وسى زامانعى قىزمەت وتەۋ كاسىبىنىڭ بەت - بەينەسى كۇن سايىن تۇرلەنىپ، اي سايىن جاڭارۋدا
انار بۇلت / شينجياڭ گازەتىنىڭ ءتىلشىسى كاڭ حاۋيان
2021.08.06 15:53 كەلۋ قاينارى : شينجياڭ گازەتى
تاياۋدا 2021 - جىلعى شينجياڭ ەكونوميكاسىنىڭ ”جارتى جىلدىق مالىمەتى“ جاريالاندى، قىزمەت وتەۋ كاسىبى ۇزدىكسىز قالپىنا كەلىپ، كاسىپورىنداردىڭ پايداسى ۇزدىكسىز ارتقان.
بيىل 1 - ايدان 5 - ايعا دەيىن، بۇكىل رايونداعى كولەمنەن جوعارى قىزمەت وتەۋ كاسىبى كاسىپورىندارىنىڭ تيجارات كىرىسى 110 ميلليارد 379 ميلليون يۋان بولىپ، بىلتىرعى ۇقساس مەزگىلدەگىدەن ％16.5، 2 جىلدا ورتا ەسەپپەن ％3.2 ارتقان؛ بۇكىل رايونداعى كولەمنەن جوعارى قىزمەت وتەۋ كاسىبى كاسىپورىندارىنىڭ جالپى پايدا سوماسى 10 ميلليارد 530 ميلليون يۋان بولىپ، سايكەس مەزگىلدەگىدەن ％43.5 ارتقان.
الەمنىڭ كاسىپ قۇرىلىمى ونەركاسىپ تيبىندەگى ەكونوميكادان قىزمەت وتەۋ تيبىندەگى ەكونوميكاعا قاراي جەدەل بۇرىلىس جاساعان جاعدايدا، شينجياڭنىڭ بايتاق دالاسىندا وسى زامانعى زات اينالىمى، بۇلتتىق ەسەپتەۋ، ءىرى ساندى مالىمەت، زەردەلى كۇتىنۋ سياقتى وسى زامانعى قىزمەت وتەۋ كاسىبىندە كۇن سايىن تۇرلەنىپ، اي سايىن جاڭارعان وزگەرىس جارىققا شىعۋدا.
وسى زامانعى زات اينالىمى قالا مەن اۋىلدى ”تورلادى“
7 - ايدىڭ 30 - كۇنى تۇستەن بۇرىن كۇشار قالاسى چىمان قالاشىعىندا جەدەل جەتكىزۋشى ءومار احىمەت جايشىلىقتاعىداي اۋىل - قىستاقتاردى ارالاپ ءجۇردى. بىلتىر چىمان قالاشىعىنىڭ ەلەكتروندى ساۋدا قىزمەت وتەۋ پۋنكتى قۇرىلعان بولاتىن، بۇرىن كۇشار قالاسىنا دەيىن عانا جەتكىزىلەتىن جەدەل جەتكىزۋ قازىر وسى اراعا دەيىن كەلەتىن بولدى، ءومار احىمەت الدىن الا كەلىسكەن ۋاقىت بويىنشا قالاشىقتاعى 19 قىستاقتىڭ قىستاق تۇرعىندارىنا رەتىمەن جولدامالارىن جەتكىزىپ بەرىپ، قىستاق تۇرعىندارىنا ينتەرنەتتەن ساتىپ الۋدىڭ قولايلىلىعىن شىنايى سەزىندىردى. ءبىر جىلدان بەرى، جەدەل جەتكىزۋدىڭ ”تور كوزى“ كەڭەيىپ، اتالعان قىزمەت وتەۋ پۋنكتىنىڭ جەدەل جەتكىزۋ جولدامالارىن قابىلداۋ - جونەلتۋ مولشەرى شامامەن 30 مىڭ داناعا جەتتى.
