شينجياڭنان 8 اۋدان (قالا) بيىل تۇڭعىش توپتاعى مەملەكەت دارەجەلى ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتەتىن اۋدان بولىپ تاڭدالدى
2021.08.09 15:23 كەلۋ قاينارى : حالىق تورابى
شينجياڭ گازەتىنىڭ 8 - ايدىڭ 7 - كۇنى ۇرىمجىدەن بەرگەن حابارى. تاياۋدا ساۋدا ىستەرى مينيسترلىگى 2021 - جىلعى ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتەتىن اۋدانداردىڭ ەسىمدىگىن (1 - توپتاعى) جاريالادى، بۇل ەسىمدىككە بۇكىل ەل بويىنشا جالپى 148 اۋدان (قالا) ەنگەن، ال شينجياڭنان موڭعۇلكۇرە اۋدانى، قوبىقسارى موڭعۇل اۆتونوميالى اۋدانى، ءۇشتۇرپان اۋدانى، اۋات اۋدانى، ءپىشان اۋدانى، باعراش اۋدانى، كوكتوعاي اۋدانى، اقسۋ قالاسى (شابىتتاندىرىلاتىن تيپتىك اۋدان <قالا>) بولىپ ءساتتى تاڭدالدى.
ۇعىسۋعا قاراعاندا، ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتەتىن اۋدان قۇرۋ اۋىل - قىستاقتاعى ەلەكتروندىق ساۋدا بويىنشا الەۋمەتتىك قىزمەت وتەۋ جۇيەسىن كەمەلدەندىرۋگە، اۋدان، اۋىل، قىستاق ءۇش دارەجەلى زات اينالىمى جانە زات جەتكىزۋ جۇيەسىن اقاۋسىزداندىرۋعا، اۋىل - قىستاق ساۋدا اينالىمى كاسىپورىندارىنىڭ تيپىن وزگەرتۋىن، دارەجەسىن جوعارىلاتۋىن ىلگەرىلەتۋگە، اۋىل - قىستاقتاعى ەلەكتروندىق ساۋدا باستاماشىلارىن جەتىلدىرۋگە ءتۇيىندى تۇردە قولداۋ كورسەتەدى.
ساۋدا ىستەرى مينيسترلىگى، قازىنا مينيسترلىگى، مەملەكەتتىك اۋىل - قىستاقتى گۇلدەندىرۋ مەكەمەسىنىڭ جالپىلىق مەڭگەرمەسى «2021 - جىلى ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتۋ قىزمەتىن ورىستەتۋ جونىندەگى حابارلاندىرۋدى» بىرلەسىپ جاريالاپ، جەر - جەردى قارىز اقشا ٶسىمىن قازىنادان بەرۋ، قىزمەت وتەۋدى ساتىپ الۋ، قوسىمشا قاراجاتتىڭ ورنىنا سيلىق بەرۋ سياقتى قولداۋ تاسىلدەرىن الدىمەن قولدانىپ، قارجى ءبولۋ اياق الىسىن جەدەلدەتىپ، قارجىنىڭ پايدالانىلۋ ونىمدىلىگىن جوعارىلاتىپ، ورتالىق قازىنانىڭ قارجىسى ارقىلى قوعامدىق كاپيتالدى جەبەپ، اۋىل - قىستاقتاعى ەلەكتروندىق ساۋدانىڭ جوعارى ساپالى دامۋىن بىرگە ىلگەرىلەتىپ، اۋىل - قىستاق ساۋدا اينالىمى جۇيەسىنىڭ تيپىن وزگەرتۋدى، دارەجەسىن جوعارىلاتۋدى جەبەۋگە شابىتتاندىردى.
سوڭعى جىلدارى شينجياڭ اۋىل - قىستاقتاعى ەلەكتروندىق ساۋدا بويىنشا الەۋمەتتىك قىزمەت وتەۋ جۇيەسىنىڭ دەڭگەيىن جوعارىلاتۋ جانە ونى ساپالىلاندىرۋ، اۋىل - قىستاقتاعى ەلەكتروندىق ساۋدا بويىنشا زات اينالىمى جانە زات جەتكىزۋ جۇيەسىن ورناتۋ، اقاۋسىزداندىرۋ، اۋىل - قىستاق وسى زامانعى ساۋدا اينالىم جۇيەسىنىڭ تيپىن وزگەرتىپ، دارەجەسىن جوعارىلاتۋ، اۋىل - قىستاقتاعى ەلەكتروندىق ساۋدا دارىندىلارىن جەتىلدىرۋ جۇيەسىن ەگجەي - تەگجەيلىلەندىرۋ، ناقتىلاندىرۋ، اۋىل - قىستاقتاعى ەلەكتروندىق ساۋدا كاسىپ سالاسىن شوعىرلاندىرۋ جۇيەسىن ۇلعايتۋ، كۇشەيتۋ، اۋىل - قىستاقتاعى ەلەكتروندىق ساۋدا ۇلگىلەرىندە جاڭالىق اشۋ جۇيەسىن ىنتالاندىرۋ، قولداۋ ارقىلى ەلەكتروندىق ساۋدا ارقىلى اۋىل - قىستاقتى گۇلدەندىرۋگە دەم بەرۋدى ونان ارى ىلگەرىلەتىپ، شارۋالاردىڭ كىرىسىنىڭ ارتۋىن، اۋىل شارۋاشىلىق ونىمدىلىگىنىڭ ارتۋىن، اۋىل - قىستاقتىڭ دامۋىن جەبەدى. قازىرگە دەيىن بۇكىل شينجياڭدا مەملەكەت دارەجەلى ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتەتىن 57 اۋدان بار.
شينجياڭ ۇيعۇر اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ۇلگى كورسەتەتىن اۋدان قۇرۋ اۋىل - قىستاقتىڭ ينتەرنەتتىك تۇتىنۋ بازارىن جەتىلدىرۋگە، اۋىل شارۋاشىلىق ونىمدەرىنىڭ سىرتقا ساتىلاتىن ءتۇرى مەن كولەمىن كوبەيتۋگە، شارۋالاردىڭ كىرىسىن ارتتىرۋعا ءتيىمدى بولىپ قانا قويماي، اۋىل شارۋاشىلىق ونىمدەرىنىڭ تاۋارلانۋىن، ولشەمدەنۋىن، ماركالانۋىن ىلگەرىلەتۋگە دە ءتيىمدى بولىپ، اۋىل شارۋاشىلىعىنىڭ كاسىپ سالالانۋ، وسىزاماندانۋ، بازارلانۋ جانە حالىقارالانۋ اياق الىسىن جەدەلدەتەدى. بيىل شينجياڭ ۇيعۇر اۆتونوميالى رايونى ەلەكتروندىق ساۋدانى اۋىل - قىستاققا جەتكىزۋدەن جالپىلىق ۇلگى كورسەتۋ قىزمەتىن ۇزدىكسىز جەدەل ىلگەرىلەتىپ، «اۋىل - قىستاقتاعى ەلەكتروندىق ساۋدا بويىنشا الەۋمەتتىك قىزمەت وتەۋ جۇيەسى، ينتەرنەتكە جاناسقان اۋىل شارۋاشىلىق ەرەكشە ونىمدەرىنىڭ ءبىر توپ ايگىلى ماركاسى، اۋىل شارۋاشىلىق ونىمدەرى ەلەكتروندىق ساۋدا اينالىم تورى، اعىن مولشەرىن ساتۋ مولشەرىنە وزگەرتەتىن ءوندىرۋ مەن ساتۋدى ۇشتاستىرۋ مەحانيزمى، جەرگىلىكتى ەلەكتروندىق ساۋدا بويىنشا ءبىر توپ جاڭاشا شارۋالار جانە ەلەكتروندىق ساۋدا بازار نەگىزگى تۇلعالارى» سىندى اۋىل - قىستاقتاعى ەلەكتروندىق ساۋدانىڭ ءىرى ارناسىن ۇزدىكسىز بەكەمدەيدى جانە ونىڭ دەڭگەيىن جوعارىلاتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
