قورعانىس تورابىن بەكەمدەپ، ەمدەۋ - قۇتقارۋ قۋاتىن جوعارىلاتۋ كەرەك
الەۋمەتتىك دەنساۋلىق ساقتاۋ جۇيەسىن قۇرۋ ءۇشىن تاعى دا كۇش قوسايىق («14 – بەسجىلدىق» جوبانى وسىلاي باستادىق)
«حالىق گازەتىنىڭ» ءتىلشىسى
2021.08.06 17:04 كەلۋ قاينارى : حالىق تورابى
باس شۋجي شي جينپيڭ بىلاي دەپ دارىپتەگەن بولاتىن: قۇدىرەتتى الەۋمەتتىك دەنساۋلىق ساقتاۋ جۇيەسىن ورناتىپ، ساقتاندىرۋ، ءۇن قوسۋ مەحانيزمىن اقاۋسىزداندىرىپ، ساقتانۋ، تىزگىندەۋ جانە قۇتقارۋ قۋاتىن جاپپاي جوعارىلاتىپ، قورعانۋ تورىن تىعىز توقىپ، اۋاشالاۋ داۋالىن بەكەمدەگەندە عانا حالىقتىڭ سالاماتتىعىن شىنايى قورعاۋعا پارمەندى كەپىلدىك ەتۋگە بولادى.
«14 – بەسجىلدىق» جوبا باعدارلاماسىندا مىناۋ ورتاعا قويىلدى: حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، ساقتانۋدى نەگىز ەتۋ باعىتىندا تاباندى بولىپ، سالاماتتى جۇڭگو ارەكەتىن ىشكەرىلەي اتقارىپ، حالىقتىڭ سالاماتتىعىن جەبەۋ ساياساتىن كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ بويىنشا ساقتانۋ تورىن بەكەمدەپ، حالىققا جالپى تىرشىلىك پەريودى بويىنشا جان - جاقتى اقاۋسىز قىزمەت وتەۋ كەرەك.
مەملەكەتتىك اۋرۋدان ساقتانۋ - تىزگىندەۋ مەكەمەسى 5 - ايدىڭ 13 - كۇنى رەسمي ماڭدايشالىق اسىپ قۇرىلدى، بۇل ەلىمىزدىڭ الەۋمەتتىك دەنساۋلىق ساقتاۋ جۇيەسى رەفورماسىندا شەشۋشى قادام تاستالعانىنان دەرەك بەرەدى. جاڭا قۇرىلىمداردىڭ قۇرىلۋى توسىن تۋىلعان الەۋمەتتىك دەنساۋلىق ساقتاۋ وقيعالارىنا اناعۇرلىم ويداعىداي توتەپ بەرىپ، كۇشتەردى ۇيىمداستىرىپ جانە جۇمىلدىرىپ، ساقتانۋ - تىزگىندەۋدى جۇرگىزۋمەن بىرگە، سالاماتتى دامۋدىڭ جاڭا بەتالىسىنا سايكەسىپ، حالىقتىڭ اقاۋسىز دامۋىنىڭ جاڭا قاجەتىنە بەلسەندىلىكپەن توتەپ بەرۋگە مۇمكىندىك جاراتادى.
− مەملەكەتتىڭ كەلەلى الەۋمەتتىك دەنساۋلىق ساقتاۋ وقيعالارى مەديتسينالىق ورتالىعى جەدەل قۇرىلىپ، الەۋمەتتىك دەنساۋلىق ساقتاۋ قورعانىس شەبى اناعۇرلىم بەكەمدەلدى.
جەر بەتى 10 قابات، جەر استى ءبىر قابات، جالپى قۇرىلىس كولەمى 105 مىڭ شارشى مەتر كەلەتىن عيمارات جەردى جارىپ شىققانداي بوي كوتەردى، كوپتەگەن جۇمىسشى قۇرىلىستىڭ سىرتىنداعى تور شارباقتى شاعىپ، عيماراتقا اينەك داۋال مەن الۋمين تاقتا ورناتپاقشى بولدى. بۇل − ءتىلشىنىڭ بىرنەشە كۇننىڭ الدىندا ۋحان گۋاڭگۋ تۇڭجي بالالار شيپاحاناسى نىسانىنىڭ جۇمىس ورنىنان كورگەن كورىنىسى.