جەدەل جولدامانى اۋىل - قىستاققا جەتكىزۋدىڭ ”ەڭ سوڭعى ءبىر كيلومەترىن“ ىركىلىسسىزدەندىرۋ ءۇشىن، كۇشار قالاسى قالا، اۋىل، قىستاق سىندى 3 دارەجەلى ىقپالداستىقتى كۇشەيتىپ، جيڭدۇڭ جەدەل جەتكىزۋى، شۇنفىڭ جەدەل جەتكىزۋى، جۇڭتۇڭ جەدەل جەتكىزۋ سياقتى كوپتەگەن جەدەل جەتكىزۋ سەرىكتەستىكتەرىمەن اقىلداسىپ اۋىل - قالاشىق ەلەكتروندى ساۋداسى بويىنشا جەتكىزۋ اقىسىنا جاردەماقى بەرەتىن بولدى، قازىر 14 اۋىلدى (قالاشىق) جەدەل جەتكىزۋ پۋنكتتەرىمەن تولىق قامتۋدى جۇزەگە اسىرىپ، قىستاق دارەجەلى قىزمەت وتەۋ پۋنكت تۇيىندەرىن قۇرۋ ％45تەن استامعا جەتىپ، اۋىل - قىستاقتى قامتىعان جەدەل جەتكىزۋدىڭ ”سوڭعى بۋىندىق قىزمەت وتەۋ تورىن“ تۇلعالادى.
سوڭعى بۋىننىڭ اينالىمى ىركىلىسسىز بولىپ، ”كۇرە تامىر“ دا كەڭەيىپ كەلەدى. سوڭعى جىلدارى، شينجياڭ جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات اينالىمى ورتالىعى قۇرىلىسىن ىلگەرىلەتىپ، كوپتەگەن اۆياتسيا سەرىكتەستىكتەرىنىڭ شينجياڭعا كىرىپ - شىعاتىن اۋە لەنيالارى جيىلەپ، تەمىر جول ارنالارى ”ءبىر نەگىز، ەكى قانات“ ارناسىن قالىپتاستىرىپ، جوعارى جىلدامدىقتى تاس جول تورابى شار تاراپقا تۇتاسىپ، بارلىق ايماق، وبلىس، قالانى قامتىپ، وسى زامانعى زات اينالىمى دامۋىنىڭ قاتتى بولشەك نەگىزى ۇزدىكسىز كەمەلدەندى.
”اۆتوماتتى سۇرىپتاۋ جەلىسىن ەنگىزگەننەن كەيىن، ءار كۇنى جەدەل جەتكىزۋ جولدامالارىن ءبىر جاقتى ەتۋ قابىلەتى ميلليون داناعا تاياپ، ونىمدىلىگى بۇرىنعى قولمەن سۇرىپتاۋدىڭ 4 ەسەسىنە جەتتى“. شينجياڭ تيانيۋان جۇڭتۇڭ زات اينالىمى شەكتى سەرىكتەستىگى حاۋىپسىزدىك ءبولىمىنىڭ ديرەكتورى سۇن ليميننىڭ ايتۋىنشا، ليانيۇنگاڭ - قورعاس جوعارى جىلدامدىقتى تاس جولىنىڭ (G30) سانجى باتىس كىرە بەرىسىنەن ءبىر كيلومەترگە جەتپەيتىن جەرگە ورنالاسقان بۇل سەرىكتەستىك جۇڭتۇڭ جەدەل جەتكىزۋ شينجياڭ باس شتابىنىڭ ۇلەستىرۋ - تاراتۋ ورتالىعى. سەرىكتەستىك زور مولشەردە ارتقان جەدەل جەتكىزۋ قاجەتىن قاناعاتتاندىرۋ ءۇشىن، وڭىرلىك باسىمدىققا سۇيەنە وتىرىپ، تاسىمال جەلىلەرىن كوبەيتىپ، تەحنيكالىق جاڭارتۋ جۇمىستارىن جۇرگىزگەن.
”ۋاڭمي“ كاسىبى گۇلدەندى، 1 - ايدان 5 - ايعا دەيىن بۇكىل رايونداعى كولەمنەن جوعارى قاتىناس - تاسىمال، قامبادا ساقتاۋ جانە پوچتا كاسىبى كاسىپورىندارىنىڭ تيجارات كىرىسى 61 ميلليارد 586 ميلليون يۋانعا جەتىپ، سايكەس مەزگىلدەگىدەن ％19 ارتىپ، كولەمنەن جوعارى قىزمەت وتەۋ كاسىبىنىڭ 8.9 پايىز ارتۋىن، كاسىپورىن پايداسىنىڭ ％61.8 ارتۋىن جەبەدى.
ينفورماتسيالىق قىزمەت وتەۋ ارشىندى دامۋدا
تاياۋدا قارامايلى بۇلتتىق ەسەپتەۋ كاسىپ باقشاسى رايونىنداعى 2 كاسىپورىن جاساعان تۇعىرلار كاسىپورىنداردىڭ بۇلتتىق تۇعىرلارعا شىعۋى بويىنشا مەملەكەتتىڭ 2020 - جىلعى تيپتىك مىسالى بولىپ تاڭدالدى. ”تۇتىنۋشىلار ەت ءونىمىنىڭ بەتىندەگى ەكى ولشەمدى كودتى جايمالاپ، باعۋ، سويۋ، وڭدەۋ، ساقتاۋ، ساتۋ سياقتى تۇتاس كاسىپ تىزبەگى ينفورماتسيالارىن قۋزاستىرىپ، ءتىپتى دە الاڭسىز بولادى“. شينجياڭ چيسىحۋا ينفورماتسيا عىلىم - تەحنيكا شەكتى سەرىكتەستىگىنىڭ جاۋاپتىسىنىڭ ايتۋىنشا، وسى سەرىكتەستىكتىڭ ”شينجياڭ مال شارۋاشىلىعى بۇلتتىق كەشەندى قىزمەت وتەۋ تۇعىرى“ وسى رەت تاڭدالعان مىسالداردىڭ ءبىرى بولىپ، زاتتار ينتەرنەتى ارقىلى مال شارۋاشىلىعى باعىمشىلىق كاسىبىن زەردەلى باسقارۋدى جۇزەگە اسىرعان.
ونەركاسىپ، كەن، ەگىن، مال شارۋاشىلىعى كاسىبىنە سيفرلى ءوندىرىس جاعىنان قولداۋ كورسەتىپ، قالا باسقارۋ ءۇشىن ينفورماتسيالانعان قىزمەت وتەۋ قامتاماسىزدىعىن ۇسىنىپ، تۇرعىنداردىڭ تۇتىنۋىنا پاراساتتى تەحنيكالىق تىرەك ازىرلەدى، ”سيفرلى، زەردەلى يۇنحاي“ كاسىپ سالاسىنىڭ ىشكەرىلەي توعىسۋى بارىسىندا ءار كاسىپتىڭ عىلىم - تەحنيكالىق جاڭالىق اشۋ وزگەرىسىن جەبەۋ ۇستىندە. سيفرلى ەكونوميكانىڭ بيىك تۇرعىسى بىرتىندەپ ەكونوميكانىڭ دامۋىنا دەم بەرەتىن جاڭا قوزعالتقىشقا اينالدى.
”اۆتونوميالى رايوننىڭ ’تيانشان بۇلتى‘ جوسپارىنىڭ وزەكتى بازاسى رەتىندە، باقشا رايونى بۇلتتىق ەسەپتەۋ، ءىرى ساندى مالىمەت، زاتتار ينتەرنەتى، جاساندى زەردە، جاعراپيالىق ينفورماتسيا سياقتى كاسىپ شوعىرلارىن ءتۇيىندى تۇردە دامىتتى، قازىر ’بۇلتتى‘ شوعىرلاندىرۋدىڭ كولەمدىك اسەرى مەن ىقپال كۇشى نەگىزىنەن قالىپتاستى“، - دەدى قارامايلى قالاسى بۇلتتىق ەسەپتەۋ كاسىپ باقشاسى رايونىن باسقارۋ كوميتەتى ەكونوميكالىق - تەحنيكالىق دامۋ مەكەمەسىنىڭ باستىعى باي لۋ تانىستىرا كەلىپ.
قازىر باقشا رايونىنا 110نان استام كاسىپورىن ىرگە تەۋىپ، حۋاۋي بۇلتتىق قىزمەت وتەۋ ساندى مالىمەت ورتالىعى، جۇڭگو مۇناي ساندى مالىمەت ورتالىعى (قارامايلى)، جۇڭگو يدۇڭ (شينجياڭ قارامايلى) ساندى مالىمەت ورتالىعى سياقتى ءىرى ساندى مالىمەت ورتالىقتارىنىڭ كولەمى ۇزدىكسىز كەڭەيىپ، جىبەك جولى ەكونوميكالىق بەلدەۋى كينو - تەلەۆيزيا، كارتون تۋىندىلارىن بوياپ وڭدەۋ بازاسىنىڭ بوياپ وڭدەۋ تۇيىندەرى مەجەمەن 10 مىڭنان اسىپ، قارامايلى تانحى ينتەرنەت عىلىم - تەحنيكا شەكتى سەرىكتەستىگى بۇلتتىق ەسەپتەۋ ورتالىعى سياقتى ءبىر توپ ءتۇيىندى نىساندار باقشا رايونىنا ىرگە تەپتى.
بۇكىل شينجياڭعا نازار سالساق، ينفورماتسيا جەتكىزۋ، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ شوعىرلى دامىپ، ”بۇلتتانۋ“ اۋقىمىن قالىپتاستىردى. شينجياڭ جىبەك جولى ەكونوميكالىق بەلدەۋى وزەكتى رايونىنىڭ ساندى مالىمەت، ەسەپتەۋ امالى جانە ەسەپتەۋ قابىلەتى ورتالىعىن جەدەل قۇرعان جاعدايدا، شينجياڭ جۇمساق بولشەك باقشاسىنداعى، ءۇرىمجى بۇلتتىق ەسەپتەۋ كاسىپ سالاسى بازاسىنداعى، قارامايلى بۇلتتىق ەسەپتەۋ كاسىپ باقشاسىنداعى، شينجياڭ ينفورماتسيا كاسىپ باقشاسىنداعى كاسىپورىنداردىڭ شوعىرلى دامۋ اياق الىسى تەزدەپ، ”ەكى وزەك، كوپ جۇلدىز“ دامۋ جۇلگەسىن قالىپتاستىرىپ، ساندى مالىمەت قىزمەت وتەۋ قابىلەتى باتىس بولىكتە الدىڭعى قاتاردان ورىن الدى. بيىل 1 - ايدان 5 - ايعا دەيىن، بۇكىل رايوندا كولەمنەن جوعارى ينفورماتسيا جەتكىزۋ، جۇمساق بولشەك جانە ينفورماتسيالىق تەحنيكا قىزمەت وتەۋ كاسىبى كاسىپورىندارىنىڭ تيجارات كىرىسى 19 ميلليارد 484 ميلليون يۋانعا جەتىپ، بىلتىرعى ۇقساس مەزگىلدەگىدەن ％8.9 ارتتى.
ەمدەۋ مەن دەنساۋلىق كۇتىمدەۋدى ۇشتاستىرۋ گۇلدەنىپ كەلەدى
8 - ايدىڭ 1 - كۇنى 65 جاستاعى جاڭ جيانجۇڭ التاي ايماقتىق جينتاي دەنساۋلىق كۇتىمدۋ ورتالىعىنا ۋاقىتشا تۇرۋعا تاعى كەلىپ، ەمدەۋ، كۇتىمدەۋ، ساياحات ءبىر تۇلعالانعان ”جىل قۇسى ۇلگىسىندەگى“ زەينەتكەرلىك قىزمەت وتەۋ بارىسىندا ”باياندى باقىتتان“ يگىلىكتەندى.
”4 جىلدان استام ۋاقىتقا جالعاسقان تيپ وزگەرتۋ ىزدەنىسى بارىسىندا، ءبىز بۇرىنعى ەكى حالىقتىق شيپاحانانى دەنساۋلىق كۇتىمدەۋ ورتالىعىنا وزگەرتىپ، ەمدەۋ، ساۋىقتىرۋ - كۇتىمدەۋ، سالاماتتىق باسقارۋ باسىمدىعىن تولىق ساۋلەلەندىرىپ، قارتتارعا قىزمەت وتەدىك“، - دەدى شينجياڭ جينسىنيانحۋا زەينەتكەرلىك ىستەرىن دامىتۋ شەكتى سەرىكتەستىگىنىڭ باس ديرەكتورى فىڭ كايگى.
اۆتونوميالى رايوننىڭ ەمدەۋ مەن كۇتىمدەۋدى ۇشتاستىرۋ قۇرىلىمدارىن دامىتۋعا ىنتالاندىرۋىنىڭ ارقاسىندا، بۇل سەرىكتەستىك التاي ايماعى جينتاي دەنساۋلىق كۇتىمدەۋ ورتالىعى، بۋىرشىن اۋدانى جينتاي دەنساۋلىق كۇتىمدەۋ ورتالىعى سىندى 2 زەينەتكەرلىك قىزمەت وتەۋ قۇرىلىمىن وزگەرتىپ قۇردى، وعان بۇرىنعى حالىقتىق 3 ەمدەۋ قۇرىلىمىنىڭ 30 مىڭ شارشى مەتردەن استام تيجارات كولەمىن قوسقاندا، دەنساۋلىق كۇتىمدەۋ توسەگىنەن 650ىن ازىرلەپ، قارتتار قاۋىمىنان جىل بويى تۇراقتى تۇردە 283 ادامعا قىزمەت وتەيدى، ۋاقىتشا تۇرىپ دەنساۋلىق كۇتىمدەيتىن قارتتاردان جىلىنا 3000 ادام - رەت قابىلداي الادى.
سوڭعى 2 جىلدا شينجياڭ ەمدەۋ مەن كۇتىمدەۋدى ۇشتاستىرۋعا قاتىستى ساياساتتاردى ءجيى شىعارىپ، قارتتار سالاماتتىعى بويىنشا قىزمەت وتەۋ جۇيەسى قۇرىلىسىن ىلگەرىلەتتى. ايماق، وبلىس، قالالار جەرگىلىكتى جاعدايعا قاراي ىستەپ، سالاماتتىق قىزمەت وتەۋ كاسىبىنىڭ ساياحاتپەن، زەينەتكەرلىك كاسىبىمەن توعىسپالى دامۋىن جەدەلدەتىپ، ەمدەۋ، ساياحات، زەينەتكەرلىك، كۇتىنۋ ءبىر تۇلعالانعان ”جىل قۇسى ۇلگىسىندەگى“ ەمدەۋ، زەينەتكەرلىك قىزمەت وتەۋ ۇلگىسى جونىندە ىزدەنىس جاساۋدا.
قازىرگى تاڭدا تيانشان الابىندا، كۇن سايىن تۇرلەنىپ، اي سايىن جاڭالانعان وسى زامانعى قىزمەت وتەۋ كاسىبى جوعارى ساپالى دامۋ جولىندا نىق قاداممەن العا باسۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
