ج ك پ ورتالىق كوميتەتىنىڭ، مەملەكەتتىك كەڭەستىڭ 32 - كەزەكتى وليمپيادا سپورت جارىسىنا قاتىناسقان جۇڭگو دەنەتاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى
2021.08.09 16:10 كەلۋ قاينارى : حالىق تورابى
جۇڭگو دەنەتاربيە ۋاكىلدەر ۇيىرمەسىنە:
32 - كەزەكتى وليمپيادا سپورت جارىسىندا تۇتاس ۇيىرمەدەگى جولداستاردىڭ بەينەسى كورنەكتى بولىپ، 38 التىن مەدال، 32 كۇمىس مەدال، 18 قولا مەدال الۋداي ۇزدىك ناتيجەگە قول جەتكىزىپ، سپورت ناتيجەسى مەن رۋحاني وركەنيەتتەن بىردەي زور تابىس جاراتۋدى جۇزەگە اسىرىپ، وتان مەن حالىققا داڭق اپەردى. پارتيا ورتالىق كوميتەتى، مەملەكەتتىك كەڭەس سىزدەردى قىزۋ قۇتتىقتايدى جانە شىنايى حال سۇرايدى!
سىزدەر جاڭا تيپتى ايدارشا ۆيرۋس وكپە قابىنۋ ىندەتىنىڭ شايقاسقا دايىندالىپ، جارىسقا قاتىناسۋعا الا كەلگەن قاتاڭ سىن - سايىسىن جەڭىپ، جاپا - ماشاقاتتان قورىقپاي، عىلمي جاتتىعۋ جاساپ، اتويلاپ الدا ءجۇرىپ، ءبىرىنشى بولۋ جولىندا باتىلدىقپەن كۇرەس جۇرگىزىپ، جارىسقا قاتىناسۋ مىندەتىن تابىسپەن ورىنداڭىزدار. وتكەن 16 كۇندە وتان مەن حالىق سىزدەردىڭ جارىس الاڭىنداعى تاماشا بەينەلەرىڭىزگە قىزۋ نازار اۋدارىپ، ەلىمىزدىڭ دەنەتاربيە ساڭلاقتارىنىڭ قول جەتكىزگەن ءاربىر ناتيجەسىنە قۋانىپ جانە ماقتانىپ وتىردى. سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، باتىلدىقپەن سايىس جاريالاپ، وزدەرىڭىزدەن اسىپ ءتۇسىپ، جۇڭگو كۇشىن تاسقىنداتىپ، اسقاق جىگەردى، قايسار ستيلدى، ىسىلعان ونەردى ايگىلەپ، وليمپيادا رۋحى مەن جۇڭحۋا دەنەتاربيە رۋحىن جاندى ءتۇسىندىرىپ، «بورىش ارقالاپ، كۇرەس جۇرگىزەمىن» دەگەن ءومىر سەرتىن جۇزەگە اسىردىڭىزدار. سىزدەر دۇنيە جۇزىندەگى ءار ەلدىڭ، ءار رايوننىڭ سپورتشىلارىمەن بىرگە باسەكەگە ءتۇسىپ، ءوزارا اقىلداسىپ، اۋىس - كۇيىستى جەبەپ، دوستىقتى كۇشەيتتىڭىزدەر. سىزدەردىڭ كورنەكتى بەينەلەرىڭىز ەل ءىشى - سىرتىنداعى جۇڭحۋا ۇلاندارىنىڭ وتانشىلدىق ىنتاسىن ونان ارى قوزعاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ىنتىماقتاسا كۇرەس جاساۋىنا، زەيىن - زەردەنى، كۇش - قۋاتتى شوعىرلاندىرۋىنا رۋحاني كۇش قوستى.
قازىر بۇكىل پارتيا، بۇكىل ەلدەگى ءار ۇلت حالقى تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي قادام تاستاۋدا. سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋەلگى ماقساتتى، بورىشتى ەستە بەرىك ساقتاپ، جۇڭگو دەنەتاربيەسىنىڭ داڭقتى ءداستۇرىن ۇزدىكسىز ساۋلەلەندىرىپ، داندايسۋدان، ۇشقالاقتىقتان ساقتانىپ، كۇش ۇستىنە كۇش قوسىپ، ەلىمىزدىڭ باسەكەلىك دەنەتاربيەسىنىڭ جالپىلىق قۋاتىن ونان ارى جوعارىلاتىپ، وتانعا داڭق اپەرۋ قابىلەتىن جوعارىلاتىپ، قالىڭ حالىق بۇقاراسىنىڭ، اسىرەسە، جاستار مەن ورەندەردىڭ دەنەتاربيە قيمىلىنا قاتىناسۋ ىنتاسىن قوزعاپ، بۇقارالىق دەنەتاربيەنىڭ دامۋىنا جەتەكشىلىك ەتىپ، حالىقتىڭ دەنە قۋاتىن كۇشەيتۋگە، دەنەتاربيەدە قۇدىرەتتى ەل قۇرۋدى ىلگەرىلەتۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور كۇش قوسۋلارىڭىزدى ءۇمىت ەتەمىز.
وتان مەن حالىق سىزدەردىڭ امان - ەسەن، ءساتتى ورالۋلارىڭىزدى كۇتۋدە!
ج ك پ ورتالىق كوميتەتى
مەملەكەتتىك كەڭەس
2021 - جىلى 8 - ايدىڭ 8 – كۇنى
(شينحۋا اگەنتتىگى، 8 - ايدىڭ 8 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
