جۇڭگونىڭ برازيليادا تۇراتىن باس ەلشىلىگى ا ق ش – نىڭ برازيليادا تۇراتىن ەلشىلىگىنىڭ حۋاۋەيدىڭ 5G تەحنيكاسىنا قاتىستى قاتە سوزىنە تويتارىس بەردى
2021.08.09 15:53 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى بيان جوجۋدىڭ 8 – ايدىڭ 7 – كۇنى برازيليا قالاسىنان بەرگەن حابارى. جۇڭگونىڭ برازيليادا تۇراتىن باس ەلشىلىگى 8 – ايدىڭ 7 – كۇنى تىلشىلەردىڭ سۇراۋىنا جاۋاپ بەرۋ فورماسى ارقىلى ا ق ش – نىڭ برازيليادا تۇراتىن باس ەلشىلىگىنىڭ مالىمدەمەشىسى برادفوردتىڭ جۇڭگونىڭ كاسىپورنى حۋاۋەيگە جات نيەتپەن سوقتىققانىنا قاتاڭ تويتارىس بەردى.
8 – ايدىڭ 6 – كۇنى برادفورد ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى سالليۋىننىڭ برازيلياعا ساپارلاي بارعانى جونىندە مالىمدەمە جاريالاپ: ا ق ش جاق حۋاۋەيدىڭ برازيلياداعى جانە باسقا مەملەكەتتەردەگى حابارلاسۋ قۇرىلعىلارى سالاسىنداعى كومەسكى رولى جونىندە ايرىقشا الاڭداۋشىلىق بىلدىرەدى، — دەگەن.
بۇل جونىندە جۇڭگونىڭ باس ەلشىلىگىنىڭ مالىمدەمەشىسى بىلاي دەگەن: ا ق ش جاق جۇڭگونىڭ 5G تەحنيكاسىنىڭ حاۋىپسىزدىگى مەن جۇڭگو كاسىپورىندارىنا باعىتتاي وتىرىپ، قاساقانا سوقتىعىپ، شىندىقتى بۇرمالادى، ونىڭ شىنايى ماقساتى — جۇڭگوعا جالا جابۋ، جۇڭگونىڭ جوعارى عىلىم – تەحنيكا سالاسىنداعى كاسىپورنىنا قىسىم كورسەتۋ، «ا ق ش – ىن باستى ورىنعا قويۋداعى» جانە ونىڭ عىلىم – تەحنيكا سالاسىنداعى مونوپوليالىق ورنىن قورعاۋداعى ءوز پايداسىن كوزدەۋ عانا. باسقا ەلدەردىڭ 5G قۇرىلىسىنا بۇلايشا اشىقتان – اشىق قىسىم كورسەتۋ مەن كيلىگۋ، جۇڭگو مەن برازيليانىڭ قالىپتى سەلبەستىگىنە كەدەرگى بولۋ مەن ءبۇلدىرۋ ارەكەتىنە جۇڭگو جاق قاتاڭ نارازىلىق بىلدىرەدى ءارى باتىل قارسى تۇرادى.
مالىمدەمەشى مىنانى اتاپ كورسەتتى: ا ق ش — جۇرتقا بەلگىلى دۇنيە جۇزىندەگى باستى «حاككەرلەر يمپەرياسى»، دۇنيە جۇزىندەگى دەرەك تورىنىڭ حاۋىپسىزدىگىنە شىنايى حاۋىپ ءتوندىرۋشى. ا ق ش اقپار تاراۋلارى ۇزاق ۋاقىتتان بەرى وداقتاستارىن قامتىعان شەتەل ۇكىمەتتەرىنە، كاسىپورىندارىنا جانە جەكەلەرگە كەڭ كولەمدى، ۇيىمدى، پارىقسىز تۇردە زاڭسىز جاسىرىن تىڭداۋ جۇرگىزىپ، باسقا مەملەكەتتەردىڭ قۇپيالىعى مەن حاۋىپسىزدىگىنە اۋىر سۇعاناقتىق جاسادى. سونىمەن بىرگە، ا ق ش جاق ەشقانداي دالەل – فاكتى جوق جاعدايدا، مەملەكەت قۋاتىنان الباتى پايدالانىپ، جۇڭگونىڭ جوعارى عىلىم – تەحنيكا سالاسىنداعى كاسىپورىندارىنا ءتاسىل تالعاماستان جالا جاپتى. ا ق ش جاقتىڭ ارەكەتتەرى اشىقتان – اشىق زورەكەرلىك جۇرگىزۋ، مۇنداي ارەكەت حالىقارالىق قوعامنىڭ كەڭ كولەمدى قارسىلىق بىلدىرۋىنە ۇشىرادى ءارى جالعاستى ۇشىرايتىن بولادى.
مالىمدەمەشى مىنانى ءبىلدىردى: جۇڭگو جاق برازيليانىڭ جۇڭگونى قامتىعان ءار ەل كاسىپورىندارىنا اشىق، ءادىل جانە كەمسىتپەۋ سىندى نارىقتىق ەرەجە شىعارىپ، جۇڭگو – برازيليا ەكونوميكا – ساۋدا سەلبەستىگىنە جالعاستى تاماشا تيجارات ورتاسىن جاراتاتىنىنا سەنەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
