بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى ارناۋلى تاقىرىپتىق ءماجىلىس اشتى

اۋىل شارۋاشىلىعى، اۋىل - قىستاق، شارۋالار قىزمەتىنىڭ تۇتاس جىلدىق نىسانا - مىندەتىنىڭ جۇزەگە اسىرىلۋىنا شىنايى كەپىلدىك ەتۋ كەرەك

2021.08.05 17:22     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ليۋ ي 8 - ايدىڭ 3 - كۇنى ۇرىمجىدەن حابارلايدى. 8 - ايدىڭ 3 - كۇنى اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى ارناۋلى تاقىرىپتىق ءماجىلىس اشىپ، الدىڭعى جارتى جىلدىق اۋىل شارۋاشىلىعى، اۋىل - قىستاق قىزمەتى جاعدايىن قورىتىندىلاپ، «2021 - جىلى الدىڭعى جارتى جىلداعى اۆتونوميالى رايوننىڭ اۋىل شارۋاشىلىعى، اۋىل - قىستاق، شارۋالار قىزمەتى قورىتىندىسى، سونداي - اق سوڭعى جارتى جىلدىق قىزمەتتى جاقسى ىستەۋ ۇسىنىسىن»، «اۆتونوميالى رايوننىڭ اۋىل - قىستاقتى گۇلدەندىرۋدەن ۇلگى كورسەتەتىن اۋىل - قالاشىقتار، ۇلگى كورسەتەتىن قىستاقتار ءتىزىمى» قاتارلىلاردى تىڭداپ قاراپ، قازىرگى اۋىل شارۋاشىلىعى، اۋىل - قىستاق، شارۋالار ءتۇيىندى قىزمەتتەرىن اقىلداسىپ ورنالاستىردى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: بيىل جىل باسىنان بەرى، بۇكىل رايون اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن تياناقتاندىرىپ، اۋىل شارۋاشىلىعى، اۋىل - قىستاق ەكونوميكاسىنىڭ ۇزدىكسىز اقاۋسىز دامۋىن ىلگەرىلەتىپ، اۋىل - قىستاق قوعامىنىڭ جاراسىمدىلىعىن، ورنىقتىلىعىن ساقتاپ، ”14 - بەسجىلدىق“ باستالعان جىلدا اۋىل شارۋاشىلىعى، اۋىل - قىستاق، شارۋالار قىزمەتىندە تاماشا باستاما اشتى.

  ءماجىلىس مىنالاردى باسا دارىپتەدى: قىزمەت جاۋاپكەرشىلىگىن ونان ارى ناقتىلاندىرىپ، اۆتونوميالى رايوندىق پارتكوم ورنالاستىرعان ءتۇيىندى قىزمەتتەرمەن سالىستىرىپ، مىندەتتى ءجىتى قاداعالاپ، ريتىمىن يگەرىپ، ءبىر تۇتاس جوسپارلاپ ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ دامۋىنىڭ جاقسى جاعدايىن بەكەمدەپ، تۇتاس جىلداعى نىسانا - مىندەتتەردىڭ جۇزەگە اسىرىلۋىنا شىنايى كەپىلدىك ەتۋ كەرەك.

  ءماجىلىس مىنالاردى تالاپ ەتتى: جازدىق استىق ساتىپ الۋ سياقتى قىزمەتتەردى ۇزدىكسىز جاقسى ىستەپ، قازىرگى اۋىل شارۋاشىلىعى ءوندىرىسىن ويداعىداي يگەرۋ كەرەك. شينجياڭنىڭ اۋىل شارۋاشىلىعى ونىمدەرىندەگى ”ەكى تور“ قۇرىلىسىن ىلگەرىلەتىپ، اۋىل شارۋاشىلىعى ونىمدەرىن ءوندىرۋ مەن ساتۋدى ۇشتاستىرۋدى جاقسى ىستەۋ كەرەك. شارۋالاردى جۇمىستاندىرىپ كىرىسىن ارتتىرۋ جانە اۋىل شارۋاشىلىعىندا اپاتتان ساقتانۋ، اپات زيانىن ازايتۋ قىزمەتىن جاقسى يگەرىپ، قونىس ورتاسىن رەتتەۋ - جونگە سالۋدى كۇش سالا ىلگەرىلەتىپ، اۋىل - قىستاق دارەتحانا توڭكەرىسىن مىقتاپ يگەرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، كولەمدى قايتا كەدەيلەسۋدىڭ تۋىلماۋىنىڭ تومەنگى شەگىن باتىل ساقتاۋ كەرەك. اۋىل - قىستاقتىڭ ومىرشەڭدىگىن اناعۇرلىم جانداندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، شينجياڭعا كومەكتەسۋ مەحانيزمىنەن جاقسى پايدالانىپ، ءتۇرلى قىزمەتتەردىڭ ناقتى تياناقتانۋىن جوعارى ولشەممەن، جوعارى ساپامەن ىلگەرىلەتۋ كەرەك.

  اۆتونوميالى رايوننىڭ ورىنباسار ءتوراعاسى ياڭ فاسىن قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار