بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

الدىڭعى جارتى جىلدا رايونىمىزدىڭ تۇراقتى مۇلىككە قوسقان قارجىسى %25.6 ارتتى

قارجى قوسۋ كولەمى زور، جەتەكشىلىك ەتۋى، تۇرتكى بولۋى كۇشتى بولدى

□ انار بۇلت / شينجياڭ گازەتىنىڭ ءتىلشىسى شى شين

2021.08.05 17:18     كەلۋ قاينارى : شينجياڭ گازەتى

  دامۋ − داۋ جۇرمەيتىن شىندىق، نىسان − بۇلجىماس تىرەك. جۋىقتا ءتىلشىنىڭ اۆتونوميالى رايوندىق ساناق مەكەمەسىنەن ۇعىسۋىنشا، بيىل الدىڭعى جارتى جىلدا بۇكىل رايوندا تۇراقتى مۇلىككە قوسىلعان قارجى (شارۋا وتباسىلارى قامتىلمايدى) وتكەن جىلعى ۇقساس مەزگىلدەگىدەن %25.6 ارتىپ، 2 جىلدا ورتا ەسەپپەن %27.1 وسكەن.

  6 - ايدىڭ 30 - كۇنى G7 بەيجيڭ - شينجياڭ جوعارى جىلدامدىقتى تاس جولىنىڭ ”ەڭ سوڭعى ءبىر كيلومەترى“ − ۋتۇڭ داچۋان - موري بولىگىندە اۆتوكولىك قاتىنادى، بۇل شينجياڭعا كىرىپ - شىعاتىن جوعارى جىلدامدىقتى تاس جول ۇلكەن ارناسىنىڭ 2 - جەلىسىندە تۇتاس جەلى بويىنشا اۆتوكولىك قاتىناپ، ءۇرىمجى - بەيجيڭ اراسىندا ەڭ تەز، قولايلى جوعارى جىلدامدىقتى تاس جول ارناسىن قالىپتاستىرعاندىعىن كورسەتەدى.

  بەيجيڭ - شينجياڭ جوعارى جىلدامدىقتى تاس جولى مەملەكەتتىڭ ”ءبىر بەلدەۋ، ءبىر جول“ قۇرلىق جولى ارناسىنىڭ، جىبەك جولى سولتۇستىك ارناسىنىڭ ماڭىزدى قۇرامداس بولىگى، G30 ليانيۇنگاڭ - قورعاس جوعارى جىلدامدىقتى تاس جولىنان كەيىنگى شينجياڭعا كىرىپ - شىعاتىن 2 - ۇلكەن ارنا، نىساننىڭ قۇرىلۋى مەملەكەت پەن اۆتونوميالى رايوننىڭ تاس جول تورىن كەمەلدەندىرۋدە، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋدى“ جۇزەگە اسىرۋدا، وڭىرلىك جول - قاتىناس شارت - جاعدايىن جاقسارتۋدا، ءوڭىردىڭ جول - قاتىناس قىسىمىن جەڭىلدەتۋدە ماڭىزدى مانگە يە.

  ”الدىڭعى جارتى جىلدا بۇكىل رايوندا ءتۇيىندى قاتىناس نىساندارى جەدەل سالىنىپ، جالپى 31 ميلليارد 390 ميلليون يۋان قارجى قوسىلىپ، بىلتىرعى ۇقساس مەزگىلدەگىدەن 6 ميلليارد 670 ميلليون يۋان ارتتى. دامۋ نەگىزىن بەكەمدەيتىن ءبىر توپ تەمىر جول، تاس جول جانە اۋەجاي نىساندارى سالىنىپ ىسكە قوسىلدى نەمەسە جەدەل سالىنۋدا“، - دەپ تانىستىردى اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ.

  قاتىناس جاعىندا تۇراقتى مۇلىككە قارجى قوسۋدىڭ ”ناتيجە تىزىمدىگى“ بۇكىل رايونىمىزدىڭ تۇراقتى مۇلىككە قارجى قوسۋ ونىمدىلىگى مەن ەكونوميكالىق اينالىمنىڭ جوعارى باستالىپ، ورنىقتى ءجۇرىلىپ، ورنىقتىلىق بارىسىندا ىلگەرىلەپ، ىلگەرىلەۋ بارىسىندا ساپا جوعارىلاپ، تۇتاس تۇلعالىق جاقتان جاقسارا تۇسكەندىگىن كورسەتتى.

  ساناق ساندى مالىمەتتەرىندە كورسەتىلۋىنشە، الدىڭعى جارتى جىلدا رايونىمىزدىڭ قاتىناس - تاسىمالعا، قامبادا ساقتاۋعا جانە پوچتا كاسىبىنە قارجى قوسۋدىڭ ارتۋ اۋقىمى كۇشتى بولعان. نەگىزدىك قۇرىلعىلار كاسىبىنە قوسىلعان قارجى %14.8 ارتقان، مۇنىڭ ىشىندە قاتىناس - تاسىمالعا، قامبادا ساقتاۋعا جانە پوچتا كاسىبىنە قوسىلعان قارجى %32.1 ارتقان؛ ينفورماتسيا جەتكىزۋ، كومپيۋتەرلىك قىزمەت وتەۋ جانە جۇمساق بولشەك كاسىبىنە قوسىلعان قارجى %16.7 ارتىپ، وتكەن جىلعى ۇقساس مەزگىلدەگىدەن 45.9 پايىز جوعارىلاعان.

