قيمىلعا ول تولىق قاتىناسقان. قىزۋ ىنتامەن كىتاپ وقۋ، ءبىلىمدى قاستەرلەۋ جەرگىلىكتى ورىنداعى ادامداردىڭ ەڭ تاماشا تۇرمىس تاسىلىنە اينالدى.
«مادەنيەت ارقىلى تۋىسشىلاۋ» سياقتى مادەنيەت ارقىلى حالىققا تيىمدىلىك جاساۋ قيمىلىنداعى ايگىلى ماركالاردا جاڭالىق اشىپ، كوركەمونەردى گۇلدەندىرۋ اۋىل - قىستاق جوسپارىن ورىستەتىپ، «ۇيرەنىمپاز جىجياڭ» ارەكەتىن اتقارىپ، قالا مەن اۋىلدىڭ نەگىزگى الەۋمەتتىك مادەنيەت قىزمەت وتەۋىنىڭ بىركەلكىلەنۋ دەڭگەيىن جوعارىلاتتى... ساپالى الەۋمەتتىك مادەنيەت قىزمەت وتەۋ جۇيەسىن قۇرۋ كارتيناسى چاڭجياڭ وزەنىنىڭ بايتاق دالاسىندا بىرتىندەپ قۇلاشىن كەڭ جايدى.
«ەرىكتىلەردىڭ جىجياڭى» تۇعىرىن قۇردى
سيفرلاندىرۋ رەفورماسى ارقىلى بۇقارانى ارنايىلانعان، ساپالى ەرىكتى قىزمەت وتەۋمەن قامدادى
سيفرلاندىرۋ رەفورماسى ارقىلى جىجياڭ ولكەسى بۇكىل ولكەنىڭ ءبىر تۇتاس ەرىكتى قىزمەت وتەۋ ساندى اقىل - پاراسات جۇيەسى «ەرىكتىلەردىڭ جىجياڭى» تۇعىرىن ورناتىپ، بۇكىل ولكەنىڭ ەرىكتى قىزمەت وتەۋ بايلىعىن بىرىكتىرۋدى، جوعارى ءونىمدى سايكەسۋدى ىلگەرىلەتىپ، ەرىكتى قىزمەت وتەۋدى جاڭا كەزەڭگە ويىستىردى.
7 – ايدىڭ 19 - كۇنى «ەرىكتىلەردىڭ جىجياڭى» تۇعىرىنىڭ ورنالاستىرىلۋىنا ساي، مەملەكەتتىك ەلەكتر تورى يۇيياۋ قالالىق ەلەكترمەن قامداۋ سەرىكتەستىگىنىڭ پارتيالى ەرىكتىسى ۋاڭ لينيڭ جىلجىمالى قىزمەت وتەۋ اۆتوكولىگىمەن دالان قالاشىعى يۇيدي - لۇڭتان قىستاعىنا كەلىپ، قىستاقتاعى جەتىم – جەسىرلەر، قارتتار سياقتى قيىنشىلىعى بار تۇرعىنداردىڭ ءۇي ءىشى ەلەكتر جەلىسىن جوندەپ، شىراقتارىن اۋىستىردى... 3 ساعات قاربالاس جۇمىس ىستەگەننەن كەيىن، ول «ەرىكتىلەردىڭ جىجياڭى» تۇعىرىنا جۇمىستىڭ بىتكەنىن مالىمدەپ قول قويدى. تۇعىردا كورسەتىلۋىنشە، ۋاڭ لينيڭنىڭ ەرىكتى قىزمەت وتەۋ داڭق ۋاقىتى 300 ساعاتقا جەتكەن.
«سيفردىڭ دەم بەرۋى ارقىلى تۇعىر بۇقارانىڭ قاجەتىن اناعۇرلىم دالمە - ءدال توعىستىرادى، سونداي - اق ءبىزدىڭ ەرىكتى قيمىلدارعا قاتىناسۋىمىز اناعۇرلىم قولايلى، اناعۇرلىم ءتارتىپتى بولادى» دەدى ۋاڭ لينيڭ.
بيىل 4 - ايدا جەلىگە شىققاننان بەرى «ەرىكتىلەردىڭ جىجياڭى» تۇعىرىندا 17 ميلليوننان استام ەرىكتى، 155 مىڭ ەرىكتىلەر ۇيىمى تىركەلىپ، 100 مىڭ رەتكە جۋىق ەرىكتى قىزمەت ورىستەتتى.
جىجياڭ ولكەلىك پارتكوم ۇگىت بولىمىندەگى قاتىستى جاۋاپتى جولداس تانىستىرىپ بىلاي دەدى: «ءبىز ‹ەرىكتىلەردىڭ جىجياڭى› سيفرلى كورىنىس قۇرىلىسى مەن قولدانىلۋىن ۇزدىكسىز تەرەڭدەتىپ، ‹جالعىز تۇراتىن قارتتارعا شۇعىل كومەك بەرۋ›، ‹قارتتاردىڭ سيفرلى جىرادان وتۋىنە كومەكتەسۋ›،‹ 4 جارىم ساباقحاناسى› سياقتى ەرىكتى قىزمەت وتەۋ كورىنىستەرىن قالىپتاستىرىپ، بۇقارانى ارنايىلانعان، ساپالى ەرىكتى قىزمەت وتەۋمەن قامدايمىز».
«قاراشى، مىنا كنوپكانى باسسا، ەكى ولشەمدى سيفر شىعا كەلەدى» 7 - ايدىڭ 20 - كۇنى حۋجوۋ قالاسى دىچيڭ اۋدانى ۋ - لۇڭ الەۋمەتتىك اۋماعىندا اپەلسين كۇرتە ەرىكتىلەر ۇيىرمەسى الەۋمەتتىك اۋماق كادرلارىمەن قول ۇستاسىپ، الەۋمەتتىك اۋماقتاعى قارتتارعا زەردەلى قولفون ىستەتۋدى ۇيرەتتى.
جارىم ساعات وتە شىقتى، كەيبىر قارتتاردىڭ ۇيرەنۋى باياۋ بولدى، ەرىكتى ۋ شۋلين ءالى دە سابىرلىلىقپەن ۇيرەتتى، شىن شياۋميڭ قاريا ونىڭ توزىمدىلىگىنە ىڭعايسىزدىق ءبىلدىردى.
«قولما - قول ۇيرەتۋدەن سىرت، ولار تاعى ءبىرتالاي قارتقا قولفون APP دەتالىن قۇراستىرىپ بەردى، دەتالدار وتە ءتيىمدى». شىن شياۋميڭ: «وسى ەرىكتىلەرگە راقىمەت، ولار ءبىزدىڭ قاتاردان قالماي، اعىمعا ىلەسۋىمىزگە كومەكتەستى» دەدى.
ەرىكتى قىزمەت وتەۋدى ورىستەتۋدە جىجياڭ ولكەسى بۇقارانىڭ بەلسەندىلىگىن ساۋلەلەندىرۋگە باسا ءمان بەرىپ، بۇقارانىڭ ات سالىسۋ دەڭگەيىن جوعارىلاتتى. دىچيڭ اۋدانىنىڭ وزىندە عانا تىركەلگەن ەرىكتىلەردەن 140 مىڭعا جۋىق ادام بەلسەندى جۇمىس ىستەۋدە. ۇكىمەت سيلىق بەرۋدەن سىرت، «بۇقارا سيلىق بەرۋ، بۇقارانى سيلاۋ» فورماسىنداعى 78 ءتۇرلى «ءتۇبىر ءمورال سيلىعى» بار، بۇل قارتتارعا وپالى بولۋ، تۋىس - تۋعانىن ايالاۋ، باسقالارعا كومەكتەسۋدى قۋانىش ساناۋ، ورتانى قورعاۋ، وقۋعا كومەك بەرۋ سياقتى جاقتاردى قامتيدى، سيلىق بەرىلگەن بۇقارا جيىنى 10 مىڭ ادامنان استى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