2020 - جىلى 4 - ايدا مەملەكەتتىك دەنساۋلىق ساقتاۋ، سالاماتتىق كوميتەتى حۋاجۇڭ عىلىم - تەحنيكا داشۋەسى تۇڭجي مەديتسينا شۋەيۋانىنا قاراستى تۇڭجي شيپاحاناسىن نەگىزگى تۇلعا ەتىپ، مەملەكەتتىك كەلەلى الەۋمەتتىك دەنساۋلىق ساقتاۋ وقيعاسى مەديتسينا ورتالىعىن قۇرىپ، بۇكىل ەلدەگى كەلەلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قۋاتى مەن ەمدەۋ، قۇتقارۋ دەڭگەيىن جوعارىلاتۋدى ۇيعاردى. بىرنەشە كۇننىڭ الدىندا مەملەكەتتىك كەلەلى الەۋمەتتىك دەنساۋلىق ساقتاۋ وقيعاسى مەديتسينا ورتالىعى تۇڭجي شيپاحاناسى گۋاڭگۋ اۋلاسى رايونىندا قۇرىلىس باستادى، گۋاڭگۋ تۇڭجي بالالار شيپاحاناسى ونىڭ ماڭىزدى قۇرامداس بولەگى بولىپ تابىلادى.
ءتىلشى قۇرىلىس ليفتىنە وتىرىپ قۇرىلىستىڭ ىشىنە كىردى، بىرنەشە بولمەلى بولنيتسا ءۇيى اشەكەيلەنىپ بولىپتى. بولنيتسا ۇيىنە بالالار قىزىعاتىن قابىرعا قاعاز جاپسىرىلعان، ەرەكشە ۇناسىمدى ەكەن. جۇڭگو قۇرىلىس 3 - مەكەمەسىنىڭ باس كوتەرمەگە الۋ سەرىكتەستىگى گۋاڭگۋ تۇڭجي بالالار شيپاحاناسى نىسانى جاۋاپتىسىنىڭ ۇنەمىلىك ىستەرگە جاۋاپتى ورىنباسار ديرەكتورى لين حۋامين بىلاي دەدى: «ءبىز رەليستى زات اينالىمى جۇيەسىن جوبالادىق. ءدارى - دارمەك ءدارىحانالاردان ءارقايسى بولىمگە جىبەرىلەدى، رەليستى زات اينالىمى جۇيەسى زات اينالىمى ونىمدىلىگىن جوعارىلاتۋمەن بىرگە، ادامدار ارا ۇشىراسۋدى ازايتادى».
حۋاجۇڭ عىلىم - تەحنيكا داشۋەسى تۇڭجي شيپاحاناسى گۋاڭگۋ اۋلاسىنىڭ اۆتوكولىك توقتاتۋ عيماراتىندا جالپى 3 مىڭ اۆتوكولىك توقتاتۋ ورنى بار. بۇل − قازىر ەل ىشىندەگى شيپاحانالاردىڭ جەكە كولەمى ەڭ ۇلكەن اۆتوموبيل توقتاتۋ عيماراتى، ونى كەز كەلگەن ۋاقىتتا شۇعىل جاعدايعا توتەپ بەرۋ، قۇتقارۋ بۇيىمدارىن قامتاماسىزداندىرۋ، ساقتاۋ جانە زەرتتەۋ بازاسىنا اينالدىرۋعا بولادى. «اۆتوكولىك توقتاتۋ عيماراتىنىڭ شار تاراپىنان اۋا الماسىپ تۇرادى، اشىق ۇلگىدە جوبالانعان. ورتتەن ساقتانۋ ەسىگىن نەمەسە ۋاقىتشا جاڭادان سالىنعان تام قابىرعاسىن تارتىپ قالسا، شارشى بولمە شيپاحاناسىنا اينالادى» دەدى تۇڭجي شيپاحاناسى مەملەكەتتىك ەلەۋلى الەۋمەتتىك دەنساۋلىق ساقتاۋ وقيعاسى مەديتسينا ورتالىعى كەڭسەسىنىڭ مەڭگەرۋشىسى ۋاڭ ليۋميڭ.