  بيىل جىل باسىنان بەرى، بۇكىل رايون جوعارىدان تومەنگە دەيىن ”نىسانداردى يگەرىپ، قارجى قوسۋدى جەبەپ، ارتۋدى ورنىقتىرۋ“ سىندى باستى نىسانادان كوز جازباي، نىسان قۇرىلىسىن ماڭداي الدى ورىنعا قويدى، اۆتونوميالى رايون ىلگەرىندى - كەيىندى 7 رەت نىسان قۇرىلىسىن ىلگەرىلەتۋ جونىندە بەينە ەكراندىق ورنالاستىرۋ ءماجىلىسىن اشىپ، 14 ايماقتىڭ (وبلىس، قالا) جانە اۆتونوميالى رايوننىڭ سالا مەڭگەرمەلەرىنىڭ، مەكەمەلەرىنىڭ ”ەكى بەلسەندىلىگىن“ تولىق جۇمىلدىرىپ، جىلدىق قارجى قوسۋ جوسپارىن ارقاۋ ەتىپ، نىسان قۇرىلىسىنىڭ ۋاقىت كەزەڭدەرىن ايقىنداپ، بۇكىل رايوننىڭ نىسان قۇرىلىسىنىڭ ولشەمدى، ساپانى، قارقىندى ونان ارى جوعارىلاتۋىن بار كۇشپەن ىلگەرىلەتىپ، ءونىمدى قارجى قوسۋدى شىن مانىندە كەڭەيتىپ، نىسان قۇرىلىسىنىڭ ”ۇدەمەلى جىلدامدىعىن“ جۇزەگە اسىردى. 6 - ايدىڭ 30 - كۇنىنە دەيىن، بۇكىل رايوندا جالپى 5 ميلليون يۋاننان استام قارجى قوسىلعان نىسانداردىڭ جىلدىق قارجى قوسۋ جوسپارىنىڭ %43.8ى ورىندالىپ، وتكەن جىلعى ۇقساس مەزگىلدەگىدەن 6 پايىز جوعارىلادى.

  ايتا كەتەرلىگى، رايونىمىزدىڭ قارجى قوسۋ قۇرىلىمى اناعۇرلىم ساپالىلاندى. الدىڭعى جارتى جىلدا 1 - كاسىپكە قوسىلعان قارجى %27.1، 2 - كاسىپكە قوسىلعان قارجى %19.6، 3 - كاسىپكە قوسىلعان قارجى %29.1 ارتقان. 1 -، 3 - كاسىپكە قوسىلعان قارجىنىڭ ارتۋى ءبىرشاما تەز بولعان.

  جاساۋ كاسىبىنە قارجى قوسۋ ءبىر جاعىنان، قوعامدىق جالپى قامداۋمەن جالعاسىپ، وندىرىستىك قۋاتتىڭ ىسكە قوسىلۋىنا جانە ونەركاسىپ وندىرىسىنە ىقپال جاساسا، ەندى ءبىر جاعىنان، قوعامدىق جالپى سۇرانىسپەن جالعاسىپ، سول مەزگىلدەگى تۇراقتى مۇلىككە قارجى قوسۋعا ىقپال ەتتى.

  7 - ايدىڭ 29 - كۇنى شينجياڭ شۋەفىڭ قارجى قوسۋ، جارنا مەڭگەرۋ شەكتى جاۋاپكەرشىلىك سەرىكتەستىگى قارجى قوسقان مەلامين شايىرى مەن ونىڭ سايكەستى نىسانى (1 - مەرزىمدىك) تابيعي گازدان كەشەندى پايدالانۋ جانە حاۋىپسىز ساقتاۋدىڭ شەگىن رەتتەۋ نىسانىنىڭ جۇمىس باسىندا، جۇمىسشىلار قۇرىلىس ۋاقىتىن ۇتىپ، قارقىندى تەزدەتىپ، قۇرىلىس الاڭى ەڭبەك دۋمانىنا شومدى. جالپى 3 ميلليارد 500 ميلليون يۋان قارجى قوسىلعان بۇل نىسان اقسۋ ايماعىنىڭ ءتۇيىندى نىسانى سانالادى.

  الدىڭعى جارتى جىلدا رايونىمىزدىڭ ونەركاسىپكە قوسقان قارجىسى %19.7 ارتتى. مۇنىڭ ىشىندە مەلامين شايىرى مەن ونىڭ سايكەستى نىسانى (1 - مەرزىمدىك) تابيعي گازدان كەشەندى پايدالانۋ جانە حاۋىپسىز ساقتاۋدىڭ شەگىن رەتتەۋ نىسانىن قامتىعان جاساۋ كاسىبىنە قوسىلعان قارجى %34.9، كەن اشۋعا قوسىلعان قارجى %11.7، ەلەكتر، جىلۋ، وتىندىق گاز جانە سۋ ءوندىرۋ جانە قامداۋ كاسىبىنە قوسىلعان قارجى %9.4 ارتتى. جاساۋ كاسىبىنە قارجى قوسۋدىڭ ايتاقالسىن جوعارىلاۋى تۇراقتى مۇلىككە قوسىلعان قارجىنىڭ ارتۋىنداعى نەگىزگى قوزعالتقىشقا اينالعاندىعىن بايقاۋ قيىن ەمەس.

  قورا - جاي بازارىنان قاراعاندا، الدىڭعى جارتى جىلدا رايونىمىزدىڭ قورا - جاي اشۋعا قوسقان قارجىسى 53 ميلليارد 278 ميلليون يۋان بولىپ، وتكەن جىلعى ۇقساس مەزگىلدەگىدەن %66.7 ارتقان؛ تاۋار ءۇيدىڭ ساتىلۋ كولەمى 10 ميلليون 197 مىڭ 800 شارشى مەترگە جەتىپ، %51.7 ارتقان؛ تاۋار ءۇيدىڭ ساتىلۋ سوماسى 59 ميلليارد 253 ميلليون يۋانعا جەتىپ، %46.3 ارتقان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار