ا ق ش – نىڭ كۋباعا جازالاۋ شارالارىن اتقارۋدى جاريالاعانى جونىندە
سىرتقى ىستەر مينيسترلىگىنىڭ مالىمدەمەشىسى تىلشىلەردىڭ سۇراۋىنا جاۋاپ بەردى
2021.08.05 16:45 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 4 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 8 – ايدىڭ 4 – كۇنى ا ق ش – نىڭ كۋباعا جازالاۋ شارالارىن اتقارۋدى جاريالاعانى جونىندە تىلشىلەردىڭ سۇراۋىنا جاۋاپ بەردى.
ءتىلشى بىلاي دەپ سۇرادى: حابارعا قاراعاندا، 7 – ايدىڭ 30 – كۇنى ا ق ش قازىنا مينيسترلىگى ۇكىمەتكە قارسى ەرەۋىلدى جانىشتادى دەگەندى سىلتاۋراتىپ كۋبا مەملەكەتتىك توڭكەرىستىك ساقشى مەكەمەسىنە جانە ونىڭ باستىعىنا، ورىنباسار باستىعىنا جازالاۋ شاراسىن اتقاراتىنىن جاريالاعان. ا ق ش زۇڭتۇڭى بايدەن اقسارايدا كۋبا تەكتى ا ق ش ازاماتتارىمەن كەزدەسكەن كەزدە، كۋبا ەگەر كەلەلى وزگەرىس جاسامايتىن بولسا، ا ق ش – نىڭ جازالاۋدى اناعۇرلىم كۇشەيتەتىنىن ايتقان. كۋبانىڭ سىرتقى ىستەر مينيسترى رودريگس 7 – ايدىڭ 30 – كۇنى: «ا ق ش – نىڭ كۋباعا قاراتقان جاڭا كەزەكتى جازالاۋ شاراسى ينفورماتسيالىق الجاستىرۋ جانە كۋباعا سوقتىعۋ، ا ق ش وسى ارقىلى كۋباعا جۇرگىزگەن ادامگەرشىلىككە جات قۇرساۋلاۋ ارەكەتىنەن اقتالماقشى»، — دەگەن. تاعى ءبىر حابارعا قاراعاندا، 7 – ايدىڭ 31 – كۇنى جۇڭگو ۇكىمەتىنىڭ كۋبا ۇكىمەتىنە كومەككە بەرگەن 30 دانا تىنىستاندىرعىش اسپابى سول كۇنى حاۋاناعا جەتكىزىلگەن. جۇڭگو جاق بۇل جونىندە قانداي پىكىر بىلدىرەدى؟
مالىمەمەشى بىلاي دەدى: جۇڭگو جاق اتالمىش «ەركىندىك»، «ادامدىق ۇقىق»، «دەموكراتيا» دەگەندەردى جەلەۋ ەتىپ، سىڭار جاقتىلى جازالاۋ شارالارىن الباتى اتقارىپ، باسقا ەلدەردىڭ ىشكى ىسىنە كيلىگۋگە باتىل قارسى تۇرادى. جۋىردا ا ق ش كۋباداعى قۇرىلىمدارعا، ءمانساپتىلارعا ارت - ارتىنان جازالاۋ شارالارىن اتقارىپ، حالىقارالىق قارىم – قاتىناستىڭ نەگىزگى ولشەمدەرىنە اۋىر دارەجەدە قايشىلىق جاساپ، دۇنيە جۇزىندەگىلەرگە ا ق ش فورماسىنداعى قوس ولشەم مەن زورەكەرلىكتىڭ نە ەكەنىن تاعى ءبىر رەت كورسەتتى.
«ا ق ش – نىڭ ەكونوميكا، ساۋدا، فينانس سالالارىنداعى قۇرساۋلاۋى كۋبانىڭ ەكونوميكا مەن حالىق تۇرمىسىن جاقسارتۋىنا كەدەرگى بولىپ، كۋبا حالقىنىڭ ءومىر ءسۇرۋ ۇقىعى مەن دامۋ ۇقىعىنا سۇعاناقتىق جاساۋدىڭ ءتۇپ قاينارى ەكەندىگى كوپشىلىككە بەلگىلى، ءبىز ا ق ش جاقتان حالىقارالىق قوعامنىڭ جالپى بەتتىك ۇندەۋىنە مۇقيات قۇلاق اسىپ، كۋباعا قاراتقان جازالاۋ، قۇرساۋلاۋدى دەرەۋ، تۇگەل كۇشىنەن قالدىرۋىن، ءتۇرلى جەلەۋمەن قارمانىپ قالۋدى، دورەكىلىكپەن كيلىگۋدى، ورنىقتىلىقتى ءبۇلدىرۋدى دەرەۋ توقتاتۋىن تالاپ ەتەمىز»، — دەدى مالىمدەمەشى.
مالىمدەمەشى بىلاي دەدى: جازالاۋ شاراسىن توقتاتىپ، قولداۋ كورسەتۋ — دۇرىس جول. جۋىردان بەرى، جۇڭگونى قامتىعان كوپتەگەن دوس ەلدەر مەن حالىقارالىق ۇيىمدار كۋباعا كومەك قولىن سوزىپ، كۋبا ۇكىمەتى مەن حالقىنىڭ ىندەتكە قارسى اتتانۋىنا، حالىق تۇرمىسىن جاقسارتۋىنا كومەكتەسىپ، قيىنشىلىقتا بىرگە بولاتىن شىنايىلىقتى ايگىلەدى. جۇڭگو جاق ەكى ەل باسشىلارى قول جەتكىزگەن ورتاق تانىمداردى ۇزدىكسىز ويداعىداي تياناقتاندىرىپ، جۇڭگو مەن كۋبا قارىم – قاتىناسىن ۇزدىكسىز تەرەڭدەتىپ، كۋبا جاقتىڭ ىندەتتىڭ ىقپالىن جەڭىپ، ەكونوميكانىڭ دامۋىن ىلگەرىلەتۋ، قوعامنىڭ ورنىقتىلىعىن ساقتاۋ قۇلشىنىسىنا باتىل قولداۋ كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
