جياڭسۋ ولكەسى ياڭجوۋ قالاسىندا نۋكلەين قىشقىلىن تەكسەرۋ ورنىندا ايقاسپالى جۇعىمدالعاندار بايقالدى
بىرنەشە كادردىڭ جاۋاپكەرشىلىگى قۋزاستىرىلدى
2021.08.09 15:27 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ فاڭ 8 – ايدىڭ 8 – كۇنى نانجيڭنەن حابارلايدى. جياڭسۋ ولكەسى ياڭجوۋ قالالىق ءتارتىپ تەكسەرۋ، باقىلاۋ كوميتەتى 8 – ايدىڭ 8 – كۇنى حابارلاندىرۋ جاريالادى: سول جەردەگى نۋكلەين قىشقىلىن تەكسەرۋ ورنىندا ايقاسپالى جۇعىمدالۋ جاعدايى تۋىلىپ، ىندەتتەن ساقتانۋ – تىزگىندەۋ شارالارىن پارمەندى اتقارماعان بىرنەشە كادردىڭ جاۋاپكەرشىلىگى قۋزاستىرىلعان. وسىنىڭ الدىندا، گۋاڭليڭ رايونى ۋانتوۋ قالاشىعىنىڭ قازىنالىق ەسەپ جاساۋ ورتالىعىنىڭ قىزمەتكەرى ۋاڭ چياڭعا (زاڭعا اۋىر دارەجەدە قايشىلىق جاساعاندىقتان، ونىڭ ۇستىنەن دەلو تۇرعىزىلىپ، تەكسەرۋ جۇرگىزىلگەن ءارى مىندەتىنەن توقتاتىلعان) جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاس دەپ دياگنوز قويىلعان ءارى 23 ادام جۇعىمدالعان اۋىر زارداپ تۋدىرعان.
حابارلاندىرۋعا قاراعاندا، 7 – ايدىڭ 29 – كۇنىنەن 8 – ايدىڭ 1 – كۇنىنە دەيىن، ۋاڭ چياڭنىڭ نۋكلەين قىشقىلىن تەكسەرۋ ناتيجەسىنىڭ بولىمدى بولعانىنا قايتالاي تەكسەرۋ جۇرگىزۋ بارىسىندا، حانجياڭ رايونىنداعى قاتىستى جاقتار اۋاشالاۋ، باسقارۋ – مەڭگەرۋ قاتارلى تۇيىندەردە قىزمەتتى ويداعىداي ىستەمەگەن، ساقتانۋ – تىزگىندەۋ شارالارىن ناقتى، تىڭعىلىقتى اتقارماعان، وسىنىڭ سالدارىنان ىندەتتىڭ تارالۋىن كەلتىرىپ شىعارعان. حانجياڭ رايوندىق باقىلاۋ كوميتەتى بۇل دەلوعا تەكسەرۋ جۇرگىزگەن سوڭ، تىكەلەي جاۋاپكەرشىلىگى بار رايوندىق دەنساۋلىق ساقتاۋ – سالاماتتىق كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى، رايوندىق ىندەتتەن ساقتانۋ – تىزگىندەۋگە جەتەكشىلىك ەتۋ شتابى ەپيدەميولوگيالىق اۋاشالاۋ گرۋپپاسىنىڭ ورىنباسار باستىعى جياڭ ۋەيگە، رايوندىق اۋرۋدى تىزگىندەۋ ورتالىعىنىڭ مەڭگەرۋشىسى، رايوندىق ىندەتتەن ساقتانۋ – تىزگىندەۋگە جەتەكشىلىك ەتۋ شتابى نۋكلەين قىشقىلىنىڭ ۇلگىسىن الۋ گرۋپپاسىنىڭ ورىنباسار باستىعى حۋاڭ يوۋعا اكىمشىلىك ىستەر بويىنشا ەسكەرتۋ بەردى. بازاردى باقىلاۋ – باسقارۋ كوميتەتى حانجياڭ رايوندىق ۇكىمەتتىڭ دەنساۋلىق ساقتاۋ، ىندەتتەن ساقتانۋ قىزمەتىنە جاۋاپتى ورىنباسار رايون باستىعى، رايوندىق ىندەتتەن ساقتانۋ – تىزگىندەۋگە جەتەكشىلىك ەتۋ شتابىنىڭ ورىنباسار باس جەتەكشىسى ديڭ ميڭجىعا تەكسەرۋ جۇرگىزدى ءارى ونىڭ ۇستىنەن حابارلاندىرۋ شىعارىپ، سىندادى.
7 – ايدىڭ 29 – كۇنى، گۋاڭليڭ رايونى ۋانتوۋ قالاشىعى ليانحى قىستاعىنداعى نۋكلەين قىشقىلىن تەكسەرۋ ءتۇيىنىنىڭ ورنالاستىرىلۋى جۇيەلى بولماي، ناق مايدانداعى ۇيىمداستىرۋ بىلىققان كۇيدە بولعاندىقتان، وسىنىڭ سالدارىنان اتالعان نۋكلەين قىشقىلىن تەكسەرۋ ورنىندا ۋاڭ چياڭمەن تىكەلەي جاناسقان ادامدار جۇعىمدالىپ، قوعامدا ناشار ىقپال تۋدىرعان. گۋاڭليڭ رايوندىق ءتارتىپ تەكسەرۋ – باقىلاۋ كوميتەتى بۇل ىسكە دەلو تۇرعىزىپ، تەكتەۋ – تەكسەرۋ جۇرگىزگەن سوڭ، جاۋاپكەرشىلىك ارقالايتىن پارتيالى كادرلەر مەن ۇكىمەت قىزمەتكەرلەرىنىڭ جاۋاپكەرشىلىگىن قۋزاستىرعان، مۇندا: گۋاڭليڭ رايونى ۋانتوۋ قالاشىعى ليانحى قىستاعىنىڭ پارتيا باس ياچەيكا شۋجيى لياڭ ۋىنشياڭ نۋكلەين قىشقىلىن تەكسەرۋ تۇيىنىندەگى ءبىرىنشى جاۋاپتى ادام رەتىندە، تىكەلەي جاۋاپكەرشىلىك ارقالايتىندىقتان، وعان پارتيا ىشىندە ەسكەرتۋ بەرۋ جازاسى بەرىلگەن؛ ۋانتوۋ قالاشىقتىق پارتكومنىڭ مۇشەسى، حالىقتىق قارۋلى ءبولىمنىڭ باستىعى ۋاڭ لەي مىندەتكە ءىلىنىپ، كوتەرمەگە العان باسشى رەتىندە، نۋكلەين قىشقىلىن تەكسەرۋ ناق مايدانىن تالاپقا ساي جۇيەلى ۇيىمداستىرماعان، باسقارماعان، ول تىكەلەي جاۋاپكەرشىلىك ارقالايتىندىقتان، وعان پارتيا ىشىندە ەسكەرتۋ بەرۋ جازاسى بەرىلگەن. ۋانتوۋ قالاشىعىنىڭ ورىنباسار باستىعى سۇن چاۋ قىزمەت ءبولىسى بويىنشا باسقاراتىن باسشى رەتىندە، قىزمەت مىندەتى مەن جاۋاپكەرشىلىگىن مۇقيات اتقارماعان، نەگىزگى باسشىلىق جاۋاپكەرشىلىك ارقالايدى، وعان اكىمشىلىك ىستەر بويىنشا ەسكەرتۋ بەرۋ جازاسى بەرىلگەن؛ رايوندىق اۋرۋدى تىزگىندەۋ ورتالىعىنىڭ مەڭگەرۋشىسى، رايوندىق ىندەتتەن ساقتانۋ – تىزگىندەۋگە جەتەكشىلىك ەتۋ شتابى ۇلگى الىپ تەكسەرۋ جۇرگىزۋ گرۋپپاسىنىڭ باستىعى ۋ حۇڭشياڭ جەتەكشىلىك ەتۋ، قۋزاۋ قىزمەتىن پارمەندى ىستەمەگەندىكتەن، تىكەلەي جاۋاپكەرشىلىك ارقالايدى، وعان اكىمشىلىك ىستەر بويىنشا ەسكەرتۋ بەرۋ جازاسى بەرىلگەن. قالالىق ءتارتىپ تەكسەرۋ كوميتەتى، باقىلاۋ كوميتەتى گۋاڭليڭ رايوندىق پارتكومنىڭ ورىنباسار شۋجيى، رايوندىق ىندەتتەن ساقتانۋ – تىزگىندەۋگە جەتەكشىلىك ەتۋ شتابىنىڭ ورىنباسار باس جەتەكشىسى لي بينگە ءوزىن تەكسەرۋ تۋرالى بۇيرىق بەرگەن ءارى ونىڭ ۇستىنەن حابارلاندىرۋ شىعارىپ، سىنداعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
