افعانستانداعى تاليبان ۇيىمى سامانگان ولكەسىنىڭ ورتالىعى ايباك قالاسىن باسىپ العانىن ايتقان
2021.08.10 16:46 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 9 – كۇنى كابۋلدان بەرگەن حابارى. افعانستان تاليبان ۇيىمىنىڭ مالىمدەمەشىسى زابيۋللا مۋجاحيدتىڭ 8 – ايدىڭ 9 – كۇنى الەۋمەتتىك جەلىدە ايتۋىنشا، تاليبان ۇيىمى سولتۇستىكتەگى سامانگان وبلىسىنىڭ ورتالىعى ايباك قالاسىن باسىپ العان.
قازىرگە دەيىن، افعانستان ۇكىمەتى تاليباننىڭ بۇل اقپارىنا قاتىستى جاۋاپ قايتارماعان.
افعانستان تولو تەلەۆيزياسى سامانگان ولكەلىك پارلامەنتتىڭ مۇشەسى ابۋدالايلا مۇحاممەديدىڭ سوزىنەن سيتات كەلتىرە وتىرىپ: «افعانستان ۇكىمەت ارمياسى تاليبانمەن شايقاس جۇرگىزبەستەن، ايباك قالاسىنان شەگىندى»، — دەپ حابارلاعان.
ا ق ش ارمياسى 5 – ايدىڭ 1 – كۇنى افعانستاننان شەگىنگەننەن بەرى، بۇل تاليبان باسىپ الدىق دەپ جاريالاعان 6 – ولكەنىڭ ورتالىعى.
8 – ايدىڭ 9 – كۇنى تاليبان افعانستاننىڭ سولتۇستىگىندەگى تاحار ولكەسىنىڭ ورتالىعى تالوقان قالاسىن، كوندوز ولكەسىنىڭ ورتالىعى كوندوز قالاسىن جانە سارەپۋل ولكەسىنىڭ ورتالىعى سارەپۋلدى باسىپ العانىن جاريالاعان، 8 – ايدىڭ 6 – كۇنى جانە 7 – كۇنى جەكە – جەكە باتىس وڭتۇستىك بولىكتەگى نيمرۋز ولكەسىنىڭ ورتالىعى زارانجي قالاسى مەن سولتۇستىك بولىكتەگى جوزجان ولكەسىنىڭ ورتالىعى شىبىرعان قالاسىن باسىپ العانىن جاريالاعان بولاتىن.
تاليبان سۇراپىل شابۋىل جاساعان جاعدايعا باعىتتاي وتىرىپ، افعانستان زۇڭتۇڭى عاني 8 – ايدىڭ 9 – كۇنى ءارقايسى توپتاردىڭ باسشىلارىن شاقىرىپ، ءماجىلىس اشتى. افعانستان زۇڭتۇڭ سارايىنىڭ حابارلاۋىنشا، ماجىلىستە ءارقايسى حالىق جاساقتارى قارۋلى كۇشتەرىن كۇشەيتۋ، اتتانىسقا كەلتىرۋ، ولاردى قارۋ – جاراقپەن قامداۋ تەبىنىن ارتتىرۋ، جەر – جەردەگى حالىق جاساقتارى قارۋلى كۇشتەرىنىڭ تاليبانعا قارسى تۇرۋىنا قولداۋ كورسەتۋ جونىندە شەشىم قابىلدانعان.
ا ق ش زۇڭتۇڭى بايدەن افعانستاندا تۇراتىن ا ق ش ارمياسىنىڭ 5 – ايدىڭ 1 – كۇنىنەن باستاپ شەگىندىرىلەتىنىن، 9 – ايدىڭ 11 – كۇنى تۇگەلدەي شەگىندىرىلىپ بولاتىنىن 4 – ايدا جاريالاعان بولاتىن. 7 – ايدىڭ 8 – كۇنى، بايدەن افعانستانداعى اسكەري مىندەتتىڭ 8 – ايدىڭ 31 – كۇنىنەن بۇرىن اياقتايتىنىن ايتقان. ا ق ش ارمياسىنىڭ افعانستاننان شەگىنۋ اياق الىسىنىڭ تەزدەۋىنە بايلانىستى، تاليبان مەن افعانستان ۇكىمەت ارمياسى اراسىنداعى شايقاس كۇن سايىن شيەلەنىسىپ، جەرگىلىكتى ورىننىڭ حاۋىپسىزدىك جاعدايى ۇزدىكسىز ناشارلاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