«14 - بەسجىلدىق» كەزىندە ەلىمىز جۇڭگو اۋرۋدان ساقتانۋ - تىزگىندەۋ ورتالىعىنىڭ 2 - مەرزىمدىك نىسانىن باستايدى ءارى جوعارى دەڭگەيدەگى ولكە دارەجەلى اۋرۋدى تىزگىندەۋ ورتالىعىنا سۇيەنىپ 15 اينالاسىنداعى وڭىرلىك الەۋمەتتىك دەنساۋلىق ساقتاۋ ورتالىعىن قۇرىپ، ىقپال جاساۋ، جەتەكتەۋ رولىن ساۋلەلەندىرىپ، ءوڭىر ىشىندەگى توسىن تۋىلعان الەۋمەتتىك دەنساۋلىق ساقتاۋ وقيعالارىن شۇعىل ءبىر جاقتى ەتۋ، تاجىريبەحانالاردى تەكسەرۋ - ولشەۋ، الەۋمەتتىك دەنساۋلىق ساقتاۋ دارىندىلارىن تاربيەلەۋ جانە عىلمي زەرتتەۋ سياقتىلاردى تەحنيكالىق تىرەكپەن قامداپ، بۇقارانىڭ ءومىرى مەن دەنساۋلىعىنا جانە حاۋىپسىزدىگىنە كەپىلدىك ەتەدى.
− مەملەكەتتىك شۇعىل مەديتسينالىق قۇتقارۋ - كومەكتەسۋ بازاسى قۇرىلىسى قاۋىرت جۇرگىزىلىپ، شۇعىل مەديتسينالىق قۇتقارۋ - كومەكتەسۋ اناعۇرلىم پارمەندى بولدى.
جاراقاتتى تەكسەرۋ، دىرىلدەتۋ، جۇرەكتى، وكپەنى قالپىنا كەلتىرۋ... «شۇعىل جاعدايعا توتەپ بەرۋ بورىشى بويىنشا 2021 – جىلعى ارەكەت» بىرلەسكەن مانەۆرىندەگى شارشى بولمە شيپاحاناسىنىڭ سالماقتى ناۋقاستاردى باقىلاۋ بولمەسىندە ەمدەۋ قىزمەتكەرلەرى «جارالىلاردى» شۇعىل ءارى تارتىپپەن قۇتقارۋدا.
شيپاحانانىڭ بولنيتسا ۇيىندە 40 ناۋقاس جاتا الادى، امبالاتوريا جانە شۇعىل قۇتقارۋ بويىنشا 200 ناۋقاس سيادى، بۇل تۇزگە ارنالعان سۇيەك اۋرۋلار ءبولىمى، نەرۆ سىرتقى اۋرۋلار ءبولىمى، كۇيىك اۋرۋلار ءبولىمى، پۋحيرۋرگيا ءبولىمى جانە جاق سىرتقى اۋرۋلار ءبولىمى، تۋىت ءبولىمى ولشەمى بويىنشا ەمدەۋدى جۇزەگە اسىرادى. مەملەكەتتىك دەنساۋلىق ساقتاۋ، شۇعىل جاعدايعا توتەپ بەرۋ جىلجىمالى ەمدەۋ، قۇتقارۋ ورتالىعىنىڭ (سىچۋان داشۋەسى حۋاشي شيپاحاناسى) قاتىستى جاۋاپتىسىنىڭ تانىستىرۋىنشا، سالماقتى ناۋقاستاردى باقىلاۋ اۋرۋحانالارىنا توسەك جانىنداعى تىنىس الۋ ماشيناسى، باقىلاۋ اسپابى، دىرىلدەتۋ اسپابى، 24 ساعاتتىق قان سۇزگىش، سىرتقى جارعاقتى وكپە سياقتى جوعارى دەڭگەيلى اسپاپتار ورناتىلعان، بۇل جارالىلاردى ەمدەپ - قۇتقارۋعا ەڭ جوعارى شەكتە قىزمەت ەتەدى ەكەن.
سىچۋان داشۋەسى حۋاشي شيپاحاناسى شۇعىل جاعدايعا توتەپ بەرۋ كەڭسەسىنىڭ مەڭگەرۋشىسى يان حۇي بىلاي دەدى: سىچۋان ولكەسى مەملەكەتتىك شۇعىل مەديتسينالىق قۇتقارۋ - كومەكتەسۋ بازاسىن قۇرىپ، قۇرلىق، اۋە سترەولدى، سايكەستى قۇتقارۋ - كومەكتەسۋ جۇيەسىن قۇرىپ، يۇننان، گۇيجوۋ، سىچۋان، چيڭحاي، شيزاڭ، ءتىپتى، توڭىرەكتەگى ەلدەرگە، سونداي - اق رايوندارعا ىقپال جاساپ، اۋىر ىندەت، ۋلانۋ، يادرولىق رادياتسيا سياقتى ەرەكشە توسىن وقيعالارعا توتەپ بەرۋ بارىسىندا ناۋقاستاردى شوعىرلى ەمدەۋ، قۇتقارۋ - ەمدەۋ رولىن ساۋلەلەندىرەدى.
