بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بەيجيڭ قىسقى وليمپيادا سپورت جارىسى ورايىن مىقتى يگەرىپ، جالپى حالىقتىق دەنە شىنىقتىرۋ جانە دەنەتاربيەدە قۇدىرەتتى ەل بولۋ قۇرىلىسىن ىلگەرىلەتەيىك

شينحۋا اگەنتتىگىنىڭ ءتىلشىسى

2021.08.09 16:12     كەلۋ قاينارى : حالىق تورابى

  بيىل 8 - ايدىڭ 8 - كۇنى − ەلىمىزدىڭ 13 - رەتكى جالپى حالىقتىق دەنە شىنىقتىرۋ كۇنى. جاڭا داۋىردە جالپى حالىقتىق دەنە شىنىقتىرۋ بۇرىن بولىپ كورمەگەن دەڭگەيگە كوتەرىلىپ، اناعۇرلىم باي مازمۇنعا يە بولدى. باس شۋجي شي جينپيڭنىڭ جەتەكشىلىگىندە، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق جۇمىستارى جالپى حالىقتىق دەنە شىنىقتىرۋدىڭ ورىستەتىلۋى مەن دەنەتاربيەدە قۇدىرەتتى ەل بولۋ قۇرىلىسىن جان - جاقتى ىلگەرىلەتۋدە.

  شي جينپيڭ جولداستى ۇيىتقى ەتكەن پارتيا ورتالىق كوميتەتى بەيجيڭ قىسقى وليمپياداسىن، مۇگەدەكتەر وليمپياداسىن وتكىزۋگە ءوتىنىش بەرۋدە جانە ونى وتكىزۋدە بيىكتە تۇرىپ، الىستى بولجاعان جوبا جاسادى. مۇنىڭ ىشىندە جالپى حالىقتىق دەنە شىنىقتىرۋ ماڭىزدى ورىندا تۇرادى.

  2017 - جىلدىڭ باسىندا باس شۋجي شي جينپيڭ حالىقارالىق وليمپيادا كوميتەتىنىڭ ءتوراعاسى باحپەن كەزدەسكەندە مىنانى بىلدىرگەن بولاتىن: بەيجيڭ قىسقى وليمپياداسىن وراي ەتىپ، باسەكەلىك سپورتتى اناعۇرلىم جاقسى، اناعۇرلىم تەز، اناعۇرلىم جوعارى ورەلى، اناعۇرلىم پارمەندى ورىستەتەمىز، سونىمەن بىرگە، بۇقارالىق سپورتتى كۇش سالا دامىتىپ، جالپى حالىقتىق دەنە شىنىقتىرۋ ارقىلى جالپى حالىقتىڭ سالاماتتىعىن جۇزەگە اسىرىپ، جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرامىز.

  عاسىرلىق ۇلى جوسپاردا حالىققا پايدالى ىستەر بارىنەن جوعارى قويىلادى

  باس شۋجي شي جينپيڭ بەيجيڭ قىسقى وليمپياداسىنىڭ، مۇگەدەكتەر قىسقى وليمپياداسىنىڭ دايىندىق قىزمەتىنە باستان - اياق كوڭىل ءبولىپ كەلەدى. ول العا قويعان «جاسىل بولۋ، بىرگە يگىلىكتەنۋ، اشىق، پاك بولۋ» سىندى وليمپيادا سپورت جارىسىن وتكىزۋدەگى 4 نەگىزگى ۇستانىم بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپيادا سپورت جارىسىنىڭ دايىندىق جۇمىستارىنىڭ ءاربىر بۋىنىمەن ساباقتاسىپ، قازىر سۇبەلى تابىستارعا قول جەتكىزىلدى.

