تارىم وزەنىنىڭ تومەنگى اعارىنا 22 - رەت ەكولوگيالىق سۋ جىبەرۋ باستالدى
2021.08.05 17:20 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ بايىنعولين وبلىسىنداعى تىلشىلەر پۋنكتىنەن شۋە يۇنشاۋ 8 - ايدىڭ 3 - كۇنى لوپنۇردان حابارلايدى. تولقىن اتا يرەلەڭدەگەن سۋ وزەن ارناسىن بويلاي سىلدىراپ اعىپ بارادى... 8 - ايدىڭ 2 - كۇنى رايونىمىز تارىم وزەنىنىڭ تومەنگى اعارىنا 22 - رەتكى ەكولوگيالىق سۋ جىبەرۋدى باستادى، مەجەمەن 350 ميلليون تەكشەمەتر ەكولوگيالىق سۋ جىبەرىلەدى ەكەن.
سول كۇنى تارىم وزەنىنىڭ نەگىزگى اعارىنا جىبەرىلەتىن العاشقى سۋ تومەنگى اعارداعى داشيحايزى سۋ قويماسىنا جەتتى، ەكولوگيالىق سۋ يرەلەڭدەگەن وزەن ارناسىن بويلاپ تومەنگى اعارداعى جاسىل ءدالىزدى باسىپ، نەشە 100 كيلومەتر شالعايداعى اقىرعى قۇيار ساعا تەتىما كولىنە قۇيىلادى.
شينجياڭ تارىم وزەنى الابى نەگىزگى اعارىن باسقارۋ مەكەمەسى داشيحايزى سۋ قويماسىن باسقارۋ پۋنكتىنىڭ باستىعى شۇي شىڭۋ بىلاي دەپ تانىستىردى: وسى رەتكى ەكولوگيالىق سۋ جىبەرۋدە ۇلاسپالى فورمادا اعىزۋدى قولدانىپ، سۋ قويماسىنا سۋ ىرىكپەدىك، مۇندايدا تارىم وزەنىنىڭ تومەنگى اعارىنىڭ ەكولوگياسىن جونگە سالۋ تابىسى ونان ارى بەكەمدەلدى.
”مەن بۇل ارادا 12 جىل قىزمەت ىستەدىم، تالاي جىلداردان بەرى ءۇرتىس ەكولوگيالىق سۋ جىبەرىلىپ، تارىم وزەنى ەكى جاعالاۋىندا تىرشىلىك لەبى ەستى، جىڭعىل، سەكسەۋىل سياقتى تابيعي جامىلعىلار ءۇرتىس مولايىپ، ەكولوگيالىق ورتا كورنەكتى جاقساردى“، - دەدى چارقىلىق اۋدانىنىڭ مەملەكەت دارەجەلى الەۋمەتتىك يگىلىك ورمانى شىبىركول باسقارۋ - قورعاۋ پۋنكتىنىڭ باستىعى ادىل ياسىن.
ۇعىسۋعا قاراعاندا، 2000 - جىلدان بەرى رايونىمىز ىلگەرىندى - كەيىندى تارىم وزەنىنىڭ تومەنگى اعارىنا ەكولوگيالىق سۋ جىبەرۋگە 21 رەت ۇيىمداستىرعان، داشيحايزى سۋ قويماسىنان جالپى 8 ميلليارد 445 ميلليون تەكشەمەتر ەكولوگيالىق سۋ جىبەرىلگەن. ءۇرتىس سۋ جىبەرۋ تومەنگى اعار ەكولوگياسىنىڭ اۋىر دارەجەدە ناشارلاۋ جاعدايىن ءونىمدى باسەڭدەتىپ، سۋ جىبەرىلگەن وڭىرلەردىڭ جەر استى سۋىنىڭ سۋ دەڭگەيى كوتەرىلىپ، جەر استى سۋىنىڭ سۋ ساپاسى جاقسارىپ، تومەنگى اعارداعى حايۋانات، وسىمدىك تۇرلەرى مەن سانى ءۇرتىس ارتىپ، قورشاعان ورتا جاقسارعان.
باقىلاۋ - ولشەۋ ساندى مالىمەتىندە كورسەتىلۋىنشە، ەكولوگيالىق سۋ جىبەرۋ باستالعاننان بەرى تارىم وزەنى تومەنگى اعارىنىڭ نەگىزگى وزەن ارناسىنان ءبىر كيلومەتر قاشىقتىقتاعى جەر استى سۋىنىڭ ساقتالۋ تەرەڭدىگى 9.8 − 10.1 مەتردەن 2.1 − 5.3 مەترگە كوتەرىلىپ، وسىمدىك جامىلعىسىنىڭ قالپىنا كەلۋ جانە جاقسارۋ اۋماعى 2285 شارشى كيلومەترگە جەتىپ، وسىمدىكتەردىڭ ءتۇرى 17دەن 46عا كوبەيگەن.
شينجياڭ تارىم وزەنى الابىن باسقارۋ مەكەمەسىنىڭ قاتىستى جاۋاپتىسى بىلاي دەپ تانىستىردى: كەزەكتە الاپتى باسقارۋ تاراۋلارى وزەن ارناسىن شارلاپ تەكسەرۋدى كۇشەيتۋگە كۇش سالىپ، جاعالاۋدان زاڭسىز سۋ الۋدى شەكتەپ، ەكولوگيالىق سۋ مولشەرىن جەتكىلىكتى جىبەرۋگە ءارى تۇگەلدەي ەكولوگيانى قالپىنا كەلتىرۋگە پايدالانۋعا شىنايى كەپىلدىك ەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