«14 – بەسجىلدىق» جوبا كەزىندە ەلىمىز جاقىن ماڭدا بولۋ، ارنايىلاندىرۋ پرينسيبى بويىنشا، قازىرگى 3 - دارەجەلى ءىرى شيپاحانالاردى نەگىز ەتىپ، مەملەكەتتىڭ 20 اينالاسىنداعى شۇعىل مەديتسينالىق قۇتقارۋ - كومەكتەسۋ بازاسىن قۇرىپ، ەل ىشىندە وزىق، دۇنيە ءجۇزى بويىنشا بىرەگەي مەملەكەتتىك شۇعىل مەديتسينالىق قۇتقارۋ - كومەكتەسۋ بازاسىن قۇرىپ، ەلىمىزدىڭ شۇعىل مەديتسينالىق قۇتقارۋ - كومەكتەسۋ جۇيەسىن كەمەلدەندىرىپ، شۇعىل مەديتسينالىق قۇتقارۋ - كومەكتەسۋ مىندەتىن ارقالاپ، ءىشىنارالىق، ەل ىشىندەگى، ءتىپتى، حالىقاراداعى شۇعىل مەديتسينالىق قۇتقارۋ - كومەكتەسۋدىڭ وراسان زور رولىن ساۋلەلەندىرەدى.
− مەملەكەتتىڭ اۋىر ىندەتتى ەمدەۋ بازاسى قۇرىلىسى جەدەل ىلگەرىلەتىلىپ، ەمدەۋ مەن ساقتانۋدى ۇشتاستىرۋ اناعۇرلىم نىعايا ءتۇستى.
ىندەتتەن ساقتانۋ - تىزگىندەۋ بارىسىندا گۋاڭجوۋ جۇڭگوشا شيپاگەرلىك داشۋەسىنە قاراستى 1 - شيپاحانا شۇعىل ساقتانۋ - تىزگىندەۋ سيگنالىنا دەرەۋ ءۇن قوستى. قولباسشىلىق ورتالىعى بۇيرىق بەرىسىمەن، ەمدەۋ قىزمەتكەرلەرى مەن ارتقى شەپ قامتاماسىز ەتۋ قىزمەتكەرلەرى قورعانۋ كيىمىن كيىپ، دايىندىق جوبا بويىنشا جەدەل جينالىپ، شۇعىل جاعدايعا توتەپ بەرۋ قويماسىنداعى ىندەتتەن ساقتانۋ زاتتارىن جەدەل جوتكەپ، ءتۇرلى جابدىقتاردى جەدەل ىسكە قوستى... شيپاحانا باستىعىنىڭ ورىنباسارى ياڭ جۇڭچي بىلاي دەدى: ءبىز جۇڭگوشا شيپاگەرلىك پەن ءدارى - دارمەكتىڭ ەرەكشەلىگى مەن ابزالدىعىن ساۋلەلەندىرىپ، بۇقارانىڭ باس اماندىعى قورعانىس شەبىن ساقتايمىز.
گۋاڭجوۋ جۇڭگوشا شيپاگەرلىك داشۋەسىنە قاراستى 1 - شيپاحانا مەملەكەتتىڭ ءبىر تۇتاس جوباسىنا ساي، مەملەكەتتىك سالماقتى ىندەت ەمدەۋ بازاسىن بار كۇشپەن قۇردى. وزگەرتىپ سالىنعاننان كەيىنگى بولنيتسا سولتۇستىك عيماراتى تىنىس جولى جۇقپالى اۋرۋلارىن اۋاشالاۋ قاجەتىنە ساي، «ءۇش ءوڭىر، ەكى ارنا» بەيبىت كۇي مەن سوعىس كۇيى ۇشتاستىرىلعان سالماقتى ناۋقاستاردى باقىلاۋ بولنيتسا ۇيلەرىن جوبالاپ، ىندەتتەن ساقتانۋدىڭ قاجەتتى كەزىندە 200 سالماقتى ناۋقاستى توسەككە قابىلداپ ەمدەۋ قۋاتىن ازىرلەدى، سونداي - اق قىسىم اۋىرلاپ كەتكەن كەزدەگى وپەراتسيا بولمەسى، قىسىم اۋىرلاپ كەتكەن كەزدەگى باقىلاۋ بولمەسى سياقتى قۇرىلعىلار مەن جىلۋ شىعاراتىن ارناۋلى CT، جاساندى جارعاقتى وكپە سياقتى جابدىقتاردى ورناتىپ، ىندەت تۇتقيىل تۋىلعان جاعدايدا كەز كەلگەن ۋاقىتتا توتەپ بەرۋگە تولىق دايىندىق جاسادى. وزگەرتىپ سالىنعاننان كەيىنگى شيپاحانانىڭ سولتۇستىك عيماراتىندا ادەتتە قىزۋ امبۋلاتورياسى بولادى، تۇتقيىل ىندەت تۋىلعان كەزدە دەربەس اۋىر ىندەتتى ەمدەۋ - قۇتقارۋ ورنىنا اينالادى، سونداي - اق بولنيتساعا جاتۋ عيماراتى مەن بۇكىل شيپاحاناعا كەڭەيتىپ، دەرەۋ ىندەتكە قارسى اتتانۋ بازاسىن قالىپتاستىرۋعا بولادى.
«مەملەكەتتىڭ اۋىر ىندەتتى ەمدەۋ بازاسى قۇرىلىسى بارىسىندا ءبىز قىزۋ اۋرۋىنان ساقتانۋ جانە ونى ەمدەۋدەگى 400 دەن استام بايىرعى رەتسەپتى رەتتەپ جينادىق. قازىر ىندەتتەن ساقتانۋ - تىزگىندەۋ، شۇعىل جاعدايعا توتەپ بەرۋ قامباسىن ساقتاۋ جۇمىسى اياقتادى، مۇندا ماسكى، قورعانۋ كيىمى، تىنىس الۋ اپپاراتى سياقتى ءتۇرلى شۇعىل جاعدايعا توتەپ بەرۋ، ەمدەۋ بۇيىمدارى مەن جابدىقتارى تولىق، قۇتقارۋ بازاسىن وزگەرتىپ سالۋ ينجەنەرياسى مەجەمەن بيىل 11 - ايدان بۇرىن جاپپاي سالىنىپ بولىپ پايدالانۋعا بەرىلەدى.
«14 – بەس جىلدىق» جوبا مەزگىلىندە ەلىمىز تاعى مەملەكەتتىڭ 20 اينالاسىنداعى سالماقتى ىندەتتەن ساقتانۋ جانە ونى ەمدەۋ بازاسىن قۇرىپ، ۇكىمەت باسقارۋىنداعى شيپاحانالاردىڭ ىندەتتەن ساقتانۋ جانە ونى ەمدەۋ قۋاتى قۇرىلىسىن جاپپاي كۇشەيتىپ، جالپىلىق شيپاحانالاردىڭ ىندەتتەن ساقتانۋ جانە ونى ەمدەۋ قۇرىلعى قۇرىلىسى ولشەمىن كەمەلدەندىرىپ، شۇعىل جاعدايعا توتەپ بەرۋ، ەمدەۋ، قۇتقارۋ، زاپاس ساقتاۋ قۋاتىن جوعارىلاتىپ، شۇعىل جاعدايعا توتەپ بەرۋ جاعدايىندا ەمدەۋ، دەنساۋلىق ساقتاۋ قۇرىلىمدارىن جۇمىلدىرۋ، ءۇن قوسۋ، وڭىرلەر بىرلەسىپ ارەكەتتەنۋ، ادامداردى شوعىرلاندىرۋ، دارەجەگە، ساتىعا ءبولۋ، ءبولىپ ورنالاستىرۋ سياقتى اۋىر ىندەت ەمدەۋ مەحانيزمىن ورناتىپ جانە كەمەلدەندىرىپ، سالماقتى جۇقپالى اۋرۋلاردى ەمدەۋ، قۇتقارۋ قۋاتىن جوعارىلاتادى.
(«حالىق گازەتىنىڭ» تىلشىلەرى باي جيانفىڭ، ۋاڭ جۇنپيڭ، تيان دۋدۋ، ۋاڭ ميڭفىڭ، لي گاڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