  − وليمپيادانى جاسىل بولۋ تالابى بويىنشا وتكىزۋ: بەيجيڭ قىسقى وليمپيادا سپورت جارىسىنىڭ مۇز ءۇستى نىسانى سارايى مەن جارىسقا جاتپايتىن سارايلارى تۇگەلدەي جاسىل قۇرىلىستىڭ ءۇش جۇلدىزدى ولشەمىنە جەتكىزىلەدى. بارلىق جارىس الاڭدارى مەن سارايلارىندا %100 جاسىل ەلەكتر قۋاتى پايدالانىلادى. مۇزداعى 4 نىسان سارايىندا جاڭا تۇرپاتتى كومىرتەگى قوس توتىعى توڭازىتقىش ءدارىسى − قازىرگى دۇنيە جۇزىندەگى ەڭ وزىق دارەجەدە ورتانى قورعايتىن مۇز جاساۋ تەحنيكاسى قولدانىلىپ، كومىرتەگىنىڭ ىعىستىرىلۋى نولگە تاياتىلادى. يانچيڭ جارىس رايونىندا جالپى 2 ميلليون 140 مىڭ شارشى مەترلىك ەكولوگيانى قالپىنا كەلتىرۋ قىزمەتى ورىندالدى... وسىلايشا قىسقى وليمپيادا سپورت جارىسىنا كورىكتى جۇڭگو نەگىزى قالاندى. بەيجيڭ قىسقى وليمپيادا سپورت جارىسىن سايكەستىرۋ كوميتەتىنىڭ ءتوراعاسى، حالىقارالىق وليمپيادا كوميتەتى ءتوراعاسىنىڭ ورىنباسارى كىشى سامارانچ بىلاي دەدى: بەيجيڭ قىسقى وليمپيادا سپورت جارىسى «ەڭ جاسىل» وليمپيادا سپورت جارىسىنا اينالادى.

  − وليمپيادانى بىرگە يگىلىكتەنۋ تالابى بويىنشا وتكىزۋ: بەيجيڭ قىسقى وليمپياداسىنا دايىندالۋ بەيجيڭ - تيانجين - حىبەيدى سايكەستى دامىتۋ ستراتەگياسىن جاپپاي اتقارۋدا جەتەكشىلىك رول اتقارادى؛ بەيجيڭ - جاڭجياكوۋ دەنەتاربيە مادەنيەت ساياحات بەلدەۋىنىڭ قالىپتاسۋىن ىلگەرىلەتىپ، جەلى بويىنداعى بۇقارانىڭ جۇمىستانۋىنا، كىرىسىن ارتتىرىپ، اۋقاتتانۋىنا جەتەكشىلىك ەتەدى. حالىق بۇقاراسىن يگىلىككە كەنەلتۋ − قىسقى وليمپيادا سپورت جارىسىن وتكىزۋدىڭ ماندىك تياناعى. ساناققا قاراعاندا، بەيجيڭ قىسقى وليمپيادا سپورت جارىسىنىڭ ءبىر ءبولىم قار ءۇستى جارىس تۇرلەرىن وتكىزەتىن جاڭجياكوۋ قالاسىنىڭ چۇڭلي رايونىندا ءار 5 ادامنىڭ ىشىندە ءبىر ادام قار - مۇز سپورتىنا قاتىستى قىزمەتپەن شۇعىلدانادى ەكەن. 2019 - جىلدىڭ سوڭىنا دەيىن چۇڭلي قار شاڭعى الاڭىن قۇرىپ، جەرگىلىكتى ورىننان 2 مىڭعا تارتا ادامدى جۇمىسقا باۋراعان، بۇلار جالپى جۇمىسشى - قىزمەتكەرلەر سانىنىڭ %90 تەن استامىن ۇستايدى. ءار جاقتىڭ اقىل - پاراساتىن شوعىرلاندىردى، ءار سالانىڭ كۇشىن ۇيىستىردى، توڭىرەكتىڭ ءتورت بۇرىشىن گۇلدەندىرۋگە ءتيىمدى بولدى، بەيجيڭ قىسقى وليمپيادا سپورت جارىسىن وتكىزۋگە دايىندالۋ تاماشا قوعامدىق اسەر تۋدىردى.

  − وليمپيادانى اشىق ۇستاۋ تالابى بويىنشا وتكىزۋ: بەيجيڭ قىسقى وليمپيادا سپورت جارىسىن ۇيىمداستىرۋ كوميتەتى حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى، حالىقارالىق قىسقى جەكە تۇرلەر دەنەتاربيە بىرلەستىگى سياقتى جاقتارمەن باستان - اياق تاماشا سەلبەستىكتى ساقتادى؛ قوعامدىق قارجى مەن قوعامدىق كۇشتەردى دايىندىق قىزمەتىنە قاتىناسۋعا باۋرادى؛ دۇنيە جۇزىندەگى 18 مەملەكەت پەن رايوننان 57 ۇسىنىس ەتىلگەن ماماندى تاڭداپ، بەيجيڭ قىسقى وليمپيادا سپورت جارىسىن ۇيىمداستىرۋ كوميتەتىنىڭ ون نەشە تاراۋىندا قىزمەت ىستەۋگە ورنالاستىردى. بەيجيڭ قىسقى وليمپياداسى سىرتقا ەسىك اشۋدىڭ جەبەۋشىسىنە اينالدى.

  − وليمپيادانى پاك بولۋ تالابى بويىنشا وتكىزۋ: بەيجيڭ قىسقى وليمپيادا سپورت جارىسىن ۇيىمداستىرۋ كوميتەتى جارىس وتكىزۋ جوباسىن قاراپايىمداستىرىپ، جارىستى تارتىمدى وتكىزۋ مەن ۇنەمشىلدىكپەن وتكىزۋدىڭ بىرلىگىن قۇلشىنا جۇزەگە اسىردى؛ ءارقايسى نىساننىڭ اينالىمىن قازىنالىق باقىلاۋدى كۇشەيتىپ، دايىندىق قىزمەتىنىڭ پاك، ءونىمدى بولۋىنا كەپىلدىك ەتتى؛ ۇنەمشىلدىك پرينسيبىندە تاباندى بولىپ، استا - توك ىسىراپشىلدىققا سالىنباي، ەڭ ۇنەمشىل تاسىلمەن قىسقى وليمپيادا سپورت جارىسىن وتكىزۋگە دايىندالدى. مىسالى، قارجىنى ۇنەمدەۋ ءۇشىن، مەملەكەتتىك قار شانا ورتالىعى جوعارى ەڭبەكاقىمەن شەتەل ۇيىرمەلەرىن ۇسىنىس ەتۋدەن باس تارتىپ، دەربەس جاڭالىق جاراتىپ، 1.9 كيلومەترلىك بەتون جارىس جولىن وزدەرى ازىرلەدى.

  وليمپيادا سپورت جارىسىن وتكىزۋدەگى 4 نەگىزگى ۇستانىمنىڭ جەتەكشىلىگىندە، بەيجيڭ قىسقى وليمپيادا سپورت جارىسىنا دايىندالۋشىلار عاسىرلىق ۇلى جوسپاردان جازباي، دەن قويا جوبالاپ، دەن قويا قۇرىلىس جۇرگىزىپ، جوبا مەن جوسپار بويىنشا ىلگەرىلەتىپ، بايىپتىلىقپەن ساپاعا، سانعا كەپىلدىك ەتىپ، ساپالى، ەكولوگيالىق، گۋمانيتارلىق، پاك سارا ينجەنەريالاردى جاراتتى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى بەيجيڭ قىسقى وليمپيادا سپورت جارىسىنىڭ دايىندىق قىزمەتىنىڭ ورنىقتى ىلگەرىلەۋىنە بوگەت بولا المادى، بىلتىر جىل سوڭىندا 12 جارىس الاڭى، سارايى تۇگەلدەي سالىنىپ بولدى، سونداي - اق قاتىستى حالىقارالىق جەكە تۇرلەر دەنەتاربيە ۇيىمدارىنىڭ تەكسەرىپ وتكىزىپ الۋى مەن كۋالاندىرۋىنان ءوتىپ، جوعارى باعاعا يە بولدى.

  بەيجيڭ قىسقى وليمپياداسىنا، مۇگەدەكتەر وليمپياداسىنا دايىندالۋ بارىسىندا باس شۋجي شي جينپيڭ ءتۇرلى قۇرىلىس پەن وزگەرتۋ ينجەنەرياسىنان كەيىنگى پايدالانۋ ماسەلەسىن جان - جاقتى ويلاستىرۋدى تالاي رەت دارىپتەدى. ول مىنالاردى اتاپ كورسەتتى: قىسقى وليمپيادا سپورت جارىسىنان پايدالانۋدى بەلسەنە جوسپارلاپ، اۋقىمدى جارىس وتكىزۋدى جالپى حالىقتىق دەنە شىنىقتىرۋعا قىزمەت وتەۋمەن ۇشتاستىرۋ كەرەك.

  سارا ينجەنەريا قالىپتاستىرۋ دۇنيە ءجۇزى كوز تىككەن جارىس ىستەرىن وتكىزۋ ءۇشىن عانا ەمەس، ونان دا ماڭىزدىسى، جارىستان كەيىنگى جالپى حالىقتىق دەنە شىنىقتىرۋ سياقتى حالىقتىڭ ۇزاق بولاشاقتىق باقىتى ءۇشىن.

  باس شۋجي شي جينپيڭنىڭ تالابى مەن جەتەكشىلىگىندە، بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ بارلىق جارىس الاڭدارى مەن سارايلارى قىسقى وليمپيادا سپورت جارىسىنىڭ، سونداي - اق باسقا دا جارىس ىستەرىنىڭ قاجەتىن قاناعاتتاندىرۋمەن بىرگە، جارىستان كەيىنگى قار - مۇز سپورتىنا، بۇقارانىڭ دەنە شىنىقتىرۋىنا قىزمەت وتەۋدىڭ ۇزاق بولاشاقتىق جوباسىن جاساپ، تارتىمدى وليمپيادا سپورت جارىسى مەن جارىستان كەيىن الاڭ - سارايلاردى پايدالانۋ، تيجارات ەتۋ، باياندى بولۋ سىندى قوس نىسانانى جۇزەگە اسىرۋعا كەپىلدىك ەتتى.

  بەيجيڭ قالالىق اۋقىمدى نىساندار قۇرىلىسىنا قولباسشىلىق ەتۋ شتابى كەڭسەسى مەڭگەرۋشىسىنىڭ ورىنباسارى يۇي دىچۋان بىلاي دەدى: «بەيجيڭ قىسقى وليمپيادا سپورت جارىسىنىڭ الاڭ - سارايلارى جارىستان كەيىن جۇرتشىلىققا اشىق ۇستالىپ، جۇرتشىلىقتىڭ قار - مۇز سپورتىنا قاتىناسۋ شارت - جاعدايى بارىنشا جاقسارتىلىپ، 300 ميلليون ادامنىڭ قار - مۇز سپورتىنا ات سالىسۋىنا قاتتى بولشەك جانە تەحنيكا جاقتارىنان تىرەك ازىرلەيدى».

  عاسىرلىق ۇلى جوسپاردا ۇزاق بولاشاقتى جان – جاقتى ويلاستىردى، جالپى حالىقتىق دەنە شىنىقتىرۋدا حالىققا پايدالى بولۋدى بارىنەن جوعارى ورىنعا قويدى. وليمپيادا سپورت جارىسىن وتكىزۋدەگى 4 نەگىزگى ۇستانىمنان جارىس الاڭدارى مەن سارايلارىن جارىستان كەيىنگى جالپى حالىقتىق دەنە شىنىقتىرۋعا قىزمەت ەتتىرۋ جوباسىنا دەيىن «حالىقتى وزەك ەتۋ» ۇستانىمى ايگىلەندى.

  دەنەتاربيەدە قۇدىرەتتى ەل بولۋدىڭ نەگىزى بۇقارالىق دەنەتاربيەدە

  «جالپى حالىقتىق دەنە شىنىقتىرۋ كۇنى» 2009 - جىلى بەلگىلەندى؛ 2012 - جىلى «جالپى حالىقتىق دەنە شىنىقتىرۋ قيمىلىن كەڭ كولەمدە ورىستەتۋ» 18 - قۇرىلتايدىڭ بايانداماسىنا ەنگىزىلدى؛ 2014 - جىلى جالپى حالىقتىق دەنە شىنىقتىرۋ مەملەكەتتىك ستراتەگياعا كوتەرىلدى. مەملەكەت ىستەرى كوركەيسە، دەنەتاربيە گۇلدەنەدى. جالپى حالىقتىق دەنە شىنىقتىرۋدىڭ ماڭىزدىلىعى دارەجە بويىنشا جوعارىلاپ، ءداۋىردىڭ وزگەرىسىنە ساي، دەنەتاربيەنىڭ مازمۇنى مەن سىرتقا كەڭەيۋىندە كەلەلى وزگەرىستەر تۋىلدى.

  دەنەتاربيە − قوعامنىڭ دامۋى مەن ادامزاتتىڭ العا باسۋىنىڭ ماڭىزدى بەلگىسى، مەملەكەتتىڭ جالپىلىق قۋاتى مەن مەملەكەتتىڭ جۇمساق كۇشىنىڭ ماڭىزدى بەينەسى. دەنەتاربيە − حالىقتىڭ سالاماتتىق دەڭگەيىن جوعارىلاتۋدىڭ ماڭىزدى ءتاسىلى ءارى جۇڭگو ارمانىن جۇزەگە اسىرۋدىڭ ماڭىزدى مازمۇنى، جۇڭحۋا ۇلتىنىڭ ۇلى گۇلدەنۋىنە زەيىن - زەردەنى، كۇش - قۋاتتى ۇيىستىرۋدىڭ قۇدىرەتتى رۋحاني كۇشىن ازىرلەيدى.

  دەنەتاربيە وسىنشاما ماڭىزدى. مۇنىڭ ىشىندە بۇقارالىق دەنەتاربيە توتەنشە ماڭىزدى. باس شۋجي شي جينپيڭ: دەنەتاربيەدە قۇدىرەتتى ەل بولۋدىڭ نەگىزى بۇقارالىق دەنەتاربيەدە، − دەپ اتاپ كورسەتكەن بولاتىن.

  پارتيانىڭ 19 - قۇرىلتايىندا «جالپى حالىقتىق دەنە شىنىقتىرۋ قيمىلىن كەڭىنەن ورىستەتىپ، دەنەتاربيەدە قۇدىرەتتى ەل قۇرۋدى جەدەلدەتۋ» نىساناسى ايقىن ورتاعا قويىلدى. دەنەتاربيەدە قۇدىرەتتى ەل قۇرۋدا جالپى حالىقتىق دەنە شىنىقتىرۋدان باستاۋ كەرەك. جالپى حالىقتىق دەنە شىنىقتىرۋ − جالپى حالىقتىڭ سالاماتتىعىن جۇزەگە اسىرۋدىڭ ماڭىزدى جولى، «ەكى 100 جىلدىق» كۇرەس نىساناسىن، جۇڭگو ارمانىن جۇزەگە اسىرۋدىڭ سالاماتتىق نەگىزى.

  2014 - جىلى مەملەكەتتىك كەڭەس «دەنەتاربيە كاسىبىن جەدەل دامىتىپ، دەنەتاربيە تۇتىنۋىن جەبەۋ جونىندەگى ءبىرقانشا پىكىردى» باسىپ تاراتىپ، جالپى حالىقتىق دەنە شىنىقتىرۋدى مەملەكەتتىك ستراتەگيا دەڭگەيىنە كوتەردى.

  تاياۋدا مەملەكەتتىك كەڭەس باسىپ تاراتقان «جالپى حالىقتىق دەنە شىنىقتىرۋ جوسپارىندا (2021 – جىلدان 2025 – جىلعا دەيىن)» بىلاي دەپ اتاپ كورسەتىلدى: ەلىمىزدىڭ جالپى حالىقتىق دەنە شىنىقتىرۋىندا وڭىرلەر ارا دامۋ بىركەلكى بولماۋ، الەۋمەتتىك قىزمەت وتەۋمەن قامداۋ تولىق بولماۋ سياقتى ماسەلەلەر ءالى دە ورىن تەۋىپ وتىر.

  قار - مۇز سپورتى − بۇقارالىق سپورتتاعى ولقى ءتۇيىن. بۇرىن «قار - مۇز سپورتى شانحايگۋانعا جالپىلاسا المايدى» دەگەن ءسوز بار بولاتىن، وسى ءسوز ەلىمىزدىڭ قار - مۇز سپورتىنىڭ وڭىرلەر ارا دامۋداعى تەڭسىزدىك جاعدايىن وبرازدى تۇردە بەينەلەدى.

  2017 - جىلى 1 - ايدا باس شۋجي شي جينپيڭ بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ دايىندىق قىزمەتتەرىن تەكسەرگەندە بىلاي دەپ دارىپتەدى: ءبىزدىڭ بەيجيڭ قىسقى وليمپيادا سپورت جارىسىن وتكىزۋدى ءوتىنىش ەتۋدەگى ماڭىزدى ماقساتىمىزدىڭ ءبىرى − ەلىمىزدىڭ قار - مۇز سپورتىنىڭ جەدەل العا باسۋىن، جالپى حالىقتىق دەنە شىنىقتىرۋدىڭ كەڭ كولەمدە ورىستەتىلۋىن ىلگەرىلەتۋ.

  بۇل − ءبىزدىڭ بەيجيڭ قىسقى وليمپياداسىنا، مۇگەدەكتەر وليمپياداسىنا دايىندالۋ بارىسىندا ارقالاعان بورىشىمىز.

  تاريحي ورايدى مىقتى يگەرىپ، جالپى حالىقتىق دەنە شىنىقتىرۋ قيمىلىن ىلگەرىلەتۋ كەرەك

  بيىل 1 - ايدا باس شۋجي شي جينپيڭ بەيجيڭ قالاسى يانچيڭ رايونىنداعى مەملەكەتتىك بيىك تاۋ شاڭعى ورتالىعىنا بارىپ تەكسەرۋ - زەرتتەۋ جۇرگىزگەندە بىلاي دەپ دارىپتەدى: بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپياداسىن وتكىزۋ ارقىلى ەلىمىزدىڭ قار - مۇز سپورتىن، اسىرەسە، قار سپورتىن ورگە باستىرىپ، 300 ميلليون ادامنىڭ ىشىندە قار - مۇز سپورتىن اناعۇرلىم ويداعىداي جالپىلاستىرىپ، دەنەتاربيەدە قۇدىرەتتى ەل قۇرۋدى ىلگەرىلەتۋ كەرەك.

  ماڭىزدى بوگەنايلىق قيمىل سانالاتىن بەيجيڭ قىسقى وليمپياداسى، مۇگەدەكتەر قىسقى وليمپياداسى «ەكى 100 جىلدىق» كۇرەس نىساناسىنىڭ شەشۋشى تاريحي توعىسۋ تۇيىنىندە جالپى حالىقتىق دەنە شىنىقتىرۋدى ىلگەرىلەتۋگە، جۇڭگونىڭ دەنەتاربيەسى مەن قوعامدىق ەكونوميكاسىنىڭ دامۋىنا وراسان زور تاريحي وراي الا كەلدى.

  بەيجيڭ قىسقى وليمپيادا سپورت جارىسى 2015 - جىلى ءساتتى وتكىزىلگەننەن كەيىن، ۇكىمەت «قار - مۇز سپورتىن دامىتۋ جوباسى (2016 - جىلدان 2025 - جىلعا دەيىن)»، «‹300 ميلليون ادامدى قار - مۇز سپورتىنا ات سالىسۋعا جەتەكتەۋ› اتقارۋ باعدارلاماسى (2018 - جىلدان 2022 - جىلعا دەيىن)»، «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن زور كۇشپەن دامىتۋ جونىندەگى پىكىر» سياقتى ماڭىزدى قۇجاتتاردى ىركەس - تىركەس جاريالاپ، قار - مۇز سپورتىنىڭ جالپىلاسۋى مەن دامۋىن ساياسات تۇرعىسىنان ىلگەرىلەتتى.

  6 جىلدان بەرى قار - مۇز سپورتى «وڭتۇستىككە قانات جايىپ، باتىسقا كەڭەيىپ، شىعىستا ىلگەرىلەدى»، وڭتۇستىكتەگى كوپتەگەن رايون دا قار - مۇز قۇرىلعىلارىن سالا باستادى، جىجياڭ، گۇيجوۋ، حۋبەي سياقتى جەرلەردە قار - مۇز ساياحاتشىلارى جىلىنا ورتا ەسەپپەن %10 اينالاسىندا ورنىقتى ارتتى. ءتىپتى دە كوپ جاستار مەن ورەندەر قار - مۇز سپورتىنا قاتىناسىپ، ءتىپتى دە كوپ بۇقارا مۇز الاڭىنا، قار الاڭىنا بارىپ، جالپى حالىقتىق دەنە شىنىقتىرۋعا تىڭ مازمۇن قوسىپ، دەنەتاربيەدە قۇدىرەتتى ەل قۇرۋعا پارمەندى قوزعاۋشى كۇش ۇستەدى.

  بيىل كوكتەم مەرەكەسى كەزىندە 10 مىڭنان استام ادام ىلگەرىندى - كەيىندى بەيجيڭدەگى باداليڭ قار شاڭعى الاڭىنا بارىپ شاڭعى تەپتى، بەلەت ساتۋ تەرەزەسىندەگى قىزمەتكەرلەر «بۇدان بۇرىن مۇنداي قاربالاس بولعان ەمەسپىز» دەستى. قار الاڭىنىڭ باس ديرەكتورى ۋ بين تەبىرەنە بىلاي دەدى: «‹300 ميلليون ادامدى قار - مۇز سپورتىنا ات سالىسۋعا جەتەكتەۋدىڭ› اسەرى وتە كۇشتى بولدى».

  300 ميلليون ادامدى قار - مۇز سپورتىنا ات سالىسۋعا جەتەلەۋ جالپى حالىقتىق دەنە شىنىقتىرۋدىڭ نەگىزىن بەكەمدەپ، جۇڭگونىڭ دەنەتاربيەدە قۇدىرەتتى ەل بولۋ قۇرىلىسىن جەدەلدەتۋمەن بىرگە، دۇنيە ءجۇزىنىڭ قار - مۇز سپورتىنا دا وراسان زور ۇلەس قوسادى. حالىقارالىق وليمپيادا كوميتەتىنىڭ ءتوراعاسى باح بىلاي دەدى: «بۇل قار - مۇز سپورتىنىڭ، ءتىپتى، دۇنيە ءجۇزى دەنەتاربيە ىستەرىنىڭ دامۋىنداعى وراسان زور ورايعا اينالادى».

  بەيجيڭ قىسقى وليمپيادا سپورت جارىسىن وتكىزۋدى ءوتىنىش ەتۋ ءساتتى بولعاننان كەيىنگى 2 - جىلى بەيجيڭ قالالىق قار شاڭعى قوعامى قۇرىلدى ءارى بەيجيڭ قالاسى تاريحىنداعى تۇڭعىش جاستار - ورەندەر شاڭعى كومانداسىن قۇردى. 2019 - جىلى 2 - ايدا ولار مەملەكەتتىك 2 - كەزەكتى جاستار سپورت جارىسىنىڭ اسقار تاۋدا شاڭعى تەبۋ جارىسىندا 6 ءتۇر بويىنشا التىن، كۇمىس مەدال الدى. بەيجيڭ قالالىق قار شاڭعى قوعامىنىڭ ءتوراعاسى لي شياۋميڭ بىلاي دەدى: «بەيجيڭ قىسقى وليمپيادا سپورت جارىسىن وتكىزۋ بالالاردىڭ قار - مۇز سپورتىنا ات سالىسۋىنا، ءوز ارماندارىنا تالپىنۋىنا وراي جاراتتى».

  دەنەتاربيە ىستەرى نىعايسا، جۇڭگو قۇدىرەتتەنەدى. ءبىز ءداۋىردىڭ ماڭىزدى تاپسىرماسىن ورىنداپ، «ۇنەمشىل، حاۋىپسىز، تارتىمدى وليمپيادا جينالىسىن وتكىزۋ» تالابى بويىنشا، بەيجيڭ قىسقى وليمپياداسىن، مۇگەدەكتەر وليمپياداسىن تارتىمدى، وزگەشە، ەلدەن ەرەك ەتىپ وتكىزىپ، دەنەتاربيەدە قۇدىرەتتى ەل بولۋ نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋىمىز كەرەك.

  (شينحۋا اگەنتتىگى، 8 - ايدىڭ 8 - كۇنى، بەيجيڭ، قالام تەربەۋشى ءتىلشى: ما باڭجيە؛ قاتىناسقان تىلشىلەر: لي لي، جي يە، ۋاڭ يۇڭ، جاڭ شياۋ)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار